Аутизмын тухай мэдэх бүхнээ хуваалцъя

Аутистик алдартнууд цуврал

Австралийн нэрт дуучин, дуу зохиогч Сиа (бүтэн нэр нь Sia Kate Isobelle Furler) сүүлийн жилүүдэд өөрийн хувийн амьдралын талаар илүү нээлттэй ярьж эхэлсэн нь олон хүний анхаарлыг татсан юм. Тэрбээр 1975 оны 12 дугаар сарын 18нд Австрали улсын Аделэйд хотод төржээ.

2023 онд өгсөн нэгэн ярилцлагадаа Сиа өөрийгөө аутизмын спектрт багтдаг гэдгээ илчилсэн нь олон нийтийг гайхшруулсан төдийгүй олон хүнд урам зориг өгсөн үйл явдал болсон. Түүний хэлснээр, тэрээр 45 орчим жилийн турш “өөрийн жинхэнэ дүрээ нууж, хүний дүрд тоглож байгаа мэт” мэдрэмжтэй амьдарч иржээ. Харин оношлогдсоныхоо дараа өөрийгөө илүү сайн ойлгож, тайвшрал, чөлөөлөлтийг мэдэрсэн гэж ярьсан байна.

Сиагийн нэрийг дэлхий нийтэд таниулсан хамгийн том бүтээлүүдийн нэг бол “Chandelier” дуу юм. Энэхүү дуу нь зөвхөн хөгжмийн чансааг тэргүүлээд зогсохгүй, сэтгэл хөдлөлийг гүнзгий илэрхийлсэн утга агуулга, уран сайхны клипээрээ олон сая хүний сэтгэлийг хөдөлгөсөн билээ. Үүний дараа тэрээр David Guetta-тай хамтран гаргасан “Titanium” дуугаараа дэлхий даяар хит болж, өөрийн байр суурийг улам бататгасан юм. Мөн “Cheap Thrills” дуу нь АНУ-ын хөгжмийн чартыг тэргүүлж, түүнийг поп хөгжмийн шилдэг уран бүтээлчдийн эгнээнд баттай оруулсан.

Гэвч Сиагийн амжилт зөвхөн тайзан дээрх дуулалтаар хязгаарлагддаггүй. Тэрээр дэлхийн томоохон одуудад хит дуу бичиж өгсөн чадварлаг дуу зохиогч юм. Тухайлбал, Rihanna-гийн “Diamonds” дуу нь түүний уран бүтээлийн тод жишээ бөгөөд дэлхий даяар асар их амжилт олсон. Үүнээс гадна Beyoncé, Katy Perry зэрэг олон уран бүтээлчидтэй хамтран ажилласан нь түүнийг хөгжмийн салбарын хамгийн эрэлттэй зохиогчдын нэг болгосон юм.

Шагнал урамшууллын хувьд Сиа олон удаа Grammy Awards-д нэр дэвшиж, MTV Video Music Awards, ARIA Awards зэрэг нэр хүндтэй шагналуудыг хүртсэн нь түүний уран бүтээлийн үнэ цэнийг илтгэнэ. Түүний бүтээлүүд зөвхөн сонсогчдын дунд төдийгүй мэргэжлийн хүрээнд ч өндрөөр үнэлэгддэг.

Сиагийн нэг онцлог нь түүний дүр төрх юм. Тэрээр ихэвчлэн нүүрээ халхалсан хиймэл үстэйгээр тайзан дээр гардаг бөгөөд энэ нь алдартай байдлаас өөрийгөө хамгаалах, уран бүтээлдээ илүү төвлөрөх гэсэн зорилготой байжээ. Энэ шийдэл нь түүнийг бусдаас онцгойруулж, урлагийн нэгэн бэлгэ тэмдэг болгосон.

Мөн Сиа өөрийн бүтээлч хүрээг тэлж, 2021 онд “Music” киног найруулсан нь түүний урлагийн олон талт байдлыг харуулсан алхам болсон. Хэдийгээр уг бүтээл шүүмжлэл дагуулсан ч тэрээр алдаанаасаа суралцаж, уран бүтээлчийн хувьд өсөж дэвжсээр байна.

Сиагийн амьдрал дан ганц амжилтаар дүүрэн байгаагүй. Тэрээр бага наснаасаа эхлэн сэтгэл зүйн бэрхшээлүүдтэй тэмцэж ирсэн бөгөөд донтох асуудал, сэтгэл гутрал зэрэг олон сорилтыг даван туулжээ. Урлаг бол түүний хувьд өөрийгөө илэрхийлэх, дотоод мэдрэмжээ гаргах хамгийн том гарц байсан бөгөөд энэ нь түүний уран бүтээлд гүн гүнзгий нөлөөлсөн байдаг.

Сиагийн өөрийн аутизмын онош нь түүний өмнөх бүтээлүүд болон үйлдлүүдийг дахин ойлгоход шинэ өнцөг нээж өгсөн гэж хэлж болно. Тэрээр өөрийн туршлагаараа дамжуулан хүмүүсийг ялгаатай байдлыг ойлгож, хүлээн зөвшөөрөхийг уриалж байна.

Өнөөдөр Сиа зөвхөн амжилттай уран бүтээлч төдийгүй, өөрийн үнэн төрхийг хүлээн зөвшөөрч, бусдад зориг өгч чадсан нэгэн эмэгтэй болжээ.

26 настай Армани Уильямс NASCAR-ын анхны ил тод аутизмтай тамирчин болж, түүхэнд нэрээ үлдээлээ. Детройт хотын уугуул тэрээр 2 настайдаа аутизмын спектрт багтана гэж оношлогдож, багадаа бараг ярьдаггүй байсан ч 3 настайдаа анхны үгээ хэлж байжээ. Өсч торних хугацаандаа нийгмийн харилцаа болон мэдрэхүйн тодорхой бэрхшээлүүдтэй тулгарч байсан ч эцэг эхийнхээ дэмжлэгээр тэдгээрийг даван туулж, өөрийгөө тасралтгүй хөгжүүлж чадсан юм.

Бага байхаасаа л тэр уралдааны замд татагдаж, өөрийн дуртай зүйлийг эрт олсон нэгэн. Ердөө 8 настайдаа картинг уралдаанаар гараагаа эхэлж, уйгагүй хөдөлмөр, тууштай байдлынхаа ачаар шат ахисаар мэргэжлийн түвшинд хүрчээ. 10 настайдаа аавтайгаа хамт 2010 оны Brickyard 400 уралдааныг үзсэн нь түүний мөрөөдлийг улам батжуулсан чухал мөч болсон байна. Гэртээ тоглоомон машинаар тоглох, NASCAR-ын уралдаануудыг зурагтаар үзэх нь түүний хүсэл тэмүүллийг улам бадрааж байв.

Өнөөдөр тэр Оакландын Их Сургуульд механик инженерийн чиглэлээр суралцаж, боловсрол болон уралдааны карьераа зэрэг амжилттай авч явж байна. Ахлах сургуульд байхдаа ч тэр хичээл, уралдааныг хослуулан 3.0 голч дүнтэй төгссөн нь түүний хичээл зүтгэлийг илтгэнэ. Багадаа тэр домогт жолооч Жимми Жонсоныг шүтэн биширдэг байжээ.

