Qoysbile, 2329 South 9th Street Apt 207, Minneapolis, MN (2026)

08/21/2026

Qodobka sagaalaad.
9. They strengthen Three X Rule.
Waxay Xoojiyaan Qaacidadda Three X.
Lammanaha Nolosha ku liibaanay waxay xoojiyaan Qaaciddada Three X
Qodobkaan aan ugu dambaysiiyay sagaalka qodob ee Lammaaanah Guulyastay Ee Qaacidadda Three X waxay soo koobaysaa Arin kooban laakin aad muhiim u ah taas oo oo aad ku arkaysid qoys kasta oo Nolosho ku guulaystay.
Dunidaan iyo dadka ku nool Allaah ayaa abuuray oo garanaya maslaxadoodda, wanaagooda, iyo meelaha ka jilicsan yihiin, wuxuuna soo raaciyay kitaab quraan ah oo xambaarsan dhammaan tar tiibta nolosheena, hadaan raacno waa liibaannay, hadaan ka jeesanana waan xumaaanay oo waxba nooma hagaagayaan. waxaana ka dhalanaya abaalmarin iyo ciqaab .
Computarka aan hadda ku qorayo qoraalkan markii la sameeyay waxaa la soo raaciyay waraaqo kooban oo sheegaya sida la isugu xirayo, siduu u kala horreeyo, iyo barmaamijyo lagu shubayo si uu u shaqeeyo, hadii aad khalado tar tiibtiisa iyo siduu isugu xigo waa xumaanayaa oo ma kuu shaqaynayo, hadaad raacdo nidaamkii loo sameeyayna wuu kuu shaqaynaayaa sidaad rabto ayaad uga faaidaysanaysaa.
Waxaan hadda soo qaadanaynaa qaaciddo kooban laakiin guda balaaran oo aan ku soo koobayo Sagaalka Qodob ee lammaanaha guulaysta, waa qaaciddo qofkii ku dhaqma uu e heli doono qoys barakaysan oo badhaadhe ah , waa qaacido kuu horseedaysa nolol deggen, qalbi deggen iyo qoys deggen. Qaacidadaan waxaaan u bixiay 3 X ama sedexda X waana tan.

Xiriirka Eebe oo aad Ilaalisid. ( first X)
Markaad hoos u badho Qoysaska Nolosha ku liibanay waxaad ogaanasaa inay yihiih dad dhowray xiriirka alle isla makaana Muuqaalkooda iyo dhaqankooda aad ka garanayso inay yihiin dad toosan.
Xiriirka adiga Allah waa arinka ugu muhiimsan noloshaada, waana waxa ugu h**eeya ee lagaa doonayo inaad samaysid si aduunkaaga iyo aakhiradaada u hagaagto. Diintaan samaawiga ah markii loo soo dhiibayay rasuulka scw waxaa la geeyay samadda, waxaana loo soo dhiibay salaadda oo ah cibaadada iyo xiriirka ugu muhiimsan ee u dhaxeeya adoonka iyo Allah.
Waxaa quraanka samaawiga ku qoran, aayadan macanaheedu yahay, وَمَن يَتَّقِ اللَّهَ يَجْعَل لَّهُ مَخْرَجًا ۝
وَيَرْزُقْهُ مِنْ حَيْثُ لَا يَحْتَسِبُ ۚ qofkii alle ka baqa alle howlihisa oo dhan waa u fududeeyaa, wuxuuna irsaaqadda ka siiyaa meel uusan ka filaynin. , sidoo kale waxaa aayad kale alle ku yidhi وَمَنْ أَعْرَضَ عَنْ ذِكْرِي فَإِنَّ لَهُ مَعِيشَةً ضَنْكًا وَنَحْشُرُهُ يَوْمَ الْقِيَامَةِ أَعْمَىٰ qofkii Alle ka jesta xuskayga waxaa u sugnaatay nolol ciriiri ah, maalinta Qiyaamana wuxuu la soo taagi isagoo indho la,
Xoolo kasta oo aad haysato, maqaaam iyo darajo kasta oo aad gaartid, Aqoon kasta oo aad leedahay wax macno ah oo aad leedahay ma jiraan hadaad xiriirka Alle aadan toosin oo aadan hagaajin wax kuu hagaagayana ma jiraan, waxaadna ku dambaynaysaa shalay iyo dullinimo.
Xiririka Eebe ood hagajiso waxaa ugu h**eeya Salaadda oo aad tukatid oo aad ilaalisid, Salaada 24saac walba waxaa la tukadaa shan jeer waana duco iyo baryo aad Eebe ka baryaysid inuu kugu hagaajiyo wanaaaga kaana ilaaliyo caradiisa iyo cadaabkiisa. Salaadu waa telefoonka aad Eebe u diraysid, waa xirirka ugu muhiimsan ee dhex mara Eebe iyo adoonkiisa qofkii wanaajiyana waa hagaagay , qofkii xumeeyan xiriirkaasna waa xumaaday.
Xiriirka Allaah oo aad hagaajiso wuxuu fure u yahay liibaantaada iyo ladnaantaada, wuxuu kaloo kuu hagaajinayaa xiriirka qoyskaaga, xiriirka caruurtaada iyo xiriirka guud ee gurigaaga, marka hadaad doonayso qoys isku xiran oo xirir wanaagsan ku nool hagaaji xirirka Alle intaad awoodo waxaad arki doontaa qoyskii oo xiririkiisii kuu toosay, kuuna degey.
Dhinaca kale waa iska macruuf Lamaanaha aan Ilaalin Xiriirk Eebe ee dayacay waajibaadkii Alle saaray inaan iyagana xiriir wanaagsan dhexdooda ka dhalanayn, Nolol deggen oo niyad sami lehna ma helayaan, culys iyo cabasho ayay la nool yihiin.
La soco qormadda labaad.

