Counseling with Craton

08/31/2026

ကျွန်တော် လက်ရှိ supervise လုပ်ပေးနေတဲ့ Counselor နောက်ထပ် တစ်ယောက်ပါ။ ပညာ၊ အရည်အချင်း၊ ethics ပိုင်းနဲ့ ယုံကြည်စိတ်ချရမှုအပိုင်းမှာတော့ ဘာမှပြောစရာမလိုပါဘူး။ စိတ်ပညာနဲ့ counseling ပညာကို အချိန်နှစ်နဲ့ချီပြီး ဖြည့်ဆည်းလေ့လာထားသူ တစ်ယောက်ပါ။ သူ client အသစ်တွေ စလက်ခံနေပြီမို့ counseling လုပ်ချင်ရင် သူ့ရဲ့ Dr Drama ပေ့ချ်ကနေ ဆက်သွယ်နိုင်ပါတယ်။ ကျွန်တော် recommend ပေးပါတယ်။

September 1 ရက်နေ့မှစပြီး counseling service ယူလို့ရပါပြီရှင်
ကျမကို supervision ပေးတာကတော့ ဆရာ Craton ပါ
Counseling with Craton
ကျမ သုံးတဲ့ approach က Humanistic approach ဖြစ်ပါတယ်
1 session ကို မိနစ် ၅၀ ကြာချိန်ပါ
1 session fees က မြန်မာငွေ 45000 ကျပ် ဖြစ်ပါတယ်
အသေးစိတ် စုံစမ်းလိုပါက page messenger မှ တဆင့် ဆက်သွယ် နိုင်ပါတယ်

08/30/2026

ကျွန်တော်နဲ့ လက်ရှိ supervision ယူနေတဲ့ seasoned counselor တစ်ယောက်ပါ။ သူ့ရဲ့ approach တွေက evidence based ဖြစ်ပြီး လူတစ်ယောက်ချင်းစီကို individualized လုပ်ပေးနိုင်ပါတယ်။ Counseling လုပ်ချင်တယ်ဆိုရင် မမိုးဖြူကို သူ့ရဲ့ “Finding Lights with Chandra” Facebook ပေ့ချ်ကနေ တိုက်ရိုက်ဆက်သွယ်နိုင်ပါတယ်။ တော်ပြီး အားထားရတဲ့၊ ethics ရှိတဲ့ counselor ကောင်းတစ်ယောက်ဖြစ်ပါတယ်။ အကြောင်းကြောင်းကြောင့် ကျွန်တော်နဲ့ မပြဖြစ်တဲ့ client တွေလည်း သူ့ဆီကို သွားနိုင်ပါတယ်။ ရှေ့လျှောက်လည်း သူ့ဆီကို ယုံယုံကြည်ကြည် refer လုပ်နိုင်ပါတယ်။

08/19/2026

ဦးနှောက်ရဲ့ ဧရိယာအစိတ်အပိုင်းတွေကို symptoms အလိုက် သေချာခွဲစိတ်အသုံးချ target ထားပြီး real time feedback ပေးပြီး EEG စက်၊ Cygnet software တို့နဲ့ ကုထုံးပေးတဲ့ neurofeedback therapy အတွက် ဧပြီလတုန်းက Advanced သင်တန်းထပ်ထက်ပြီး ရလာတဲ့ မွမ်းမံသင်တန်းဆင်းလက်မှတ်လေး။ ကျွန်တော် neurofeedback therapy နဲ့ ကုလာတာ (၂)နှစ်ရှိပေမဲ့ (တခြား intervention တွေနဲ့ စိတ်ကုနေတာတော့ အဲ့ထက်ပိုကြာပြီပေါ့လေ) သင်ယူစရာတွေကတော့ မကုန်ခန်းနိုင်သေးဘူး။ (၆)လတစ်ခါ၊ တစ်နှစ်တစ်ခါလောက်တော့ ဒီ therapy နဲ့ဆိုင်တဲ့ protocol အသစ်တွေ၊ research အသစ်တွေကို ဆက်လေ့လာနေရပြီး သင်တန်းတွေ မပြတ်တက်နေတုန်းပဲ။ ကိုယ့်ထက်ဝါကြီးသူ ပညာကြီးသူတွေဆီကနေ Supervision လည်း ယူနေရတုန်းပဲ။ လူ့ဦးနှောက်ဟာ သိပ်ဆန်းကြယ်ပြီး သိပ်စိတ်ဝင်စားဖို့ကောင်းတယ်။

