أكاديمية الفاتح

من يومين كان عندنا محاضرة عن أساسيات البيزنس في مدرسة انترناشيونال ثانوي في اسطنبول..
والمطلوب من كل مجموعة إنها تختار مجال وهيكل للشركة وتعرض فكرتها..

المرة اللي فاتت مجموعة من الطلبة قرروا يعملوا شركة للتجارة في الأعضاء البشرية.. وهيدخلوا شراكة مع مجموعة طلاب تانية هيعملوا شركة سيارات، علشان يأمنوا وسائل التهريب + العصابات الروسية.

شباب طايش ملناش دعوه بيه

المرة دي مجموعة (طالبات) عملوا مشروع اسمه اصطباحة..
والنشاط؟... ايوه زي ما انت متوقع

تعاطي المـ خـ درات

وذلك لرفع الروح المعنوية للشباب ولتحقيق الثراء السريع بعد أول جوانين
وهيدخلوا شراكة مع البوليس المحلي لحماية المكان وتأمين العملاء

شباب المهجر ميتخافش عليه

#بيزنس

بيع واخسر

ازاي تبيع كتير.. لكن تخسر اكثر #دردشة_بيزنس #أيمن_نظيم #أصول_البيزنس #بيزنس #مبيعات #مطاعم #الرياض

أي مشروع أو شركة بتبدأ بداية واعدة نسبياً..

يعني انت لو لسه فاتح مشروع تلاقي أصحابك ومعارفك بيشتروا منك والدنيا مزهزه.

وتقعد تقول مع نفسك لو مشيت كده بعد فترة بسيطة هيبقا في دخل معقول بيدخله المشروع.. والكتاكيت هتكبر وتبقا فراخ والفراخ هتبيض.. البيض يفقس يبقا كتاكيت.. ونقعد نفقس ونبيض لغاية ما المشروع يبقا عالمي في ظرف كام شهر.

هنا بتصطدم بانخفاض حاد في المبيعات وفترة من قلة الشغل دمها تقيل جدا.

ودي اللي سماها سيث جودين The Dip أو الهوة..

عارف ليه بقى ليها اسم؟
لإنها طبيعية جدا.. احنا بس اللي بنتفاجئ بيها. ونتيجة المفاجأة ومع طول المدة الرخمة دي، كتير من أصحاب المشاريع بينسحبوا ويقفلوا مشروعهم.

طب والحل؟

أولا تبقا عارف انها هتيجي هتيجي، فتكون مستعد ليها نفسيا وجاهز انك تقاوم وتعديها

ثانيا تكون مجهز المصاريف التشغيلية الخاصة بالفترة دي وسايبها على جنب لإن المشروع في الفترة دي تقريبا هيبقا عالة عليك بالكامل.

ثالثا تكون مجهز استراتيجية للخروج من الهوة.. وأهم استراتيجية اتكلم عنها سيث جودين: انك تخلي (المتبنون الأوائل) اللي هما الناس اللي اشتروا منك في بداية المشروع ينبهروا بمنتجك ويجروا وراهم مجموعة تانيه من الناس بيسموها (الأغلبية المبكرة) - ما علينا من الأسماء - وهي دي اللي هتخرجك بعون الله من الهوة.

طبعا في استراتيجيات مختلفة طبقا لنوع مشروعك والظروف المحيطة وقدراتك المختلفة.

الغريب انك هتلاقي الكلام ده منطبق على عالم الأفكار وعالم المشاعر والعلاقات.

الفكرة في أولها بيؤمن بيها مجموعة محدودة من الناس نقدر نسميهم (النواة الصلبة).. وبعدين تمر الفكرة بفترة من التباطؤ الشديد في المؤمنين بيها.. لكن إذا وجدت تصميم من صاحب الفكرة بتقدر تعدي المرحلة دي وينضم ليها عدد كبير نسبيا من الناس ثم عدد أكبر.

لك أن تتخيل أن عدد المسلمين قبل الهجرة يقدر بمائة مسلم، بعد 13 سنة من بعثة رسول الله ﷺ

وعدد المسلمين اللي حفروا الخندق يقارب الثلاثة آلاف وذلك بعد هذا التوقيت بخمس سنين كمان.

ومات رسول الله ﷺ عن حوالي مائة وأربعة عشر ألف صحابي.. غير من آمن به حال حياته ولم يره.. ومعظم الزيادة كانت في آخر أربع سنوات من حياته ﷺ

في النهاية عاوز اقولك اجهز نفسيا وماديا.. عدي الحفرة، وبعدين انطلق.. غير كده هتقفل زي ما كتير قفلوا لإنهم مش عارفين ومش جاهزين.

⛔️ لن تنجح في أي وظيفة قيادية قبل أن تتقن هذه المهارة: 🗒💎

من أهم صفاتك كقائد ومدير حسن اختيارك لمن سيعمل معك.. وتوظيفهم التوظيف الأمثل.

من ستعين؟.. في أي مكان ستعينه؟

تأكد أنك بهذه المهارة ستقطع 50% من طريق النجاح

واستعرض سريعًا سيرة من تحب من القادة المعاصرين أو التاريخيين.. مسلمين كانوا أو من غيرهم، ستجد هذه الصفة مشتركة فيهم جميعا.

ويظل سيد الخلق محمد ﷺ هو القدوة والغاية في كل ما هو إنساني.. ومنها هذه الصفة والتي تستقرأها من عشرات المواضع في السيرة النبوية الشريفة.

وعلى سبيل المثال اختياره ﷺ لمصعب بن عمير سفيرا للإسلام في المدينة قبل أن يهاجر لها المسلمون

حقق مصعب بن عمير نجاحًا باهرًا وأسلم على يديه سادة القوم وعامتهم.

لقد كان اختيار الرسول ﷺ لمصعب هو القمة في تقييم الرجال وقدراتهم.

Ayman Nazeem - أيمن نظيم هدفي هو تجهيزك بقواعد التفكير السليم، حتى يصبح حكمك على المواقف المختلفة حكما سليما.