08/28/2026
એક મીઠું સંભારણુ................... અને આપણી સનાતની પરંપરા....
આજે વિશ્ર્વ આખામા બેજોડ અને આપણી સાંસ્કૃતિક વિરાસતનો ભવ્ય તહેવાર એવો રક્ષાબંધનનો અનેરો અવસર.
આ અવસરને ઉજાગર કરતુ અતિ પ્રાચીન ગીત,,,,,,,
"કુંતા અભિમન્યુને બાંધે અમર રાખડી"
જે મિત્ર આ ગીત આપણી સમક્ષ રજુ કરી રહ્યા છે,એ છે
પ્રકાશ ગોહીલ...(હેબતપુર-વણી)
આજે તો ભારત વર્ષમાં સંતવાણીમાં અનેરુ સ્થાન પ્રાપ્ત કરનાર ભાઈ પ્રકાશનો પરીચય એમની ભજનવાણી,સંતવાણી અને ગુરૂકૃપા થકી સૌને સહજ છે.
પણ
મારે આજે આ પવિત્ર તહેવાર એમને જ કેમ યાદ કરવા પડ્યા ,એ બાબત સ્પષ્ટતા કરતા હુ મારી જાતને રોકી શકતો નથી.
આપણી જય ગુરૂદેવ હાઈસ્કૂલ- વણીમાં રોજ અપડાઉન (અલબત્ત પૈદલ) કરીને હેબતપુરથી હાઈસ્કૂલ આવનાર એ વખતનુ અમારૂ નાનકડુ બાળક શાળામા ઉજવાતા વર્ષના તમામ તહેવારે પ્રાર્થનાસભામાં તહેવારને અનુરુપ ગીત,ભજન,લોકગીત રજુ કરતુ.
મને બરાબર યાદ છે કે શાળાની બહેનો પ્રાર્થના સભામાં ભાઈઓને રક્ષાસૂત્ર બાંધતી ,કેટલાંક વિધાર્થીઓ પ્રાસંગીત રજૂઆત કરતા અને છેલ્લે પ્રકાશ ગોહીલના સ્વરમાં આ રક્ષાગીત સાજસંગીત સાથે આખી પ્રાર્થનસભાને ભાવવિભોર બનાવી જતી.
આજે એમને મને વોટ્સ એપ પર આ વિડીયો ક્લિપ મોકલી અને મારા માનસપટ પર એ પ્રાર્થનાસભાનુ ચિત્ર હૂબહૂ અંકીત થયુ.
આજે ઘણાં લાંબા સમયે એ સમયના સંભારણા મનને ટાઠક આપનારા બની રહ્યા છે.
ભાઈશ્રી પ્રકાશને અઢળક શુભકામનાઓ.