08/05/2026

CBT (Cognitive-Behavioral Therapy) ကို အခြေခံကျကျ သေချာသင်ယူလေ့ကျင့်ချင်တဲ့ Counselor တွေ ဒီ(၂)လသင်တန်းကို တက်သင့်ပါတယ်။ ကျွန်တော် အွန်လိုင်းကနေ ဩဂုတ်နဲ့ စက်တင်ဘာမှာ သင်မှာပါ။

🌼Group Supervision & Counseling Courses
Course 4: Cognitive-Behavioral Therapy
By Sayar Craton (LCSW, CADC)

🌟ဒီသင်တန်းမှာတော့ ဆရာ Craton က Counselors တွေကို group supervision ပေးမယ့်အပြင် CBT လို့ လူသိများကြတဲ့ Cognitive-Behavioral Therapy (အသိဉာဏ်နှင့် အပြုအမူ ကုထုံး) စိတ်ကုထုံး ပြုလုပ်ပုံ၊ ပြုလုပ်နည်း skills and techniques တွေကို သေချာသင်ကြားပေးမှာဖြစ်ပါတယ်။

🌟CBT ဆိုတာ — အတွေး၊ ခံစားချက်၊ အပြုအမူ သုံးခုတို့ဟာ တစ်ခုနဲ့တစ်ခု အပြန်အလှန် သက်ရောက်နေတယ် ဆိုတဲ့ သဘောကို အခြေခံထားတာပါ။ ယေဘုယျ သဘောတရားကတော့ ပြဿနာတစ်ခု၊ ဖြစ်ရပ်တစ်ခုကို ကြည့်မြင်သုံးသပ်တဲ့အခါမှ ဒီဖြစ်ရပ်ကို ကိုယ်က ဘယ်လို အနက်အဓိပ္ပာယ်ဖွင့်သလဲ၊ ဘယ်လိုအတွေးအခေါ်မျိုးနဲ့ ရှုမြင်နားလည်သလဲဆိုတာကို အသိဉာဏ်နဲ့ ပြန်လည် ပိုင်းခြားဆင်ခြင်သုံးသပ်ပြီး ဒီအတွေးအခေါ်၊ ယုံကြည်မှုတွေကို ပြန်လည်စိန်ခေါ်ပြီး တခြားဖြစ်နိုင်တဲ့ရှုထောင့်တွေကနေကြည့်ဖို့ စိတ်နဲ့ဦးနှောက်ကို တဖြည်းဖြည်း လေ့ကျင့်သင်ကြားပေးတာပါ။ ဥပမာ - အစွန်းရောက်နေနိုင်တဲ့ (သို့မဟုတ်) အနှုတ်လက္ခဏာဆောင်နေတဲ့ maladaptive အတွေးပုံစံတွေကို စိန်ခေါ်စိစစ်ပြီး ပိုမှန်ကန်၊ ပိုယုတ္တိကျတဲ့ တခြား adaptive အတွေးပုံစံတွေနဲ့ အစားထိုးပြောင်းလဲနိုင်တဲ့အထိ တစ်ဆင့်ချင်း ကုသတာမျိုးဖြစ်ပါတယ်။

🌟CBT စိတ်ကုထုံးကို ဘယ်လိုအခြေအနေတွေမှာ ယေဘုယျအားဖြင့် အသုံးချနိုင်သလဲဆိုတော့ —
• စိတ်ဓာတ်ကျခြင်း (Depression)
• စိုးရိမ်ပူပန်ခြင်း (Anxiety)
• Panic disorder
• OCD
• Eating Disorders
• အိပ်မပျော်ခြင်း
• စိတ်ဖိစီးမှု စီမံခန့်ခွဲခြင်း
• ထရာမာ/အပြင်းစားစိတ်ဒဏ်ရာများ (PTSD)
• Substance Use (အရက်၊ မူးယစ်ဆေးဝါး စွဲလမ်းမှုပြဿနာများ) စတာတွေအပြင် Advanced CBT လို ကုထုံးနည်းလမ်းများနဲ့ဆိုရင် Psychosis လို ပြင်းထန်တဲ့စိတ်ဝေဒနာများကိုပါ (ဆေးဝါးအကူအညီနဲ့ တွဲလျက်) အတူကုသနိုင်ပါတယ်။ CBT ဟာ စိတ်ကုထုံးပညာရှင်တွေ ကမ္ဘာအနှံ့မှာ အသုံးများတဲ့၊ သုတေသနအထောက်အထားများစွာနဲ့ အထောက်အပံ့ရှိတဲ့ ကုထုံးတစ်ခုဖြစ်ပါတယ်။

