Hira Teknoloji ve Gelişim Vakfı

Hira Teknoloji ve Gelişim Vakfı Welcome to Hira Foundation

يېڭى مەۋسۇملۇق كومپىيۇتېر مەخسۇس تەربىيلەش سىنىپىمىزغا ئوقۇغۇچى قوبۇل قىلىنىدۇ ھىرا كومپىيۇتېر تەربىيلەش مەركىزىنىڭ يېڭى...
24/08/2026

يېڭى مەۋسۇملۇق كومپىيۇتېر مەخسۇس تەربىيلەش سىنىپىمىزغا ئوقۇغۇچى قوبۇل قىلىنىدۇ
ھىرا كومپىيۇتېر تەربىيلەش مەركىزىنىڭ يېڭى مەۋسۇملۇق كومپىيۇتېر سىنىپى 2026-يىلى 8-ئاينىڭ 31-كۈنى باشلىنىدۇ.
مەزكۇر سىنىپتا كومپىيۇتېرنىڭ دەسلەپكى سەۋىيەدىن باشلاپ ئۆگىتىلىدىغان بولۇپ، نەزىرىيە ۋە ئەمەلىيەت بويىچە تەپسىلى چۈشەندۈرۈپ ئۆتۈلىدۇ. كومپىيۇتېر ئۆگىنىشنى نىيەت قىلىۋاتقان قېرىنداشلىرىمزىنىڭ ۋاقىتنى چىڭ تۇتۇپ تىزىملىتىشىنى قارشى ئالىمىز.
دەرس ھەپتىدە بەش كۈن مۇقىم داۋام قىلىدىغان بولۇپ، ھەر كۈنى كەچ سائەت 06:30 دە باشلىنىدۇ.
ئۈچ كۈنلۈك سىناق دەرسىگە قاتنىشىپ باققاندىن كىيىن ئوقۇش-ئوقۇماسلىقنى قارار قىلسىڭىز بولىدۇ.
بەلگىلەنگەن پىرۇگراممىلارنى لاياقەتلىك ئوقۇپ تۈگەتكەن ئوقۇغۇچىلار ئۈچۈن دۆلەت ئېتىراپ قىلدىغان دېپلۇم چىقىرىپ بېرىلىدۇ.
تەپسىلاتىنى تۆۋەندىكى نومۇرلارغا ئۇچۇر قىلىش ئارقىلىق سۈرۈشتە قىلسىڭىز بولىدۇ.
(دەرس سىنىپتا بولىدۇ)
Tel: 05396188847 05349626929
Adres:Kemalpaşa Mah. Akıncı Sok. No:5A Küçükçekmece.

ئىنگلىز تىلى تور سىنىپى سىزنى قارشى ئالىدۇ ئىنگلىز تىلىدا مۇئەييەن ئاساسى بار ئوقۇغۇچىلار ئۈچۈن ھىرا ئىنگلىز تىلى كەچلىك...
23/08/2026

ئىنگلىز تىلى تور سىنىپى سىزنى قارشى ئالىدۇ
ئىنگلىز تىلىدا مۇئەييەن ئاساسى بار ئوقۇغۇچىلار ئۈچۈن ھىرا ئىنگلىز تىلى كەچلىك تور دەرسخانىمىز 2026-يىلى 8-ئاينىڭ 25-كۈنى باشلىنىدۇ.
ئۆتۈلىدىغان كىتاپ New Headway Elementary student`s book
دەرس توردا نەق مەيدان شەكىلدە ئۆتۈلىدىغان بولۇپ، سۆزلەش ۋە ئاڭلاپ چۈشىنىش بىر گەۋدە قىلغان ھالدا داۋام قىلىدۇ.
كەچ تەرەپتىكى بوش ۋاقىتتىن پايدىلىنىپ ئىنگلىز تىلى سەۋىيەسىنى يۇقىرى كۆتۈرمەكچى بولغان قېرىنداشلارنىڭ ۋاقىتنى چىڭ تۇتۇپ تىزىملىتىشىنى قارشى ئالىمىز.
ئۈچ كۈن سىناق دەرسىگە قاتنىشىپ بېقىپ ئاندىن ئوقۇش- ئوقۇماسلىقنى قارار قىلسىڭىز بولىدۇ.
تەپسىلاتىنى تۆۋەندىكى نومۇرلارغا ئۇچۇر قىلىش ئارقىلىق سۈرۈشتە قىلىڭ.
Tel: 05396188847 05349626929
Adres: Kemalpaşa Mah. Akıncı Sok. No:5A Küçükçekmece.

