រដ្ឋបាលសង្កាត់ ស្វាយដង្គំ ក្រុងសៀមរាប ខេត្តសៀមរាប

04/13/2026

ព្រឹកថ្ងៃទី១៣ ខែមេសា ឆ្នាំ២០២៦ សាលាសង្កាត់ស្វាយដង្គំ លោក ហ៊ា ហាវ ចៅសង្កាត់ និងសហការី បានរៀបចំប័ង្សកូលឧទ្ទិសកុសលជូនបុព្ចការីជនដែលបានចែកឋានទៅកាន់បរិលោកខាងមុខ ក្នុងឪកាសបុណ្យចូលឆ្នាំថ្មីប្រពៃណីជាតិខ្មែរ ។
សូមជូនបុណ្យដល់បងប្អូនក្រុមការងារទាំងអស់ទទួលបានពុទ្ធពរទាំងបួនប្រការ អាយុ វណ្ណ: សុខ: ពល: កុំបីឃ្លៀងឃ្លាតឡើយ🙏🙏🙏

04/09/2026

រសៀលថ្ងៃទី ០៨ ខែមេសា ឆ្នាំ២០២៦ ក្នុងឱកាសបុណ្យចូលឆ្នាំប្រពៃណីជាតិខ្មែរខាងមុខនេះ ។

ក្នុងនាមរដ្ឋបាលសង្កាត់ស្វាយដង្គំ សូមបួងសួងដល់វត្ថុស័ក្តិសិទ្ធិក្នុងលោក តាមបីបាច់ថែរក្សា និងប្រសិទ្ធពរជ័យ សិរីមង្គលជូនចំពោះ លោក នួន ពុទ្ធារ៉ា អភិបាល នៃគណៈអភិបាលក្រុងសៀមរាប និងភរិយា ព្រមទាំងបុត្រ សូមទទួលនូវបវរមហាប្រសើរ មានសុខភាពល្អបរិបូរណ៍ កម្លាំងពលំមាំមួន ប្រាជ្ញាឈ្លាសវៃ បញ្ញាភ្លឺថ្លា ជន្មាយុយឺនយូរ ហើយសូមបួងសួងដល់គុណបុណ្យព្រះរតនត្រ័យ វត្ថុស័ក្តិសិទ្ធិទាំងឡាយក្នុងលោក សូមថែរក្សាប្រកបដោយពុទ្ធិពរទាំង បួនប្រការ អាយុ វណ្ណៈ សុខៈ ពលៈ ក៉ំបីឃ្លៀងឃ្លាតឡើយ ។🙏🏻🙏🏻🙏🏻

04/03/2026

ព្រឹកថ្ងៃទី០៣ ខែ មេសា ឆ្នាំ២០២៦ ជំនួសមុខឲ្យលោក ហ៊ា ហាវ ចៅសង្កាត់ស្វាយដង្គំ សូមថ្លែងអំណរគុណចំពោះ ធនាគាអេស៊ីលីដាសាខាក្រុងសៀមរាប បានឧបត្ថម្ភទឹកបរិសុទ្ធកម្ពុជាចំនួន១០កេស និងទឹកក្រូចកូកាកូឡាចំនួន៤កេស សម្រាប់ប្រើប្រាស់ក្នុងសង្កាត់ នាឪកាសបុណ្យចូលឆ្នាំថ្មីប្រពៃណីខ្មែរខាងមុខនេះ សូមជូនពរលោកប្រធាន និងសហការីទាំងអស់ជួបប្រទះតែពុទ្ធពរទាំងបួនប្រការ អាយុ វណ្ណៈ សុខៈ ពលៈ កុំបីឃ្លាងឃ្លៀតឡើយ នឹងសំបូរ អថិតិជនកាន់តែច្រើនឡើង ៕ សូមអរគុណ!🙏🏻🙏🏻🙏🏻

03/30/2026

រដ្ឋបាលសង្កាត់ស្វាយដង្គំ សូមគោរពអញ្ជើញឯកឧត្តម លោកជំទាវ លោក លោកស្រី បងប្អូនប្រជាពលរដ្ឋដែលរស់នៅក្នុងសង្កាត់ស្វាយដង្គំ ក្រុងសៀមរាប អញ្ជើញទៅធ្វើអត្តសញ្ញាណបណ្ណសញ្ជាតិខ្មែរ នៅក្នុងវត្តចក សង្កាត់ស្វាយដង្គំ

ព័ត៌មានលំអិតសាកសួរតាមរយ:លេខទូរស័ព្ទខាងក្រោម៖
០៩២ ៤៦៥ ០៥៦
០១២ ៥០៨ ៩៣១
០៧៧ ២២៨ ៥៥៦
និងតាមរយ:លោកមេភូមិទាំង១៤ភូមិក្នុងសង្កាត់ស្វាយដង្គំ ក្រុងសៀមរាប

