The Beyondies ADHD Parent Coaching, Fairfax, VA (2026)

08/29/2026

مسابقة للأهالي | اكسب حضور مجاني لأول لقاء من ورشة العادات الذرية وADHD

لو عندك طفل أو مراهق عنده ADHD، أكيد مر عليك الموقف ده
اتفقتم على عادة جديدة …
يرتب غرفته، يجهز شنطته من بليل، يذاكر في معاده، أو يقلل وقت الشاشة

يبدأ يومين بحماس … وبعدها كل شيء يرجع زي الأول!

❓السؤال

في رأيك، ليه أطفال الـADHD بيكون عندهم صعوبة في الاستمرار على العادات، حتى لو هما مقتنعين بيها ووعدونا إنهم هيلتزموا؟

والأهم …

لو عايز تساعد ابنك يبني عادة واحدة بدون زعيق أو تذكير طول الوقت، إيه أول حاجة هتغيرها في الطريقة اللي بتتعامل بيها معاه؟

اكتبلنا إجابتك وأفضل إجابة ستفوز بحضور مجاني لأول لقاء من ورشة Book Club | العادات الذرية وADHD

مش بندور على إجابة مثالية …
بندور على إجابة فيها فهم حقيقي لطريقة عمل دماغ الـADHD 🤍

08/27/2026

لو عندك ADHD فأنت غالبا عارف إن المشكلة مش دايما في انك مش عايز تتغير…
لكن في إنك محتاج نظام وعادات تناسب طريقة عمل دماغك🧠
وعشان كده بنبدأ معاكم Book Club |العادات الذرية
خلال 4 لقاءات أسبوعية، مش هنتكلم عن الكتاب بشكل نظري وبس، لكن هنشتغل على نفسنا خطوة بخطوة

• كل لقاء هنناقش جزء من الكتاب وهنربطه بحياتنا اليومية
• نفهم إزاي دماغ الـADHD بيتعامل مع العادات والالتزام
• نكتشف العادات الخفية والأنماط اللي بتعطلنا
• نعمل تمارين عملية تساعدنا نغير سلوكيات غير فعالة
• نحدد عادة عايزين نبنيها وعادة عايزين نتخلص منها
وفي كل لقاء هنراجع إيه اللي طبقناه؟ وإيه اللي محتاجين نعدله؟
4 لقاءات ، كل لقاء حوالي ساعتين إلى ساعتين ونصف
75 صفحة تقريبا في كل لقاء 📖
وفي النهاية، هدفنا مش إنك تخلص الكتاب وتقول كتاب حلو!
هدفنا إنك تخلص الورشة وتكون بدأت فعلا تغير عادة في حياتك 🤍
الورشة مناسبة للأمهات والمراهقين والبالغين وكل شخص حابب يفهم عاداته ويبني نظام يساعده بدل ما يحارب نفسه
لن نقرأ كتابًا فقط، بل سنحول أفكاره إلى عادات تغير حياتنا 🤍
📆 موعد أول لقاء يوم الأربعاء 16 سبتمبر الساعه 7 مساءً
مع سلّام سعد استشارى تعديل سلوك وإرشاد نفسي مراهقين وأسري
للحجز :
+20 11 26880722

08/25/2026

من أكتر الحاجات المستفزة في الـ ADHD إنك تبقى عارف إن في حاجة مهمة جدًا لازم تعملها… وبرضه مش قادر تبدأ.
وفي نفس اليوم تلاقي نفسك قعدت ساعتين تعمل حاجة تانية ملهاش نفس الأهمية، بس لأنها شدت اهتمامك.
وساعتها السؤال الطبيعي هيبقى طب ما أنا أهو بعرف أركز!
المشكلة إن دماغ ال ADHD مش بيتعامل مع الأهمية لوحدها كمحفز كفاية. ممكن أعرف إن الحاجة مهمة، وعارف عواقب تأجيلها كمان، لكن ده مش معناه إن البداية هتبقى سهلة.
الاهتمام، التحدي، الحاجة الجديدة، أو حتى قرب الديدلاين… كل دي حاجات ممكن تحركني أسرع.
وعشان كده، بدل ما أفضل أقول لنفسي: «ركز بقى، دي حاجة مهمة»، بحاول أسأل سؤال تاني:
إزاي أخليها أسهل على دماغي عشان تبدأ؟
ممكن أحولها لتحدي صغير، أشغل تايمر، أبدأ بأسهل جزء، أو أدي نفسي مكافأة بعدها.
مش كل مرة هنقدر نستنى دماغنا تتحمس للحاجة المهمة.
ساعات إحنا اللي محتاجين نديها سبب يخليها تبدأ.
🤍

