ARS Hollywood Mayr Chapter Margo Seropian Saturday School

09/21/2026

35 տարի առաջ Հայաստանի Հանրապետության ժողովուրդն ընտրեց անկախությունը` գերագույն, հոգևոր և անգնահատելի արժեք ցանկացած ազգի ու պետության համար:
Շնորհավո՜ր անկախությանդ 35-ամյակը, ի՛մ սիրելի Հայրենիք: Քեզ` խաղաղ, կապույտ երկինք, պայծառ արև, սիրող և նվիրյալ զավակներ:
Թո՛ղ քո յուրաքանչյուր զավակ հասկանա քո գինը, սիրի՛ ու փայփայի՛ քեզ:

09/20/2026

Բարի՜ մեկնարկ, 2026-2027 տարեշրջան։ Գտնվելով Հոլիվուդի "Little Armenia" թաղամասում` Մայր Մասնաճյուղի Շաբաթօրյա դպրոցն իսկապես ջերմ, սիրառատ, լուսավոր փոքրիկ Հայաստան է մեզ համար։
Սիրով սպասում ենք նոր աշակերտների` մեր մեծ հայկական ընտանիքում։

09/20/2026

Երեք ամսյա դադարից հետո, ՀՕՄ-Ի Հոլիվուդի Մայր Մասնաճյուղի Մարգո Սերոբյանի անվան Շաբաթօրյա դպրոցը կրկին բացեց իր հյուրընկալ դռները մեր հին ու նոր աշակերտների առջև` կատարելու իր ազգանվեր առաքելությունը։
Երբ աշակերտները ոտք են դնում մեր դպրոց, երդվում են պահպանել ու փայփայել մայրենի լեզուն, հայ ազգային սովորույթները և մշակույթը։
Դպրոցի բակում կրկին հնչեցին Հայ Մերն ու Հայ Աշակերտի Ուխտը։

09/06/2026

Շաբաթ, սեպտեմբերի 5֊ին ուսուցչական անձնակազմը վերադարձավ դպրոց` նոր ուսումնական տարեշրջանի մեկնարկին նվիրված աշխատանքների կազմակերպման, ուսումնական ծրագրերի հաստատման, դասարանների վերադասավորումների, ամենամյա պարտադիր մանկավարժական դասընթացի անցկացման, և այլ ընթացիկ հարցերի քննարկումների համար։
Շաբաթ, սեպտեմբերի 12֊ին սիրով սպասում ենք մեր աշակերտներին դպրոցում, ուր շաբաթ օրերը` երեք ամիս ամառային հանգստից հետո, կրկին կլսվի Հայ Աշակերտի Ուխտը։

09/02/2026

Հիշեցնենք բոլոր մեր հին և նոր ծնողներին, որ շաբաթ, սեպտեմբերի 5֊ին, ժամը 10։30֊12։30, դպրոցի գրասենյակը բաց կլինի վճարումների և արձանագրության համար։
Սիրով կսպասենք բոլորին։

06/25/2026

Հայ Օգնության Միության Հոլիվուդի «Մայր» մասնաճյուղի Մարգո Սերոբյանի անվան Շաբաթօրյա դպրոցը սեպտեմբերի 12-ին կրկին կբացի իր հյուրընկալ դռները մեր հին և նոր աշակերտների առջև` կատարելու իր ազգանվեր առաքելությունը:

Խնդրում ենք արձանագրել Ձեր զավակներին` առցանց Դիմումնագրի միջոցով :

School Address: 1615 N Alexandria Ave, Los Angeles, CA 90027 Email: [email protected]

06/10/2026

We’re getting ready for another fantastic year, and we’d love for your children to be part of it. Use the QR Code to register your children.

06/06/2026

Առանձնահատուկ շնորհակալություն ՀՕՄ-Ի Հոլիվուդի Մայր Մասնաճյուղի Մարգո Սերոբյանի անվան Շաբաթօրյա դպրոցի ուսուցիչներին իրենց նվիրված աշխատանքի համար։
Ամեն տարեշրջանի ամփոփումը ևս մեկ անգամ արժեվորում է նրանց մեծագույն դերը սերունդներին հայեցի կրթելու անձնուրաց գործում։

06/06/2026

Որքան էլ փոխվեն ժամանակները, որքան էլ մեծանան ու փոխվեն մեր աշակերտները, թո՜ղ Շաբաթօրյա դպրոցում ծնված և տարիներով ամրացած ընկերությունը մնա անփոփոխ արժեք։ Դպրոցական տարիների ընկերությունը թո՜ղ միշտ վառ մնա նրանց հիշողություններում։

06/06/2026

Բաժանվում ենք, սակայն հրաժեշտ չենք տալիս, քանի որ դպրոցի հյուրընկալ դռները բաց են մեր բոլոր հին ու նոր աշակերտների համար։