Ebyafaayo by'Olwaleero

Home
Uganda
Lugazi
Ebyafaayo by'Olwaleero

Contact information, map and directions, contact form, opening hours, services, ratings, photos, videos and announcements from Ebyafaayo by'Olwaleero, Educational Research Center, Lugazi.

19/07/2023

OMWEZI GUTUUKIBWAKO MU NGERI ETABANGAWO

Lyali ssanyu jjereere okwetooloola ensi yonna olw'obuwanguzi obwajjawo olw'okutuuka ku mwezi, ogwo okwetooloolerwa enzikiriza ez'enjawulo, nga buli omu yeetegese okumanya ebigukwatako mu mulimu ogwatuumibwa Apollo 11.

Nga 20-07-1969, abantu bukadde na bukadde baali tebakyusa maaso okuva ku ntimbe zaabwe nga balondoola butereevu olugendo lw'abasajja abasatu abaakulemberwamu Neil Armstrong mu nkola ey'obuvumbuzi empya eyali yatandika ennaku 4 emabega.

Nga bino tebinnabaawo, bangi baatera okutunuulira omwezi nga eky'amagero mu bwengula wabula nga tebalina ssuubi lya kufuna bigufaako n'okugwetegereza, era kino kyabongera amaanyi nti teri kitasoboka mu kwongera okuvumbula ebintu ebirala ntoko.

24/09/2022

ABANTU 2400+ BAFIIRA MU HIJJA

Bwali buti nga 24-09-2015, abalamazi 2431 abaali ku mikolo gy'okusinza mu kibuga Makka, ne bafiira mu kafo akayitibwa Mina ku nnyumba enzirugavu Kabah esangibwa mu Saudi Arabia; kyokka bangi baalekebwa n'ebisago bya nsusso.

Bano baali ku kalombolombo ak'okukuba ebiwagi n'amayinja, nga bajjukira Omubaka Bulayimu, mutabani we Ismael ne mukyala we Hajara, bwe baakasukira ssitaane amayinja nga egezaakaako okubakema. Wadde ebaayo abafiirayo ku buli mulundi, guno gwe muwendo mu byafaayo ogukyasinze okuba omunene.

Olw'okwewala okusasamaza ennyo, abakulu mu bwakabaka bw'eyo nakati obukyatwalibwa Salman Abdul-Aziiz, baafulumya omuwendo gwa bafu 769 bokka kyokka nga obujulizi naddala obwa Kkamera obwakunngaanyizibwa ebitongole by'amawulire eby'enjawulo, bwalaga nti baali basingako awo.

23/09/2022

EBIZUNGIRIZI 2 BIGWA KU GWAZI GW'OMUBWENGULA OMULUNDI OGUSOOKA
Lwakutaano | Mutunda 23, 2022
Bya Ibraheem Ahmad Ntakambi II

Lwali lwa Ssande nga 23-09-2018, ebizungirizi bibiri okuva mu Japan ne bituula ku Ryugu, ogumu ku gayinja ageetawulira mu bbanga.

Enteekateeka eno eyatandika mu 2014, yawoomwamu omutwe ekitongole ekinoonyereza ku by'obwengula, ki Japanese Aerospace Exploration Agency (JAXA).

Okuva mu 2005, abanoonyereza bajjanga balemererwa okufuna bwino amatiza ku biyinja bino olw'okuba biddukira ku misinde egy'ekitalo. Wabula kw'olwo, ebizungirizi byafunayo ekimu kwe bigwa.

Bino byateekebwako zi minzayiro (Missile) ezaasooka okugukuba okumementulako obutole, era byonna byaakomekkerezebwa mu 2020 — ekyayongerawo ku bujulizi ku ntonda y'ebintu ebyasooka.

30/07/2022

UN ETONGOZA OLUNAKU LW'ENKOLAGANA ENNUNGI

Wadde nga we lutuukidde entalo zikyagenda mu maaso okwetooloola amawanga, leero lujjukirwa ng'Olunaku Lw'obwasseruganda.

Kati emyaka 11 okuva nga 30 Kasambula (Ogw'omusanvu), 2011; ekitongole ekigatta ensi zonna, United Nations, kyavaayo ne kitongoza olunaku luno, abantu lwe balina okujaguza olw'enkolagana eba wakati waabwe.

Wansi w'omukulu Kassym Takayev, ekibiina kino kyatottola obuzibu obuli mu kukuuma omukwano ogw'obumu — era ne kisaba ababa baguwangaazizza okwenyigira mu kukuza olwaleero.

14/06/2022

OMUSAWO AKYASINZE AZAALIBWA
Ssebo Aseka (Juuni) 14, 2022
Ibraheem Ahmad Ntakambi

Nga 14 Ogw'omukaaga, 1868; Dr. Karl Landsteiner yazaalibwa mu ggwanga erya Australia. Oluvannyuma lw'okukyekkaanyiza ebbanga, basawo banne baagezangako okujjanjaba abantu naye nga babafiira mu ngalo.

Ekirowoozo kyamujjira nti abantu bandiba n'emisaayi egitakwatagana — era n'asalawo akinoonyerezeeko. Yakizuula nti kye yalowooza kyali kituufu era yavumbula Blood Groups omuli A, B ne O; n'afa mu 1945.

Olwo okutandika mu 2005, ekitongole ekitwala eby'obulamu mu nsi yonna ki World Health Organization nga kiri wamu n'ekivunaanyizibwa ku musaayi, Red Cross — byasalawo okumujjukira ng'ensi ekuza amazaalibwa ge olw'ekintu amakula kye yakola.

Ye World Blood Donor Day (WBDD), era lwe lwaleero, oluluubirirwaamu okujjukiza abantu okujjumbira okugaba omusaayi basobole okutaasa obulamu bw'abalara.

Address

Lugazi

Telephone

+256755869911

Website

https://IbraNtakambi.wordpress.com/new-insights

Alerts

Be the first to know and let us send you an email when Ebyafaayo by'Olwaleero posts news and promotions. Your email address will not be used for any other purpose, and you can unsubscribe at any time.

Contact The School

Send a message to Ebyafaayo by'Olwaleero:

Want your school to be the top-listed School/college in Lugazi?