08/14/2026

Sagaalka qodob ee Lamaanaha Nolosha ku guulaystay.
8. Knowing How to Manage Their Own Resources.
Garanayaan siday u maamulaan khyaraadkooda.

Lammaanaha Nolosha ku liibanay waa kuwa ku guulaysa Maamulidda khayraadkooda.
Hadaba waa maxay khayraadka Qoysku? Khayraadka qoysku haystaan waa badan yihiin waxaase ka soo qaadanaynaa kuwa ugu muhiimsan oo kala ah . time-ka ( wakhtiga) Income-ka ama dakhliga qoyska, Iyo Ubbadka hadii Eebe ku irsaaqay
• Time-ka - Wakhtiga
Wakhtiga ama time-ka waa hanti qaali ah oo eebe na siiyay, qof ama qoys walbana guusha ay gaaraan waxaa kow ka ah sida uu waqtiga u maareeyo oo uga faaidaysto.
Lammanaha Nolosho ku liibanay waa kuwo samaystay Nolol qorshaysan oo waqtiyaysan, waxay si fiican uga fakaraan maalmaha iyo habeenadda dhaaafaya inay wax kala haraan oo waqtidooga waxuu u qaybsan yahay si nidaamsan oo waafaqsan Noloshooda iyo baraarahooda.
Waxay ku mashquulaan waxayaaba muhiimka ah ee hadana hor-tebin u samaystaan iyagoo og siday ula muhiimsan yihin., ma saamayso cadaadiska social mediyaha ama waxa loo yaqaan procrastination, waqti dhumin iyo meelo fariisi ama ka sheekaynta miisaska makhaayadaha.

• Income-ka Dakhliga soo gala.
Hadaad u hoos u baadho qoysaska Nolosha ku raaxaystay waxaad arkaysaa inay yihiin dad fahamsan maamulidda dakhligooda, Maamulka dakhliga qoyska waa ma,uuliyada ay tahay inay bartaaan lammaane kasta waayo waxay Meesha ka saaraysaa over-spending ama kharash-garayn dheeraad ah oo aan loo baahnayn kana mid ah waxayabaha keena bur burka qoyska inta badan.
Lamaanaha qorsheeya dakhligooda waxay ka gudbaan caqabado fara badan oo noloshooda soo wajaha , waxay sare u qaadaa ladnaantooda iyo caafimadka qoyska, sidoo kela waxay abuuri karaan oo Ubadkoooda barayaaa maamulka maaliyadda iyo kaydsiga oo ah furaha horumarka qoyska.

• Maamulidda Ubbadka.
Khayraadka Eebe qoyska ku Irsaaqay waxaa ugu muhiimsan Ubadka hadii Eebe siiyay. Maamulkooda iyo tababariddooda waa how u baahan dadaal iyo faham dheeraad ah,. Ubadka oo kuu hagaaaga Ilaahay idinkii waa yoolalka ugu muhiimsan ee qoys walba inuu qorsheeyo u baahan yahy, hadii ubadku kuu hagaago waad guulaysatay bulshadadana waxaad ku biirisay unug wax tar ah oo dadka iyo diintaba anfaca, waalidkuna waa oo ku farxayaan la joogistooda iyo aragtidoodada.
Hadii ubadku xumaado (ilaahay naguma keenee) waa arin dhib badan oo murugo badan keenta. Waxa xumaadda oo dadka ka xun ma jiraan, hadaad xoolo aduun leeahay ama ganacsi oo aad khasaarto waad ka kaban kartaa, xoolaha noolna ama waa la gataa ama waa la qashaa ama sadaqo ayaa loola baxaa lakin qof xumaaday mana gadan kartid, mana sadaqayn kartid,,
Qurbaha ilmaha haduu wadada ka baxo waa halis laakin xabsi inuu galo ayay u badan tahay oo sharkiisa dadku ka bad baadaan, wadanka gudihiisa ubadku haduu xumaado waa dhib badan tahay waayo , dhibkuu gaystana qoyska ayaa loo soo raacanaya xabsi lagu hayana ma badna wadanka.
Sidaa darted lammana Noloshaku guulaystay waa kuwa Ubbadka tababara, couch-gareeya qorshe u sameeya, dhiiri-geliya isla markaan qaada Talaabo anshax marin ah ( ama ganaax) markuu khalad ku soo cel celiyo talaabadaas oo aan dhaawacayn niyadda iyo horu-socodka ubbadka.
La soco qormadda u dambaysa ee calaamaddaha Lamaanaha Nolosha ku guulaysatay.

08/11/2026

Ma dhabaa jacayl waa loo dhintaa.

Dhowrkii sano ee la so dhaafay Ber bera waxaan maqlay in dhalinyaro naftoodii u dileen jacayl dartii. inagoo h**e u ogayn inay ahayd magaaladii cilmi boodhari ugu dhintay.

hadaba Reer bar bara ma Suugaantaan ayay ficil u filiyeen mise waa qalbi xab xab.

Jacayl dhiig ma lagu qoray.
Wali dhuux ma loo shubay
Qofna saanta dhabarkiyo
Ma u beelay feeraha.

Dhabanadda khad laga jaray
hadalkii ma lagu dhigay.
Xinjiro aan is dhalan rogin
Midabkeedu dhiin yahay
Laga dhuray hal-bowlaha
wali dhiil ma lugu shubay.

hadaan la isku dhimanayn
Nafta la isku dhiibayn
soo ma ahan dhalanteed.

08/06/2026

Sagaalka qodob ee lamaanaha nolosha ku guulaystay.
7. Waxay Mideeyan ra’yigooda
They are Aligning Their Thoughts.