08/24/2026

هو ذكي وبيفهم… بس بينسى بسرعة
بقوله يعمل حاجة، وبعد دقيقتين يكون نسي
مش بيعرف يركز في المهمة للآخر

لو الجُمل دي مألوفة ليكي، ممكن يكون لل Working Memory دور في اللي بتلاحظيه عند طفلك
الذاكرة العاملة هي اللي بتساعدنا نحتفظ بالمعلومة في دماغنا ونستخدمها في نفس الوقت
زي إن الطفل يسمع التعليمات، يفتكرها، وينفذها

وهنا بييجي دور Cogmed 🧠
برنامج تدريبي عالمي متخصص بيستخدم تمارين تفاعلية مصممة لتدريب الذاكرة العاملة بشكل تدريجي، مع متابعة للتقدم طوال فترة البرنامج

🎯 40 Training Blocks
🏠 تدريب من البيت
⏱️ جلسات مرنة
📊 متابعة وتقارير أسبوعية
👩‍⚕️ متابعة مع Cogmed Provider

مش كل مشكلة تركيز معناها إن الطفل مش بيحاول
أحيانًا محتاجين نفهم الأول إيه المهارة اللي محتاجة تدريب

📩 للتعرف على برنامج Cogmed والتفاصيل، ابعتولنا رسالة
+20 11 26880722

08/23/2026

تفتكروا إيه اللي بيجمع بين كريم فهمي، مايان السيد، سلوى محمد علي، أميرة أديب، عمرو مصطفى، امير عيد ،وجانا عمرو دياب؟

موهبة؟
إبداع؟
نجاح؟
حضور مختلف؟

أيوه… لكن فيه حاجة تانية.

كلهم اتكلموا علناً عن تجربتهم مع ADHD.

ويمكن أكتر قصة تلفت نظري هي جانا عمرو دياب.

بنت اتقال عنها في المدرسة إنها مش مركزة، مش بتسلم واجباتها في معادها، بتشتت اللي حواليها… ووصل الأمر إن المدرسة نصحتها بالمغادرة بعد تشخيصها بال ADHD.
وأمير عيد نفس القصه…

المشكلة لم تكن إنها مش ذكية..،

المشكلة إن دماغها لم تكن تعمل بالطريقة التي صُمم لها النظام التعليمي.

وده شيء بشوفه طول الوقت مع أطفال وبالغين ADHD.

شخص ممكن يعجز عن التركيز 20 دقيقة في شيء لا يثير اهتمامه…

وفي نفس الوقت يدخل في Hyperfocus لساعات في شيء يحبه.

ممكن يتعذب مع الروتين والتنظيم والمواعيد…

وفي المقابل يمتلك سرعة أفكار، تلقائية، خيالًا، قدرة على الربط بين أشياء لا يراها الآخرون، وجرأة على التجربة.

وده لا يعني إن ADHD ميزة خارقة طول الوقت.

لأ.

ممكن يكون مرهق جدًا عندما لا نفهمه ولا نعرف كيف نديره.

لكن الكارثة الحقيقية تبدأ عندما نفسر أعراضه أخلاقياً:

مش مركز = مهمل
مش منظم = مستهتر
بيمل بسرعة = مدلل
درجاته أقل من قدراته = كسول
كلامه وحركته كتير = قليل الأدب وعصبي

وبعد سنوات…

قد نكتشف أن الطفل لم يكن يحتاج المزيد من الضغط.

كان يحتاج شخصاً يفهم دماغه.