21/08/2026

ھىرا ئۇيغۇر مەكتىپى يازلىق تەتىللىك ئوقۇش پۈتتۈرۈش مۇراسىمىدا «شەپقەت ھەمشىرىسى رىزۋانگۈل» دۇنياغا كەلگەنلىكىنىڭ 100 يىللىقى مۇناسىۋىتى بىلەن ئوقۇغۇچىلار قەھرىمان ئوبرازىنى ياراتتى.
گەرچە كەسپى ئارتىسلاردىكى رول ئېلىش ماھارىتى بالىلاردا بولمىسىمۇ، ۋەتەن ئۈچۈن ئۆزىنى بېغىشلىيالايدىغان پاك روھنىڭ سىماسىغا نەق مەيداندىكى ھەممە بىرلىكتە شاھىد بولدى.
مېھرىبان ئاللاھ بالىلىرىمىزغا ئىنساپ، ھىدايەت ۋە ساپ ئەقىدە ئاتا قىلغاي!
ھۆرمەت بىلەن: ھىرا ئۇيغۇر مەكتىپى
2026-يىلى 8-ئاينىڭ 21-كۈنى

ھىرا ئۇيغۇر مەكتىپى يازلىق تەتىللىك ئوقۇش پۈتتۈرۈش مۇراسىمى ئۆتكۈزدى. ھىرانىڭ بۇ يىللىق يازلىق تەتىللىك ئانا تىل ئوقۇت...
20/08/2026

ھىرا ئۇيغۇر مەكتىپى يازلىق تەتىللىك ئوقۇش پۈتتۈرۈش مۇراسىمى ئۆتكۈزدى.
ھىرانىڭ بۇ يىللىق يازلىق تەتىللىك ئانا تىل ئوقۇتۇش پىرۇگراممىسىغا قاتناشقان ئوقۇغۇچىلار ئۈچۈن ئوقۇش پۈتتۈرۈش مۇراسىمى ئۆتكۈزۈلگەن بولۇپ، مۇراسىم مېھمانلارنىڭ قىممەتلىك سۆزلىرى، ئوقۇتۇش پىرۇگراممىسىدا قولغا كەلتۈرگەن نەتىجىلەر، ئوقۇغۇچىلارنىڭ تەييارلىغان نومۇرلىرى ۋە بالىلارغا بېرىلگەن ھەدىيەلەر بىلەن ناھايىتى ھاياجانلىق ئېلىپ بېرىلدى.
تەتىل جەريانىدا پۈتۈن بىر سىنىپ ئوقۇغۇچىلىرىنىڭ تولۇق ھالدا قۇرئان كەرىمنى تۈگىتىشى، شۇنداقلا مۇراسىم مەيدانىدا تامام قىلىپ خەتىم دۇئاسى بىلەن ئاخىرلاشتۇرۇشى ھەمدە شەپقەت ھەمشىرىسى رىزۋانگۈلنىڭ 100 ياشقا كىرگەنلىك مۇناسىۋىتى بىلەن قەھرىمانىمىزنىڭ ئىش-ئىزلىرى دارامما شەكىلدە ئورۇنلىشى بارچە مېھمانلىرىمىزنىڭ يۇقىرى باھاسىغا ۋە مۇئەييەنلەشتۈرۈشىگە ئېرىشتى.
ئۇيغۇرنىڭ قىممەت قارىشىنى، ئۇيغۇر دىيارىنى، ئىسلام پىرىنسىپلىرىنى ھايات مىزانى قىلىپ ياشايدىغان ياراملىق ئەۋلاتلارنىڭ تۈركۈملەپ يېتىشىپ چىقىشىنى ئۈمىد قىلىمىز.
ئۇيغۇر مىللى مائارىپى ئۈچۈن 11 يىلدىن بېرى يېقىپ مېڭىۋاتقان مەشئىلىمىزنىڭ بۇنىڭدىن كىين تېخىمۇ ئۇلغىيىشىنى مېھرىبان ئاللاھتىن تىلەيمىز.
ھۆرمەت بىلەن: ھىرا ئۇيغۇر مەكتىپى
2026-يىلى 8-ئاينىڭ 20-كۈنى

تولۇقسىز ۋە تولۇق ئوتۇۇرا مەكتەپ ئوقۇغۇچىلىرىنى ئىنگىلز تىلىدا مەخسۇس تەربىيلەش سىنىپىمىز 2026- يىلى 8- ئاينىڭ24- كۈنى ب...
20/08/2026