Lammaanaha Nolosha ku guulaystay waxaa ka mid ah astaamahooda inay yihiin inay mideeyaan Aragtidooda ku aadan dhacdooyinka maalin-laha ah ee qoyska. ala ah, hadafkooduna waa dhowridda Dhismaha qoyskooda waxaana ku badan isu- tanaasulka .
Lammanaha isku liibaanay waxaay xakameeyaan naftooda waxayna xor ka yihiin cadaadiska, nafta, shaydaanka, bulshadda iyo kan mediayaha.
Dadka Dunidda ku nool qof kasta wuxuu leeyahay aragti u gaar ah, taasoo qof walba uu si gaar ah u arko waxyaabaha ka dhacaya dunida; deegaanka uu ku noolyahay iyo qoyskiisaba. Guud ahaan waxaan oran karaa aragtida dadka inta badan waa laba qaybood, Same -arag iyo Xumme arag.
Inta badan waa yar tahay inay nolosha wadaagan dad isku aragti ka ah Nolosha, dabeecadda iyo fahamka qoyskaba, waxaase badan in labada qof mid ka mid ah uu saldhig u yahay wada noolaashahooda oo lagu wada joogo samirkiisa, tanaaasulkiisa iyo dulqaadkiisa.
Aragtidu waa faham maskaxda boos ku yeesha oo kuu fasira dhacdooyinka dhacaya. Waxaad arkaysaa duniddan ballaaran qof ay ciriiri ku tahay oo noloshiii oo dhan culays iyo dhibaato ku tahay, qofkaasi wax kastaa dhinca xun ayuu ka fiirinyaaa, dhinaca wanaagsan uma muuqato. Dadka qaarkii aragtidaas waxy ku riday cuduro xaga dareenka ah waxaana ku dhacay shaki , walaac wareer diidmo iyo dudmo joogta ah.
Lamanaha aan xumme- araga ah waxay inta baddan raadiyaan meelaha dhaliillaha kan kale ku leeyahay markaasuu mid walba buun buuniyaa oo bal balaariyaa ilaa waxaan macno wayn lahayn uu ka dhigo dhacdo ay ogaadaan dad ka baxsan qoyskooda sida dariska, qaraabadda. Iwm.
Lamaanah xumo- araga ah inta badan waxay abuuraan dhibaatooyin iyo isku dhac, mar walba iyo xaalad kasta waxaa u muuqda wax qaloocan oo aan toosnayn, taasoo keenta inay mar kasta dareenkoodu kacsan yahay oo naftooda dagaal kula jiraan iyo dhammaan intay mas,uulka ka yihiin.
Lamaanuhu intay guryaha ka maqan yihiin ama shaqo hayaan naftooda ayay u sheekeeyaan oo way haminayaaan, sheekadaa naftaada aad la qaadato maalin walba waxay keentaa in qofku iskula sheekaysta fikrad xumaan araga ah oo ku aadan qoyskiisa, kadibna uu isagoo iska soo buuxiyay fikrad qaldan u gurigiisa yimaado oo halkaa iyadoo ficil ah ku soo bandhigo. Mar walba oo aad dareentid in Aragti khaldan ku gasho xasuuuso in naf iyo shaydaan buun buuninayaan, cayilinayaan oo ay ka dhigayaan wax wayn oo keeni kara inuu qoyskaagu si fudud ku dumo.

Dhinaca kale Arigtida quman waxay kuu sheegaysaa duni quruxbadan, ifaysa oo carfoon, taasoo kugu riixaysa inaad qoyskaaga ku fiirisid indho qabow oo dareen taban la socdo, taasoo keenta inaad arimmaha qoyskaaga si faham iyo fiiro wanaagsan le u eegto, isla markaana aad u xaliso si wanaagsan oo xal u ah qoyskaaga, waxaana sabab u ah fahamka quman ee aad ka qaadatay.
Lammaha arigtidooda toosan tahay waxay xaliyaan dhibaatoyinka iyo mushkiladaha, waa toosiyayaal, bar baariyeyaal, waana is kaalmeeyan, qoyskaasna waxay u hor-seedaan nololo farxad iyo barwaaqa ah
Lamamanah fikir wadaaga noqda oo mideeya hab- fikirkooda nolosha ciriiri kalama kulman, wax walba dhinca fiican ayay ka fiirinayaan markaasay u wanaagsanaataa, kuma mashquulaan inay dhibaato dhacday baar baaraan ceebeheeda ee xalkay ku deg degaan, sababtoo ah aragtidooda ayaa tusaysa duni qabow, deggen oo isfaham iyo raaxo ah.
Lamaanahasi aragtidoodu toosan tahay wuxay dhacdooyinka u arkaan inay yihiin waxaan la hurayn, waxayna fahamsanyahiin inay dhinaca fiican doortaan si aysan ugu noqon dhibaato iyo uur-ku taalo.
Ugu damybayn, Soomaaliddu waxay ku maah maahadaa,“wax hubso hal dhan baa la siistaa” xikmaddaan waa muhiim inaad qalbigaaga ku haysid mar kasta.
Nafta iyo shaydaanku waxay ku soo tuuraan qalbigaaga wax jira iyo waxaan jirinba, waxaa laga yaabaa arin aad qalbiga ku haysay inuu ka faaidaysto oo uu kuu qurxiyo ama kuu foolxumeeyo ka dibna adigoon hubsan aad go,aan ka gaartid.
waxaad ogaataa inuusan jirin qof ka liita qof ku go,aan qaatay arrin uusan hoos u baarin oo uusan hubsan, waxaa intaa dheer , waxyaabaha ka dhacaya qoyskaaga waxay u baahan yihiin inaad ku fiiriso indho iyo qalbi aad ka xoreysay arigtida togan , isla markaana aysan hogaan u hayn raali galinta naftaaada iyo shaydaan.
La soco qormadda xigta.

