01/02/2023
السلام علیکم!
کور کمیٹی اور دھرنے میں موجود شرکاء اساتذہ کرام کی جرات کو سلام۔
👈 مسلمان ہونے کے ناطے کچھ تجاویز؛ کیونکہ کسی نئے نبی نے اب آنا نہیں اور شیطان نے جانا نہیں!
بحوالہ:
✅ *قرآن مجید*
*تم بہترین امت ہو جو لوگوں کے لئے پیدا کی گئی ہے کہ تم نیک باتوں کا حکم کرتے ہو اور بری باتوں سے روکتے ہو، اور اللہ تعالٰی پر ایمان رکھتے ہو۔*
سورۃ آل عمران:110
☑️ *صحیح حدیث*
رسول اللہ ﷺ نے فرمایا :
*نیکی کا حکم دو اور برائی سے منع کرو ، قبل اس کے کہ تم دعائیں مانگو اور تمہاری دعائیں قبول نہ کی جائیں۔*
ابن ماجہ 4004
۔
👈 انسان دو چیزوں کا مجموعہ ہے، جسم اور روح۔ انسان کی اصل روح ہے کیونکہ جب روح پرواز کرتی ہے تو انسان مردہ ہو جاتا ہے۔ اسی طرح سے دو طرح سے معاملات تہہ ہو رہے ہیں، مادی وسائل اور روحانی وسائل۔ ان کی اصل بھی روحانی وسائل ہی ہیں کیونکہ اگر کوئی افسر ہماری بات مان لیتا ہے تو بھی اس کے پیچھے اللّٰہ تعالٰی کی مرضی شامل ہوتی ہے۔ حضرت علی رضی اللّٰہ تعالٰی عنہ نے فرمایا: *انسان رزق کی تلاش میں رازق کو بھول جاتا ہے۔*
ہمیں اللّٰہ تعالٰی سے اپنا تعلق مضبوط کرنا ہوگا کیونکہ رزق تو آسمان میں ہے۔
بحوالہ
✅ *قرآن مجید*
*وہی اللّٰہ ہے جو تمھیں اپنی نشانیاں دکھاتا ہے، اور تمھارے لیے آسمان سے روزی بھی اُتارتا ہے، مگر (ان نشانیوں اور دلیلوں سے )سبق صرف وہی شخص لیتا ہے جو اللہ سے لولگا کر اُس کی طرف رُجوع کرنے والا ہو۔*
سورۃ مومن: 13
☑️ *صحیح حدیث*
نبی کریم صلی اللہ علیہ وآلہ وسلم نے فرمایا: *اللہ تعالیٰ نے کہا: اے آدم کے بیٹے! تو میری عبادت کے لیے فارغ ہو جا، میں تیرے سینے کو غِنٰی (سکون) سے بھر دوں گا اور تیری فقیری کو ختم کر دوں گا، اور اگر تو نے ایسے نہ کیا تو تیرے سینے کو مصروفیت سے بھر دوں گا اور تیری فقیری کو پورا نہیں کروں گا۔*
مسند احمد: 8946
👈 صدقہ دیں۔
بحوالہ:
✅ *قرآن مجید*
*میرا رب اپنے بندوں میں جس کے لئے چاہے روزی کشادہ کرتا ہے اور جس کے لئے چاہے تنگ کر دیتا ہے تم جو کچھ بھی اللہ کی راہ میں خرچ کرو گے اللہ اس کا ( پورا پورا ) بدلہ دے گا اور وہ سب سے بہتر روزی دینے والا ہے۔*
سورۃ سبا: 39
۔
☑️ *صحیح احادیث*
رسول اللہ ﷺ نے فرمایا : *اللہ تعالیٰ فرماتا ہے کہ اے ابن آدم ! تو خرچ کر تو میں تجھ کو دیئے جاؤں گا۔*
صحیح البخاری:5352
رسول اللہ صلی اللہ علیہ وآلہ وسلم نے فرمایا: *جب بھی کوئی انسان (اللّٰہ کی رضا کے لیے) صدقہ کرتاہے تو وہ ستر شیطانوں کے جبڑے توڑتا ہے۔*