📚 Course 4 Dates:
August 30
September 13
September 20
September 27

⌛ Time: 9:30am-11:30am (Myanmar Standard Time)
Platform: Zoom

👥 Paticipants: Minimum 4 to maximum 10 participants (Small Group)
Course Fees : 500,000 MMK ( installment အနေဖြင့် 250,000 MMK per month ပေးသွင်းနိုင်ပါသည်။)
💢မှတ်ချက်။ Course ကို အစမှအဆုံး တက်ရောက်နိုင်သူဖြစ်ရပါမယ်။

💢သင်တန်းတက်ရန်အခြေခံလိုအပ်ချက် (prerequisites) အနေနဲ့ ဆရာ Craton Highways ရဲ့ အရှေ့က courses ၃ခုကို တက်ထားပြီးသူ (သို့မဟုတ်) လိုင်စင်ရ counselor/psychotherapist တစ်ယောက်ယောက်ရဲ့ supervision အောက်မှာ counseling hours, direct client hours အနည်းဆုံး နာရီ(၁၀၀)ရရှိထားပြီးသူ ဖြစ်ရပါမယ် (အထောက်အထားလည်း ပြနိုင်ရပါမယ်)။

📩 တက်ရောက်လိုသူများအနေဖြင့် Caltha ရဲ့ page Messenger နှင့် Viber/Telegram no. ဖြစ်တဲ့ 09-940940191 ဆီသို့ စာရင်းပေးနိုင်ပါတယ်ရှင်။

08/03/2026

ကမ်းပင်း ခဏထွက်လာလိုက်ရင်း anxiety ကို ဖြေဖျောက်ပြီး mindfulness ကို မြှင့်တင်

07/21/2026

Emotional abuse ဆိုတာကို ဥပမာပေးရရင် ကိုယ်က အသိမိတ်ဆွေ၊ သူငယ်ချင်းအပေါင်းအသင်းတစ်ယောက်ယောက်နဲ့ဖြစ်စေ (ကျားမ ဂျန်ဒါမရွေး၊ ဘယ်သူနဲ့ဖြစ်ဖြစ်)၊ အုပ်စုတစ်ဖွဲ့ဖွဲ့နဲ့ဖြစ်စေ အပြင်မှာ သဘောရိုးနဲ့ ခဏတွေ့ဆုံလည်ပတ် စကားပြောဆိုပြီး အချိန်ကုန်ဆုံးဖြစ်တယ်ဆိုပါစို့။ အဲ့ဒါကို ကိုယ်အိမ်ပြန်ရောက်တဲ့အခါ ကိုယ့်ချစ်သူ/ရည်းစား/အိမ်ထောင်ဖက်က ကိုယ့်ကို စကားမပြောတော့ဘူး၊ silent treatment လုပ်တယ်၊ လျစ်လျူရှုထားတယ်၊ (ဒါမှမဟုတ်ရင်လည်း) အပေါ်ယံတော့ သူဘာမှမဖြစ်သလိုနေပြပြီး သူကိုယ့်ကိုဆက်ဆံပုံတွေက အေးတိအေးစက် ဆောင့်ကြီးအောင့်ကြီး၊ ခါတိုင်းလိုပုံစံမဟုတ်ဘူးဆိုပါစို့။

သူ ဘာဖြစ်နေတာလဲဆိုတာကိုလည်း သေချာထုတ်မပြောဘူး၊ ကိုယ်မေးတော့လည်း မဖြေသေးဘဲ ဘာမှမဖြစ်သလို အင်တင်တင်လုပ်နေပြီး သူဒီလိုဆက်ဆံပါများလို့ ကိုယ်က ထပ်ခါထပ်ခါ သေချာမေးမြန်းတော့မှ နောက်ဆုံးမှာ ထုတ်ပြောလာတယ်။