تولۇقسىز ۋە تولۇق ئوتۇۇرا مەكتەپ ئوقۇغۇچىلىرىنى ئىنگىلز تىلىدا مەخسۇس تەربىيلەش سىنىپىمىز 2026- يىلى 8- ئاينىڭ24- كۈنى باشلىنىدۇ.
مەزكۇر سىنىپ، 2026-2027- يىللىق ئوقۇ-ئوقۇتۇش يىلىدا بىر يىل بويىچە بالىلارنى دەسلەپكى سەۋىيەدىن يۇقىرى سەۋىيەگە كۆتۈرۈشنى مەقسەت قىلغان نوقتىلىق سىنىپ بولۇپ، سېستىمىلىق ھالدا ئوقۇغۇچىلارنىڭ ئىنگىلز تىلى سەۋىيەسىنى ئالاھىدە ياخشىلايدۇ.
دەرس ئوقۇغۇچىلارنىڭ مەكتەپتىن قايتقاندىن كىيىنكى ۋاقتىغا ئورۇنلاشتۇرۇلغان بولۇپ، ھەر كۈنى چۈشتىن كىيىن سائەت 05:00 تە باشلىنىدۇ.
سىنىپتا جانلىق ھالدا ئۆتۈلىدىغان بۇ دەرسىمىزگە پەرزەنتلىرىڭىزنى تىزىملىتىش ئارقىلىق ئۇلارنىڭ كەلگۈسىدە ئالى بىلىم يۇرتلىرىدا ئوقۇشىغا ئۇل سالغايسىز.
دەرس ھەپتىدە بەش كۈن مۇقىم داۋام قىلىدۇ.
پەرزەنتلىرىنى تىزىملاتماقچى بولغان ئاتا- ئانىلارنىڭ ۋاقىتنى چىڭ تۇتۇپ تىزىملىتىشىنى قارشى ئالىمىز.
تەپسىلاتىنى تۆۋەندىكى نومۇرلارغا ئۇچۇر قىلىش ئارقىلىق سۈرۈشتە قىلىڭ.
Tel:05396188847 05349626929
Adres: Kemalpaşa Mah. Akıncı Sok. No:5A Küçükçekmece.

بىر ئايدىن بېرى داۋام قىلىۋاتقان ھىرا ئۇيغۇر مەكتىپى ئوقۇغۇچىلىرىنىڭ دالا پائالىيىتى مۇۋەپپىقىيەتلىك ئاخىرلاشتى. ھازىرغى...
19/08/2026

بىر ئايدىن بېرى داۋام قىلىۋاتقان ھىرا ئۇيغۇر مەكتىپى ئوقۇغۇچىلىرىنىڭ دالا پائالىيىتى مۇۋەپپىقىيەتلىك ئاخىرلاشتى.
ھازىرغىچە 112 نەپەر قىز-ئوغۇل ئوقۇغۇچىمىز ئايرىم-ئايرىم ھالدا بۇ دالا پائالىيىتىگە ئاكتىپ قاتناشقان بولۇپ، شەھەر سىرتىدىكى گۈزەل تەبىئەت قوينىدا ئۇنتۇلغۇسىز ئەسلىمىلەرگە شاھىد بولغان ئوماق پەرزەنتلىرىمىزنى قىزغىن تەبرىكلەيمىز.
ئائىلىسىدىن ئايرىلىش ئارقىلىق، مۇستەقىل ياشاش ئىقتىدارىنى يېتىلدۈرگەن ۋە سەبداشلىق، دوستلۇق مېھرى-مۇھەببىتىگە جۆر بولغان بۇ ئەۋلاتلارنىڭ بۇنىڭدىن كىيىنكى ئوقۇش ۋە تۇرمۇش ھاياتىغا خەيرىلەرنىڭ ۋەسىلە بولۇشىنى چىن قەلبىمىزدىن ئۈمىد قىلىمىز.
ھۆرمەت بىلەن: ھىرا ئۇيغۇر مەكتىپى
2026-يىلى 8-ئاينىڭ 19-كۈنى

بالىلىرىمىزنى ئۇيغۇرغا لايىق ئۇيغۇر قىلىش ئۈچۈن تۆكۈلگەن تەرلەرگە جان تەسەددۇق.فىرئەۋن روبىرۇسىدا بىر مۇسانى يېتىشتۈرۈش ...
18/08/2026

بالىلىرىمىزنى ئۇيغۇرغا لايىق ئۇيغۇر قىلىش ئۈچۈن تۆكۈلگەن تەرلەرگە جان تەسەددۇق.
فىرئەۋن روبىرۇسىدا بىر مۇسانى يېتىشتۈرۈش ئۈچۈن تۆكۈلگەن تەرلەرگە جان تەسەددۇق…
دىنى، مىللىتى ۋە ۋەتىنىگە لايىق ھاياتتا ياشىيالىش ئۈچۈن ساغلام ئىدىيە، جەسۇر رۇھ ھەمدە ئۇنىۋېرسال ساپانى ۋاكسىنا قىلىپ ئەملەش ئۈچۈن تۆكۈلگەن تەرلەرگە جان تەسەددۇق..
ھىرانى ھەممىزنىڭ ئىللىق ئائىلىسىدۇر دەپ بىلەلىگەن باغۋەنلەرنىڭ پەرۋىشكار خىسلىتىگە جان تەسەددۇق…
ھىرا ئۇيغۇر مەكتىپى
2026- يىلى 8- ئاينىڭ 18- كۈنى

15/08/2026

ئىلىم-مەرىپەت يولىدىكى مۇشەققەت ھەقىقەتەن كۆپتۇر. ئەمما بۇ يولدا شام- چىراغ بولۇشتىنمۇ ئارتۇق خۇشاللىق بولمىسا كېرەك.
شادىمان بالىلار بىلەنكى ھايات ئۇنتۇلغۇسىزدۇر.