زکوۃ کی ادائیگی کے متعلق ابواب #3574، (مسند احمد: ۲۳۳۵۰)
۔
👈 اپنے والدین، بہن بھائی، شریک حیات، بچے، رشتہ داروں اور ہمسایوں سے تعلقات اچھے کریں۔
بحوالہ:
☑️ *صحیح حدیث*
رسول اللہ صلی اللہ علیہ وآلہ وسلم نے فرمایا: *جو شخص یہ پسند کرتا ہے کہ اس کی عمر بڑھا دی جائے اور اس کے رزق میں اضافہ کر دیا جائے تو وہ اپنے والدین سے نیکی کرے اور صلہ رحمی کرے۔*
نیکی اور صلہ رحمی کے مسائل #8989، (مسند احمد: ۱۳۴۳۴)
۔
👈 تمام بھائی اور بہنیں اللّٰہ تعالٰی سے اپنے گناہوں کی معافی مانگیں، *پیریڈز نا پڑھانا، نقل کروانا، چیکنگ کے دوران بدنیتی، بے جا کسی کو فیور دینا، وقت پر نا پہنچنا، دوسروں کی ٹوہ میں رہنا، افسروں کی بے جا چاپلوسی، غیبت، چغلی، جھوٹ وغیرہ* یہ تمام کام حرام کمائی میں آتے ہیں جس کی مرنے سے پہلے معافی مانگنی اور اپنے آپ کو درست کرنا بہت ضروری ہے کہ ان شاءاللہ! آئندہ یہ کام نہیں کریں گے۔
بحوالہ:
✅ *قرآن*
(1) *"اپنے پالنے والے مالک سے معافی مانگ لو۔ حقیقتا وہ بڑا معاف کرنے والا ہے۔ وہ تم پر آسمان سے خوب خوب بارشیں برسائے گا اور مال اور اولاد سے تمھاری مدد بھی کرے گا، اور تمھارے لیے باغ پیدا کرے گا، اور تمھارے لیے نہریں بہا دے گا۔*
سورۃ نوح، (10-12)
☑️ *صحیح حدیث*
(2) رسول اللہ صلی اللہ علیہ وآلہ وسلم نے فرمایا: *بے شک انسان گناہ کا ارتکاب کرنے کی وجہ سے رزق سے محروم کر دیا جاتا ہے، اور کوئی چیز تقدیر کو ردّ نہیں کر سکتی، ما سوائے دعا کے اور صرف نیکی ہی ہے، جو عمر میں اضافہ کرتی ہے۔*
دعا اور اس سے متعلقہ امور کے ابواب #5583، (مسند أحمد: ۲۲۸۰۲)
◀️ نوٹ: *دعاؤں کا اہتمام کریں جیسا کہ مذکورہ بالا حدیث مبارکہ میں منقول ہے۔*
۔
👈 حج اور عمرہ کی نیت کر لیں۔
بحوالہ
☑️ *صحیح حدیث*
رسول اللہ صلی اللہ علیہ وآلہ وسلم نے فرمایا: *حج اور عمرہ کی عبادات ایک دوسرے کے بعد ادا کرتے رہو، کیونکہ یہ دونوں فقر و فاقہ اور گناہوں کو یوں ختم کرتے ہیں، جیسے بھٹی لوہے، سونے اور چاندی کی میل کچیل کوختم کر دیتی ہے اور حج مبرور کا ثواب جنت سے کم تو ہے ہی نہیں۔*
مسند احمد 4057
۔
👈تمام اساتذہ کرام پنجگانہ نماز کا اہتمام کریں کیونکہ عبادات میں سے پہلا سوال نماز کا ہوگا۔ آخر ہم نے مرنا ہے اور 50,000 سال کے برابر دن میں حساب دینا ہے۔
بحوالہ:
✅ *قرآن مجید*
*اور جو میری یاد سے منہ موڑے گا اس کے لیے دنیا میں تنگ زندگی ہوگی اور قیامت کے روز ہم اسے اندھا اٹھائیں گے۔*
سورۃ طہ: 124