08/03/2026

Sagaalka qodob ee Lammaanaha guulaysta
6. They Enhanced their communications skils.
Waxay hagaajiyaan xirafadda wada hadalkooda.

Allaah wuxaa ugu hor abuuray Nabi Adam , ka dibna Allah wuxuu gartay in Adam u baahan yahay cid uu la hadlo; la sheekaysto; la xiriiro; noloshana wadaagaan. Alle Sw wuxuu xaawo ka abuuray feertiisa bidix wuxuuna dhex dhigay kal-gacayl iyo naxariis taas u keentay Xasilooni iyo degenaan.
intaa ka dibna waxaa bilowday xiriir biniaadam kii ugu h**eeyay ilaa waqtigaana xiriirkaas waa soo socdaa.
Xiririka biniaadamka waxaa isugu dhow Lammaanah Nolosha wadaagay, hadii ay toosiyaan hadalkooda & Niyadooda waxuu xiriirkaas wanaagan u gudbyaaa ubadkooda iyo labada qoys ee ay ka kala yimaadeen oo iyaguna aad isugu soo dhawaada. Ka dibna waxay u gudubtaa deriska iyo bulshadda oo dhan.
Hadii wada hadalka lamaanuhu xumadana waxaa xumaada xirirkooda sidoo kale waxaa arinnkaa ay saamaysaa caruurtooda iyo waalidiinta iyo qaraabadda oo iyaguna sidaas oo kale sii kala fogaada, taaso kenta bur bur iyo in tiir bulshadda ka mid ah dummo.
Waxaa xirirka lamaanaha hagaajiya,waxaa ugu h**eeya Hadal wanaagsan, Muuso,
Hadal wanaagsan:
Nabigu wuxuu yidh (scw) hadalka wanaagsan waa sadaqo. dhinaca dhaqanka waxaa lagu maah maahaa “hadal xumi nabadna waa kaa geeyaa colna waxba kaagama taro” Waxaa kaloo reer benaadirku ku maah maahaan, “walaalkaa candhuuftaa gaartay gacantaadu ha gaarto” Macnaha hadlka xun wuxuu kaa fogeeyaa nabad iyo is fahamka, wax faaido ah oo uu leeyhayna waa la waayay, inta qofku aamusan yahay oo uusan hadlin wuxuu aaminsan yahay iyo garashadiisa ma fahmi kartid, laakiin markuu hadlo oo uu cabiro rayigiisa ayaa qofka la gartaa shaqsiyadiisa, garashadiisa iyo fekerkiisa.
Rasuulku scw wuxuu yidh; ‘ku hadal hadal wanaagsan ama iska aamus. hadalka aan goobtuu ku haboonaa iyo qofkuu ku haboonaa aadan u sheegin wuxuu ku dhacaa meel cidlo wax faaiido ah kuuma samayn.
Soomaalidda waxay Maahmaahan, ‘Xooluhuna urkay isku gartaan Dadkuna hadalka’ mar hadii hadalku yahay shay xiriirka bini,aadamku isku xira ama kala fageeya waxa muhiim ah inaad wanaajisid hadalkaaga , meesha ku haboona hadalka ku haboon aad dhigto.
Hadalku waxuu soo bandhigaa fekerka qofka, dareenkiisa, wanaagiisa, xumaantiisa , iyo hankiisa oo idill, hadalkaaga oo aad wanaajiso wuxuu sababaa inaad hesho xurmo, ixtiraam, iyo Sharaf.
Hadalkaaga oo kaa xumaada wuxuu keenaa xummaan, xurmo xumo iyo sharaf dhaca kaa soo wajaha bulshadda aan la nooshahay , qof kastana bulshada waa u qiimaysan yahay , wuxuuna ugu qiimaysan yahay hadadlkiisa iyo ficilkiisa labadaba..
Lamaanaha Nolosha ku guulaysstay waxay kuwada hadlaan hadal macaan oo jilicsan qalbiyadoodana isku soo jiida mar kasta, Ubadkoodan waxay ku tababaraan hadal wanaag iyo inay bartaan hadalka kiisa wanaagsan waxayna noqdaan qosys ku xiriira xurmo iyo is ixtiraam kana fog erayadda cayda, xumaanta, yasidda iyo xiqdiga ku dhisan.
Si aad qoyskaaga ugu bedeshid meel barraare ah, isticmaal hadal wanaagsan, ugu yeer xaaskaaga/ odogaaga magaceedda/ magaciisa mar walba, ku ammaan magacyo adiga kuu gaar ah oo aad u bixisay, ku ammaan dhamaan wixii ay ku wanaagsan tahay/ yahay, qof walbana isagaa dhamaystiri doonta wixii ka dhimmane
Uma jeedo ammaan been ah oo aan qalbiga jirin, waa mid daacad ah, oo ka timid niyad saafi ah, waa amaantaas midda keenaysa waxaadan ku keensan karin dadaal kasta oo aad bixisid oo kale.

