https://www.facebook.com/110867078554738/

Macalin Quran Online, everywhere, Kampala (2026)

13/10/2023

{ 💐لَقَدْ كَانَ لَكُمْ فِي رَسُولِ اللَّهِ أُسْوَةٌ حَسَنَةٌ لِمَنْ كَانَ يَرْجُو اللَّهَ وَالْيَوْمَ الْآخِرَ وَذَكَرَ اللَّهَ كَثِيرًا.💐 }
الأحزاب ٢١ 📖
{ 💐Waxaa idiinku sugan rusuulka ilaahay ku dayasho wanaagsan, waa qofkii rajaynayaa ilaahay iyo maalinta qiyaame Allaahna xusa in badan. 💐}
Macalin Abdirahman Kampala

صلې اللە علېە وسلم
جمع مبارک

06/09/2023

Taariikhdii cabdilahi binu mascuud✨️🖊
Cabdulaahi bin mascuud bin gaafil bin xabiib oo ku nisbo sheegto ree sacad bin hudeyl bin mudrika[1] waxa oo ku dhashay makka 594 miilaadi, Hooyadii waxaa la oran jiray umu cabdi binti cabdi wud, waxeyna ahayd ree banii zuhra [2] magaalada makka ayuu ku barbaaray ibni mascuud, wuxuuna u raaci jiray dadka ree makka ariga.

Islaamida
*
Islaamida ibin mascuud waa h**eysay waxaa lagu sheegaa inuu ahaa qofkii lixaad ee islaama, Qisada uu ku islaamay waxey ahayd:

Maalin baa waxaa soo maray asigoo ari la jira Abuubakar RC iyo Nebiga scw, waxey weydiisteen caano ay cabaan, ibni mascuud ayaa ugu jawaabay inay amaano ku yihiin agtiisa cidna uu ka waraabin karin, Nebiga scw ayaa ka dalbay inuu u keeno lax aana wali oorka boodin, markuu keenay candhada ayuu ka masaxay caanaaba ka imaaday weel ayee ku listeen asaga iyo abuubakar weyna cabeen, ibni mascuud wuu yaabay, wuxuuna ku dhahay Nebiga I bar hadalkaan fiican (quraanka), Nebiga scw ayaa ku dhahay "waxaa tahay canug wax la baray" [3]

Maalinkaas wixii ka dambeeyay ibni mascuud wuu iska daayay qoosaarnimada wuxuuna u go'ay u khidmeena rasuulka scw, mana ka hari jirin safar iyo nagaasho. Hooyadii iyo walaalkiis ayaa iyagana qaatay diinta islaamka[4].

Qofkii u h**eeyay ee Kor u qaada quraanka makah.

Gaalada qureysh aa cadaadis daran ku heysay muslimiinta mana jirin cid ku dhiiran karto inay quraanka muujiso aa ka ahayn Nabiga scw. Maalin baa waxaa meel ku kulmay saxaabada waxey is dhaheen qureysh waligeed ma arag quraanka oo kor loo qaadayee miyuu jiraa qof maqashiin karo?.

Ibni mascuud ayaa yiri aniga igu daaya, saxaabada ayaa ku dhaheen adiga qaraabo ku difaacdo ma qabtid waa kuu baqeenaa, wuxuu dhahay iga taga ilaah baa qabaa asaa I dhoorayo, qureysh oo kacbada ag dhooban ayuu u tagay suurada al-raxmaan buu ku dul aqriyay, qureysh baa ku xanaaqday waxey ku bilaabeen dil, dhaawac badan bay gaarsiiyeen, ibni mascuud oo dhaawaca ka muuqdo ayaa ku soo laabtay saxaabada, waxey dhaheen; saan ayaa kaaga baqeenay, wuxuu u sheegay inuu diyaar u yahay bari inuu ku laabto, waxee dhaheen may waad maqashiisay waxey nacaayeen bas waay[5].

Hijradiisa xabasha kadibna madiina
✨️
Ibni mascuud wuxuu maray dhibkii kasoo gaaray muslimiinta h**e xaga Qureysh taas oo keentay inuu u hijroodo xabasha soo u la badbaado naftiisa iyo diinkiisa[6], sanado ka dib makka ayuu ku soo noqday hadana madiina ayuu u haajiray kadib markuu Nebiga scw faray saxaabada inay u haajiraan[7].