Арманигийн амжилтын ард түүний гэр бүлийн дэмжлэг онцгой байр суурь эзэлдэг. Түүний аав Дел Уильямс Autism Speaks-д өгсөн ярилцлагадаа “Түүний аав байх үнэхээр сайхан. Түүнийг дэмжиж, хамтдаа энэ замыг туулж байгаадаа маш их баяртай байдаг” хэмээн онцолсон байдаг. 2018 онд Армани NASCAR K&N Pro Series-д өрсөлдөн, мэргэжлийн тавцанд өөрийгөө баталж чадсан.

Өнөөдөр тэр зөвхөн уралдаанч төдийгүй олон хүнд урам зориг өгөгч нэгэн болжээ. Өөрийн түүх, туршлагаа хуваалцан аутизмын талаар ойлголтыг нэмэгдүүлж, өөрийгөө бусдаас өөр гэж мэдэрдэг хүүхдүүдэд “та ганцаараа биш” гэдгийг ойлгуулахыг зорьдог. Түүний хэлсэнчлэн, “Хамгийн чухал нь өөртөө итгэж, юу ч тохиолдсон урам зоригтой, тууштай байх явдал” юм.

Гурван настайдаа Аутизм болон Глобал хөгжлийн хоцрогдолтой хэмээн оношлогдож 11 насандаа хэлд орж, 18 настайдаа уншиж бичиж сурсан ч 37 настайдаа Кэмбриждийн их сургуулийн хамгийн залуу өнгөт арьстай профессор болж чадсан Жэйсон Ардэй

Тэрбээр 1985 онд төрсөн бөгөөд дээрээ хоёр ахтай, дороо нэг дүүтэй айлын дунд хүү болон мэндэлжээ. Тэрбээр Англи улсад өсөж, торнисон бөгөөд дээр дурьдсанчлан бага насандаа Аутизмын хүрээний эмгэгтэй гэж оношлогдон хэлд оролгүй байсаар 11 нас хүрчээ.

Жэйсон Ардэй нэгэн ярилцлагандаа
хэл засалчтайгаа ажиллаж байхдаа анх удаа “Сайн уу” гэж хэлж үзээд өөрийнхөө хоолойг сонсоод маш сонин мэдрэмж авч байсан талаараа болон бага байхаасаа л бусдаар өөр мэдрэмжийг авч эргэн тойрныхоо бүхий л зүйлийг ажиглаж нүдээрээ дамжуулан бүхий л зүйлийг өөртөө шингээж суралцдаг хүүхэд байсан, гэхдээ ярьж чаддаггүй бас өөрийгөө илэрхийлэх чадвар муутай учраас бусад хүүхдүүд болон хүмүүс миний сул талыг их ашигладаг байсан.

Хэлд орохгүй байсан учраас дөрвөн настайгаасаа дохионы хэл суралцсан түүнд ээж нь түүнд дуу, дууны үгээр дамжуулан өгүүлбэрийн бүтэц, үгс хэрхэн холбогддогыг зааж өгсөн ба нэг л өдөр кноп дарсан юм шиг л аан ингэх ёстой юм байна, ингэдэг юм байна, ингээд ярих ёстой юм байна гэж ойлгосон гэдэг.

Эмч, мэргэжилтнүүд Жэйсоныг цаашид томроод биеэ даан амьдрах чадамжгүй байнгын туслалцаа шаардлагатай тусгай асрамжинд байх болно гэдэг байж.

Жэйсон “Би үргэлж ямар нэгэн гайхалтай зүйлийг хийх гэж төрсөн гэдгээ мэддэг байсан” гэж ярьдаг тэрбээр хүн болгон зорилготой төрж амьдардаг. Хүн болгонд хийх ёстой ажил мэргэжил, бүтээх зүйлс, хувь тавилан, сэтгэлийн дуудлага байдаг гэдэгт итгэдэг гэдгээ хэлсэн юм.

Жэйсон олон сайн дурын ажлууд хийдэг бөгөөд таван сая еврог босгосон том хандивын ажлыг хийж байсан бөгөөд өсвөр наснаасаа ээжийгээ даган буяны сайн дурын үйл ажиллагаанд идэвхтэй оролцдог байж.

20 настайдаа их сургуульд орж суралцан Баклавр, 2 удаагын Магистрын зэрэг, дахин суралцан Профессор зэргийг хамгаалсан бөгөөд 2023 онд дэлхийд алдартай Кэмбрижийн их сургуулийн хамгийн залуу өнгөт арьстай профессор болсон.

Багшилж эхлэх хүртлээ маш олон төрлийн ажлууд хийж байсан Жэйсон суралцахын хажуугаар оройн цагаар шал, угаалгын өрөө цэвэрлэдэг үйлчлэгч хийж байжээ.

Тэрбээр давтагдмал үйлдэл Аутизмтай хүнд олон зүйлийг суралцах суурь болдог. Аливааг маш олон дахин давтан хийснээр маш их зүйлийг суралцаж хийдэг. Одоо ч ямарваа нэгэн зүйлийг давтан давтан ярьж, давтаж хийх нь их байдгаа дурьддаг.
Тэр бататгал үгийг их ашиглаж өөрийгөө байнга зоригжуулж урам өгдөг.

Түүний судалгааны ажлууд хийж бүтээж буй зүйлүүдийг бичээд байвал дуусахааргүй их зүйл бүтээсэн хөдөлмөрч залуу юм. Сүүлийн 15 жил ховорхон нойроо авч үргэлж суралцаж байдаг арьс өнгөний үзэл, олон талт сэтгэл зүйн эмгэгүүд, хүний эрх гэх олон төрлөөр социологийн эрдмийн ажлууд хийхээс гадна бусдад туслах чин хүсэлтэй энэ Аутистик залуугын талаар цухас дурьдахад ийм байна.

Маш олон ярилцлагыг нь сонсоод үнэхээр гүн сэтгэгдэл авсан. Ганц ч сул үггүй маш гоё цэгцтэй, ойлгомжтой, мэдлэгтэй ярьж өөрийн гэсэн маш мундаг итгэл үнэмшил үзэл бодолтой түүнийг хүндлээд барамгүй.

Би бяцхан гүнжийгээ яг ийм мундаг болно гэдэгт үнэхээр чин зүрхнээсээ итгэдэг.
Аутизм гэдэг бол хөгжлийн бэрхшээл биш, харин хөгжлийн чадамж юм.
Хүүхдүүдээ хэзээ ч дутуу үнэлэлгүй, сэтгэлээр уналгүй харин чадаж байгаа зүйл дээр нь улам хөгжүүлээрэй.

Темпл Грандин нэгэн ярилцлага дээрээ хэрвээ Аутизм гэж байгаагүй бол бид нар одоо болтол цахилгаангүй, техник технологийн энэ их дэвшилгүй байх байсан гэдэг.

Агуу их зохион бүтээгчид Никола Тесла, Томас Эдисон гэх мэт, агуу математикч Энштэйн, одоо байгаа дэлхийн хамгийн баян хүмүүс Элон, Билл Гэйтс гээд л Аутизмын шинж тэмдэгүүдтэй алдартнууд л агуу зүйлсийг бүтээж байгаа гэдгийг байнга санаарай.