ကိုယ်အပြင်သွားနေတုန်း၊ ကိုယ့်အပေါင်းအပါ မိတ်ဆွေ မိသားစုနဲ့ ခဏသွားဆုံနေချိန်မှာ သူတစ်ယောက်တည်းဖြစ်ပြီး အိမ်မှာ အထီးကျန်နေရကြောင်း၊ ဒါမှမဟုတ်လည်း အဲ့အချိန်ကျမှ သူ့မှာ အကူအညီတစ်ခုခုလိုလာလို့ ဘယ်သူ့အကူအညီတောင်းရမှန်း မသိကြောင်း၊ ကိုယ်အပြင်မှာ ခဏ life ကို enjoy လုပ်နေချိန်မှာ သူ့မှာတစ်ခုခုဖြစ်လို့ ကိုယ့်ကို ရုတ်တရက် ဆက်သွယ်မရကြောင်း စသည်ဖြင့် ပြောမယ်။ အဲ့ဒါကြောင့် စိတ်ဆိုးတာ၊ upset ဖြစ်တာ ဘာညာ။

ဒါက emotional abuse မဟုတ်သေးဘူး။ သူ တကယ် အကူအညီလိုတာကလည်း အပြစ်မဟုတ်ဘူး။ သူတကယ်အကူအညီလိုလို့ သူလှမ်းဆက်သွယ်ပြီး အကြောင်းကြားလို့ ကိုယ်က ဖုန်းမကိုင်ဖြစ်တာလည်း emotional abuse မဟုတ်သေးဘူး။ တစ်ခါလည်းမဟုတ်၊ နှစ်ခါလည်း မဟုတ်၊ သုံးခါလည်း မဟုတ်၊ ကိုယ် ဒီလိုအပြင်သွားတိုင်း၊ အပေါင်းအသင်းမိတ်ဆွေ မိသားစုဝင်တွေနဲ့ ခဏတဖြုတ် သူမပါဘဲ အချိန်ကုန်ဆုံးတိုင်း ပြဿနာတစ်ခုမဟုတ်တစ်ခုရှာတတ်တယ်ဆိုရင် ဒီ pattern ဟာ emotional abuse ဖြစ်သွားပြီ။ social control ဖြစ်သွားပြီ။

သူဖြစ်နေတဲ့ခံစားချက်ကို သူ့ဘာသာသူ လေးလုံးကွဲအောင် မပြောပြနိုင်တာက emotional abuse မဟုတ်ဘူး။ ဒါ သူ့လိုအပ်ချက်။ လူတိုင်းမှာ လိုအပ်ချက်၊ သင်ယူစရာဆိုတာ ရှိတာပဲ။ ဒါပေမဲ့ ဘာဖြစ်နေတာလဲ၊ ဘာများခံစားနေရလို့လဲ၊ ဘာလုပ်ပေးရမလဲလို့ ကိုယ့်ဘက်ကမေးတိုင်း လျစ်လျူရှုတာလိုလို၊ ဘာမှမဟုတ်သလိုလို တကယ်ဘာမှမဖြစ်နေသလို ဟန်ဆောင်ပြီး တကယ်တော့ စိတ်ထဲမှာ ကိုယ့်ကို မာန်မဲပေါက်ကွဲစိတ်ဆိုးနေလို့ အပြင်မှာပါ silent treatment တွေ၊ အေးတိအေးစက်နိုင်မှုတွေ၊ တဖြည်းဖြည်း ရင့်သီးရိုင်းပျစွာ ဆက်ဆံလာမှုတွေက emotional abuse ဖြစ်တယ်။

သူလိုချင်တာကိုရဖို့ တစ်ဖက်သားကို ဝေ့လည်ကြောင်ပတ် မလှိမ့်တပတ်နဲ့ emotions တွေကို မာယာလှည့်ဖြားတာ၊ မရိုးသားတာက emotional abuse ဖြစ်တယ်။ ကိုယ်အပြင်မှာ ကိုယ်ရဲ့ ကိုယ်ပိုင်သီးခြား “me time” , “personal time and space” လေးမှာ enjoy လုပ်နေတာကို ကိုယ့်ပါတနာက မကြည်ဖြူပေးနိုင်၊ မလက်ခံပေးနိုင်တာက emotional abuse ဖြစ်ပါတယ်။

