أكاديمية نور - Noor Academy

حأقول ليك سر صغير عن الفرنسيين؛ هم كسالي جداً في النطق، ودي أخبار ممتازة ليك أنت كمتعلم عشان يكون عندك دافع😌...

في اللغة الفرنسية، الحرف الأخير في الكلمة غالباً غالباً ما بينطق (صامت تماماً)، عكس الإنجليزي الـ أحياناً بتحاول تنطق كل حرف فيه وتتعب لسانك☺️.

الفرنسيين بيختصروا عليك الطريق، الحروف زي (D, S, T, X, Z) لو جات في آخر الكلمة، غالباً بتكون "ساكتة" وما عندها صوت.

مثلاً..
🔹Paris
(تنطق: باري) الـ S ما بتتنطق.
🔹Chat
(تنطق: قا) ومعناها قطة و الـ T ما بتتنطق.
🔹Trop
(تنطق: ترو، وتعني كثير) والـ P ما بتتنطق.

يعني ما بتحتاج تتعقد، بس اقرأ الكلمة واتجاهل الحرف الأخير، وحيطلع نطقك فرنسي 100% من أول يوم 😎.

ولو جاهز تبدأ رحلة تعلم الفرنسية من الصفر، اكتب كلمة "فرنسي" وحنرسل ليك كل التفاصيل.

#تعليم #لغات #تدريب

Bonsoir
كلمة فرنسية أكيد سمعتها كثير، لكن غالبية الناس بيخافوا من الفرنسية، بيحسوها لغة صعبة، معقدة، ونطقها مستحيل...

في الواقع اللغة الفرنسية أسهل مما تتخيل، ودي 3 حقائق حتغير نظرتك ليها للأبد:

📌1. أنت بتتكلم فرنسي من غير ما تعرف، لأنه 45% من الكلمات الإنجليزية أصلها فرنسي، يعني لو بتتكلم إنجليزي، عندك مخزون فرنسي في عقلك😌.

كلمات زي Restaurant, Hotel, Café, Music, Police، كلها نفس النطق تقريباً في اللغتين.

📌2. نطقها "منطقي" وما معقد، عكس الإنجليزي النطقه ما متوقع، الفرنسية ليها قواعد نطق ثابتة، بمجرد ما تفهم القاعدة، حتظبط نطق أي كلمة😎.

مثلاً: مقاطع "eau" و "au" دايماً بتتنطق "أو"(O).
زي: beau (بو - جميل)، bureau (بيورو - مكتب)، cadeau (كادو - هدية).

📌3. ما محتاج تحفظ القواعد "حفظ أعمى" الفرنسية لغة منطقية جداً، بمجرد ما تفهم "ليه" القاعدة بتشتغل كدا ما حتحتاج تحفظها، الممارسة والاستماع هم الحيثبتوها في دماغك💪.

عايز تبدأ تتعلم الفرنسي صح.. اكتب "فرنسي" في الكومنتات وحنرسل ليك التفاصيل.

#تعليم #للغات #تدريب

شنو أول كلمة بتقولها لشخص غريب، بس بتحس إنها بتفتح ليك قلبه من أول لقاء؟

كلمة اليوم هيBonjour
ومعناها الحرفي: يوم جميل 😌.

يعني أنت لما بتقولها، ما بس بتحيي الشخص القدامك،، أنت بتتمنى ليه يوم مليان بالفرح والخير😍.

زي لما تصحى الصباح وتلاقي رسالة من شخص عزيز عليك، أو تدخل كافيه صغير ويستقبلك صاحب المكان بابتسامة وكلمة حلوة😎.

مثال:
Bonjour, comment allez-vous aujourd'hui?
معناها: يوم جميل، كيف حالك اليوم؟

جرب تقولها بصوت عالي، أو اكتبها لشخص بتحبه في الكومنتات، وشوف كيف كلمة بسيطة ممكن تغير يومه ويومك😉.

ولو مهتم تتعلم اللغة الفرنسية من الصفر، اكتب "مهتم" وحنرسل ليك تفاصيل الكورسات.

#تعليم #لغات #تدريب

كتير مننا بيحلم يتكلم إنجليزي بطلاقة، لكن بيقول في نفسه ما عندي موهبة، قواعدي ضعيفة والناس حتضحك علي..

مافي زول كان شاطر أول ما بدأ، كل الناس بدأت من الصفر، لأنه السر ما في إنك تكون شاطر، السر في إنك تبدأ وتستمر👌.

اقرأ جملة واحدة كل يوم، اكتب كلمة جديدة في اليوم، حاول تتكلم ولو جملة بسيطة.