Манай хүүхдүүд бүгдээрээ алдартан, зохион бүтээгч, суутнууд болж чадахгүй байж болох амьдралд том зорилготой, хувь тавилантай ирцгээсэн өөр өөрийнхөөрөө содон ухаантай СОД хүүхдүүд шүү.

Бүгдээрэнд нь амжилт хүсье.

/Жич: Бүгдээрээ гоц ухаантан байдаггүй энээ тэрээ гээд үг болгоноос өө хайгаад хэрүүл хийгээд чат нь саваад уурлаад байдаг хүмүүст хэлэхэд Сод / Гоц 2 -ыг ялгаж ойлгоод дайраарай/

Түүний ТЕДэкс бичлэгийг доорх линкээр орууллаа. Маш олон ярилцлага бичлэг байгаа шүү. Үзээрэй

https://youtu.be/Y07EK4R_iEE?si=iivcd0dAl3mTAlxr

Аутизм ба хоолны дэглэм - 1

Зөндөө олон сэдэв бичмээр байгаа ч цаг зав хомс байгаа учир яг өөртөө гаргасан дарааллаараа биш харин амьдралд арай бодитой байх үүднээс хоололтын талаар бичье гэж шийдлээ. Энэ удаад ганцхан ГАПС хоолны дэглэм л бичиж амжихнээ.

Хооллолтын ямар нэгэн дэглэм эхлэхээсээ өмнө хоолоо хийх сав аюулгүй байх нь чухал гэж үздэг. Бидний хүүхдүүд их хүнд металын хордлого, элдэв химийн хоронд хордсон байх нь элбэг, гэтэл бидний өдөр тутамдаа хоолоо бэлддэг хоолны сав хүртэл хэр аюулгүй вэ гэдгийг бид тэр бүр анзаардаггүй.
Наалдуулдаггүй бүрхэвчээр бүрэгдсэн хоолны тефлон савнууд, хөнгөн цагаан хоолны савуудаа сольж зэвэрдэггүй ган хоолны сав хэрэглэх, дэлгүүрээс шууд бэлэн бэлдсэн хоол унд, зууш авч өгөхгүй байх, хуванцар савтай, гялгар ууттай хоол хүнс богино долгионы зууханд халаах, халуун хоол хүнсийг уутнаас өгөхгүй байх гэх мэтийг заавал анхаарах нь чухал.

Түүнчлэн өнгө будаг оруулагчтай хүнс, нэмэлт чихэр, чихэр орлуулагч хэрэглэхгүй байх нь зүйтэй.

Аль болох өгч буй хоол хүнсээ бүхэлд нь органик болговол бүүр сайн. Монголын хөрсөнд ургасан гэхээрээ л органик сайн ногоо жимс болдоггүй гэдгийг маш сайн анхаарч байгаарай.
Органик хүнсний гол утга нь ямар нэгэн шавьж устгагч, бордоо, пестицид ашиглаж тарьж ургуулаагүй байхыг хэлдэг. Монголд маань албан ёсоор ногоо жимсэнд заасан органик лабел, шошго байдаггүй учир ялгахад хэцүү учир өөрсдөө ногоогоо тарьдаг таньж мэддэг жижиг фермерүүд болон баталгаатай газраас авах нь чухал.
Ганц ногоо гэлтгүй малын мах ч бас тэжээл, тарьсан антибиотик зэргээс чанар шалтгаалах боломжтой тул аль болох бэлчээрээс, малчнаас махаа авбал илүү найдвартай байх болов уу.

Зөндөө олон хоолны дэглэм байдгаас Монголын нөхцөлд хамгийн хэрэгжүүлэх боломжтой хоолны дэглэм миний хувьд ГАПС хоолны дэглэм санагдсан. Гэдэсний асуудлуудыг шийдэхээс гадна гурил, будааг бүрэн хассан, махны шөл, мах, ногоо, өндөг, ашигтай өөх тос, загас, дарсан ногоо, гэрт бүрсэн тараг гээд олдоц элбэгтэй олон төрлийн хоол хийх боломжтой жорнуудтай.
✅Гэдэсний үрэвсэл багасгах
✅Гэдэсний ханыг засах /Шүүрхий гэдэс буюу Leaky Gut-ийг засах
✅Аутоиммун өвчлөлийг засах (Хашимотос, Грейв, Кроны өвчлөл, Шархлаат колит гэх мэт)
✅Гэдэсний бактериудыг тэнцвэржүүлж гэдсийг эрүүлжүүлнэ.

ГАПС хоолны дэглэмийг барьснаар
✅Гэдэс дүүрэлт багасна
✅Өтгөн хаталт, суулгалтыг засна
✅Харшлыг бууруулна.
✅Зан ааш, сэтгэл санаа тогтворжуулна.
✅Дархлаа сайжирна
✅Хоол боловсруулах, шим тэжээл шингээх чадварыг дээшлүүлнэ
✅Энерги эрч хүч нэмэх гэсэн олон эерэг нөлөөтэй.

Шөлтэй хоолыг олон янзаар өгөх боломжтой маш сайн хоолны дэглэм олон хүүхдүүдэд таардаг хэдий ч зарим хүүхдүүдийн гистамин интолоранс үүсгэх боломжтой таардаггүй гэдгийг анхаараарай.

ГАПС хоолны дэглэмд орсон хүнснүүд Гистамин өндөртэй байдгаас зарим хүнд гистамины тэнцвэргүй байдал үүсгэж шинж тэмдгийг улам хүндрүүлэх нь байдаг.

Гистамин нь нэг төрлийн нейротрансмиттер бөгөөд Гистамины хэмжээ өссөнөөр хүний биед тэр тусмаа тархинд маш сөрөг нөлөө үзүүлдэг. Үүнээс улбаалан:
❗️Толгой өвдөх
❗️Арьс загатнах
❗️Нойргүйдэлт
❗️Сэтгэл түгшилт, стресс, депресс
❗️Халуурах
❗️Гэдэс дүүрэх
❗️Дотор муухайрах
❗️Хоолны дуршил муудах
❗️Суулгалт гэх мэт маш олон сөрөг нөлөө үүсэх боломжтойг анхаараарай.

Гистамины асуудалтай хүмүүс нь ихэвчлэн:

❗️MTHFR, HNMT, ABP1/DAO, MAOB, HRHI, HRHI4 гэх мэт генийн асуудалтайч
❗️Гэдэсний үйл ажиллагаа муу, эрүүл бус гэдэстэй хүмүүс
❗️Эстроген өндөртэй болон Эстроген хоргүйжүүлэлт хийж чаддаггүй хүмүүс
❗️Антигистаминыг удаан хугацаанд хэрэглэсэн хүмүүс
❗️Исгэсэн, дарсан ногоо хэт их хэрэглэсэнээр гистамин ихэссэн хүмүүс зэрэг ордог. (Дээрх мэдээллүүдийг Жоанн Кеннеди гэдэг Натуропат, MTHFR болон метилжүүлэлтийн мэргэжилтны сайтнаас авсан болно.

