18/06/2026
១៥ ចំណុច ផ្លាស់ប្តូរផ្នត់គំនិត បង្កើតសំណាងដោយខ្លួនឯង
១. សំណាងមិនមែនជារឿងរង់ចាំ តែជាការបង្កើតឡើង
អ្នកអភ័ព្វតែងតែអង្គុយរង់ចាំព្រេងវាសនា ដែលពួកគេមិនអាចគ្រប់គ្រងបាន។ ផ្ទុយទៅវិញ អ្នកដែលមានសំណាង គឺអ្នកដែលហ៊ានក្រោកឈរ ដើរស្វែងរកឱកាស ហ៊ានសាកល្បង បើកចិត្តទូលាយ និងបង្កើតផ្លូវថ្មីៗសម្រាប់ខ្លួនឯងជានិច្ច។
២. រូបមន្តនៃសំណាង គឺ ការខិតខំ + ការមិនបោះបង់
កាន់តែរៀនសូត្រ កាន់តែហ៊ានដួលហើយងើបឈរឡើងវិញ នោះជីវិតនឹងរៀបចំ "រឿងចៃដន្យដ៏អស្ចារ្យ" ឲ្យចូលមកក្នុងជីវិតអ្នកកាន់តែញឹកញាប់។
៣. ឱកាសមិនធ្លាក់ពីលើមេឃទេ
វាតែងតែដើរមករកអ្នកដែលប្រឹងប្រែងតស៊ូ និងមិនព្រមចុះចាញ់។ ការហ្វឹកហាត់ក្តាប់ចង្វាក់ជីវិតឲ្យបានល្អ នឹងធ្វើឲ្យអ្នកជួបសំណាងច្រើនជាងអ្នកដែលនៅស្ងៀម។
៤. សំណាងពីអ្នកដទៃ ផ្ដើមចេញពីខ្លួនអ្នក
ពេលដែលមានគេហុចឱកាសឲ្យ វាមិនមែនជារឿងទេវតាប្រទានពរទេ តែវាកើតចេញពីការសាងទំនាក់ទំនងល្អ ការចេះជួយយកអាសារអ្នកដទៃ និងការមានសមត្ថភាពពិតប្រាកដ ទើបធ្វើឲ្យគេទុកចិត្តនិងចង់ផ្ដល់ឱកាសឲ្យ។
៥. ប្ដូរការច្រណែន ទៅជាកម្លាំងជំរុញ
ជំនួសឲ្យការមានអារម្មណ៍ច្រណែនពេលឃើញគេល្អជាង
ចូរសួរខ្លួនឯងថា "តើខ្ញុំត្រូវធ្វើយ៉ាងណាទើបអាចពូកែដូចគេបាន?" រួចយកការគិតនេះមកធ្វើជាកម្លាំងរុញច្រានខ្លួនឯងឲ្យដើរទៅមុខ។
៦. សំណាង គឺជាកញ្ចក់ឆ្លុះពីរបៀបរស់នៅ
វាមិនមែនជាបន្ទាត់វាស់ស្ទង់ភាពជោគជ័យទាំងស្រុងនោះទេ តែវាជាលទ្ធផលនៃការរស់នៅរបស់អ្នក។ បើអ្នកតាំងចិត្តធ្វើរឿងត្រឹមត្រូវ និងបើកចំហទទួលយកឱកាស ជីវិតនឹងផ្ដល់ផលវិជ្ជមានត្រឡប់មកវិញជាមិនខាន។
៧. ច្បាប់នៃការទាក់ទាញ មានពិត
គិតបែបណា ជីវិតនឹងតម្រង់ទៅរកផ្លូវនោះ។ ពិភពលោកខាងក្នុង (ចិត្តគំនិត) របស់អ្នករៀបចំយ៉ាងណា ពិភពលោកខាងក្រៅរបស់អ្នក នឹងលេចចេញជារូបរាងបែបនោះដែរ។
៨. ថាមពលវិជ្ជមាន ផ្លាស់ប្តូរជោគវាសនា