រាល់ឯកសារផ្ដល់អត្ត.បណ្ណជូនប្រជាពលរដ្ឋត្រូវភ្ជាប់ឯកសារមកជាមួយ :
១. អ្នកធ្វើថ្មី(គ្រប់អាយុ១៥ឆ្នាំ) និងអ្នកផ្លាស់ចូលមកពីក្រៅខេត្តត្រូវ
ភ្ជាប់ឯកសារ បញ្ជាក់សៀវភៅឬ សៀវភៅគ្រួសារ (ទីលំនៅក្រុងសៀមរាប) និង សេចក្ដីចម្លងសំបុត្រកំណើរបស់សាមីខ្លួន
២.ចំពោះអ្នកផ្លាស់ចូលនៅក្នុង ឃុំ,សង្កាត់,ក្រុង ស្រុក ក្នុងខេត្តសៀមរាប ត្រូវភ្ជាប់ឯកសារសៀវភៅស្នាកនៅ ឬ សៀវភៅគ្រួសារបញ្ជាក់និត្យានុគូលកម្មនៅសាលាក្រុង (ច្រកចេញ ចូលតែមួយ) តាមការណែនាំរបស់លោកឧ.ត្រី ស្នងការរងទទួលផែនអត្ត.កម្ម ៕ សូមអរគុណ!

02/27/2026

02/03/2026

រដ្ឋបាលសង្កាត់ស្វាយដង្គំ បានចែកស្បៀងជូនជនភៀសសឹក ដែលត្រូវជម្លៀសមកពីខេត្ត បន្ទាយមានជ័យ និងឧត្តរមានជ័យ ដែលមកស្នាក់នៅក្នុងសង្កាត់ដោយសារការឈ្លានពាន។

ល្ងាចថ្ងៃទី០៣ ខែកុម្ភៈ ឆ្នាំ២០២៦ រដ្ឋបាលសង្កាត់ស្វាយដង្គំបានចែកស្បៀង ជាគ្រឿងឧបភោគបរិភោគដល់ជនភៀសសឹកចំនួន១៣៥គ្រួសារ ក្នុងនោះមួយគ្រួសារទទួលបាន៖
-អង្ករចំនួន១០គីឡូ
-មី
-ទឹកត្រី
-ត្រីខ
-សាប៊ូ ម៉្សៅ
-ទឹកសុទ្ធ។ល។
លោក ហ៊ា ហាវ ចៅសង្កាត់ស្វាយដង្គំបានសំណេះសំណាល និងសួរសុខទុក្ខបងប្អូនជនភៀសសឹកដែលមកស្នាក់នៅក្នុងមូលដ្ឋានសង្កាត់ នឹងសូមជូនពរអោយ ជួបប្រទះតែពុទ្ធពរទាំងបួនប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ ក្នុងនោះក៏មានការចូលរួមពីនាយរងប៉ុស្តិ៍ នគរបាល រដ្ឋបាលសង្កាត់ ផ្សព្វផ្សាយពីលក្ខលៈ៧យ៉ាង របស់ភូមិ ឃុំ សង្កាត់ មានសុវត្ថិភាព ជូនបងប្អូនជនភៀសសឹកផងដែរ ៕

01/20/2026

ព្រឹកថ្ងៃទី២០ ខែមករា ឆ្នាំ២០២៦ រដ្ឋបាលសង្កាត់ស្វាយដង្គំ ក្រោមការដឹងនាំរបស់ លោក ហ៊ា ហាវ ចៅសង្កាត់ នឹងមានការចូលពីចៅសង្កាត់រងទី១ ចៅសង្កាត់រងទី២ ក្រុមប្រឹក្សាសង្កាត់ បានចែកប័ណ្ណសមធម៌ ក្រ១ ក្រ២ មានចំនួន៤៣ប័ណ្ណ ដែលមកពីភូមិ កន្ត្រក ថ្មី ស្វាយដង្គំ ភ្ញាជ័យ ស្ទឹងថ្មី និងភូមិវិហារចិន ។
ក្នុងឪកាសនោះ លោក ហ៊ា ហាវ ក៏បានសំណេះសំណាលសួរសុខទុក្ខបងប្អូន អ៊ំ ពូ មីង និងបានផ្សព្វផ្សាយអំពី អត្តសញ្ញាណប័ណ្ណដែលជិតផុតសុពលភាពរយៈពេល៦ខែ សូមអោយពួកគាត់ឆាប់ទៅថតថ្មី ដើម្បីទុកសម្រាប់ការបោះឆ្នោតនៅអាណត្តិ ២០២៧ខាងមុខនេះ ជាចុងក្រោយលោកបានជូនពរ បងប្អូនជួបប្រទះតែពុទ្ធពរបួនប្រការ អាយុ វណ្ណៈ សុខៈ ពលៈកុំបីឃ្លៀង ឃ្លាតឡើយ សូមអរគុណ!៕