Миний сод ухаантан бид 2ын хувьд ГАПС хоолны дэглэм эхний ээлжинд боломжийн үр дүнтэй санагдаж байсан ч цаашлаад Гистамины асуудал үүсээд таарахгүй байгаа юм шиг санагдсан болохоор ээж хүний зөнгөөрөө зогсоогоод Глютенгүй, казейнгүй, чихэргүй, сүүн бүтээгдэхүүнгүй хоолны дэглэмээ баярын өдрүүдээр алдаг оног барьсаар энэ 7 хоногоос үндсэн цэвэр дэглэмдээ буцаж орох гэж байна.
Баярын өдрүүдээр байгаагаа хольж идсэн нөхдүүд л байлаа ☺️

Хооллолт эрүүл гэдэсний хамгийн чухал зүйл болохоор цаашлаад боломжоороо өөрийнхөө хэрэгжүүлж үзсэн үр дүнтэй бас, фэйлдсэн зүйлүүдээ бичнээ.

Монголд “Зөн” төвийн Ичинхорлоо гэдэг эмч маш сайн зөв хоолны дэглэм бичиж өгдөг юм шиг санагдсан. Монголдоо очиж уулзаж үзээгүй ч мөнгөн аяганд хөргөсөн ширгээсэн ус, шөлтэй хоолны дэглэмүүд санал болгодог юм байна гэж ойлгосон.
Хомеопат эмч нар усыг маш сайн уулгахыг зөвлөдөг, тэр тусмаа ширгээсэн усны ашиг тус маш өндөр гэдгийг ээжүүд маань мэдэж байгаа байхаа.

Манай ээжүүд сахартай зүйл хүүхдүүддээ их өгч байгаа нь ажиглагддаг. Байгалийн гаралтай сахар орлуулагч ашиглах бол
Monk Fruit Sugar буюу Лам жимс - Цусан дахь сахрын хэмжээ ихэсгэдэггүй. Бага насны хүүхэд хэрэглэж болно аюулгүй /Худалдаж авахдаа нэмэлт сахар байгаа эсэхийг шалгаарай/
Organic Stevia - Цусан дахь сахрын хэмжээ ихэсгэдэггүй. Бага насны хүүхдэд хэрэглэж болно аюулгүй /Худалдаж авахдаа нэмэлт сахар байгаа эсэхийг шалгаарай/
Цэвэр органик зөгийн бал - хэдийгээр цусан дах сахрын хэмжээнд нөлөөлдөг боловч энгийн сахарнаас хамаагүй аюулгүй удаан өсгөдөг гэж үзэгддэг учир эрсдэл харьцангуй бага.
Агч модны сироп буюу Maple syrup -
хэдийгээр цусан дах сахрын хэмжээнд нөлөөлдөг боловч энгийн сахарнаас хамаагүй аюулгүй удаан өсгөдөг гэж үзэгддэг учир эрсдэл харьцангуй бага.
Коконат сахар - хэдийгээр цусан дах сахрын хэмжээнд нөлөөлдөг боловч энгийн сахарнаас хамаагүй аюулгүй удаан өсгөдөг гэж судлагдсан.

Сахрын хэрэглээ буураад ирэхэд л хүүхдүүд маань төвлөрөх нь нэмэгдэж, ааш зан сайжирч их эерэг үр дүн үзүүлж эхэлдэг юм шиг санагддаг юм.

Зөндөө удаан бичвэр бичсэнгүй ээ, яг л сууж цаг гаргахгүй бол үнэхээр амжихгүй юм.

Энэ хэдэн сарын хугацаанд Аутизмтай хүүхдүүдээ эдгээсэн, дээрдүүдсэн ээж аавуудыг уншиж байхад хамгийн өндөр үр дүн гаргасан ээжүүд аавууд метилжүүлэх процессыг дэмжих эмчилгээ түлхүү хийлгэсэн байснаас гадна олон жилийн туршлагатай МАРS эмч нар яагаад метилжүүлэх процессийг дэмжих эмчилгээг голчилж байна вэ гэдэг асуултаас үүдэлтэйгээр энэ бичвэрийг бичиж байна.

Намайг яагаад MTHFR генийн мутацтай зууралдаад цаг алдаад байгаа юм бэ? гэж асууж байсан. Гэхдээ зууралдаад байхаас аргагүй чухал үүргийг метилжүүлэх процесс үзүүлдэг. Учир нь:

✅ Метилжүүлэх процесс нь хүний биеийн ДНХгын сегмент дарааллыг өөрчлөхгүйгээр генийг дэмжих метилжилт үүсгэдэг.
✅ Биеийн эсийн хоргүйжүүлэлтэнд өндөр нөлөө үзүүлдэг. Бүхэл биеийг хоргүйжүүлэх процессийг дэмждэг.
Бидний хүүхдүүдэд хүнд металын хордлого, хөгц, мөөгөнцөрийн хордлого болон бусад хорт бодисын ялгаралт хор маш ихээр хуримтлагдсан байдаг.
Манай охины хувьд яг адилхан эцэг, эхээс төрсөн эгч, дүү хоёр нь хөгжлийн хувьд бусад хүүхдүүдээс ялгарах зүйлгүй энгийн өсөлт хөгжилтэй байхад ганцхан сод ухаантан маань яг адилхан нөхцөлд яг адилхан хоол хүнс хэрэглэж байгаа хэдий ч маш их хүнд металийн хордлоготой, Аутизмын бүх шинж тэмдэгтэй байгаа нь биеэс хоргүйжүүлэлт хийх чадваргүй байгаатай шууд хамааралтай.
Охин дээрээ жирэмсэн байхдаа би өөрөө метилжүүлэх процессд хамгийн чухал нөлөө үзүүлдэг витамин В6-ын гүн дутагдалтай байгаад төрсөн гэдгээ энэ жил л мэдсэн.
Тархинд, дотоод эрхтэнд хуримтлагдсан хүнд металийг биеэс гадагшлуулж чадахгүй байхад хүүхэд хэрхэн оюун ухааны хувьд эрүүл саруул өсөх вэ гэдгийг бодолцож үзэх нь маш чухал юм.
Биеийг бүхэлд нь хоргүйжүүлдэг болохын тулд тухайн үедээ л хоргүйжүүлэлт хийгээд өнгөрөх бус байнга хорыг гадагшлуулдаг болгох нь зайлшгүй шаардлагатай.
Аа бас вакцин хүртэл яагаад дийлэнх хүүхдүүдэд зүгээр байдаг мөртөө зарим хүүхдүүдэд сөрөг нөлөө үзүүлдэг вэ гэдгийг бодож үзэх хэрэгтэй.
Вакцинуудын найрлаганд тодорхой хэмжээний хүнд метал, химийн бодисууд орсон байдаг.
Адилхан вакцин хийлгэсэн мөртөө шээс, баасаар болон хөлсөөрөө хороо гаргах чадамжтай хүүхдүүд дийлэнх нь байхад маш цөөн тооны хүүхдүүд метилжүүлэх чадамжгүйгээс биеэ хоргүйжүүлэлт хийж чадахгүй бүхий л хорт бодисыг биедээ хуримтлуулаад байх магадлалтай гэдгийг бодолцож үзээрэй.