Hijrada ka dib✨️

markuu madiina u haajiray, rasuulka scw ayaa la walaaleeyay sacad bin mucaad ama mucaad bin jabal sida riwaayaadka qaar qabaan, wuxuuna kala qeyb galay nabiga scw dhamaan dagaalada, dagaalkii badar wuxuu qofka dhameystiray abuu jahal ka dib dhaawacii ilmo cafraa ey gaarsiiyeen, Nabiga scw ayaana siiyay seefta abuu jahal[8]. Dagaalkii uxud wuxuu ku juray in yar oo Nabiga scw ku hartay dadkii markey yaaceen

Watigii khulafa raashidiin✨️

wuxuu qeyb ka qaatay ibni mascuud furashada shaam, dagaalkii yarmuuk ayuu xaadiray[9], asigaana qeybiyay maalinkaas ganiimada, Furashooyinka ka dib wuxuu jecleestay inuu d**o ximsa[10][11], ilaa oo uga yimid amarka khaliifka labaad cumar inuu aado Kuufa Ciraaq si dadkeeda oo u baro diinta una saacido talyaheeda cusub camaar bin yaasir, ibni mascuud waxaa uu tagay kuufa faafinta diinta ayuuna ka bilaaway dad badan ayuu soo saaray ilaa 4000 oo qof baa la sheegaa inay gaarayaan dadkii uu wax baray

Xuquuqda Qoraha Waa :Macalin Abdirahman Kampala

05/09/2023

Ducadan waxay koobsatay Labo shay …
1) Khayrka sida Wanaagsan oo Alle loo waydiisto iyo
2) sharkana sida Wanaagsan oo Alle looga magan gal waydiisto…

ilaahayoow nasii khayr oo dhan kiisa dhakhsaha iyo midka la sugo, wixii khayr noogu jiro nasii mid aan ognahay iyo mid aan ogeenba….

ilaahayoow naga magan gali shar oo dhan mid aan ognahay iyo mid naga qarsoonba……..
Macalin Abdirahman Kampala

02/09/2023

وَاسْتَعِينُوا بِالصَّبْرِ وَالصَّلَاةِ وَإِنَّهَا لَكَبِيرَةُ إِنَّا عَلَى الْخَاشِعِينَ) [البقرة: ( 45)

"Kaashada samir iyo salaad; salaadduna waa ay ku culus tahay addoomaha kuwa khushuuca mooyaane.
Macalin Abdirahman Kampala

02/09/2023

Ducada walwalka iyo walbahaarka

اللّهُـمَّ إِنِّي أَعْوذُ بِكَ مِنَ الهَـمِّ وَ الْحُـزْنِ، والعًجْـزِ والكَسَلِ والبُخْـلِ والجُـبْنِ، وضَلْـعِ الـدَّيْنِ وغَلَبَـةِ الرِّجال

Allow waxaan kaa magan galayaa walwal iyo walbahaar, caajisnimo iyo culays, bakhaylnimo iyo fulaynimo, iyo kulug lahaansho dayn iyo raynta raga

Macalin Abdirahman Kampala

21/08/2023

🫵SIDEE LOO XALIYAA MUSHKILADAHA🇸🇴🇺🇬

1. Go,doominta Mushkilada: Marka mushkiladi dhacdo waxaa loo baahan yahay in la xakameeyo lana go,doomiyo si aanay u fidin uguna talaabin meelo kale, taasi waa ta keentay in qofka marka uu ku dhaco xanuunada qaar ka mida sida TBda in la karintiimeeyo lagana fogeeyo bulshada inteeda kale iyadoo looga dan leeyahay inaan xanuunkani baahin, gaadhina dad caafimaad qaba. Taa micnaheedu waa in la hakiyo mushkilada. laguna cidhiidhyo dhabada & dariiqa loona diido inay fido.

2. Qayb-Qaybinta Mushkilada : Waxaa dhacda marar badan in mashaakilku is dul fuulaan una eekaadan inay yihiin mushkilad qudha laakiinse marka aad si dhaba u eegto waxaa suurowda inay yihiin mashaakil isu tagay oo u baahan in la kala qaado oo la jajabiyo marbana mid la xaliyo loona kala hormariyo sida xalkoodu u kala dhaw yahay ama u kula muhiimsan yihiin, amaba waxay noqon kartaa hal mushkilo oo u fiday dhinacyo badan, una baahan in qayb kasta sideeda loo xaliyo.

