21/08/2026
畢業 感言
文 ◎ 施麗玲 / 道碩三（2026畢業）
「豈是祢叫我的名？」「hit 個聲豈是祢？」佇我的生命內面，有一 種佇孤單的時陪伴我啼哭，佇軟弱的時賞賜我剛強的氣力，佇懷疑無助的 時對我說話的「原力」，尤其是當我的生命接近死亡，伊卻是回應我：「養 飼我的羊」。這個聲豈是出對 hit 位賞賜我生命，帶我行過死蔭幽谷的主 上帝？
抱著搜尋真相的心，為著欲知影到底是啥人對我講話，決定行入台南 神學院。無拍算竟然佇這座恩典花園內面全然得到安息，枵餓的靈得到飽 足，歸個人回轉親像少年，身心靈重新起造。真緊！一目 nih 仔三年過去， 當初 hit 個搜尋上帝親像鹿渴慕溪水的戇人，今就欲受差遣去到伊愛我去 的所在 ! 佇 hia，欲奉伊的名，結出彼此相疼的果子。今，我確信這是伊 的召命，是我的使命！主，滿心感謝謳咾祢奇妙聖名！
對一個已經佇人生路行過 50 冬的人退休人士來講，會當有機會重新做 學生、學希臘文希伯來文、背單字、考試、趕報告、寫論文，這是一項真 奧妙的代誌；甚至已經是佇教會服事 30 冬的人，竟然有機會重新成做實習 生，重新學習啥物是服事，這是越倒轉，超過人想像的一條路，這份開暗 車做暗光鳥的甜蜜負擔，若毋是上帝的神踮佇我，哪有可能一路行透？
這三年，逐工有上帝的話語若米糧，有老師的神學功力和疼心鬥沃水， 阮就親像嬰仔吮奶、幼鷹學飛，靈命得到養飼，生命得到修整，心神充滿 平安。上重要的是拍破框架重頭學起，和一陣相疼相挺的少年同學，有艱 難相替祈禱，同喜同悲，將來阮嘛欲互相鼓勵鬥陣行，為著成做上帝國盡 心盡性盡意盡力的工人來拍拚。
厭倦者，伊互伊能力；軟茈 (nńg-chiáⁿ) 者，伊加添伊的氣力。少年 人亦會厭會倦；勇壯的人亦會跋倒。獨獨倚靠耶和華者欲得著新的氣力。
𪜶欲親像鷹鳥展翅飛高；𪜶走亦無厭，行亦無倦。( 以賽亞 40:29-31
全文《台南神學院通訊》復刊號第137期
Created with the Heyzine flipbook maker