كومپىيۇتېرنى ئۆيدە ئولتۇرۇپ ئۆگەنمەكچى بولغان دوستلارغا ئەتىگەنلىك يېڭى سىنىپ!ھىرا كومپىيۇتېر تەربىيلەش مەركىزىنىڭ كومپ...
11/08/2026

كومپىيۇتېرنى ئۆيدە ئولتۇرۇپ ئۆگەنمەكچى بولغان دوستلارغا ئەتىگەنلىك يېڭى سىنىپ!

ھىرا كومپىيۇتېر تەربىيلەش مەركىزىنىڭ كومپىيۇتېر ئاساسى سەۋىيە تور سىنىپى 2026-يىلى 8-ئاينىڭ 13-كۈنى باشلىنىدۇ.
دەرس توردا نەق مەيدان شەكىلدە ئۆتۈلىدىغان بولۇپ، مەزكۇر دەرسنى سىز ئۆيدە ئولتۇرۇپمۇ بىمالال ئۆگىنەلەيسىز.
دەرس ھەپتىدە بەش كۈن مۇقىم داۋام قىلىدىغان بولۇپ، نەزىرىيە ۋە ئەمەلىيەت بىرلەشتۈرۈلگەن ھالدا تەپسىلى چۈشەندۈرۈلۈپ ئۆتۈلىدۇ.
دەرس ۋاقتى ھەر كۈنى ئەتىگەن سائەت08:00 دە.
ئوقۇماقچى بولغان دوستلارنىڭ 3 كۈنلۈك دەرسكە قاتنىشىپ بېقىپ قارار قىلىشىنى قارشى ئالىمىز.
پىلاندا بەلگىلەنگەن پىرۇگراممىلارنى لاياقەتلىك ئوقۇپ تۈگەتكەن قېرىنداشلارغا دۆلەت ئېتىراپ قىلىدىغان دېپلۇم چىقىرىپ بېرىلىدۇ.
تەپسىلاتىنى تۆۋەندىكى نومۇرلارغا ئۇچۇر قىلىش ئارقىلىق سۈرۈشتە قىلىڭ!
Tel:05396188847 05349626929
Adres: Kemalpaşa mahallesi akıncı Sokak No:5 A Küçükçekmece.

https://t.me/HiraFoundation
نامىدىكى تىلىگرام قانىلىغا ئەگىشىۋىلىش ئارقىلىق نۇرغۇن سىز ئىزدىگەن ماتېرىياللارغا ئېرىشەلەيسىز، ئەگىشىۋېلىشنى ئۇنۇتماڭ!

سۈرىيە تەسىراتلىرى 5(لوقمانجان مۇئەللىم)مېھنەتلىك ھايات ئېلىكتىرۇنلۇق ئويۇنچۇقلاردا بەزى كىشىلەر تولىمۇ قىززىقىپ ئويناي...
08/08/2026

سۈرىيە تەسىراتلىرى 5
(لوقمانجان مۇئەللىم)