3. Buunbuuninta Mushkilada: waxaa dhaca wakhtiyo badan in la buunbuuniyo mushkilada lagana saraysiiye heerkeeda taasi oo keenta in wax sahlana oo si fudud looga talaabi karo laga dhigo qar & buur aan la dhaafi Karin . sidaa daradeed waa inaan la buunbuunin mushkilada lana dhaafin xadkeeda & heerkeeda.

4. Ictiraafka Mushkilada: Insaanka marar badan waxaa dhacda inay adkaato inuu ictiraafo in mushkiladi jirto kuna doodo inaanay waxba khaldanayn wax walibana sidii loogu tala galay ay u socdaan.Taas macnaheedu waa inay mushkiladahii is dul fulaan dabadeedna midba mid kale looga talaabo ay gaadhaan xili aan waxba laga qaban Karin. Sidaa dareed waa in la ictiraafo lana dareemo markay mushkiladi jirto. Sababtoo ah in ibnu aadanku wax khaldo waa arin dabiici ah laakiinse waxay ceebtu tahay marka lagu sii socdo mushkilada.

5. Abaarista Mushkilada: Fulaynimada way qaybo badan tahay dadka qaarna waxay ku keentaa inay karti u waayaan inay wajahaan mushkilada ama ay abaaraan arimahan culayska badan ee hortooda ka muuqda. hadaba hadii ay dhacdo in laga warwareego mushkilada waxay keentaa inay gaadho heer aan waxba laga qaban Karin amaba uu xalkeedu libdho oo uu fogaado. sidaa daraadeed waa in mushkilada la wajahaa loona abaaraa si ay geesinimo ku dheehan tahay.

W/Q: Macalin Abdirahman Kampala
Arooryo suuban

08/08/2023

📚SABABAHA KEENA FASHILKA AMA GUULDARADA 📖☪️

6. Isbedelka oo laga baqo: Marar badan waxaa dhacda in insaanku ka baqo inuu isbedel sameeyo isaga oo is leh armaad wax badan lumisaa ama ay meesha soo galaan wax aan la fahmeyn oo aan la xakameyn Karin.

7.Taxadarka aadka u badan: Shay kasta wuxuu leeyahay xad iyo heer loo baahan yahay inaan laga sare Marin lagana hoos Marin. Hadaba markaan ka hadlayno taxadarka waa ficil qiima badan hadii aan laga badbadin ama aan si saayida ah loo adeegsan. Waxaa marar badan dhacda inuu taxadarku dhaliyo inaan hawl lagu talaabsan, Lana aamino hadii midig loo dhaqaaqo in god lagu dhacayo, hadii bidix loo dhaqaaqana in biyo ku qaadayaan hadii h**e loo socdana in lala kulmayo masiibooyin aan la maareyn Karin, markaa ka dib ay taladu ku soo ururto inaan far la dhaqaajin, dhaqdhaqaaqana la yareeyo. Ficilka noocaas ahi wuxuu horseedaa in mashruucaagii istaago laguna xisaabiyo hawl gab.

8. Deg Dega: Degdegu waa ficil xun, ayna haboon tahay in la iska ilaaliyo lagana dheeraaado. Imisa guuldaro ayuu degdeg sababay? Sidaa darteed waa in laga dheeraado degdega Lana xasuusto inuu yahay dabinada shaydaanku dhigo si uu dadka u seejiyo talada saxda ah.

9. Qorshaha oo aan awood karin: In qorshe la dejiyaa waa arin lagama maarmaana la'aanteedna aan horumar lagu talaabsan Karin balse waxaa laga maarmaana inay noqdaan qorshayaashaasi kuwo la awoodi karo Lana fulin karo sida lagu gaadhaana ay suurogal tahay. Laakiinse waxaa in badan dhacda in qorshe la dejiyo isaga oon la fulina hadana kuwa kale la dejiyo, caadana laga dhigto in marba mid la isku qaado isagoon la dhamaystirin kii h**e hadana mid kale lagu boodo.

10. Waqtiga: Wakhtigu wuxuu dawr muhima ka ciyaaraa guusha & guuldarada labadaba. Arin Barri suuro gal ah ayey adag tahay in Maanta la sameeyo, mid maanta ku haboon ayaan loo baahnayn in Barri loo dib dhigo. Sidoo kale arin maanta aad tageero ku heli karto ayaa laga yaabaa inaadan Barri ku helin. Sidoo kale Arin maanta fulinteeda ay ka dhalanayaan dhibaatooyin badan ayaa laga yaabaa hadii lala sugo wakhtiga ku munaasibka ah inay fulinteedu sahlanaato. Waxaa kaloo muhiim ah in shaqada aan korka laga saarin cid aan waqti u hayn oo mashquulsan,si kastoo khibrad,aqoon iyo daacad u tahay. Sidoo kale waa inaysan shaqada horarsan cid aan waqti u ahayn, si kasta oo ay umadan tahayba. Badanaa waxaa howlaha maamulka horarsada dadka magaca raadinaya iyagoon awoodin inay kabaxaan, magac xumanaana ka raacda inta badan.