والأهم:

نجاح هؤلاء الأشخاص لا يعني أن كل شخص مبدع عنده ADHD، ولا أننا نستطيع تشخيص أي فنان من تصرفاته.

لكنه يكسر فكرة خطيرة جداً:

أن تشخيص ADHD يعني أن مستقبل الطفل أصبح محدود..

بالعكس…

أحيانًا الطفل الذي تتعب وأنت تحاول أن تجعله يناسب القالب…

هو نفسه الذي سيكبر ويصنع قالباً خاصاً به.

المطلوب مش إننا نكسر اختلافه.

المطلوب إننا نعلّمه إزاي يقود الدماغ ده بدل ما الدماغ هو اللي يقوده.

ولو أنت بالغ وقرأت الكلام وافتكرت فجأة طفولتك، دراستك، تأجيلك، فوضاك، اندفاعك، ومئات المرات اللي سألت فيها نفسك:

أنا ذكي… أمال ليه الحاجات البسيطة دي صعبة عليّ؟

يمكن السؤال مش:

مالي؟

يمكن السؤال الأصح:

هو أنا طول السنين دي كنت بحاول أشغّل دماغي بطريقة مش طريقته؟

08/20/2026

زي ما إحنا عارفين إن مخ طفل الـ ADHD بيشتغل بشكل مختلف
طيب نعمل إيه عشان نساعده ينفذ مهمة معينة؟ 🤔

أول حاجة مينفعش نسيب المهمة مفتوحة
يعني بدل ما نقوله
❌ روق أوضتك
الجملة دي بالنسبة له ممكن تكون مهمة كبيرة ومش واضحة ومخه مش عارف يبدأ منين

لكن تعالي نقسمها معاه لخطوات صغيرة وواضحة 👇🏻
إيه رأيك نبدأ ننضف المكتب؟
ولما يخلص
برافو عليك! ناخد بريك صغير ونتفرج على فيلم بتحبه

وبعدها نبدأ خطوة تانية
إيه رأيك نلعب مع بعض؟ نشوف مين هيلم الهدوم ويحطها في الدولاب أسرع … أنا ولا أنت؟

كده بدل ما قدامه ترويق الأوضة كمهمة ضخمة، بقى قدامه خطوات صغيرة يقدر يفهمها وينفذها واحدة واحدة
كل ما كانت المهمة محددة، واضحة، وصغيرة … كل ما كان أسهل على طفل الـADHD إنه يبدأ ويكمل وينجح فيها.

ومع التشجيع والتحفيز المناسب، هتتفاجئي بقد إيه طفلك قادر يحقق اكتر🧡💪🏻

08/18/2026

لو عندك ADHD فأنت غالبا عارف إن المشكلة مش دايما في انك مش عايز تتغير…
لكن في إنك محتاج نظام وعادات تناسب طريقة عمل دماغك🧠
وعشان كده بنبدأ معاكم Book Club |العادات الذرية
خلال 4 لقاءات أسبوعية، مش هنتكلم عن الكتاب بشكل نظري وبس، لكن هنشتغل على نفسنا خطوة بخطوة

• كل لقاء هنناقش جزء من الكتاب وهنربطه بحياتنا اليومية
• نفهم إزاي دماغ الـADHD بيتعامل مع العادات والالتزام
• نكتشف العادات الخفية والأنماط اللي بتعطلنا
• نعمل تمارين عملية تساعدنا نغير سلوكيات غير فعالة
• نحدد عادة عايزين نبنيها وعادة عايزين نتخلص منها
وفي كل لقاء هنراجع إيه اللي طبقناه؟ وإيه اللي محتاجين نعدله؟
4 لقاءات ، كل لقاء حوالي ساعتين إلى ساعتين ونصف
75 صفحة تقريبا في كل لقاء 📖

وفي النهاية، هدفنا مش إنك تخلص الكتاب وتقول كتاب حلو!
هدفنا إنك تخلص الورشة وتكون بدأت فعلا تغير عادة في حياتك 🤍
الورشة مناسبة للأمهات والمراهقين والبالغين وكل شخص حابب يفهم عاداته ويبني نظام يساعده بدل ما يحارب نفسه
لن نقرأ كتابًا فقط، بل سنحول أفكاره إلى عادات تغير حياتنا 🤍
مع سلّام سعد استشارى تعديل سلوك وإرشاد نفسي مراهقين وأسري
للحجز والاستفسار:
+20 11 2688072