مېھنەتلىك ھايات

ئېلىكتىرۇنلۇق ئويۇنچۇقلاردا بەزى كىشىلەر تولىمۇ قىززىقىپ ئوينايدىغان بىر ئويۇن بار. ئۇنىڭدا ھەيدەيدىغان مۇسابىقە ئاپتۇمۇبىلىمىزنىڭ شەكلى ۋە رەڭگىنى ئۆزىمىز تاللىغاندىن كىيىن، تېلىفۇنىمىزنىڭ ئېكرانىنى ئېزىۋەتكۈدەك دەرىجىدە مېجىپ تۇرۇپ ئويناپ كىتىمىز. بەزىدە قارشىمىزدىن كەلگەن قاتناش ۋاستىلىرىغا سوقۇلۇپ ياكى تاغ باغرى يوللاردىكى جىلغىغا چۈشۈپ كەتكەندىن كىيىن، -ئاپلا، ئۆلدۈم!- دەپ قويۇپ يەنە قايتىدىن ئوينايمىز. ئۇغۇ بىر ئويۇن. ئۇنىڭدىكى ئۆلۈمنىڭ ھېچقانداق قىممىتى يوق.
ئەمما دەمەشىق سەپىرىدىن ئىدلىپقا قايتىش يولىدا يول باشچى ئۇستامنىڭ خۇددى ئادەمگە ئېلىكتىرۇنلۇق ئويۇنچۇق ئىچىگە كىرىپ قالغاندەك تۇيغۇ بېرىدىغان پاسوندىكى ئاپتۇمۇبىل ھەيدەش شەكلى بىلەن چاقماق تىزلىكىدە قارارگاھىمىزغا قايتىۋاتماقتىمىز. ناۋادا سەللا بىخەستەلىك قىلىنسا بۇ خىل ماشىنا ھەيدەشنىڭ ئاقىۋىتى ئىنتايىن ئېغىر بولۇپ، قىلچىلىك سەھۋەنلىكىنىڭ ياندۇرۇقى يوق. قايتىدىن باشلىشى يوق. ھېلىمۇ ئاللاھقا شۈكرى. تالاي قېتىم چايقىلىپ، ئالدىدىكى ماشنىغا ئۈسۈۋالغىلى قىل قالغاندا توختاپ، ياندىكى ماشىنىغا سۈركىلىپ كەتكىلى ئاز قالغاندا يانداپ دېگەندەك، كۆزنى يۇمۇپ-ئاچقۇچە ساق-سالامەت ئىدلىپ زېمىنىغىمۇ كېلىۋالدۇق. بىز ئۈچۈن جاپا چەككەن شۇ قېرىنداشلىرىمىزدىن ئاللاھ رازى بولسۇن.
ئىدلىپ گۈزەلمۇ بىلمىدىم، لىكىن بۇ تۇپراقلاردا مېنىڭ سۆيۈملۈك ئۇيغۇرلىرىم ياشىغانلىقى ئۈچۈنلا گۈزەل. چۆلنى بوستان قىلىدىغان ئۇيغۇر مىللىتىنىڭ چىۋەرلىكى بىلەن ئاۋات بولغان كوچا-كويلار، گۈل رەستىلەر، قەيەرگىلا بارسا مىللىيلىقىنى يوقاتمايدىغان باغۋارانلىق ھويلىلارنىڭ بۇ زېمىندا ئاپرىدە بولغانلىقى ئۈچۈن گۈزەل. ئەمما بۇ زېمىننىڭ ئەنە شۇ گۈل ھۆسنىگە چۈشكەن داغ- سەپكۈنگە ئوخشاش ئادەمنى بەزى بىئارام قىلىدىغان تەرەپلىرىمۇ يوق ئەمەس بولۇپ، ئۇ يەنىلا شۇ ئىقتىساد مەسلىسى ئىكەن. ئەمدىلا ئۇرۇش ئىس-تۈتەكلىرى تارىغان ياش بىر دۆلەتكە نىسبەتەن بۇ خىل ئەھۋالنى توغرا چۈشىنىشكە بولسىمۇ، تۇرمۇش مەسىلىسى نۆۋەتتىكى ئاتلاپ ئۆتۈپ كەتكىلى بولمايدىغان بىر تېمىكەن.