11. Sabirka oo yaraada: Shaqo kastaa waxay u baahan tahay sabir, guushuna hal saac oo la sabro ayay ku timaadaa. Hadaan sabir imaan marnaba la gaadhi maayo muraadka la leeyahay, Sidaa daraadeed waa in lagu sabraa loona dhabar adaygaa culays kasta oo xaga shaqada ka yimaada noocuu doonaba ha ahaadee.

W/Q:Macalin Abdirahman Kampala

07/08/2023

Yusra abdirahmaan abdi nuur
Oo waraysi bixisay kadib Guusheeda

07/08/2023

Ma sha allaha Hambalyo Gabar ku gulaysate Quranka kariimka ah kaalinta 1aad America 🇺🇸

19/07/2023

💼WAXYAABAHA KEENA INUU QOFKU ISBEDEL ISKU SAMEEYO

1. Qofka oo dareema Niyad jab: waxaa suura gal ah , marar badan inuu qofku isku dayo inuu howl qabto kana midho keeno, laakiin ayaan daro uma suura gasho waxa uu damacsanaa, mana gaadho hadafka uu lahaa. Qofkaasi waxaa ku dhacaya niyad jab xoogan, sidaa darteed ayuu u baahan yahay inuu isbedel sameeyo inta aysan niyad jabkaas u gudbin qeybo kale oo noloshiisa ka tirsan oo fayo qaba ama fiyow.

2. Dareen xumo: waa marka uu qofku aamin sayahay inaysan waxba usuura galeyn, markastana male xumi kujiro, hadaba wuxuu ubaahan yahay isbedel inuu ku sameeyo dareenkiisa.

3. Dhib badan: qofku waxaa soo wajaha dhibaato kala duwan taas oo ku kalifi inuu isbedel sameeyo.

4. Fashil joogta ah: qofku wuxuu la kulmi karaa guuldarro joogta ah xaga waxqabadkiisa, waxsoosaarkiisa, waxbarashadiisa, hadaba wuxuu qofkaas u baahan yahay inuu isbedel sameeyo si uu ooga gudbo guuldaradaan joogtada ah.

5. Joogteyn howl: marka qofku uu muddo ka shaqeeyo howl oo waliba howshuna ay tahay mid uu maalin kasta qabto waxay keeni kartaa natiijooyin aan la jeclaysan, maxaa yeelay ibnu-aadamku waxay jecelyihiin kala duwanaansho howleed, sidaa darteed qofku waxuu u baahanyahay inuu howsha joogtada ah wax ka badalo oo ugu yaraan ka dhigtaa mid marba nuuc loo qaban karo.

6. Wax qabadka oo yar: waxaa kaloo isbedelka qasba in waxqabadkii qofka uu qorsheystay uu ka hoos maro inta uu rabay inuu gaadho ama uu lamid yahay oo uu rabo inuu kasii kordhiyo.

7. Asaagii oo ka sare mara: waa dareen ku dhasha qofka marka uu arko asaagii/faciisa(kuwii la da’da ama lamidka ahaa) oo ka saro maray kana tagay, sidaa darteed wuxuu qofka isku dayaa inuu ka daba tago kana hormaro. Si ay arintaas usuuragasho wuxuu u baahanyahay in uu isbedel sameeyo.

8. Dayacaadda waqtiga: waa marka qofku dayaco waqtigiisa, uusanna dareensaneen muhiimadda uu uleeyahay waqtiga. Sidaa darteed waxuu u baahan yahay ibedel inuu ku sameeyo xaaladda uu ku jiro.

9. Tiiraanyo iyo walwal joogta ah: waxaa qofka soo wajihi kara xaalad adag oo ku keenta qofka inuu aad u walbahaaro ama walwalo taas oo dhaawici karta noloshiisa inay dhaawac u geysato nafsiyan, sidaa darteed wuxuu ku qasban yahay qofka inuu isbedel ku sameeyo qeybo ka mida noloshiisa.