✅ Метилжүүлэлт нь нейротрансмиттерийн нийлэгжилтэнд нөлөөлдөг.
Нейротрансмиттерс нь мэдрэлийн эсийг биеэр шилжүүлдэг химийн мессенжер дамжуулагч гэж ойлгож болно.
Нейрон буюу мэдрэлийн эсүүдийг дамжуулагч химийн сигналгүйгээр хүний бие зүй зохистой ажиллана гэдэг боломжгүй.
Нейронс буюу Мэдрэлийн эс нь цааш задраад Хоёр туйлт мэдрэлийн эсүүд, Олон туйлт мэдрэлийн эсүүд, Мэдрэхүйн мэдрэлийн эсүүд, Эфферент мэдрэлийн эсүүд, Пуркинже мэдрэлийн эсүүд, Булчин хөдөлгөөн удирдах мэдрэлийн эсүүд гээд олон янз байдаг.
Бидний сайн мэдэх GABA, NAC зэрэг хэл яриа тархи дэмжих бэлдмэлүүд нь нейрон болон нейротрансмиттерстэй салшгүй холбоотой хүний биед идэж буй хоол хүнснээс авах амин хүчлүүдээс үүсдэг нэмэлт.
Gaba нь GABAergic нейроноос ялгардаг нейротрансмиттер, гэтэл энэ нь метилжүүлэх процессийн дутуудлаам зөв зохистой ялгарч ажиллахгүй бол хичнээн нэмэлтээр аваад ч тухайн үедээ үр дүн гаргасан ч цаашлаад өөрөөрөө ялгарч чадахгүй бол яах вэ гэдэг талаар бодож үзэх нь чухал.
Цаашлаад Серотонин /сэтгэл санаа, нойр, хоолны дуршил/, Допамин /суралцах, ой санамж гэх мэт/ , Оксикоцин /хайрын гормон буюу итгэлцэл, өрөвдөх сэтгэл, эмпати/, Норэпинефрин /цусны даралт/, Эпинефриний /нойрны эмгэг, сэтгэл түгшилт гэх мэт/ маш олон нейротрансмиттерүүдийн ялгаралтанд шууд утгаараа сөрөг нөлөө үзүүлнээ гэсэн үг.
Эдгээрийг нэмэлтээр өгөөд тэрүүхэндээ л аргалах учир цаашлаад метилжүүлэх процессийг дэмжсэнээр эдгээрийн ялгаралт цаанаасаа ихсээд нэмэгдээд ирнээ гэдгийг ойлгох нь маш чухал.

✅ Метилжүүлэлт нь эсийн өсөлтөнд чухал нөлөө үзүүлдэг. Гэтэл хүний биед эсийн оролцоо нь энерги боловсруулах, хоол шим тэжээл авах, өсөлт хөгжилт, хорыг гадагшлуулах гэх мэтчлжн хамгийн чухал үүргүүдийг гүйцэтгэдэг.

✅Метилжүүлэлт нь биеийн эдийг нөхөн сэргээхэд чухал үүрэг үзүүлдэг.

✅Дархлааны системд маш чухал нөлөөтэйгээс гадна. Метилжүүлэлт хэвийн хэмжээнд явахгүйгээс олон эрүүл мэндийн асуудлууд үүсэж байдаг.

✅Үр хөврөлийн хөгжилд метилжүүлэлт зайлшгүй шаардлагатай.
Жирэмсэн байхдаа энэ талаар мэдэж байсан бол охин минь эрүүл саруул төрөх байжээ гэж харамсах үе байдаг. Гэхдээ метилжүүлэлтийг дэмжих, цаашлаад хэвийн болгох боломжтой учир харамсахгүй урагшаа зүтгэнээ.

✅Эсийн хэвийн өөрийн байдлыг хадгалах буюу ДНХ, генийн мутацаас сэргийлдэг.

Тэгвэл метилжүүлэх процессийг хэрхэн дэмждэг вэ?
✅Метилфолате буюу фолате
✅Витамин В12 буюу дотроо /Метилкобаламин, Гидроксикобаламин, Аденосилкобаламин/
✅Витамин В6
✅Витамин В2
✅Витамин В1
✅Холин болон Бетаин зэрэг ордог.

В-ын төрлийн витаминууд нь Метилжүүлэлтийг дэмждэг учир:
Энергийг үйлдвэрлэх, Булчингын хөгжил, Мэдрэлийн системийг дэмжих, Сэтгэхүйн эрүүл мэндэд эерэгээр нөлөөлж удаан хугацаандаа маш өндөр үр дүн үзүүлдэг.
Ер нь бол В-ын төрлийн витаминууд нэмэлтээр авахгүй л бол метилжүүлэлт хэвийн хэмжээнд хүрэх боломжгүйгээс гадна шаардлагатай нэмэлт шинжилгээнүүдийг заавал өгч байх шаардлагатай.
Зарим хүүхдүүдийн бие өөр өөр генийн мутацаас шалтгаалан В-ын төрлийн витаминуудыг нэмэлтээр авсан ч биедээ шингээлгүй шууд гадагшлуулаад байх нь бий.
Метилжүүлэлтийг хэвийн болгоно гэдэг нь хэдэн жил дамнасан, урт удаан байнга үргэлжилдэг эмчилгээ байдаг билээ. Шууд л тэр дороо үр дүн харагдаггүй ч уртын замдаа хүүхдэд хамгийн чухал эмчилгээ мөнөөсөө мөн юм.

Гэхдээ дур мэдэн шууд өөрсдөө эмчлэхэд хэцүү учир мэргэжлийн эмчийн удирдлага дор тухайн хүүхдийн шинжилгээн дээр үндэслэн эмчилгээ эхлүүлэх нь чухал гэдгийг анхааруулж байна.
В-ын төрлийн витаминууд биед ихэдвэл хордлогонд оруулах боломжтой гэдгийг анхаараарай.

Би номын санд бүүр цаг гаргаад сууж байгаад нилээн чухал шаардлагатай гэсэн бичвэрүүдээ энэ 7 хоногоос эхлэн бичих гэж төлөвлөж байна. Бүр зорьж л цаг гаргахгүй бол болохгүйнээ.

Та нартаа амжилт хүсье. Хүүхдүүдээ байж болох хамгийн дээд хэмжээнд нь хүргэнээ хэдүүлээ.

Нарийн мэргэжлийн эмч нараар, яг хүүхдүүдийнхээ онцлог, ялгаатай байдлыг мэддэг засалч, багш нарт л хүүхдүүдээ даатгамаар байгаа юм даа.

Аутизмтай хүүхдүүдийг эмчилдэг MAPS эмч нар гэж ямар хүмүүсийг хэлдэг талаар тодорхой мэдээлэл хүргэе.
МАРS гэдэг нь Medical Academy of Pediatric Special Needs гэсэн үгнүүдийн товчлол бөгөөд Монголоор орчуулбал Тусгай Хэрэгцээт хүүхдийг эмчлэх Анагаах ухааны Академи гэсэн утгыг агуулдаг.
MAPS эмч нар нь яг манай хүүхдүүдийг эмчлэх эрхтэй, сайжруулж чадна бардам ам дуугардаг мэргэжлийн эмч нарыг хэлдэг. Учир нь эдгээр эмч нар нь яг энэ тусгай хэрэгцээт хүүхдүүдийн эмчилгээн дээр маш олон жил суралцаж мэргэшсэн хүмүүс байдаг. Биомедикал, Функционал эмчилгээг хийдэг эмч нар юм.