سۈرىيەنىڭ 2025-يىللىق ئىستاستىكىغا ئاساسلانغاندىكى كىشى بېشىغا توغرا كېلىدىغان مىللىي دارامەت تەخمىنەن 800دوللاردىن 2000 دوللارغىچە بولۇپ، تۈركىيەنىڭ نۆۋەتتىكى ئىقتىسادى كىرىم ئەھۋالىغا سېلىشتۇرغاندا 10-15 ھەسسە تۆۋەن دېگەن گەپ. شۇ سەۋەپلىك ئىقتىساد مەسىلىسى ھەل قىلىشقا تېگىشلىك مۇھىم مەسىىلىلەرنىڭ بىرى بولۇپ كەلگەن. گەرچە جامائەت رەھبەرلىكى خەلققە ئۈزلۈكسىز ئىقتىساد ياردىمى بېرىۋاتقان ۋە يەككە تىجارەت قىلىۋاتقان قېرىنداشلارنىڭ سودىسىنى قوللاۋاتقان بولسىمۇ، تۆۋەن سەۋىيەدىكى ئىستىمال ئوبروتىنىڭ نەتىجىسىدە بۇ خىل ھالسىراشلار يەنىلا ساقلانغان.
بۇنىڭ تۈپ سەۋەپلىرىدىن بىرى ئۇزۇن يىللىق ئىچكى ئۇرۇشنىڭ ھالسىرتىشىدا زاۋۇت- كارخانا، مەكتەپ-دوختۇرخانا، يول-كۆۋرۈكلەر ۋە ئېلېكتىر ئىستانسىلىرى قاتارلىق ئۇل ئەسلىھەلەر زور دەرىجىدە ۋەيرانچىلىققا ئۇچرىغان. نۇرغۇن كارخانىلار ئىشلەپچىقىرىشنى توختاتقان. دوختۇر، ئىنژېنېر، ئوقۇتقۇچى، سودىگەر قاتارلىق مىليونلىغان سۈرىيەلىك چەت ئەللەرگە پاناھلانغىلى چىقىپ كەتكەن. ئۇزۇن يىل داۋام قىلغان ئىمبارگو سەۋەبىدىن چەت ئەللىك مەبلەغ سالغۇچىلار سۈرىيەگە كىرىشكە قىزىقمىغان. سۈرىيە لىراسىنىڭ قىممىتى زور دەرىجىدە تۆۋەنلىشىگە قارىماستىن تەتۈر تاناسىپ شەكىلدە مال باھاسى ئۆرلەپ كەتكەن. يۇقارقىدەك تېزىنى باسسا مېزى چۇۋۇلۇپ تۇرىدىغان بۇ خىل ئەھۋال ئاستىدا ئەڭ كۆپ قيىنچىلىققا يولۇققۇچىلار يەنىلا ئاۋام خەلق بولۇپ، ئۇيغۇر قېرىنداشلىرىمىزمۇ بۇ خىل قىيىن تۇرمۇش بېسىمىنى باشتىن كەچۈرۋاتقانلىقى سۈرىيە زىيارىتىمىزدىكى ئەڭ ئەپسۇسلىنارلىق تەرەپ دېيىشكە بولاتتى.
ئەمما ئەينى چاغدا تاغ-داۋانلاردىن ئېشىپ، دەريا-ئۆستەڭلەرگە كۆۋرۈك سېلىپ، يول يوق يەرگە يول ياساپ دېگەندەك گىرمانىيەدىن غۇلجىغا كالا ھارۋىسى بىلەن خۇرۇم زاۋۇتى ئەكىلىپ كارخانا قۇرغان ئاكا-ئۇكا مۇسابايۇفلارنىڭ قېنى ۋۇجۇدىدا ئۇرغۇپ تۇرىدىغان بۇ كىشىلەرنى قىيىنچىلىق باش ئەگدۈرەلەمتى؟
مانا تىخى تۈنۈگۈنلا ئوق ئاۋازى ئۈزۈلگەن بۇ ئەلدە سۆزلىرىمىزنىڭ گۇۋاھچىسى ھالدا يىنىك سانائەتنىڭ ئۇلى سېلىنىپ، يەككە تىجارەتنىڭ قايناق بازىرى شەكىللىنىشكە باشلاپتۇ. ئىنشائاللاھ ئىقتىسادى قىيىنچىلىق مەسلىلىرىمۇ بارا-بارا ھەل بولۇپ كەتكەي.

