27/03/2025
Dost və Müttəfiq ölkəmiz Türkiyədə son vaxtlar baş verən siyasi proseslər artıq çox ciddi bir hal alıb.
Ərdoğan Hökumətinin Ekrem İmamoğluna qarşı atdığı addımlar, İmamoğlunun diplomunun ləğvi və həbs edilməsi,bu hadisələrin ard-arda olması gedişatın heç də təbii olmadığını göstərir...
Bir neçə il öncəyə nəzər salsaq görərik ki, Bələdiyyə seçkilərində Ekrem İmamoğlu və Binali Yıldırım bir-birinə rəqib edib. İmamoğlu seçkiləri qazandıqdan sonra,necə oldusa AK Parti hökuməti təkrar seçim tələb etdi. İkinci seçkidə isə, İmamoğlu daha yüksək səs toplayaraq İstanbul bələdiyə sədrliyini qazandı!
Bu isə AK partiyasının İmamoğluna qarşı ilk məğlubiyyəti oldu.
Nə hikmətdirsə,20 il əvvəl universitetdən məzun olan İmamoğlunun diplomu bu qədər vaxtdan sonra ləğv edildi...
Bəs bu zamana qədər xəbərsiz idilər bu işdən?
Və ya həmin dönəmdə Universitet rəhbərliyi hara baxırdı?!
Bütün bu hadisələrdən sonra,birdə azmış kimi, İmamoğlunun istanbul bələdiyyəsində qanunsuz yeyinti etmələri və terrorla əlaqələndirilməsi hər şeyi daha da aydın edir.
Bütün bu olanlar onu göstərir ki, Türkiyədə demokratiyanın təməli sarsılmağa başlayıb!
Vətəndaşların etirazları isə hələ də davam davam edir və kifayət qədər narazı kütlənin olduğunu demək mümkündür.
İnanırıq ki, bu mübarizə sonda demokratik qüvvələrin qələbəsi ilə başa çatacaqdır!