الشاطرين ما اتولدوا شاطرين، هم الناس البدأوا وما استسلموا بس💪

في أكاديمية نور، بنساعدك تبدأ صح، ونكون معاك خطوة خطوة، الباقي عليك إنك تبدأ بس وما تنتظر تكون شاطر عشان تبدأ😉.

اكتب كلمة "بداية" في تعليق وحنرسل ليك تفاصيل الكورسات.

#تعليم #لغات #تدريب

كتير مننا فاكر إن الإنجليزي كلمات تحفظها وقواعد تدرسها وتمتحن فيها وبس..

ودا غلط الإنجليزي فرصة تشوف العالم بعيون مختلفة، وجسر تواصل مع الناس من كل الثقافات😌.

أداة بتفتح لك أبواب الشغل والدراسة وثقة تخليك تقيف قدام أي زول وتتكلم بدون خوف😎.

متعة إنك تفهم أغانيك وأفلامك المفضلة بدون ترجمة😊.

الإنجليزي ما مادة في المدرسة، الإنجليزي حياة جديدة بتعيشها🤩.

لما تتعلم إنجليزي، أنت ما بتضيف لغة جديدة وبس أنت بتضيف شخصية جديدة جواك😌.

في أكاديمية نور، ما بنعلمك حفظ وكلمات بس، بنعلمك تعيش اللغة، تتكلمها، تحسها، وتخليها جزء من يومك.

سجل معانا وأبدأ حياة جديدة منتظراك، أكتب تعليق وحتوصلك تفاصيل الكورسات.

#تعليم #لغات #تدريب

ما محتاج تكون تتحدث بطلاقة من أول موقف عشان تظهر واثق، ممكن جمل بسيطة تحفظها وتستخدمها في المواقف المختلفة..

مثلاً..
🛑لما تسمع سؤال وما فاهم:
Could you repeat that, please?
(هل يمكنك اعادة ذلك من فضلك؟)

🛑لما تحتاج وقت تفكر:
That's a good question, let me think.
(سؤال جميل، خليني أفكر شوية)

🛑لما تنسى كلمة:
I'm looking for the word, you know.
(بفتش على الكلمة، بتعرفها)

🛑لما تسمع معلومة جديدة:
That's interesting, I didn't know that.
(معلومة جميلة، ما كنت بعرفها)

🛑لما تتفق مع الطرف التاني:
I completely agree with you.
(أنا معاك تماماً)

🛑لما تختلف في الرأي بأدب:
I see your point, but I think.
(فاهم وجهة نظرك، لكن أنا أعتقد)

معانا بتتعلم الجمل دي وبتتمرن عليها في مواقف حقيقية، عشان تصبح طبيعة عندك.

اكتب كلمة مهتم في تعليق وحنرسل ليك تفاصيل الكورسات.

#تعليم #لغات #تدريب

واحد قال أنا كنت فاكر الإنجليزي ده للناس الشاطرة بس💔

كان بيحس إنه متأخر، وإنه كل الناس فهمت وهو لسه واقف في مكانه.

بس لما بدأ، اكتشف إن المشكلة ما كانت في قدرته، المشكلة كانت في الطريقة☹️

مع التدريب الصحيح بدأ يفهم، بدأ يشارك وبقى يقول جمل كاملة بدون ما يقيف كل شوية 😌

وزي ما بنقول دايماً:
الإنجليزي ما امتحان، الإنجليزي مهارة، وأي مهارة بتجي بالتدريب الصح 💪

لو أنت كمان سمعت كلام كتير خلاك تتراجع، خليني أقول ليك لسه ممكن.

مع أكاديمية نور ممكن تبدأ من جديد، تتعلم بثقة، وتوصل للعايزه بإذن الله 😎

اكتب "جاهز" في التعليقات لو حاسس إن دي فرصتك، وحتوصلك التفاصيل في الخاص.

#تعليم #لغات #تدريب

لو كنت في مقابلة شغل، وسألوك:
How old are you?
ورديت بثقة:
I have 25 years🤭.

الصمت البيحصل بعد الجملة دي كافي يخليك تحس إنك عايز تختفي من المكان 😂

الغلطة دي بقع فيها كتير من الناس، لأنه في العربي بنقول:(عندي 25 سنة) فبنترجمها حرفياً
I have 25 years.

بس في الإنجليزي، العمر بنستخدم معاه am/is/are

I am 25 years old.
She is 30 years old.
He is 40 years old.

ولو عايز تتعلم الإنجليزي بطريقة سهلة وممتعة، اكتب "جاهز" وحنرسل ليك تفاصيل الكورسات.

#تعليم #لغات #تدريب