دېمىسىمۇ باشقا بىر زېمىندا ياشىغانكەنمىز، ئىقتىسادى بېسىمنىڭ قارا كۆلەڭگىسى پۇتقا ئېسىلىۋالغان رودىپايدەك بىزنىڭ ئەتىمىزنى تېخىمۇ گۈزەل بەرپا قىلىشىمىزغا توسقۇنلۇق قىلىدىغان سەلبىي ئامىل ۋە چوڭ بىر باش ئاغرىقىدۇر. ھۈنىرى بارى ھۈنىرىنى، پۇلى بارى ئەقلىنى ئىشقا سېلىپ كۆكلەۋاتقان ئۇيغۇر ئىقتىسادى چەمبىرىكىنىڭ بارغانسېرى چوڭىيىپ، سۈرىيەدىكى مۇھىم ئۇل-ئەسلىھەلەر ساھىبىغا ئايلىنىشىغا تىلەكداشلىقىمىنى بىلدۈرۈش بىلەن بىرلىكتە، بۇ جاسارەتلىك مىللىتىم ئۈچۈن ھەممە قىيىنچىلىقلارنىڭ قولاي بولۇشىنى مېھرىبان ئاللاھتىن تىلەيمەن.
مەن يەنە بۇ يەردە ياشاۋاتقان ئۇيغۇرلارنىڭ سۈرىيە گىراژدانىلىقىغا قوبۇل قىلىنىش ئېھتىماللىقى ھەققىدىمۇ سورۇدۇم. ئۇزۇن يىللىق ئۇرۇش ئاسارىتىنى يەتكىچە تارتىپ، ئەمدىلا ھۆررىيەتنىڭ ئۇپۇقى كۆرىنىۋاتقان بۇ دۆلەتنىڭ ھەر بىر بۇلۇڭ-پۇشقاقلىرىدا ھېلىھەم بەشار ئەسەدنىڭ قاراڭغۇ كۆلەڭگۈسى يىرگىنىچلىك ئالۋاستىدەك چىلىقىپ تۇرىدىغان بولۇپ، خەلق زالىمدىن قۇتۇلغىلى ئىككى يىل بولاي دەپ قالغان بولسىمۇ نۇرغۇن ئىشلار ئەسكى چاقپىلەكنىڭ چەرىخ ئۇرۇشىغا ئوخشاش داۋام قىلماقتا ئىكەن. قىلىدىغان ئىش ۋە تولدۇرۇلىدىغان يوچۇقنىڭ كۆپلىكىدىن بۇ ياش ھاكىمىيەتمۇ خەلقنى كىچىك بالىغا ئويۇنچۇق تاشلاپ بېرىپ بەزلىگەندەك، ئۆزىگە قارشى ئىسيان كۆتۈرمىسىلا بەزى ئىشلارنىڭ قانۇن بويىچە ئىجرا قىلىنماسلىقىغا بەك رەنجىپ كەتمىگەنلىكىنى بىر دۆلەتتە ھەر خىل پۇللارنىڭ بىرلا ۋاقىتتا ئوبرۇت قىلىنىشىدىن، بىرلا ۋاقىتتا كونا-يېڭى ئىككى دۆلەت قىممەت قاراشلىرى ئەكىس ئەتكەن ئىشلارنىڭ تەڭ مەۋجۇد بولۇشىدىن، بىرلا ۋاقىتتا بىر دۆلەتتە ئىككى خىل بايراقنىڭ ئېسىلىشىغا رۇخسەت قىلىشلىرىدىن بېلىنىپ تۇراتتى.
قىسقىچە قىلىپ ئېيتقاندا، سۈرىيەنىڭ يەرلىك خەلقلىرىمۇ تېخىچە بەشار ئەسەد زامانىدىكى كونا كىملىكنى ئىشلىتىۋاتقان بولۇپ، يىڭى سۈرىيە ھۆكۈمىتى پۈتۈن دۆلەت مىقياسىدا يىڭى ئەۋلاد كىملىك تارقىتىش ھەققىدە خىلى بۇرۇنلا مەتبۇئاتلاردا خەۋەر ئىلان قىلغان بولسىمۇ، نوپۇس سىتاستىكا كۆرسەتكۈچىنىڭ بىر خىل بولماسلىقى ۋە يەنە باشقا بىر نەچچە خىل سەۋەپلەر تۈپەيلى تېخىچە ئۆز خەلقىگىمۇ يىڭى ئەۋلاد كىملىككە ئۆتۈش ئىشى ئەمەلىيلەشمىگەن. شۇنداق بولغانكەن سۈرىيەدىكى ئۇيغۇر قېرىنداشلارنىڭ شۇنچە يىل بەدەل تۆلىشىگە قارىماستىن سۈرىيە پۇقرالىق سالاھىيىتى بېرىلمىگەنلىكى ھەققىدىكى ئەندىشىلەرنىڭ ئارتۇقچە ئىكەنلىكىنى كۆرىۋېلىشقا بولىدۇ.
ئەمما، ئۆز خەلقىگە يىڭى ئەۋلاد كىملىك تارقتىپ بېرىلگەندىن كىيىنمۇ يەنە ئۇيغۇرلارنىڭ ئىشى ئاسما قوزۇقتا ئېسىقلىق ھالدا قېلىپ قالسىچۇ؟ ھەرگىز ئۇنداق بولمىغاي، ئاللاھ ساقلىغاي، مېھرىبان ئاللاھ ئۆز پاناھىدا ساقلىغاي!
ئېشىكىنى كۆۋرۈكتىن ئۆتكۈزىۋالغاندىن كىيىن، يۈزسىزلىق قىلىدىغان ئىشلارنىڭ سادىر بولماسلىقىنى، ۋاقىتنىڭ ئۆتۈشىگە ئەگىشىپ تۆلەنگەن بەدەل، تۆكۈلگەن قانلارنىڭ يۈز-خاتىرىسىنىڭ كۆڭۈللەردىن كۆتۈرۈلۈپ يۈزسىزلىكنىڭ ئوتتۇرغا چىقىپ قالماسلىقىنى ئۈمىد قىلىمەن. بەلكى مېنىڭ بۇ ئەنسىرەشلىرىم ئارتۇقچىدۇ، بەلكى بەزى ئىشلار بىز ئەندىشە قىلغاندەك ئەمەستۇ. لىكىن يەنىلا بۇ دۆلەتنىڭ قۇرۇلىشىغا بىۋاستە تۆھپە قوشقان ئۇيغۇر خەلقنىڭ ئىش تۈگىگەندە ساننىڭ سىرتىدا قالدۇرۇلۇش بىلەن دەۋرىمىزدىكى تۆمۈر خەلىپە ۋە خوجىنىياز ھاجىم ھىكايىسىنىڭ يەنە بىر قېتىم تەكرارلانماسلىقىنى مېھرىبان ئاللاھتىن تىلەيمەن.