Энэхүү академи нь ганц Америк гэлтгүй ОУ-ын хэмжээнд үйл ажиллагаа явуулдаг байгууллага байдаг билээ. МАРS эрхтэй эмч хүмүүс л neurodevelopmental disorder буюу Мэдрэлийн гаралтай хөгжлийн эмгэгүүд болох Аутизм, АДХХЭ болон бусад эмгэгүүдийг шинж тэмдгүүдийг бууруулах эмчилгээг хийх, эмчлэх эрхтэй байдаг.

МАPS эрхээ авахын өмнө Америкт Тусгай Хэрэгцээт Хүүхэд эмчлэх эмч болохын тулд ямар ямар шат дамжлагыг туулдаг гэдгийг товчхон дурьдвал:

✅Боловсрол
Дор хаяж 9 жил эмчийн мэргэжлээр суралцсан байх, үүнд нь 4 жил undergraduate school буюу эмнэлэгийн суурь боловсрол болох хими, биологи, хүний биеийн бүтэц, генетик гэх мэт чиглэлүүдээр суралцах буюу эмч болоход бэлдэгдэх, нэмээд хүний, хүүхдийн эмчийн мэргэжлээр дор хаяж 4 жил суралцах, Хүүхдийн эмчээр 3 жил резидент эмчээр суралцан, ажилласан байх зэрэг багтдаг. Мэдээж улс орон бүүр өөр өөр байх ч бүгд л хүүхдийн мэргэшсэн эмч байх, туршлагатай байх гэсэн зүйлийг шаарддаг байх нь.
Резидент байх үедээ хүүхдийн түгээмэл өвчлөлийг судлах, анагаах туршлага хуримтлуулдаг.

✅Албан ёсны эрх буюу сертификат авах
Америкийн Хүүхдийн эмч нарын удирдах газраас эрхээ авдаг гэнэ. Улс орон бүр бас тухайн мэргэжлээр шалгалтаа өгч, эрхээ авсан байхыг шаарддаг аж.

✅Нэмэлт сургалтууд
Нэмэлтээр Хүүхдийн хөгжил болон зан үйл, нярайн эмч, зүрхний хөгжил, тархи мэдрэл гэх мэт сургалтуудыг авч суралцаж цаашлаад тодорхой нэг салбарт ажилладаг бөгөөд энэ суралцах явц нь хоёр жилээс 6 жил хүртэл үргэлжилнэ.

Түүнчлэн харилцааны ур чадамж өндөртэй, өвдсөн, зовсон хүүхдүүдтэй ажиллах хүсэл эрмэлзлэлтэй, түүндээ тууштай байхыг шаарддаг байх нь.

За тэгвэл дээрх шаардлагуудыг хангачихаад МАPSд гишүүнээр элсэхийн MAPS Fellowship хөтөлбөрийг дуусгасан байх шаардлагатай. Энэ хөтөлбөрт:

✅Менторшип буюу Мэдрэлийн гаралтай эмгэгээр дагнан олон жил ажилласан багш нараас суралцах
✅Foundations of MAPS нэртэй сургалт буюу MAPS эрдэм шинжилгээний уулзалт, зөвлөгөөний хурлуудад өөрийн биеэр оролцон шалгалтанд орж, шалгалтаа давсан байх ёстой.
✅Advanced Clinical Matrices (ACMs) буюу Дэвшилтэт эмнэл зүйн матриц гэсэн 5н төрлийн сургалтын порталуудыг дуусгаж, шалгалт өгч, шалгалтыг давсан байх хэрэгтэй.

✳️Энэхүү MAPS Fellowship Program нь тэр чигтээ сургалт, боловсрол, бодит мэдлэг олгох, заавар зөвлөгөө өгөх, дадлага ажлын менежмент, өвчтөний менежмент зэргүүд дээр төвлөрдөг.
Сургалтууд нь шинжлэх ухааны үндэслэлтэй, үр дүн дээр суурилсан мэдрэлээс үүдэлтэй эмгэгүүдийн олон төрлийн нөхцөл байдлууд, түвшин болон тэдгээрийг эмчлэх аргуудын талаар байдаг байхнээ.

Энэ эрхээ авч, гишүүнчлэлээ авсан эмч нар гишүүнчлэлээ хадгалахын тулд жилд хамгийн багадаа 1 удаа эрдэм шинжилгээний хуралд оролцож туршлага мэдээллүүд, шинэ дэвшилтэт технологи, түүн дээр суурилсан судалгаа шинжилгээнүүдийн үр дүн дээр санал бодлоо солилцдог байх нь.

Энэ хурлуудад нь олон улсаас онлайнаар оролцох боломж олгодог тул, Монголд байгаа энэ чиглэлээр ажиллах сонирхолтой эмч нар имэйлээр холбогдон хүсэлт илгээх боломжтой байдаг юм байна.

Манай Монголд одоогоор яг энэ төрлөөр мэргэшсэн эмч нар байхгүй байгаа ч neurodevelopment буюу мэдрэлийн гаралтай хөгжлийн эмгэгтэй хүүхдүүд их байгаа болохоор удахгүй мундаг мундаг шижигнэсэн сайн эмч нар гараад ирэх байхаа гэж найдаад энэ мэдээллээ дуусгая даа.

https://www.medmaps.org/education/

АМЧИ пэйж нь албан ёсны эрхгүй, лицензгүй, эмчлэх эрхгүй байж дур мэдэн эмчилгээ бичиж эцэг эхчүүдийн сэтгэл зүй, мөнгө санхүү дээр тоглолт хийж байгаа нь өөрөө гэмт хэрэг болчихоод байх шиг байна шд.
Эмчлэх эрх нь тодорхойгүй, сургуулиа төгсөөгүй байж сургалт авч мөнгө татаж байгааг нь ажиллаж амьдарч байгаа газрынх нь хууль зүйн хүрээнд яаж явагддаг талаар?
Суралцаж байгаа сургуулийнх нь багш, захиргаа нь ийм үйл ажиллагааг зөвшөөрсөн байдаг эсэх гээд багш нартай нь ярилцлага хийгээд жинхэнэ эрэн сурвалжлах сэтгүүлчийн ажил хийвэл хийчихмээр санагдлаа шүү.

Хүний үр хүүхдээ гэсэн хамгийн эмзэг сэдэв дээр ингэж хамаагүй хандаж болохгүй байлгүй дээ.

Монгол Улсын Эмнэлэгийн мэргэжилтны эрх зүйн байдлын тухай хуульд зааснаар шалгалт өгч албан ёсоор эмчлэх эрхээ авч байж зөвхөн зөвшөөрөл авсан чиглэлээрээ үйлчлэх ёстой болно гэсэн байна.

7.1. Эмнэлгийн мэргэжилтний мэргэжлийн үйл ажиллагаа эрхлэх зөвшөөрлийн шалгалт /цаашид “мэргэжлийн шалгалт” гэх/-ын зорилго нь эмнэлгийн мэргэжилтний мэргэжлийн үйл ажиллагаа эрхлэх эрх авахыг хүссэн хүний эмнэлгийн тусламж үйлчилгээ үзүүлэх хангалттай мэдлэг, чадвар эзэмшсэн эсэхийг тогтооход чиглэнэ.

7.2. Эмнэлгийн тусламж, үйлчилгээг мэргэжлийн үйл ажиллагаа эрхлэх зөвшөөрөл бүхий эмнэлгийн мэргэжилтэн үзүүлэх бөгөөд зөвхөн зөвшөөрөл олгосон төрлөөр тусламж, үйлчилгээ үзүүлнэ.

