Ururka Ardayda Soomaaliyeed Ee İstanbul

• Africa Day 26

Guddoomiyaha Ururka Ardayda Soomaaliyeed ee Istanbul, xubno ka tirsan Golaha Fulinta, iyo ardayda Soomaaliyeed ee wax ka barata Istanbul ayaa ka qayb galay munaasabadda Africa Day oo ay soo qabanqaabiyeen Ururka Africa Without Borders.

Munaasabaddan ayaa ahayd fursad muhiim ah oo lagu xoojinayo isdhexgalka, wadajirka, iyo iskaashiga ka dhexeeya bulshada Afrikaanka ah ee ku nool Türkiye, iyadoo sidoo kale lagu soo bandhigay dhaqamada iyo hidaha kala duwan ee qaaradda Afrika.

Ururka Ardayda Soomaaliyeed ee Istanbul wuxuu uga mahadcelinayaa qabanqaabiyeyaasha dadaalkooda iyo martigelintooda wanaagsan, wuxuuna sii xoojin doonaa ka qaybqaadashada munaasabadaha kor u qaadaya midnimada, aqoonta, iyo is-dhexgalka bulshada.

* • Ciid Mubaarak! 🐑

Gudoomiyaha iyo xubnaha Ururka Ardayda Soomaaliyeed ee Istanbul (UASI) waxay hambalyo meeqam sare leh oo ku aaddan munaasabadda barakaysan ee Ciidul Adxaa u dirayaan dhammaan ardayda ku sugan Istanbul iyo guud ahaan umadda Soomaaliyeed meel kasta oo ay joogaan.

Ciid Wanaagsan! 🐑

• Akhrinta iyo Khatmka Qur’aanka Kariimka – Maalinta Carafo ✨

Ururka Ardayda Soomaaliyeed ee Istanbul waxa uu idinku casuumayaa barnaamijkan barakaysan ee maalinta Carafo. Kulankan waxaa lagu xusi doonaa Alle, laguna dhameyn doonaaa akhrinta Qur’aanka kariimka ah illaa dhamaad.

📅 Waqtiga: Maalinta Carafo – 26ka May saacadda 13:00 - 17:00

📍 Goobta: Taksim Camii

Ka faa’iidayso maalintan fadliga badan ee Carafo, kuna soo biir walaalahaaga ardayda Soomaaliyeed si aan u wadaagno barnaamijkan kheyrka badan.

Fadlan buuxi Link‑ga isdiiwaangelinta bio-ga saaran!

• Girls Only Culture Day 🌺

Ururka ardayda Soomaaliyeed ee Istanbul wuxuu qabanayaa Culture Day gaar u ah gabdhaha 💕🇸🇴

Maalin ay ku kulmaan walaaltinimo, dhaqan, farxad iyo xusuus qurux badan. Ha moogaanin! 🌸

📍 Istanbul
🗓️ Soon!

istanbul

• 🇸🇴⚽️

Guul sharaf leh oo ay gaareen Kooxda mataleysa Ururka Ardayda Soomaaliyeed ee Istanbul 🇸🇴⚽️

Kulankii ugu horreeyay ee tartanka waxay ku soo bandhigeen ciyaar qurux badan, dadaal iyo midnimo dhab ah.

Guushan waa bilow wanaagsan — horey u socda 🇸🇴🔥

Guddiga Fulinta Ururka Ardayda Soomaaliyeed ee Istanbul waxaa sharaf weyn u ahayd in ay magaalada Istanbul kusoo dhaweeyaan Amb. Mohamed Ali Nur, Maareeyaha Guud ee Dekedda Muqdisho, oo safar shaqo gaaban ku joogay magaalada.

Kulankan qaaliga ah, Amb. Mohamed Ali Nur waxa uu noogula wadaagay talooyin wax ku ool ah, khibrado muhiim ah, iyo dhiirrigelin ku saabsan kaalinta dhalinyarada Soomaaliyeed ay ku leeyihiin horumarka dalka.

Waxaan si gaar ah ugu mahadcelineynaa Amb. Mohamed Ali Nur sida qiimaha leh ee uu nooga aqbalay kulanka iyo waqtiga uu nala qaatay, waxaana u rajeyneynaa guul iyo horumar joogto ah.

• 🇸🇴🇹🇷

Guddoomiyaha UASI iyo xubno ka tirsan golaha fulinta ayaa ka qeyb galay panel-ka “Geçmişten Günümüze Türkiye–Somali İlişkileri” oo lagu qabtay Jaamacadda Istanbul.

Kulankan muhiimka ah waxaa lagu falanqeeyay xiriirka istaraatiijiga ah ee u dhexeeya Soomaaliya iyo Turkiga, gaar ahaan dhinacyada waxbarashada, diblomaasiyadda iyo iskaashiga bulshada. Ka qeybgalkeennu wuxuu xoojinayaa doorka ardayda Soomaaliyeed ee ku nool Istanbul iyo muhiimadda ay leeyihiin isku xirka labada dal.

Waxaan ku faraxsanahay inaan matalno bulshada ardayda Soomaaliyeed, isla markaana ka shaqeyno xoojinta xiriirka iyo wada shaqeynta mustaqbalka.

• Tartanka Kubadda Cagta Jaamacadaha ⚽️🏆

Ururka Ardayda Soomaaliyeed ee Istanbul (UASI) waxa uu si rasmi ah oo guul leh u soo gabagabeeyay tartanka kubadda cagta Jaamacadaha Istanbul, oo loo qabtay ardayda Soomaaliyeed ee Istanbul wax ka barta.

Ciyaartii finalka oo ahayd mid xiiso badan ayaa lagu go’aamiyay guusha, iyadoo koobka ay qaadeen Uskudar Uni. Hambalyo ayaan u direynaa kooxda guuleysatay!

Waxaan sidoo kale u mahadcelineynaa dhammaan ciyaartoyda, taageerayaasha, iyo cid kasta oo ka qeyb qaadatay hirgelinta tartankan.

• Tartanka Kubadda Cagta Jaamacadaha – FINAL 🏆

📅 Taariikh: Axada 05 Apr 2026
🕒 Saacada: 3 pm
📍 Goobta: Edirnekapi

Waa FINAL-kii weynaa ee la wada sugayay! 🏆🔥

Kaalay oo taageer jaamacaddaada, kuna raaxayso ciyaarta go’aamin doonta koobka tartanka Jaamacadaha ee Istanbul!