ကိုယ်က အမြဲတမ်း သူ့ကို အိမ်မှာပဲထားခဲ့ပြီး အပြင်ချည်း လျှောက်လှိမ့်နေ၊ ပျော်ပါးသောက်စားနေ၊ သူများနဲ့ပဲ အချိန်အများစုကို ကုန်ဆုံးဖြတ်သန်းနေလို့၊ သူနဲ့အတူတူ quality time မယူလို့ သူ့ဘက်က ဒီလိုတုံ့ပြန်တာဆိုရင်တော့ သူဒီလိုတုံ့ပြန်တာ သဘာဝကျနိုင်တယ်။ လက်ခံကြည့်ပေးလို့ရနိုင်တယ်။ ဒါပေမဲ့ အဲ့လိုလည်းမဟုတ်ဘဲ ကိုယ် ဘယ်သူနဲ့ပဲ တွေ့တွေ့၊ ဘာပဲသွားလုပ်လုပ် သူဘေးမှာ အတူတကွ မပါနေရင်၊ ကိုယ်ဘာလုပ်နေလဲ ဘာတွေခံစားနေရလဲ ဘာတွေတွေးနေလဲကို သူတစ်ချိန်လုံးသိချင်နေပြီး သူ မပါဝင်မပတ်သက်ရရင်ကို ရင်ထဲမှာ နေမထိ ထိုင်မသာဖြစ်နေတာချည်းကျ emotional abuse ပဲ။ အဲ့လို လုံးဝ obsessed ဖြစ်ပြီး control လိုချင်နေတာချည်းကျ healthy ဖြစ်မနေဘူး။

ဘယ် relationship မှာမဆို သင့်တင့်မျှတပြီး တရားနည်းလမ်းကျတဲ့ boundary ရှိရတယ်။ ကိုယ့်တစ်ဦးပုဂ္ဂလစီရှိသင့်တဲ့ individual social life တွေ၊ own social circles/support တွေ ရှိတာဟာ အရမ်း healthy ဖြစ်တယ်။ ကိုယ့်ရဲ့အရာရာတိုင်းနဲ့ အချိန်တိုင်းကို ကိုယ့်ပါတနာနဲ့ပဲ ကုန်ဆုံးဖြတ်သန်းနေ၊ မှီခိုနေတာဟာ balance မရှိတာပဲ။ ပါတနာအပေါ် codependency ဖြစ်လွန်းတာပဲ။ ဒီလို lifestyle မျိုးထဲဝင်နေပြီဆိုရင် ကိုယ့်ဟာကိုယ်ပြန်သုံးသပ်ဆင်ခြင်ပြီး interpersonal and social balance မျှဖို့ ကြိုးစားကြည့်နိုင်တယ်။

ဘာအကြောင်းနဲ့ပဲလုပ်လုပ် emotional abuse ဟာ emotional abuse ပဲ။ ကိုယ်လုပ်မိနေတဲ့ emotional abuse တွေ၊ manipulation တွေ၊ gaslighting တွေကို excuse တွေ၊ justification တွေ ပေးချင်ပေးလို့ရတယ်။ ဒါပေမဲ့ ကိုယ့်ရဲ့ အတွင်းစိတ်ကဖြစ်နေတဲ့ တစ်ဖက်စွန်းရောက်နေတဲ့၊ ကိုယ့်ကိုယ်ကျိုးပဲကြည့်တတ်တဲ့ intentions နဲ့ လုပ်ရပ်/အမူအကျင့်တွေဟာ emotional abuse ဖြစ်နေမှာပဲ။ ဒီလိုဖြစ်နေပြီဆိုရင် သတိထားပြီး ပြင်ဆင်ရမှာ၊ figure your stuff out and process ရမှာ ကိုယ့်တာဝန်ပဲ။

ကိုယ့်ပါတနာက ကိုယ်မတရားဘူးဘာဘူးပြောနေရင်လည်း ဟုတ်ပြီ၊ သူ့လုပ်ရပ်ကိုလည်းမြင်သလို ကိုယ့်လုပ်ရပ်ကိုရော မြင်သလား။ ဒီလို ကိုယ့်ကိုယ်ကို မမြင်ကြတာနဲ့ couples တွေဟာ relationship မှာ အဆင်မပြေကြတာ၊ မပျော်ရွှင်ကြတော့တာ များတယ်။ Couple နှစ်ယောက်အတူတူ work on လုပ်ရမှာလည်း ဖြစ်သလို ကိုယ့်တစ်ဦးချင်းစီရဲ့ behavioral health ကိုလည်း ကိုယ့်ဟာကိုယ် ကြိုးစားပြင်ဆင်ရမယ်။

ဒီပို့စ်က ဘယ်သူ့ကိုမှ မရည်ရွယ်ပါ။ Relationship, couples တွေကို counseling ပေးနေတဲ့ counselor တစ်ယောက်အနေနဲ့ ကိုယ်တိုင်ကြုံတွေ့နေတာပဲဖြစ်ဖြစ်၊ ကိုယ့်ပါတနာကြုံတွေ့နေတာပဲဖြစ်ဖြစ် cognitive and behavioral patterns တွေကို မီးမောင်းထိုး သတိမူနိုင်အောင် ရေးသားခြင်းသာဖြစ်ပါတယ်။ မိမိကိုယ်ကိုနဲ့ မိမိ relationship မှာ ဆင်ခြင်မှုတစ်ခုရနိုင်အောင်ပါ။

