04/19/2026
الديربي ديال كازا… كان زمان عندو هيبة ما كتتشراش 💔⚽
كان نهار كيتلعب، كازا كتسكت… التوتر كيبان فالعينين، والاحترام كان حاضر حتى بين الخصوم. الرجاء والوداد كانوا كيدخلو للتيران بثقل التاريخ، وكل لاعب عارف بلي راه داخل لحرب ديال الشرف قبل الكورة.
اليوم… شي حاجة تبدلات. الهيبة نقصات، والشغف ولا عادي، والديربي ما بقاش كيخلّع بحال قبل. بزاف ديال الحوايج دخلو وخلاو داك السحر يضيع شوية بشوية… ولات الأجواء ناقصة، والحماس ماشي بحال داك اللي كان كيحبس النفس.
فين مشات ديك الأيام؟ فين مشات داك الرعب اللي كان كيحسو بيه الخصوم؟ فين مشات قيمة الديربي اللي كانت كتخلّي إفريقيا كاملة كتسنى هاد المواجهة؟
الديربي باقي ديربي… ولكن الحقيقة لي خاصنا نعترفو بها، أن الهيبة ديالو تجرحات… وكتسنا شي نهار ترجع كيف كانت 🔥