នៅពេលដែលអ្នកមានផ្នត់គំនិតវិជ្ជមាន ខួរក្បាលរបស់អ្នកនឹងចាប់ផ្ដើមមើលឃើញឱកាសល្អៗជាច្រើន ដែលមនុស្សទូទៅតែងតែមើលរំលង។
៩. គិតហើយ ត្រូវ "ធ្វើ" ទៀត
ចក្រវាលមិនអាចជួយមនុស្សដែលបានត្រឹមតែអង្គុយស្រមើស្រមៃនោះទេ។ សំណាង តែងតែនៅខាងអ្នកដែលហ៊ានចុះដៃធ្វើសកម្មភាពពិតប្រាកដ។
១០. ជំនឿលើវត្ថុស័ក្តិសិទ្ធិ មិនមែនជារឿងខាតបង់ទេ
ទោះបីជាវាមិនអាចសេកមន្តអាគមឲ្យអ្នកជោគជ័យភ្លាមៗ តែបើសិនជាវាផ្ដល់នូវភាពជឿជាក់ និងភាពក្លាហានឲ្យអ្នកហ៊ានសម្រេចចិត្តធ្វើរឿងធំ នោះហើយគឺជាថាមពលពិតប្រាកដរបស់វា។
១១. គ្រាន់តែជឿថា "ខ្លួនឯងជាមនុស្សមានសំណាង" ក៏ចំណេញបាត់ទៅហើយ ការជឿជាក់បែបនេះ ធ្វើឲ្យអ្នកហ៊ានប្រឹងប្រែងជាងមុន។ ការស្រាវជ្រាវក៏បានបង្ហាញដែរថា អ្នកដែលជឿថាខ្លួនឯងមានសំណាង តែងតែទទួលបានលទ្ធផលការងារល្អជាងអ្នកដែលមិនជឿ។
១២. អបិយជំនឿខ្លះ ក៏ជាកម្លាំងចិត្ត
ទោះបីជាមើលទៅហាក់ដូចជាខ្វះហេតុផលបន្តិចក្ដី តែប្រសិនបើជំនឿនោះជំរុញឲ្យអ្នកហ៊ានប្រឈមមុខនឹងឧបសគ្គ និងធ្វើរឿងល្អៗ វាពិតជាមានតម្លៃក្នុងការជឿ។
១៣. ថាមពលក្នុងខ្លួនកំណត់អ្វីដែលអ្នកនឹងជួប
ថ្ងៃណាដែលអ្នកពោរពេញដោយថាមពលស្រស់ស្រាយ ពិភពលោកនឹងទាក់ទាញរឿងល្អៗមករកអ្នក។ តែបើថ្ងៃណាអ្នកបាក់ទឹកចិត្ត គ្រប់យ៉ាងនៅជុំវិញខ្លួននឹងមើលទៅរាំងស្ទះនិងអាប់អួរ។
១៤. បង្កើតទម្លាប់នៃការ "ដឹងគុណ"
សាកល្បងសរសេររាយនាមរឿងដែលអ្នកមានអារម្មណ៍ដឹងគុណ ឲ្យបាន ៣ យ៉ាងជារៀងរាល់ថ្ងៃ។ ធ្វើបែបនេះយូរៗទៅ ខួរក្បាលរបស់អ្នកនឹងផ្ដោតទៅលើតែរឿងល្អៗដោយស្វ័យប្រវត្តិ។
១៥. សំណាងមានគ្រប់គ្រាន់សម្រាប់មនុស្សគ្រប់គ្នា
មិនបាច់ខ្លាចថាអ្នកដទៃដណ្ដើមសំណាងអ្នកទេ។ កាន់តែអ្នកបញ្ចេញថាមពលល្អៗ និងចែករំលែកទៅកាន់អ្នកដទៃ សំណាងនឹងរឹតតែវិលត្រឡប់មករកអ្នកក្នុងល្បឿនកាន់តែលឿន និងទំហំកាន់តែធំ។
ប្រភព: #លន់Lun@អ្នកគាំទ្រពេញនិយម