Counseling with Craton
July 21, 2026

07/15/2026

မပြောဘဲ မျိုချလိုက်ရတဲ့ စကားလုံးတိုင်းရဲ့နောက်ကွယ်မှာ self-control တွေ၊ ခံစားချက်တွေ၊ အရှည်ကြီးတွေးပြီး လှမ်းပူပန်နေမှုတွေ၊ တစ်ဖက်သားကို စာနာနားလည်ပေးမှုနဲ့ အားနာမှုတွေ ရှိတယ်။ တချို့စကားတွေက ထုတ်ကိုပြောရမှ အဆင်ပြေမှာပေမဲ့ တချို့စကားလုံးတွေကို ထုတ်မပြောလိုက်တာက ပိုပြီးကြင်နာမှုကိုပြသတယ်။

Counseling with Craton

07/13/2026

အမေရိကန်-ကနေဒါ အနောက်ပိုင်းနယ်စပ်က Port Angeles မြို့ နှစ်ညအိပ် သုံးရက် ခဏရောက်နေတာ။ အနားက Olympic အမျိုးသားဥယျာဉ် ဘာညာသွားရင်း တစ်ည တောထဲ ကမ်းပင်းထွက်၊ တစ်ညကိုတော့ resort မှာပဲအိပ်။

07/08/2026

တချို့ဦးနှောက်တွေက မက်ဆေ့ချ်တစ်ခုဖတ်ရင် သူများဆီကစာပဲဖြစ်ဖြစ်၊ ကိုယ်တိုင်ပို့ထားတဲ့ စာပဲဖြစ်ဖြစ် အဖန်ဖန်တလဲလဲ ခေါက်တုံ့ခေါက်ပြန် ဖတ်တယ်၊ စိစစ်သုံးသပ်တယ်၊ ဘာအဓိပ္ပာယ်ကို ဆိုလိုတာဖြစ်နိုင်လဲ ထပ်ဖန်တလဲလဲ တွေးတယ်၊ ပြီးရင် ဘာပြန်ရေးရမလဲ၊ ဘယ်လိုစာစီရမလဲ၊ ဘယ်လိုစကားလုံး သုံးရမလဲ၊ ဘယ်လိုရေးလိုက်ရင် တစ်ဖက်လူက ဘယ်လိုထင်/တွေး/သတ်မှတ်သွားနိုင်သလဲ ထပ်တွေးတယ်။ အဲ့ဒါနဲ့ပဲ အချိန်တွေကြာပြီး တော်တော်နဲ့ မပြီးတော့ဘူး။ အဲ့လို စာတွေမြောက်များစွာ ဖတ်ပြီး၊ တွေးပြီး၊ ရေးပြီးတဲ့အခါတိုင်း စိတ်တွေမော၊ လူလည်းမော၊ အတွေးတွေလည်းမျောပြီး ကျန်ရစ်ခဲ့တယ်။ ကျန်တာ ဆက်လုပ်ဖို့ စိတ်အင်အား လူအင်အား မရှိတော့ဘူး။

တချို့ဦးနှောက်တွေကျတော့ မက်ဆေ့ချ်တစ်ခုဖတ်တဲ့အခါ တော်ရုံတန်ရုံ/ သင့်လျော်ရုံတွေးတယ်။ တွေးတော့တွေးတယ်။ စိလည်းစိစပ်သုံးသပ်တယ်။ တော်သင့်ရုံအချိန်တစ်ခုပေးပြီးလို့ စာဖတ်၊ စာပြန်ပြီးသွားရင် ကျန်တာ သူလုပ်စရာရှိတာ ဆက်လုပ်နိုင်တယ်။