08/15/2026

الطفل مش محتاج عقاب أكتر … محتاج فهم، دعم، وتوجيه مناسب لقدراته واحتياجاته
لأن كل طفل مختلف بطريقته … ومع الدعم الصحيح، يقدر ينجح ويتألق🤍

08/12/2026

مش كل تصرف بنعمله مع أطفالنا بيكون بدافع سيئ🤍
أحيانا بنحاول نحميهم، نشجعهم، أو نساعدهم ينجحوا، لكن من غير ما نقصد ممكن بعض أساليبنا تتحول لضغط أو خوف أو قلق مستمر
المقارنة، الانتقاد المستمر، التخويف، الضغط على الكمال، أو حتى التدخل الزائد … كلها رسائل ممكن تأثر على طريقة الطفل في رؤيته لنفسه وللعالم من حوله.
علشان كده، الفرق مش بس في نية الأهل …
الفرق في الطريقة اللي بيوصل بيها التصرف للطفل.

في السلسلة دي جمعنالكم أشهر الأخطاء السلوكية اللي ممكن تمارسها الأسرة، ومع كل خطأ بديل عملي وصحي يساعدكم تتعاملوا مع طفلكم بطريقة تدعم ثقته بنفسه واستقلاليته🤍
🤍💪🏻

08/10/2026

في سن المراهقة … مش دايما المشكلة إن ابنك مش بيسمعك، ساعات المشكلة إنكم مبقتوش عارفين تسمعوا بعض ..
فترة المراهقة بتتغير فيها احتياجات ابنك، طريقته في التفكير، مشاعره، وعلاقته بأهله
وساعات الأم والأب بيحسوا إنهم مش عارفين يتعاملوا معاه
أكلمه إزاي؟
أسيبه ولا أتدخل؟
ليه مبقاش بيحكيلي؟
كل ما أتكلم معاه بنتخانق!

وفي المقابل، المراهق ممكن يكون عنده احتياجات ومشاعر ومشاكل مش عارف يعبر عنها، أو مش لاقي المساحة الآمنة اللي يتكلم فيها

عشان كده في The Beyondies عملنا باكدج مخصصة للمراهق والأهل🤍🫂
الباكدج بتتكون من 3 جلسات
• الجلسة الأولى:
جلسة فردية مع المراهق، نسمعه فيها ونتعرف على احتياجاته، التحديات اللي بيمر بيها، والمشاكل اللي ممكن يكون مش قادر يتكلم عنها مع أهله
• الجلسة الثانية:
جلسة مع الأم أو الأب أو الاتنين، نفهم فيها وجهة نظر الأهل، ونتكلم عن طريقة التعامل الأنسب مع احتياجات المراهق والتحديات الموجودة
• الجلسة الثالثة:
جلسة تجمع المراهق والأهل معًا، بمساعدة الـ Therapist كوسيط آمن ومحايد، عشان كل طرف يقدر يسمع ويفهم الطرف التاني
بنتكلم عن احتياجات المراهق، المشاكل الموجودة، التحديات، الحدود، العلاقات الغير سوية، وأي نقاط مسببة توتر أو خلاف بينهم
الهدف مش إننا نحدد مين صح ومين غلط…

الهدف إننا نرجع لغة التواصل بينهم، ونوصل لحلول يقدروا يكملوا بيها مع بعض بشكل صحي🤍

لأن أحيانًا المراهق مش محتاج أهل أكثر اهتمامًا …
هو محتاج أهل يعرفوا يوصلوله بطريقة مختلفة

The Beyondies ADHD Parent Coaching

08/29/2026

08/27/2026

08/25/2026

08/24/2026

08/23/2026

08/20/2026

08/18/2026

08/15/2026

08/12/2026

08/10/2026

Address

Website

Alerts

Contact The School

Shortcuts

Share

Category

Listing takedown request