Haddalkoodu waa hufan- yahay oo fur furanyahy:

(HADAL WAA MARGI OO KALE HADBa MEEL U JIIDMEE) Macnaha hadalku macno ama tafsiir kala duwan ayaa laga qaadan karaa .
Lammanaha Nolosha ku raaxaysta oo wada dhamaysta, hadalkoodu waa mid cad oo hufan oo aan mugdi ku jirin, sidoo kale hadalkooda ma boobsiiyaan, hoosna uma hadlan, mana qayliyaan waxay u hadlaan si fur furan oo la fahmi karo, la garan karo, wax jira oo aan been ahayn; wax muuqaaalkooda iyo macnahooda la fahmi karo.
Waxay ka fagaadaan, hadallada ka imaanaya meelo ka baxsan guridooda oo aan maslaxad u ahayn wada jirkooda, hadalkaasi haba ka yimaado ,waalid, walalal, saaxiib iyo deris Iwm,. Marba haduusan wanaag u keenayn waxay ka soo qaadaan waxaysan maqal oo waa is moogaysiiyaan.
Markay wada hadlayaan way isu muusoodaan.
Fur furnaanta ama Muusadda wajiga waxay ka mid tahay xirfadaha waawayn ee qofka dabeecadda leh lagu garto, Diinteena shariifka ah waxay na amraysaa inaan wajigeena furno oo aan u muusoono dadka muslinka ah. Fur furnaanta wajiga waa calaamad xoog badan oo soo jiidata dadka.
Muusada iyo furnaanta wajiga waxay qofka galisaa caafimaad ; waxay xoojigaa fahamka iyo dareenka qofka; waxay abuurtaa jawi degen oo qofku ku qiimeeyo xaaladda uu ku jiro; waxay baabi’saa oo hoos u dhigtaa walaaca iyo calool xummadda; waxay lamaanaha u furtaa xirriir iyo saaxiibo badan; ugu dambayn qofka ganacsadaha ah waxay soo galisaa faaiido badan oo uusan ogayn in ay sabab u tahay furnaanto iyo muusada wajigiisa .
Maah maah ayaa ahayd“ waji furan ayaa la galaa ee albaab furan lama galo” macnaha markaad aragto qof faraxsan oo wajigiisu nuurayo farxad darted waxaad jeclaanaysaa inaad la qaybsato farxadaa oo aad la wadaagto, hadiise qofka wajigiisa xirnaan iyo caro ka muuqato waxaad jeclaanaysa inaad ka durugto oo uusan kuu soo dhawaan.
Lamaanah Nolosha ku liibanay k**a bakhaylaan inay isu muusoodaan oo wajigoodda isu fur furaan taasoo wanaajisa caafimaadood iyo hadalkooda qurxisana Noloshoodda oo idil.
Waxaan xasuusanayaa hadda gabar aanu private wada dhigan jiray xili h**e, waxay lahayd muuso mucjiso ah oo aad u qurux badan, markay galaaska soo gasho waxaan u qaadan jiranay in qolka Nal iftiimaya uu soo galay runtiina sidaa ayay ahayd, waxay ahayd gabar ilaahay hibo u siiyay muusada oo aad moodayso markii ay muusooto qorax soo baxday oo falaaraheedii quruxda badan u kala dirtay dunidda.
Dhalinta aan wada dhigan jirnay classka mid walb wuxuu jeclaa inuu gabadhaa u dhawaado, la sheekaysto si uu u helo farxad, Marka waa inaan guryaheena ku qurxinaa hadal wanaagan, muuqaal qurxoon iyo waji muusoonaya.

La soco Mowduuca xiga.

07/30/2026

Waa muhiiim ardayga inay u kala saaran yihin main idea iyo supporti...

07/30/2026

4.. They open and built love bank. Part Two!
Waxay isu furaan oo dhisaan bangiga jacaylka.

Mucaashiqiinta Nolosha Ku Liibanay waa kuwa fahmay oo furtay accounka jacaylka sidoo kalana si wanaagsan u isticmaala shanta luqadood ee jacaylka.
Intiina badan waxaan hubaa inaad Xiriir la leedihiin bangiyadda ganacsiga oo uu ugu yaraan kuu furan yahay current account ( xisaabta socoto) taasoo kuu suuro gelisa inaad lacag ku shubato isla markaan kala baxdo accounkaaga. Waxaa kaloo jira markii lacagta accounka kuugu jirta kaa dhamaato in baanku ku siiyo waxa loo yaqaan overdraft ama casayn oo ah in aad minus ku jirto, hadaad muddo kooban ku bixin waydana overdarftiga qaan-sheegad iyo dulsaar ayaa kugu bilaabanaysa.

Hadaba ma furatay account-kii jacaylka ee adiga iyo lamaanahaga wada isticmaali lahaydeen ? mase ogtahay waxa lagu deposit gareeyo ee qurxiya iyo waxa musalafiya ee accounka madhiya.

Mucaashiqiinta Inta badan si ku meel gaar ah ayay u furtaan bangiga jacaylka intaan la isla aqal gelin ka hor waxaana qof walba accounka ku deposit gareeya intii awoodiisa ee uu karo si qof kale ugu qanciyo caashaqiisa laakiin markii Nolosha dhabta timaado accounkii waa madhaa oo sidaa ayaa qoyskii ku dummaa.

Bangiga jacaylka waxaa lagu deposit gareeyaa, Naxariista, runta, ixtiraamka, dhimrinta, dhagaysiga, cadaaladda iyo hadalka wanaagsna.
Hadii aan lamaanahaga dhagaysato si fiican, waxaad ka wada hadlaysaana runta noqoto, qof kastana kan kale ku ixtiraamo booskiisa, fikirkiisa, dooqiisa ku aadan horumarka qoyska , la isku dhimriyo, naxariis iyo kal-gacalna udub dhexaad u tahay accounkaasi waa buuxaa oo qalbiga lamaanhaaga.

Dhinaca kale, buuqa, qayladda, ixtiraam-xumidda,, muranka, canaaanta, yasidda, naxariis l,aanta, waxay la mid tahay adigoo qalbiga lamaanahaga ka saaraya jacaylkii, accounka qalbigu waa faaruqayaa.
Soomaliddu waxay Tiraahdaa, Usha qofka lagu dhufto jirkiisa ayay dhaawacdaa Laakiin Hadalka xun qalbiguu dhaawacaa. Labada dhaawac kan qalbiga ayaa daran oo waxay saamaysaa qofka dareenkiisa, fikirkiisa iyo Noloshiisa oo dhan.
Cayda, af- lagaadada, beenta iyo shakiga accounka qalbiga waa caseeyaan waana minus, magdhowna waxaa u noqonaya raali gelin iyo garawshiyo qaladkaaga iyo inay cashar kuu noqoto.