တချို့ဦးနှောက်တွေကျတော့ စာဖတ်၊ စာပို့၊ စာပြန်တယ်ဆိုတာ သာမန် ဖြစ်ရိုးဖြစ်စဉ်တစ်ခုပဲမို့ ခပ်ပေါ့ပေါ့ပဲ သဘောထားပြီး ဖတ်လိုက်၊ စာခဏပြန်စီလိုက်၊ ရေးလိုက်ပြီးရင် ပြီးသွားပြီ။ ဘာကိုမှ အထအနတွေ၊ အဓိပ္ပာယ် ဘာဆိုလိုတာလဲတွေ၊ သူများဘယ်လိုထင်သွားမှာလဲတွေ ဆင့်ကာဆင့်ကာနဲ့ မပြီးနိုင်မစီးနိုင်အောင် တွေးဖို့ စိတ်မဝင်စားဘူး။ အဲ့လိုလုပ်ခြင်းက ဒီလိုဦးနှောက်ပိုင်ရှင်မျိုးအတွက် သိပ်အရေးကြီးပြီး priority ဖြစ်မနေဘူး။ စာပို့၊ စာပြန်စရာရှိတာ ပြန်ပြီးရင် လွှတ်ချလိုက်ပြီး တခြားလုပ်စရာရှိတာ လုပ်လိုက်ရော။

တချို့ဦးနှောက်တွေကျတော့ အဲ့လို မက်ဆေ့ချ်တွေ ဖတ်၊ တွေး၊ အဓိပ္ပာယ်ကောက်၊ ပြန်စီပြီး စာတွေပြန်ရေးနေဖို့ကို သတိလည်းမရဘူး၊ အချိန်လည်း မပေးနိုင်/ချင်ဘူး၊ သူတို့အတွက် အဲ့ဒါက အရေးကို ကြီးမနေဘူး။ တစ်ဖက်လူကို မလေးစားလို့၊ အရေးမထားလို့၊ တစ်ဖက်လူက သူတို့အတွက် အရေးမပါလို့လည်း မဟုတ်ဘူး။ မပြီးနိုင်မစီးနိုင်တွေ စာပို့၊ စာဖတ်၊ စာပြန်နေရတာကိုက သူတို့အတွက် ဝန်ထုပ်ဝန်ပိုးတစ်ခုလို၊ ပျင်းစရာအလုပ်တစ်ခုလို သတ်မှတ်ထားတာ။ တခြားအရာတွေလောက် စိတ်ဝင်စားဖို့ ကောင်းမနေတာ။

ဒါဟာ ဦးနှောက်ရဲ့ မတူညီတဲ့အလုပ်လုပ်ပုံတွေနဲ့ functioning, planning, organization, prioritization, and management ခြားနားပုံတွေပဲ။ Executive functioning ပေါ့။ ကမ္ဘာကြီးမှာ ဘယ်ဦးနှောက်မှ တစ်ထပ်တည်း ထပ်တူမကျဘူး။ ဒီကွာခြားမှုတွေဟာ မွေးရာပါ ဦးနှောက်ဖွဲ့စည်းပုံ၊ အလုပ်လုပ်ပုံကြောင့်လဲပါသလို ကိုယ်တိုင်ကြုံတွေ့ခဲ့ဖူးတဲ့ အရင်က အတွေ့အကြုံ၊ အကျင့်စရိုက်တွေ၊ ဘေးပတ်ဝန်းကျင်ကနေ အတုယူသင်ယူခဲ့မှုတွေ၊ ရှင်သန်ခဲ့ဖူးတဲ့ ထရာမာတွေရဲ့ ရိုက်ခတ်မှု၊ ပုံသွင်းမှုတွေကြောင့်လည်း ပါတယ်။

ဒါကို အပြစ်တွေချည်းတင်နေလို့မရဘဲ သူ့ဦးနှောက်က ဘယ်လိုအလုပ်လုပ်လဲ၊ ဘယ်လို တွေးခေါ်သလဲ၊ စီမံခန့်ခွဲသလဲ၊ stimuli တွေကို ဘယ်လိုတုံ့ပြန်သလဲ၊ ဘယ်လိုနည်းလမ်းလေးသုံးရင်တော့ သူပိုမှတ်မိတယ်၊ ပို prioritize လုပ်နိုင်တယ်၊ ပို functional ဖြစ်တယ်ဆိုတာ ကိုယ့်အချင်းချင်းကြား သေချာပိုနားလည်အောင်လုပ်ပြီး ညှိနှိုင်းစာနာလိုက်ကြရင် မဖြစ်သင့်တဲ့ နားလည်မှုလွဲတဲ့ပြဿနာတွေ၊ အထင်လွဲ/အပြစ်မြင်ကြတဲ့ ပြဿနာတွေ အတော်လေး နည်းသွားမှာ။ တစ်ဦးနဲ့တစ်ဦး တကယ် ချစ်ခင်အလေးထား၊ တန်ဖိုးထားကြရင် သူ့အကျင့်စရိုက်၊ ကိုယ့်အကျင့်စရိုက်၊ ဦးနှောက်အလုပ်လုပ်ပုံ၊ စီမံခန့်ခွဲမှု ကွဲပြားတာလေးတွေကို မေးမြန်းစုံစမ်းပြီး စကားတွေ ပြောကြမှာပဲ။ Explore ကြမှာပဲ။ Be curious and open to learning each other better ကြမှာပဲ။