01/02/2026

រដ្ឋបាលសង្កាត់ស្វាយដង្គំ សូមថ្លែងអំណរ អរគុណដល់ អង្គការ អាយស៊ីអេស ដែលតែងតែឧបត្ថម្ភ គ្រឿងឧបភោគបរិភោគ ដល់សាលាសង្កាត់ស្វាយដង្គំ មានចំនួន៧០គ្រួសារ ជួយដល់ជនភៀសសឹក មកពីព្រំដែន ដោយសារការឈ្លានពាន នឹងមកស្នាក់ក្នុងមូលដ្ឋានសង្កាត់ សូមគោរពជូនពរលោកប្រធាន នឹងសហការី ជួបតែប្រទះតែសុខភាពល្អ និងជោគជ័យគ្រប់ភារៈកិច្ច សូមអរគុណ🙏🏻🙏🏻🙏🏻

12/25/2025

រដ្ឋបាលសង្កាត់ស្វាយដង្គំ បានចែកស្បៀងជូនជនភៀសសឹក ដែលត្រូវជម្លៀសមកនៅក្នុងសង្កាត់ដោយសារការឈ្លានពាន។

ល្ងាចថ្ងៃទី២៥ ខែធ្នូ ឆ្នាំ២០២៥ រដ្ឋបាលសង្កាត់ស្វាយដង្គំបានចែកស្បៀង ជាគ្រឿងឧបភោគបរិភោគដល់ជនភៀសសឹកចំនួន៤២គ្រួសារ ក្នុងនោះមួយគ្រួសារទទួលបាន៖
-អង្ករចំនួន១០គីឡូ
-មី
-ទឹកត្រី
-ត្រីខ
-សាប៊ូ ម៉្សៅ និងសាប៊ូដុសខ្លួន
-ទឹកសុទ្ធ។ល។
លោក ហ៊ា ហាវ ចៅសង្កាត់ស្វាយដង្គំបានសំណេះសំណាល និងសួរសុខទុក្ខបងប្អូនជនភៀសសឹកដែលមកស្នាក់នៅក្នុងមូលដ្ឋានសង្កាត់ នឹងសូមជូនពរអោយ ជួបប្រទះតែពុទ្ធពរទាំងបួនប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ៕

12/24/2025

រដ្ឋបាលសង្កាត់ស្វាយដង្គំ បានចែកស្បៀងជូនជនភៀសសឹក ដែលត្រូវជម្លៀសមកនៅក្នុងសង្កាត់ដោយសារការឈ្លានពាន។

ល្ងាចថ្ងៃទី២៤ ខែធ្នូ ឆ្នាំ២០២៥ រដ្ឋបាលសង្កាត់ស្វាយដង្គំបានចែកស្បៀង ជាគ្រឿងឧបភោគបរិភោគដល់ជនភៀសសឹកចំនួន១៧២គ្រួសារ ក្នុងនោះមួយគ្រួសារទទួលបាន៖
-អង្ករចំនួន១០គីឡូ
-មី
-ទឹកត្រី
-ត្រីខ
-សាប៊ូ ម៉្សៅ និងសាប៊ូដុសខ្លួន
-ខោទឹកនោមសម្រាប់កូនក្មេង
-ទឹកសុទ្ធ។ល។
លោក ហ៊ា ហាវ ចៅសង្កាត់ស្វាយដង្គំបានសំណេះសំណាល និងសួរសុខទុក្ខបងប្អូនជនភៀសសឹកដែលមកស្នាក់នៅក្នុងមូលដ្ឋានសង្កាត់ នឹងសូមជូនពរអោយ ជួបប្រទះតែពុទ្ធពរទាំងបួនប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ ។ ក៏មានការចូលរួមពីអង្គការកល្យាណមិត្ត ផ្សព្វផ្សាយពីសុវត្ថិភាពកុមារ និងចែកខិតប័ណ្ណលេខទូរស័ព្ទ Hotline ជូនពួកគាត់ សូមអរគុណ!៕

12/22/2025

រដ្ឋបាលសង្កាត់ស្វាយដង្គំសូមថ្លែងអំណរគុណ ដល់កញ្ញា សេង លី និងសប្បុរសជនរួមគ្នា ជួយឧបត្ថម្ភ អង្ករ ចំនួន៣០គីឡូ ទឹកសុទ្ធ១០យួរ ភួយចំនួន១០ កន្ទេលចំនួន១០ មុងចំនួន១០ សារ៉ុងចំនួន១០ ចានជ័រចំនួន១០ ស្លាបព្រាចំនួន៥ប្រអប់ ប្រេងកូឡា១ឡូ ជួយដល់ជនភៀសសឹកមកស្នាក់នៅតាមខ្នងផ្ទះក្នុងសង្កាត់ស្វាយដង្គំ សូមជូនពរ កញ្ញា និងក្រុមការងារ ជួបប្រទះតែពុទ្ធពរ បួនប្រការ អាយុ វណ្ណៈ សុខៈ ពលៈ កុំបីឃ្លៀងឃ្លាតឡើយ 🙏🏻 សូមអរគុណ ! ។