*اپنے گھرانے کے لوگوں پر نماز کی تاکید رکھو اور خود بھی اس پر جمے رہ، ہم تجھ سے روزی نہیں مانگتے بلکہ ہم خود تجھے روزی دیتے ہیں آخر میں بول بالا پرہیزگاری ہی کا ہے۔*
سورۃ طہ 132
☑️ *صحیح احادیث*
*جس کی عصر کی نماز چھوٹ جائے گویا اس کا گھر بار، مال، شریک حیات، اولاد سب برباد ہو گئے۔*
صحیح البخاری 552، 3602
نبی کریم ﷺ نے فرمایا کہ *منافقوں پر فجر اور عشاء کی نماز سے زیادہ اور کوئی نماز بھاری نہیں اور اگر انہیں معلوم ہوتا کہ ان کا ثواب کتنا زیادہ ہے ( اور چل نہ سکتے ) تو گھٹنوں کے بل گھسٹ کر آتے اور میرا تو ارادہ ہو گیا تھا کہ مؤذن سے کہوں کہ وہ تکبیر کہے، پھر میں کسی کو نماز پڑھانے کے لیے کہوں اور خود آگ کی چنگاریاں لے کر ان سب کے گھروں کو جلا دوں جو ابھی تک نماز کے لیے نہیں نکلے۔*
صحیح البخاری: 657
۔
👈 نماز تہجد کا اہتمام کریں۔
امام شافعی فرماتے ہیں کہ تہجد کے وقت کی جانے والی دعا اس تیر کی طرح ہےجو کبھی خطا نہیں جاتا۔
اگر تم کوئی چیز چاہتے ہو اور تہجد نہیں پڑھتے تو تمہاری طلب میں کمی ہے۔
بحوالہ:
☑️ *صحیح حدیث*
*رسول اللہ ﷺ نے فرمایا کہ ہمارا پروردگار بلند برکت والا ہے ہر رات کو اس وقت آسمان دنیا پر آتا ہے جب رات کا آخری تہائی حصہ رہ جاتا ہے ۔ وہ کہتا ہے کوئی مجھ سے دعا کرنے والا ہے کہ میں اس کی دعا قبول کروں ، کوئی مجھ سے مانگنے والا ہے کہ میں اسے دوں کوئی مجھ سے بخشش طلب کرنے والا ہے کہ میں اس کو بخش دوں۔*
صحیح البخاری 1145
👈 جب بھی میٹینگ یا اسکولز میں جائیں تو بدنظری سے اپنے آپ کو بچائیں کیونکہ جو مسلمان یہ چاہتا ہو کہ وہ ایمان کا مزہ چکھے تو اسے اپنے آپ کو غیر محرم کی بدنظری سے بچانا پڑے گا۔ یہ اللّٰہ کا قانون ہر مسلمان مرد و عورت پر فرض ہے۔
بحوالہ:
✅ *قرآن مجید*
*مسلمان مردوں سے کہو کہ اپنی نگاہیں نیچی رکھیں اور اپنی شرم گاہوں کی حفاظت رکھیں یہی ان کے لئے پاکیزگی ہے ، لوگ جو کچھ کریں اللہ تعالٰی سب سے خبردار ہے۔ مسلمان عورتوں سے کہو کہ وہ بھی اپنی نگاہیں نیچی رکھیں اور اپنی عصمت میں فرق نہ آنے دیں اور اپنی زینت کو ظاہر نہ کریں سوائے اس کے جو ظاہر ہے اور اپنے گریبانوں پر اپنی اوڑھنیاں ڈالے رہیں اور اپنی آرائش کو کسی کے سامنے ظاہر نہ کریں سوائے اپنے خاوندوں کے یا اپنے والد یا اپنے خسر کے یا اپنے لڑکوں کے یا اپنے خاوند کے لڑکوں کے یا اپنے بھائیوں کے یا اپنے بھتیجوں کے یا اپنے بھانجوں کے یا اپنے میل جول کی عورتوں کے یا غلاموں کے یا ایسے نوکر چاکر مردوں کے جو شہوت والے نہ ہوں یا ایسے بچوں کے جو عورتوں کے پردے کی باتوں سے مطلع نہیں اور اس طرح زور زور سے پاؤں مار کر نہ چلیں کہ ان کی پوشیدہ زینت معلوم ہو جائے ، اے مسلمانوں! تم سب کے سب اللہ کی جناب میں توبہ کرو تاکہ تم نجات پاؤ۔*