Counseling with Craton@

06/29/2026

ကိုယ်နဲ့ သွေးမတော်သားမစပ်တဲ့၊ ကိုယ်နဲ့လည်းမသိတဲ့ အများသူငါ လမ်းသွားလမ်းလာတွေ ပြုံးရွှင်ရယ်မောနေတာကိုတွေ့တိုင်း မျက်နှာမှာ မသိမသာ အပြုံးတစ်ပွင့် လက်ခနဲဖြစ်သွားပြီး သူလုပ်စရာရှိတာကို ဆက်လုပ်နေတတ်တယ်။ အဲ့ဒီလိုလူမျိုး နှစ်ယောက်ကို ကျွန်တော့်ဘဝမှာ (in my personal life) တွေ့ဖူးတယ်။ တစ်ယောက်ကတော့ လက်ရှိ မိတ်ဆွေတစ်ယောက်ပေါ့။ သူများ ပျော်နေပြုံးနေတာကိုမြင်တိုင်း သူပါ အလိုလို လိုက်ပျော်နေ၊ ကြည်နူးနေတတ်တာ။ Emotional Empath ကိုမှ အပြင်းစားမျိုးပေါ့။ အရမ်းနွေးထွေးနူးညံ့တဲ့ နှလုံးသားကိုပိုင်ဆိုင်ထားသူ၊ အရှေ့မှာရော အနောက်မှာပါ စိတ်မှန်မှန်ထားတတ်တဲ့သူဆိုတာ အနီးကပ် အချိန်တစ်ခုပေးပြီး ပေါင်းသင်းဆက်ဆံကြည့်မှသိတာ။ အဲ့လိုလူမျိုးတွေ တကယ်ရှိပါသေးလားဆိုတဲ့အတွေးက ရက်စက်မောပန်းစရာကောင်းတဲ့ ကမ္ဘာကြီးမှာအသက်ရှင်ရတာ မျှော်လင့်ချက်လေးဖြစ်မိပြီး ကြံဖန်အားတက်ရတာပဲ။ သူများတွေရဲ့အပျော် ကိုယ့်ဆီကူးတယ်ဆိုတာမျိုးက ဖြစ်ဖူး၊ ကြားဖူး၊ မြင်ဖူးပေမဲ့ ဒီလိုမျိုး consistently empathetic ဖြစ်ပြီး တစ်ချိန်လုံး ကိုယ်ချင်းစာ စာနာနားလည်ပေးနေတာမျိုး အတော်ရှားတယ်။ Emotional Empath အပြင်းစားတွေဟာ နှလုံးလှ စိတ်နူးညံ့တာကြောင့် အတ္တကြီး တစ်ကိုယ်ကောင်းဆန်သူတို့ရဲ့ ပစ်မှတ်ထားရာ ငါးစာ (bait/target) မကြာခဏ ဖြစ်ရလေ့ရှိတယ်။ အဲ့တော့ သူတို့မှာ ခဏခဏနာကျင်ဖူးတာကြောင့် လူတွေကို သတိထားပေါင်းရတာမျိုးတွေလည်း ရှိတယ်။ ဒါပေမဲ့ ကိုယ့်ကိုယ်ကို သေချာကာကွယ်နိုင်ပြီး သတိ၊ အသိလေးထား၊ boundary ဘာညာသေချာထားရင်တော့ အဆင်ပြေနိုင်ပါတယ်။ သူတို့ဘယ်လောက်ပဲ နာကျင်ရ၊ အနိုင်ကျင့်ခံရ၊ သစ္စာဖောက်ခံရပေမဲ့ သူတို့ဟာ သူများကို နာကျင်နစ်နာအောင်၊ သူများဘဝ စုတ်ပြတ်သတ်သွားအောင် ဘယ်တော့မှ မလုပ်ရက်ကြဘူး။ ကိုယ်ချင်းစာစိတ်အားကြီးတာကိုး။

Counseling with Craton