Hadaba si aan bangiga jacaylka aan u cayilino una korino waan inaan isticmaalnaa hadaladda wanaagan kana fogaana wax kasta oo qalbiga lamaanahaaga dhaawacaya, sidoo kale waan inaan baranaa shanta luqadood ee jacaylka oo saldhig u ah dhismaha bangiga jacayla.
Nin la yiraa Dr Gery chapman ayaa wuxuu qoray buugga la yiraa (Five love language ) shanta luqadood ee jacaylka.
Dr Gery wuxuu qoraalkiisa ku sheegay in qof walba luqad ka mid ah luqadaha jacaylka ay aad u saamayso oo uu jecel-yahay in lamaanihisu u sameeyo iyadoo dhamaan ay wanaagsan yihiin oo la wada isticmaalo
1. Word affirmation ( Ereyada wanaagsa, sida ,inaad xaaskaagu si furan ugu sheegto inaad jeceshahay, Inaad ugu naxariiisato hadalka iyo ficilkaba, inaaad ammaanto wixii shaqo oo ay kuu qabato haba yaraatee,
2. Quality time ( Inaad waqti la qaadatid, Inaad dhagaysato oo aad dareenkaaga oo dhan siiso, Inaad socod yar isla samaysaan, iyo inaad magaaladda isu raacdaan soona wada cawaysaan.
3. Gift: inaad hadiyad haba yaraatee aysan filayn aad u keento waqti kala duwan kagana farxisid.
4. Act of service. ( inaad shaqo la qabato, , cuntadda markay karinayso caawiso, ilmaha ka caawiso Iwm.
5. Physical touch. ( taabashada, la ciyaarto, dhunkato, iyadoo fadhida oo filayn qoorta u riix riixdo, muruqa ka saarto Iwm.

Shataa luqadoo ee laga yaabo inaan istimcaalno hadana waa inaan oganay midka ugu wanaagsan ee lamaanahagu jecel-yahay si aad u xoojisid .
Waan hubaa lamaaanihii bangigooda jacaylka dhisa oo ku deposit gareeya Ereyada wanaagaan isagoo istimcaalaya luqadaaha jacaylka in lamaanahasi nolosha ku libaanayaan jacaylkooduna koroyo oo sii waynaanayo ilaa ay nolosha isla dhamaystaan .
La soco Qormadda xigta.

07/27/2026

Sagaalka Qodob ee Qoyska Guulaysta.

4. They open and built love bank.
Waxay isu furaan oo dhisaan bangiga jacaylka.

Part One!

Guri kasta oo qurux badan oo laba lamaane dhisaan waxaa tiir dhexaad u ah jacaylka. Awlaada ay dhalaana ee ku bar baarta gurigaasna ilmaha kale waa ka muuqdaan waana ka udgoon yihiin , (Awlaad jacayl dhalay udgoonkaad ku garataa)
Hadaba intaan ka hadlin sida bangiga jacayka loo furo iyo sida loo cusboonaysiiyo jacaylkaba aan dib yar eegno Qisooyinka jacayl ee soomaalidda kuwa ugu muhiimsan si aan u fahamno tagtadii iyo talooyinka la xiriira.
Soomaalidda iyo sheekooyinka ku saabsan jacaylka waxaan soo qaadanaynaa laba sheeko oo mid walba na siinayso faham gaar ah.

Midda Koobaad waa qisada cilmi boodhari oo lagu qoray buugga (Ma dhabaa jacayl waa loo dhintaa) oo uu qoray (Rashid Mohomed shabeelle) iyo Jacaylkii Alimaax iyo Cawralla oo lagu qoray buugga Aqoon-darro waa u nacab jacayl, (The ignorance is the enemy of love) Oo uu qoray allaha u naxariistee Farah Mohomed Muse (cawl) sanadkii 1974. Isla markaan luqado badan lagu Tarjumay.
Buugga Ma dhabaa jacayl waa loo dhintaa waxaa qoray (Rashiid mohomed Shabelle) oo ah wiil ay dhashay Hodan oo ah gabadhii uu jeclaaday Cilmi boodhari una dhintay jacaykeeda.
Rashiid wuxu ku qoray buugaan oo Hooyadii Hodan u sheegtay Inaan cilmi iyo iyada sheeko dhex marin oo aysan ka wada hadlin jacayl hadan waxay cadaysay in cilmi u dhintay jacaylkeeda, hadaba side ku dhacday arintaasi.
Cilmi wuxuu ka shaqaynaya Foorno Rootiga lagu dubo, Hodana rootigaa ayay soo dooni jirtay oo ka gadan jirtay, cilmi inanta hadakeedii iyo muuqaalkedii ayuu ka helay oo cajabiyay halkaa ayuuna ka bilowday jacaylkii cilmi dilay.
Inkasoo cilmi u soo bandhigy jacalykiisa hodan ma helin hoddan waayo waalidka dhalay hodan ayaa u arkayay cilmi nin faqri ah oo waxba haysan waxayna hodan ku dareen Mohomed shabeele oo ahaa bad maax dhaqaale fiicana reerka siiyay , Hodana waxay rabtay gacanta u geliyay.
Cilmi xanunkii ku dhacay guurkii hodan markuu maqlay k**a kicin waana u dhintay. Hadaba jacaylka sidaas oo kale ah oo deg dega ah oo qof aadan si wanaaagsan u baran aad jeclaato inta badan waa lagu saqraamaa dhibaato wayna qofka waa u gaystaa, Qofkuna haduusan helin la taliye fiican oo arimaha Qoyska iyo jacaylka Love therapy ka siiya( daawayn jacayl) xaalkiisu waa xumaaddaa.
Jacaylka cilmi la dhintay, mid la mid ah ayaa dhaawacay kumanan gabdhood oo jeclaaday wiilal aysan aqoon Tasoo keentay in laga faaidaystay, dantii laga lahaa markii laga gaarayna laga tagay.