W/Q:Macalin Abdirahman Kampala
Arooryo suuban Jaalayaal 🙏✋🇸🇴🇺🇬

13/07/2023

📝Qoraal Nololeedka Qofeed📚

Qofkasta oo damacsan in uu is-hormariyo waxaa laga doonayaa inuu leeyahay qoraal cadeynaya waxa uu jecelyahay inuu gaaro mustaqbalka, kaas oo hagaya noloshiisa. Qoraalkaas oo uu qofku ku qorayo warqad, kuna cadeynayo waxa uu damacsan yahay mustaqbalka. Isla markaana uu dajisto hadafyada uu ku gaarayo waxa uu damacasanyahay. Waa maxay Qoraal Nololeedka Qofeed? Muhiimadda ay u leedahay qofka? Sifadda laga rabo qoraalka, iyo sida loo qorto Qoraal nololeedka.

Waxaa la yiraahdaa Qoraal Nololeedka Qofeed: waa qoraal, qofku uu ku cadeynayo waxa uu diiradda saarayo, rabana inuu mustaqbalka gaaro – haduu alle idmo-. Sidoo kale waxaa lagu qeexaa waa erayo kulminaya waxa qofka uu damacsanyahay ama uu hiigsanayo mustaqbalka.

Sababaha keenay in uu qofka uu qorto warqad cadeynaysa hadafkiisa ayaa ah; in qoraalku uu qofka siiyo dareen ah meesha uu usocdo, waxay kaloo ku kaalmeysaa in uu qofka kala ogaado waxa muhiimka u ah iyo waxa aan muhiimka aheyn. Sidoo kale waxay u fududeysaa go’aanada uu qaadanayo.

Noloshana waxay siinaysaa qiimo, iyo dareen ah inuu wax hiigsanayo. Sidoo kale waxay siineysaa tab/qaab uu uga faa’iideysto awoodiisa si sax ah.

Tusaale ahaan, marka aad taqaanid waxa waajibka kugu ah in aad sameysid, waxaa kuu sahlan in aad abaartid oo qura meeshaas, sida jiheeyahaba uu u abaaro dhanka waqooyi kaliya.

Inta aanan bilaabin sida loo qoro risaalo nololeed, waxaa haboon in aan ogaano sifooyinka ee leedahay. Hadaba, qoraal nololeedku wuxuu hagayaa qofka si uu markasta u xasuusto hadafka uu leeyahay, isla markaana si guud waxa uu ka jawaabayaa sadex su’aalood oo muhiim ah, kuwaas oo kala ah: Waa maxay hadafka aan ka leeyahay nolosha? Maxayse tahay Qiyamta aan Dhowrayo? Waa maxayse howsha/ficilka lagu gaarayo hadafka, laguna dhowrayo qiyamta ama waxa lama taabtaanka ii ah?

W/Q:Macalin Abdirahman Kampala

08/07/2023

🧍‍♂️Muhiimadda ay leedahay Is-hormarintu waxa ka mid ah:

1. Ugu h**eyn ma jiraan aduunkaan wax sugan, ee isbedel joogta ah ayaynu ku jirnaa, sidaa darteed waxaa loo baahanyahay sidii loola qabsan lahaa isbadaladaas, uuna qofku si joogta ah isu hormarinlahaa si uusan uga harin Tareenka nolosha.

2. Waxaa kaloo jirta baahi joogta ah oo ah dhinaca xirfada iyo macluumaadka intaba, qof kastana wuxuu u baahan yahay si joogta ah inuu u baadi goobo.

3. Suuqyadda shaqadda ma naxariistaan ee waxay u baahanyihiin xirfado cusub iyo macluumaad dheeri ah. Hadii aadan aheyn qof si joogta ah isku hormariya, tartanka shaqadda waad ka hareysaa, wayna kugu adkaaneysaa in aad la qabsatid shaqadda.

4. Culaysyadda nolosha soo wajaha weey badan yihiin sidaa daraadeed waxaad u baahan tahay in aad markasta baratid tabaha iyo sidii aad ula dhaqmi laheed ama uga gudbi laheed Culeeysyadaas.

W/Q:Macalin Abdirahman Kampala
Galab wanagsan 🇸🇴🇺🇬✅

Macalin Quran Online

13/10/2023

06/09/2023

05/09/2023

02/09/2023

02/09/2023

21/08/2023

08/08/2023

07/08/2023

07/08/2023

19/07/2023

13/07/2023

08/07/2023

Address

Website

Alerts

Shortcuts

Share

Category

Listing takedown request