7.3. Эмнэлгийн мэргэжилтний мэргэжлийн үйл ажиллагаа эрхлэх зөвшөөрөл нь эмчлэх, эм барих, сувилах, эх барих, сэргээн засах гэсэн төрөлд тохирсон шалгалтыг өгнө.

Тэгэхээр шүдний эмчээр төгссөн тэрүүгээрээ эрхээ авсан бол зөвхөн тэр талын л тусламж үйлчилгээ үзүүлнэ.

🚔🚔🚔🚔🚔🚔🚔🚔

Эмчлэх эрхгүй байж эмчилнэ, эдгээнэ гэж сургалт хийж эмчилгээ бичиж байгаа нь эрүүгийн хуулийн 148 дугаар зүйл буюу Залилан мэхлэх гэмт хэрэг болох юм байна. Хуурч мэхлэн хүнээс төлбөр авч байгаа шүү дээ.

148.1.Бусдын эд хөрөнгө, эсхүл түүнийг өмчлөх эрхийг хуурч мэхлэх, итгэл эвдэх аргаар олж авсны улмаас бага бус хэмжээний хохирол учирсан бол хөдөлмөрийн хөлсний доод хэмжээг таваас тавь дахин нэмэгдүүлсэнтэй тэнцэх хэмжээний төгрөгөөр торгох, нэг зуугаас хоёр зуун тавин цаг хүртэл хугацаагаар албадан ажил хийлгэх, эсхүл нэгээс гурван сар хүртэл хугацаагаар баривчлах ял шийтгэнэ.

Мэргэжлийн биш хүнийг сошиал орчинд магтаж үйлчлүүлэгч олоход нь тусладаг хүмүүс Эрүүгийн хуулийн 148.2т зааснаар бүлэглэн залилангын хэрэгтнүүд болох боломжтой юм байна.

🚨🚨🚨🚨🚨🚨🚨🚨

Сургалтаас нь хохирсон хүмүүс байвал Иргэний хуулийн 59 дүгээр зааснаар хууран мэхэлж аман гэрээ хийсэн гэдэг үндэслэлээр шүүхэд нэхэмжлэл гаргах боломжтой юм байна.

Хууран мэхэлж хийсэн хэлцэл
Иргэний хуулийн 59 дүгээр зүйлд заасны дагуу хэлцэл хийх зорилгоор бусдыг хууран мэхэлсэн тохиолдолд түүнийг хүчин төгөлдөр бусад тооцуулахаар шүүхэд нэхэмжлэл гаргах боломжтой. Хууран мэхлэх нь хэлцэл хийж буй этгээд бодит бус худал зүйлийг бодитой үнэн мэтээр итгүүлэх идэвхитэй үйлдэл хийдгээрээ ноцтой төөрөгдөж хийсэн хэлцлээс ялгагддаг.

🚓🚓🚓🚓🚓🚓🚓🚓

Цааш нь ухвал өөр өөр юмнууд гарч ирэхээр л юм байна. Хүний мууд дуртайдаа биш шүү. Хууль зүйн хүрээнд иймэрхүү асуудлууд хэрхэн шийдэгдэх боломжтойг хальт харж үзлээ.

Бичихгүй байя гэсэн ч үнэхээр тэвчихээ байгаад бичиж байна. Үнэхээр жаахан хүүхдүүдтэй болоод ядраад, бэртэж гэмтээд байсан болохоор юм бичье гэсэн ч чадал хүрэхгүй зав гарахгүй яваад байгаа.
Аав, ээжийгээ Монголоос ирээд жаахан өөртөө гаргах завтай болохоороо өмнө нь дурьдсан зөндөө гоё мэдээллүүд, судалгаануудаа эх сурвалжтай нь дурьдаад оруулаад явна.
Би ер нь хэзээ ч өөрийнхөө амаар өөрөө дур мэдэж мэдээлэл оруулдаггүй манай хуудсыг дагадаг хүмүүс ч анзаарсан байх, энд ингэж байна. Манай охины энэ засалч ингэж зөвлөлөө тэглээ гэж бичдэг.

Үндсэн мэргэжил маань сэтгүүлч бичих дуртайгаас гадна судалгаа эх сурвалж голчилдог хүн.
АВА талаасаа яг Board Certified Behavior Analyst болоогүй ч Registered Behavioral Technician гээд Зан үйл засалчаар курсыг нь аваад сурсан. Алхам алхамаар байнга хичээж сод ухаантнаа дээрдүүлнээ гэсэн зорилготой явдаг. Чадахаасаа хийж, чадахгүйг нь сурнаа л гэдэг.

Яваандаа тусгай хэрэгцээт боловсролын бага ангийн багш болох сонирхолтой. Миний амьдрал хүссэн хүсээгүй Аутизмтай бүрэн холбогдсон, хүүхэддээ тулгарч байгаа бэрхшээлүүдийг харж мэдэрч сайжруулах гэж хамаг чадлаараа хичээж байгаа заримдаа нүүрээ ч угааж амждаггүй ээж.

Пэйжээ хөтлөөд жил өнгөрсөн байна.
Энэ хугацаанд миний уур цухлыг маш их хүргэж байгаа зүйл бол Монголд Аутизмыг мөнгө олох бизнес болгодог, хүний зовлонгоор бизнес хийдэг байдал.

Би үнэхээр хичээл зүтгэлтэй юм хийж байгаа хүмүүсийг үнэлдэг, чаддаг бол очоод туслаад дэмжээд өгмөөр санагддаг. Монголын Аутизмын холбоо, Аутизмыг таниулж зөв ойлголт өгөх гэж хичээдэг маш олон пэйжүүд группууд байгаа. Харин цагийн тэдэн төгрөг, эдэн төгрөг гэдэг амнаас нь гарах зөвлөгөө бүр нь мөнгөөр үнэлэгддэг хүмүүст дургүй. Тэрийгээ групп дээрээ дандаа хэлдэг. Би группдээ янз бүрийн сургалтын төвүүдийн зарыг оруулдаггүй.

Өөрсдөө судлаад тухайн засалчтайгаа нүүр тулаад уулзаж үзээд яваг л гэж боддог. Яг л сэтгэлээрээ зөвлөж байгаа хүн андаш байдаггүй юмаа.
Мөнгө хөөгөөд хүүхдийн сэтгэл зүй ойлгодоггүй хүмүүс зөндөө байдаг болохоор, тэр нь хүүхдэд ямар хортой байдгыг өөрийнхөө содон бяцхан гүнж дээрээ харж мэдэрсэн болохоор тэр.

Сайхан үнэлээд овоо юм даа гээд бодоод байж байтал шууд бизнес болгоод л зөвлөгөө 100к, сургалт 3 сая, хоолны судалгааны танилцуулга 39к, сургалтын танилцуулга хүний 5к гээд Улаанхүүгийн ээж, Амчи хуудсын админыг бичихгүй байя гэхээр болдоггүй ээ.

Яагаад итгэл төрөхгүй байгаа вэ?

