Daniel Masubo

10/01/2024

Ujinga ni kukosa maarifa, ujuzi, ufahamu, na uelewa. Katika maisha haya, unachokijua ndiyo ulinzi wako. Mafanikio yako katika kufanya jambo lolote yanategemea ufahamu wako katika jambo hilo. Pasipo maarifa sahihi mtu anakosa nguvu za kufanikisha mambo. Ujinga ni sawa na uhanithi.
!

09/01/2024

Mwandishi Napoleon Hill anasema neno elimu, chimbuko lake ni kutoka katika neno la kilatani "educo" lenye maana ya kuendeleza kitu kutoka ndani. Kwa mantiki hii, elimu kwa mtu ni zaidi ya kwenda shule kujifunza kuandika, kuchora, kusoma, au kuhesabu herufi na namba. Kuendeleza kilicho ndani ya mtu ni elimu bora zaidi kuliko ya kumfundisha kuhesabu, kuandika na kusoma herufi na namba.
!

07/01/2024

Nelson Mandela, baba wa taifa wa Afrika Kusini aliwahi kusema "Elimu ndiyo silaha pekee ambayo mtu anaweza kuitumia kubadilisha ulimwengu." Nao wahenga walisema "Elimu ni ufunguo wa maisha." Umechoka kuwa mtu maskini? Pambana kutafuta hekima, ufahamu na maarifa sahihi.
!

05/01/2024

Watu wengi wanaishi katika umaskini kwa sababu tu hawajatambua vyanzo vya umaskini wao. Kwavile hawajui sababu zinazopelekea umaskini wao, wanaendelea kuishi katika ujinga huo miaka nenda rudi pasipo mabadiliko. Wanaishi kwa mazoea na wanafanya mambo yao kwa namna ileile ya miaka yote. Wasichokijua ni kuwa kufanya mambo kwa namna ileile, mara kwa mara huku ukitegemea matokeo tofauti ndiyo uchizi wenyewe huo.
!

04/01/2024

Kuna watu wa kuepukana nao ili kujiunga na makundi ya watu sahihi watakaokujenga na kukuongezea hamasa ya kupambana vita dhidhi ya umaskini. Kuna fıkra, akili, mitazamo na mawazo ya kimaskini ambavyo kila mtu anatakiwa kuepukana navyo ili kupambana vita ya umaskini. Kuna maneno na mazingira ya kuepukana nayo k**a kweli mtu unataka kushinda vita dhidhi ya umaskini.
!

04/01/2024

Hizi ni nyakati ambazo watu wengi siyo waaminifu.

Tunaishi katika kipindi ambacho watu waaminifu

wanapatikana kwa nadra sana. Hizi ni zama ambazo

binadamu amegeuka kuwa ni adui mkubwa wa wanadamu wenzake. Binadamu amegeuka kuwa tishio kubwa kwa wanadamu wenzake kuliko hata simba na nyati.
!

03/01/2024

02/01/2024

Wavivu wa akili hawathamini maarifa. Wanadharau kujifunza vitu vipya. Hawaoni thamani ya kusoma vitabu, kuhudhuria semina, kusikiliza videos na audios za kuelimisha na hamasa.
!

02/01/2024

Mwanafalsafa wa kiyunani kwa jila la Socrate alisema kitu cha muhimu katika maisha ya mtu ni "Kujitambua au Kijijua mwenyewe." Daima alisema ugunduzi mkubwa zaidi katika maisha haya ni ule wa kujijua. Alisisitiza "Know thyself."
!