گۈل ئاۋات يەردە ئۈنمەيدۇ، بەلكى ئۆزى ئۈنگەن يەرنى ئاۋات قىلىدۇ. ھەقىقەتەن سۈرىيەدىكى مېھرى ئىللىق ئۇيغۇر قېرىنداشلىرىمىز ھەر بىر مۈشكۈلات ئالدىدا سەبىر قىلىش بىلەن بىرگە، قىيىنچىلىق داۋانلىرىدىن بىر-بىرلەپ ئۆتۈپ، ھەر قايسى جەھەتلەردە ئىلغار خەلقلىق رولىنى جارى قىلدۇرۋاتقانلىقىغا بارغان ھەممە يەردە شاھىد بولدۇق.
ۋەتەن ئۈچۈن دىن ئۈچۈن ئۆزىنىڭ بارلىقىنى ئاتىيالىغان ساھابە روھىغا ئىگە بۇ قىممەتلىك كىشىلىرىمىزنىڭ ھەر ۋاقىت ئىشلىرىغا ئاسايىشلىق، خىزمىتىگە ئۇتۇق، كەسپىگە بەرىكەت تىلەيمەن.
خاتىمە
ساياھىتىمىزنىڭ ئاخىرقى بېكىتى بولغان ھەلەپ قەلئەسدىن يىراقلارغا نەزەر تاشلاپ تۇرماقتىمىز. قەد كۆتۈرۈپ تۇرغان ھەيۋەتلىك ھەلەپ قەلئەسى ئۆزىگە يانداش زامانىۋى قۇرلۇشلارنىڭ ئالدىدا غادايغان ھالدا 4500 يىللىق ئۆتمۈشىنىڭ يالدامىلىرىنى جۇلالاندۇرۇپ تۇماقتا.
نەچچە مىڭ يىلدىن بېرى تالايلىغان قىلىچ-نەيزىلەرنىڭ جاراڭلاشلىرى ۋە تالايلىغان بومبا زەمبىرەكلەرنىڭ ھۆركىرەشلىرىمۇ ئۆزىنىڭ گىگانت بەھەيۋىتىگە نۇقسان كەلتۈرەلمىگەن بۇ كونا قەلئەنىڭ ئەسكى تاشلىرىنى سىلاپ تۇرماقتىمىز.
توغرا، تىنىچ ياشاش ئۈچۈن، ياۋغا بوزەك بولماي ھۆر ياشاش ئۈچۈن، قەددىنى تىك تۇتالايدىغان ئارسلانلارغا، مانا بۇ كونا قەلئەنىڭ تاشلىرىغا ئوخشاش قاتتىق ئىرادىگە ئىگە قەھرىمانلارغا مۇھتاجمىز. ئەنە شۇنداق ئەركەكلەر شام تۇپراقلىرىدا كۆكلەپ ياشنىماقتا. ئۇيغۇرنىڭ روھىنى ۋە ئۆزىنى ياشناتماقتا.
مەن 10 نەچچە يىلدىن بۇيان ھېچقاچان بۇ جامائەتنى ماختىمىدىم ھەم ماختاشنىمۇ خالىمايمەن. سۈرىيەگە ماڭغان قېرىنداشلىرىمىزنى تىللاپ مالامەت قىلىش دولقۇنى يۇقىرى پەللىگە چىققاندىمۇ سۈكۈت قىلغان. سۈرىيە ھۆكۈمىتى يىڭى قۇرۇلغاندا، سۈرىيەدىكى ئۇيغۇر جامائىتىدىن ھال سوراپ بايانات بېرىش مودا بولغاندىمۇ يەنە سۈكۈت قىلغان. كىيىنچە سۈرىيەگە كىرىپ ھال سوراش مودا بولغاندىمۇ يەنىلا سۈكۈت قىلدۇق. ئەمما بۈگۈن ئۆز كۆزىمىز بىلەن كۆرگەن ھەم شاھىد بولغان ھەر بىر ۋەقەلىككە بولغان مۇئەييەنلەشتۈرۈشنى ھەم ئۇ يەردىكى قېرىنداشلارنىڭ ئەمەلى ئەھۋالنى ئەينەن بايان قىلىشنى توغرا تاپقاندىلا قەلەم تەۋرىتىشنى ئۆزىمىزنىڭ بىر كىشىلىك مەجبۇرىيىتى دەپ بىلدۇق.
بۈگۈننىڭ قەھرىمانلىرى بولغان شام زېمىنىدىكى ئەنە شۇ تۇققانلىرىمىزنىڭ ھەممە ئىشلىرىنىڭ ئوڭۇشلۇق بولۇشىنى جانابى ئاللاھتىن تىلەيمەن.
خەير-خوش ئىدلىب، خەير-خوش دەمەشىق، خەير-خوش ھەلەب...
سىنىڭ قوينۇڭدا چۆللىرىڭنى بوستان قىلىدىغان، پەيغەمبەر كۆرسەتمىسى ئۈچۈن ئۆزىنى ھەر ۋاقىت ئاتاشقا تەييار بولغان ئۇيغۇر ئاتلىق بىر مېھمىنىڭ بار. ئۇلارنى قەدىرلەشنى ھەرگىز ئۇنتۇپ قالمىغىن!
تۈگىدى.

Address

Kemalpaşa Mahallesi Akıncı Sokak No:5 Küçükçekmece Istanbul
Istanbul

Opening Hours

Monday 08:00 - 20:00
Tuesday 08:00 - 20:00
Wednesday 08:00 - 20:00
Thursday 08:00 - 20:00
Friday 08:00 - 20:00

Telephone

+905396188847

Website

Alerts

Be the first to know and let us send you an email when Hira Teknoloji ve Gelişim Vakfı posts news and promotions. Your email address will not be used for any other purpose, and you can unsubscribe at any time.

Contact The School

Send a message to Hira Teknoloji ve Gelişim Vakfı:

Shortcuts

Share

Category