Sidoo kale waxaa niyad jab xooggan ku dhacay kumanaan wiilal ah oo dhaawicii jacalykii uusan ka fikarin ee deg dega ahaa ku keenay Go,aansaday Inay kaligood Noolaadan oo dumar oo idil ka fogaaddan.
Ogow jacaylku waa is dhiibis aan kala har lahayn, hadaba taxadar intaadan naftaada u gacan gelin gacan aan aamin ahayn.
Si jacaylku macno kuugu sameeyo oo aad Nolosha ugu raaxaysato waa inaad qeexdaa oo aad si wanaagsan u garanayso sababta iyo sifaha aad qofka ku jeclaanayso intaadan is dhiibin.

Qisadda labaad waa sheekadda jacayl ee dhex martay Cali-Maax iyo Cawrala ee lagu qoray buugga Aqoon darro waa u nacal jacayl.
Cali-maax iyo cawralla isma aqoon, waxay doon ka soo wada raaceen Yaman iyadoo u soo socda xeebaha gobolka sanaag. Cawralla waxay ahayd gabar qurux iyo qiimo dumar labadadba isku darsatay, joog iyo Jamaal eebe siiyay, waxay ku hadashaa carabiga oo school yaman ku yaal ayay soo dhigatay, Cali maax sida magaciisa ku lamaan waa bad-maax laashin ka ah doon isaga gooshta xeebaha soomaliya iyo yemen.
Cawralla waxay soo raacday Doontii Ali maax waday iyadoo u soo socota dhinaca somaliya, Intii doontu socotay oo dad soomali ah saarnaayeen ayaa la sheekaystay oo la dooday, intii sheekadu socotay ayay Ali iyo cawrala midba kan kale ka helay, Ali-maaxna wuxuu aha nin cod kar ah , gabyaa ah, darwiish ah isla markaana Muuqaal qurxoon lahaa, laakin Alimaax waxba ma qoro waxna ma aqriyo.
Habeenkii markii la garay ayay badii kacday oo xaalku xumaaday, cawralla oo aragtay in xaaaddu sii adkaanayso ayaa cod dheer ku tiri Aliyow anigu ma aqaan sida loo dabaasho hadii xaalku xumaado oo doontu degto adigaan isku kaa halaynayaa, Ali maaxna waa hagaag ayuu yiri.
Mowjadihii bada ayaa xoogaystay doontiina waa degtay, Ali maaxna intuu alwaax jabay qabsaday ayuu cawralo raadiyay wuxuna helay iyadoo biyihii ku hafatay dhow jeer,
Habeen iyo Maalin ka dib ayay xeebta yimaadeen, Intas ay badda ku jireen Cawrala waxay saarnays dhabarka Alimaax ilaa ay berigga yimaadee, halkaa ayuu ka bilowday jacalyka Alimaax iyo Caralla oo wuxuu ahaa jacayl abaal-gud ku yimid.
Sheekadoodo oo dheer ma sii wadan karno, laakiin way sii sheekaysteen oo is fahmeen In kastoo aysan is guursan oo cawrala dhimatay hadana Alimaax iyo cawralla jacaylkoodu waxaa saldhig u ahaa is barasho iyo is faham dhamystiran asalna ay u ahayd abaalkii alimaax ee uu soo bad baadiyay cawralla.

Jacalyku waa dareen isku dhafan oo kugu qasbaya inaad ruuxaad jeceshahay aragto, la joogto, hadalkiisa dhagaysato, waqtigana aadan dareemayn intuu kula jooga, duniddana farxad kaa dhiman ma lahan markaa qof ku jecel la jooto.
Jacaylku waa qaraar, wareer, iyo xanuun dhib badan markaad waydo qofkaan jeclayd sabab kasta ha ku timaadee. Inantii heestay waa iyadii lahayd.
Ma jiifsado Aawadaa oo
Dharaartii ma joogi karo.
Dhinacad iga jirtaa baa
Qalbigu ii jiidayaa.

Hal hays dhaqankeena ah ayaa isn ahaa.

Hammadi waa mugdi.
Guurna waa maradhaamo.
Jacayl baa ka macaan
Ruuxaan garaynse waxba uguma filna.

Hadaba si Lamaanuhu Noloshooda ugu dhamaystaan farxad iyo Raaxo ugana fogaadaan nolosha Mugdiga, khilaafka, is naca iyo kala taga waa inay fahaman in jacaylka la koriyo oo la cusboonaysiiyo taasoo ku baran doonon qoraalkeena soo socda.
La soco qormadda labaad ee ( They open and built love bank) waxay isu furaan oo dhisaaan bangiga jacaylka

07/23/2026

Sagaalka qodob Ee Qoysaska Guulaysta.
Waxay ku nool yihiin xornimo
3.Living by choice.
Qoysaska ama Lamaanaha Nolosha ku liibaanay waxaa ka mid ah kuwa ku nool nolol xornimo ah iyo nidaam hor-tebineed Taasoo ka dhigaysa lamaane Nolosha ku raaxaysta.
hadaba aan is waydiinee waa maxay xornimo? Maxaase laga xoroobayaa?
Xornimaddu waa qofka oo xor u noqda Mabaadiisa diimeed iyo dhaqan ee saxan ee uu aaminsan yahay taasoo six or ah ugu soo bandhigi karo qowl iyo ficilba.
Maxaa laga xoroobaayaa su,aasha ah aad ayay u gudo balaaran tahay, waxaan is leeyahay lamaanaha guulaysta waa kuwa xor ka noqday Jahliga, Inaad jahli xor ka noqoto oo aad wax barto waxay sabab u noqonaysaa inaad ku noolaato Nolosha aad rabto ee aadan ku noolaan nolosha dadka kele rabaan . Waxaadna ka xoroobaysaa Sedexda cudur ee halista ee manta saameeyay nolosha kumaan qoys keenayna bur bur balaaran kuwaas oo kala ah.
• Doonista taban ee Naftaada,
• Cadaadiska bulshadda.
• Caddaadiska war-baahinta.