سورۃ النور 30-31
☑️ *صحیح حدیث*
*پس آنکھ کا زنا (غیر محرم کو شہوت سے) دیکھنا ہے، زبان کا زنا غیر محرم سے (شہوت بھری) گفتگو کرنا ہے، دل کا زنا خواہش اور شہوت ہے۔*
کتاب تقدیر کے بیان میں #6612
۔
👈 اپنی زبان کو گالیوں اور فحش کلام سے پاک رکھیں
بحوالہ:
✅ *قرآن مجید*
*یقیناً ایمان والوں نے فلاح حاصل کر لی۔ جو اپنی نماز میں دل سے جھکنے والے ہیں۔ اور جو گندی، بے ہودہ، بے کار باتوں سے منہ پھیر لینے والے ہیں۔
سورۃ المؤمنون: 01-03
☑️ *صحیح حدیث*
رسول اللہ ﷺ نے فرمایا کہ *چار عادتیں جس کسی میں ہوں تو وہ خالص منافق ہے اور جس کسی میں ان چاروں میں سے ایک عادت ہو تو وہ ( بھی ) نفاق ہی ہے، جب تک اسے نہ چھوڑ دے۔ ( وہ یہ ہیں ) جب اسے امین بنایا جائے تو ( امانت میں ) خیانت کرے اور بات کرتے وقت جھوٹ بولے اور جب ( کسی سے ) عہد کرے تو اسے پورا نہ کرے اور جب ( کسی سے ) لڑے تو گالیوں پر اتر آئے۔*
صحیح البخاری:34
👈اپنے شب و روز پر غور کریں۔
☑️ *صحیح حدیث*
نبی اکرم ﷺ نے ارشاد فرمایا :
*امت کے کچھ لوگ کھانے پینے اور لہو و لعب میں رات گزاریں گے اور صبح کے وقت ان کی شکلیں خنزیروں کی شکلوں میں بدل چکی ہوں گی، ان میں پورے پورے قبیلے زمین میں دھنسا دیئے جائیں گے، اور وہاں کی بستیاں تباہ کر دی جائیں گی، صبح کے وقت لوگ آپس میں یوں باتیں کر رہے ہوں گے کہ گزشتہ رات دار بنی فلاں کا فلاں قبیلہ زمین میں دھنسا دیا گیا، اور ان پر پتھروں والی سخت آندھی بھیجی گئی، جیسا کہ قوم لوط پر بھیجی گئی تھی ، اور ان پر سخت تیز آندھی بھیجی گئی ہے ، اس نے ان کو تباہ کر دیا ہے ، جیسا کہ ان سے پہلے لوگوں کو شراب نوشی اور سود خوری ، ریشم پہننے اور گانے والی لونڈیاں اختیار کرنے اور قطع رحمی کی وجہ سے تباہ کر دیا گیا تھا۔*
صحیح مسلم،
الذھبی فتنوں اور آزمائشوں کا بیان #8572
وما علینا الاالبلاغ المبین
ان شاءاللہ ہم مستقل ہو جائیں گے، مگر مستقل ہونے کے بعد بھی ہم مر سکتے ہیں، ریٹائرمنٹ کے بعد بھی مرنا ہے۔ اس عارضی دنیا کی ہر شے عارضی ہے۔ اس آخرت کی محنت کرو جو ہمیشہ رہنے والی ہے۔
اللّٰہ تعالٰی ہم سب مسلمانوں کو قرآن مجید اور سنت کے مطابق ساری زندگی گزارنے کی توفیق عطا فرمائے اور ہم تمام کنٹریکٹ ملازمین کو جلد از جلد ڈیٹ آف جوائننگ سے ریگولر فرمائے ۔
آمین!