1. Аутизм эмчилдэг гэгддэг эмч болохын тулд хэдэн арван жилээр суралцаж, маш олон судалгаан дээр ажиллаж албан ёсоор Хүний их эмч болоод цаашлаад гүнзгийрүүлэн суралцсаар л байдаг. Ямар ч хүн эмчлэх эрх дипломгүй хүний хүүхэд эмчилнэ гээд төлбөр аваад эмчилгээ бичдэггүй юмаа.

2 жил энэ чиглэлээрээ сурч байгаа гэнэ. 2 жил суралцаж байгаа байтугай 20н жил эмчилгээ хийж байгаа эмч нар ч сайжруулнаа гэж ярьдаг болохоос эдгээнээ гэж хэлэхдээ хүүхдийнхээ хүнд хөнгөнийг хардаг байгаа шүү.
Бид нарын хүүхэд хэн нэгний дипломны ажлын судалгаа, сургуулийнхаа төлбөрийг олдог бизнес биш шүү. Жаахан ухамсартай байвал зүгээр байх.

2. Хэрвээ хүүхэд эмчлэх эрхгүй байж эмчилнэ эдгээнэ гэж байгаа бол энэ бол цэвэр залилан болноо. Одоо орчин үе бүх зүйл цахимжсан нийгэмд хэлтэй устай л бол маш олон эмч нар, бүхэл бүтэн судалгааны багуудын хэдэн мянган мэдээллүүд, юүтүб дүүрэн бичлэгүүд байгаа. Би бол яг хүн болгонд хүрэх боломжтой өөрийн гэсэн нэмэлтийн брэндтэй бүтээгдэхүүнтэй
Dr. Jared Swokron -ы мэдээллүүдийг орчуулж хүргэе гэж бодож байгаа.
Өөр мундаг эмч нар зөндөө байдаг ч яг протокол болгоод бүтээгдэхүүний дараалал зөвлөгөө бэлдээд ярьдаг хүн байдаггүй болохоор аль болох Монголдоо хэрэгжүүлэх боломж бололцоотойг нь л зөвлөнө.

3. Лаб руу явуулж өгч шинжилгээг нь бэлддэг юм шиг байна. Төлбөрийг нь л урьдчилж төлөөд захиалчихвал гэртээ шинжилгээний дээжээ аваад явуулдаг лабууд зөндөө байдаг.

4. Энэ хүн энэ сургалтаа байгаа газраа зарласан бол аль хэдийн эрхгүй байж эмчилгээ хийх гэлээ гээд их хэмжээний торгуульд ороод, шоронд ч орчихсон байх байсан. Миний харж байгаагаар бол ерөөсөө л бурхангүй газрын бумба галзуурна гэдэг нь л болж байна.

Эцэст нь хэлэхэд ямар ч эрхгүй, үр дүн гаргаагүй байж хүний хүүхдийн эрүүл мэндийг хариуцаж түүгээр улбаалан мөнгө нэхэж сууна гэдэг бол үнэхээр ёс зүйгүй хэрэг гэдгийг ойлгоод бяцхан жаахан хүний эрхээр байгаа хүүхдүүдээ ийм хүмүүсд битгий даатгаачээ. Арай л хэтэрхий санагдаж байна шд.

Бараг энэ хүүхэнд мөнгө өгч байхаар Аутизм эдгэрдэг группд ороод шонхор ээжүүдээс мэдээлэл авсан нь хэд дахин илүү амьдралд үнэн үр дүн гаргах байх. Би тэр группд байдаггүй, гэхдээ тэдгээр ээжүүдийн талаар маш олон сайн сайхан зүйл сонсож байсан.

Өдийг хүртэл ороогүй байгаа шалтгаан нь ийш тийшээ сатааралгүй эхний ээлжинд өөрийнхөө уншсан судалснаа бүгдийг нь биччихээд дараа нь хүсэлт илгээе гэж шийдсэн.
Тэндээс мэдээлэл аваад цааш нь сургалт нтр болгоод зардаг хүмүүс байдаг гэж сонсож байсан болохоор тэндээс мэдээлэл авч задалсан биш яг л өөрөө судалж бичдэг гэдэг үүднээсээ юмнуудаа биччихээд өөрөө гуйж байгаад гишүүн нь болноо гэж бодсон байгаа. Группдээ авах байхаа л гэж найдаж байгаа.

За тэгээд миний хийж байсан сургалтын группын чатнаас ганцхан хэсгийг нь тасдаж аваад бичсэн байсан болохоор тэр хүний талаар юу бодож явдгаа тэр чат дээр бүхэлд нь бичсэн бүх мсжнүүдээ скрийншот хийгээд орууллаа.
Би нэг удаа өөрөө сургалт хийж үзсэн, өөрт маань сургалт маань маш дутуу дулимаг болсон юм шиг санагдсан болохоор өөрийгөө голоод дахиж сургалт авахгүй гэж шийдсэн.
Би Аутизмаар мөнгө хийх гээд сургалт хийгээд уншсан судалснаа зарна гээд явж чадах хүн биш юм байна лээ.

Надад нэр алдарт хүрээд бичил инфлүүнсэр болох нтр сонирхол ерөөсөө байхгүй ээ. Зүгээр л ямар хэцүү байдгыг нь мэддэг болохоор туслачих юмсан л гэж боддог.

Бас Аутизм Гэдэс тархины холбоо группын админ Shine Shining.тай би нэг ч удаа уулзаж үзээгүй, царайг нь ч мэдэхгүй. Харин миний хийсэн сургалтын группд байдаг ээж. Тээврийн зардлаа багтаагаад эндэхээс бараг ялгаагүй шахуу үнээр баталгаатай витамин нэмэлт зардаг болохоор нь үнэлдэг юм. Энэ хүн витаминуудаа өчнөөн нэмээд авбал ав, авахгүй бол боль гээд сууж болох л байсан. Адилхан л Аутизмтай бага насны хүүхэдтэй ээж хүн байж болох хамгийн боломжын үнээр хүүхдүүдэд хэрэгтэй юм зарахад юуны буруу байхав дээ. Харин хүүхэд эмчилнэ эдгээнэ гэдэг бол үнэхээр шал өөр зүйл л дээ.

Чиний хүүхдэд муу зүйл хийгээгүй бол дуугай бай нтр эсхүл авгай минь, авгайнууд минь нтр гээд чатаар загнаад байгаа хүмүүсд хэлэхэд миний хүүхэд л хүн, хүний хүүхэд хүн биш гэдэг хүмүүсд бас дургүй болохоор ерөөсөө шууд л блоклоод л явдаг шүү.

Үнэхээр зав гарахаар ёстой шарандаа мэдсэн, ойлгосоноо бүгдийг нь бичнээ.
Аа бас энэ бүхэн миний л бодол. Тэр хүүхэндээ дуртай дагадаг хүмүүс нь дагаад дэмжээд явна биз. Байгаа байдлыг нь хэллээ гээд дайраад байхаа больчих хэрэгтэй шдээ.

Ёстой харьцмаар ч гүй байхад битгий дагаад хэрүүл хийгээд бай. Ёо бүр ашигтай хэрэгтэй мэдээлэл бэлдэж болох, үр хүүхдүүдтэйгээ тоглож юм заах цагаараа ийм юм бичээд сууж байна гэхээр бараг өөртөө дургүй хүрмээр санагдаж байхад бичихээс аргагүй болтол битгий хэрүүл хийцгээгээд байгаарай.