1. Doonista Taban ee nafta.
Alle subaxanaha watacaala ayaa noo sheegay ﴿وَمَا أُبَرِّئُ نَفْسِي ۚ إِنَّ النَّفْسَ لَأَمَّارَةٌ بِالسُّوءِ إِلَّا مَا رَحِمَ رَبِّي﴾
"Mana bari yeelayo naftayda. Runtii naftu waxay aad ugu amartaa xumaanta, marka laga reebo cidda Eebbahay u naxariisto."
(Suuradda Yuusuf 12:53)
Hadaan sii faah faahiyo maanta Malaayiin dad ah ayaa gumaysiga ugu badan waxaa ku haya naftooda oo dhigtay meel aan laga soo laaban Karin, Naftu waxay jeceshahay raaxadda, beenta iyo nolosha khiyaaliga ah hadaadan la xisaabtamina meel xun ayay ku geynaysaa.
Tusaale , wadanka aan ku noolahau hadda Ee US dadka daroogadda istimcaala ee u dhashay US waxay ka badan yihiin tiradda dadka soomaalidda oo dhan tiro-koobkii ugu dambeeyay wuxuu sheegyaa in ka badan 28 Million in ay adoon u yihiih oo isticmaalan daroogadda sida cocainka, horoineka iyo ma*****na,.
Gobolka Minnesota oo ay ku noolyihiin 6 million oo qof , in ka badn 400,000 ayaa drug addiction ah oo noloshooda dhibaato wayn ku sugan tahay taasoo naftooda iyo doonisteedii ay sabab u tahay.
Waxaa ka sii yaab badan dadka sameeyay waxa loo yaqaan Transgender ama iska badalay sidii alle u abuuray waxay ka badan yihiin 3,000.000 Sedex Million.
Lamaanaha guulaysta waxaa ugu mihiimsan ee ay xor ka noqdaaan waa gumaysiga naftooda oo waxay og yihiin in daroogada, fikirka xun , beenta iyo shahwaadkuba ay yihiin cancerka qoyska sidaa darted naftooda iyagaa hogaamiya ee naftoodu iyo shahwadoodu ma hogaamiso.
Waxay aaminsan yihinn diintooda, dhaqankooda iyo luqadooduba inay yihiin tiirarka bad baadada sidaa darted ayay la nool yihiin xaqiiqooyinka iyo xaqa eebe waaana guulaystaan.
2. Social pressure ( Cadaadiska bulshadda)
Qodobka labaad ee xonimadda maanta waa qofka ka xorooba cadaadiska bulshadda ama deegaanka uu jooga. Manta bulshaddu waa isu furan tahay waana isa saamaysaa gaar ahaan marka qoyska laga hadlayo.
Qoysk kasta oo qurux iyo badhaadhe ku jira ama iska haysta nolol caadi ah waxaa jira dad bulshada ka mid ah oo laga yaabo inay qaraabo yihiin ama deris yihiin ama shaqo wadaag yihiin oo ka xun noloshoooda iyo badhaadhahooda, dadkaasi waxay cadaadis kala duwan saaraan lamaanaha iyagoo ugu imaanaya dhinacyo kala duwan ilaa qoyskaasi la kala diro ama dhib la dhex dhigo.
Waxaana ognahay in kumaan qoys oo qurux badnaa ay u dumeen cadaadis ka yimid waalid, ama saaxiib ama qof kale, waxana cadaadiskaa inta badan oo ka yimaada dhinaca dumarka in kastoo raguna aysan ka marnayn.
Lamaanaha liiibansan waa kuwo fahamsan cadaadiska bulshada ay la nool yihiin ka imaanaya oo waa kuwo feejigan isla markaan wixii soo dhex gala hoos u dhamaysta.
Si kooban waxy xor ka yihiin fikradaha dibada ka imaanaya wixii dhex dooda ka yimaadana waxay ka leeyihiin xeer hoosaad ay ku xalistaan.
3. Media pressure ( Cadaadiska warbaahinta)
Qoysaska manta xorta ah waa kuwa ka bad baaday cadaadiska warbaahinta sid baraha bulshadda, facebook, insgram ama Tiktok iwm.
Qoysas badan ayaa sabab u noqdeen inay bur buraan cadaadisks warbaahinta gaar ahaan social mediayaha , qoysas badan oo nolol wanaagsan haystay ayay sabab u noqotay inay bur buraan ama ay la nool yihiin khilaaf joogta ah ka dib markii mid ka mid ah lamaaha uu si khaldan u istimaalay isla markaana saamaysay noloshoodiii.
Lamaanaha liibanay ee xorta ah waxay u isticmaalaan social madia si kooban ama maba isticmaalan. Sidoo kale saamayn xoogan kuma yeelato.
Lamaana xorta ah manta waa kuwa ka xorooba. Naftoodad, cadaadiska bulshada ee taban iyo caddaadiska warbaahinta.
La soco qormadda xigta.

Qoysbile

08/21/2026

08/14/2026

08/11/2026

08/06/2026

08/03/2026

07/30/2026

07/30/2026

07/27/2026

07/23/2026

Address

Website

Alerts

Contact The School

Shortcuts

Share

Category

Listing takedown request