23/06/2023
إزاي أستثمر وقتي وقتي طفلي خلال فترة إجازة الصيف ؟
🌞 إجازة الصيف فرصة هايلة لينا كأمهات للراحة والأسترخاء وشحن الطاقة طبعا وكمان ممكن نستثمرها كفتره لتنمية مهارات أطفالنا أو "سن المنشار" زي مابيسميها ستيفن كوڤي في كتابه الشهير "العادات السبعة للناس الأكثر فاعلية".
🌿 فرص للتعلم :
•ممكن أوجه إبني ياخد كورس أو دوره تدريبية حضوري أونلاين من البيت، وكمان بيكون في كورسات أونلاين أو يحضر ورش عمل ببلاش
•في مواقع زي British Council وده كل الكورسات والدروس اللي عليه بتكون باللغة الانجليزية وسهل جدا التعامل معاه.
🌿 تنمية المهارات اللغوية:
•في مهارات أساسية دلوقتي لازم تكون موجودة عند كل طفل زي الكتابة علي الكمبيوتر وأستخدام البحث والتفكير والتحليل والحل بطريقة digital formate مش كل الدراسة ورقة وقلم وسبورة، وبردو مش كل الدراسة ديجيتال؛لازم نبعد ولادنا عن الإلكترونيات شوية وده اللي بيعمله موقع British Council💪
🌿 لو أنتي شايفة إن طفلك محتاج ينمي مهارة معينة من مهارات اللغة الإنجليزية مثلا 'أكيد طبعا محتاجهم كللهم 😅' بفتحي معاه الموقع ده وبتوجهيه للمهارة اللي محدداها وأتبعي معاه الخطوات خطوة بخطوة وسيبي الباقي عليه 😊
هما ماشاء الله عليهم بارعين في التكنولوجي، ممكن يحل عليها ديجيتال وممكن تطبعي أوراق العمل واختبارات وكروت تفاعلية متاحة كلها PDF وتحمليها ببلاش ويحل بالورقة والقلم؛ وده ضروري من وقت لوقت علشان نظبط خطه وفي كمان نصوص إستماع وفيديوهات وامتحانات وأغاني وستوريز وألعاب وليلة كبيرة سعاتك، حاجة كدة 🌟🌟🌟🌟🌟 وكل ده ببلاااااش
للأطفال الموقع ده⏬
LearnEnglish Kids - British Council
وفي كمان لل *Teens و للكبار*
🌿التعليم الذاتي والتدريبات بيعمل تجديد وتحديث للطفل/للمتعلم عامة و بتكون فرصة كويسة علشان نتعلم أساليب واستراتيچيات جديدة ونطبقها في العام الدراسي الجديد وفي نفس الوقت أطفالنا يتعلموا وسائل تعليمية جديدة ويكونوا دايما updated
🌿بشوية بحث بسيط ممكن أدور علي الورش أو التدريبات اللي هتتم خلال فترة الصيف وأختار منها اللي يناسب أهتمامات طفلي و أعمله جدول ومواعيد.
💡نصيحه شخصية مني ليكوا بلاش تستنوا ان التدريبات تجيلكوا لغاية عندكوا لازم تدوروا وتسعوا ليها (حتي لو مكانها بعيد عن سكني) لان كل الخبرات دي بتضيف لمهاراة الطفل/المتعلم عامة و طبعا بتخليه شطور وواثق فنفسه جداا.
📍وطبعا تابعوا ورش العمل هعملها للأطفال خلال فترة الصيف حضوري وأونلاين
الكورسات مدفوعة لكن ورش العمل ببلاش 😉
🌿 الأطلاع :
•دلوقتي في قصص وموضوعات كتير جدا في مجال القراءة للأطفال وكمان أنشطة مسلية جدا لكل الأعمار ومتاحه أونلاين
ومنهم أبليكيشن ممتاز ⏬
Caribu
•لو حددت علي الأقل 3-5 موضوعات كل أسبوع خلال فترة الإجازة وساعدت طفلي يقرأهم وطلع من كل موضوع ب علي الأقل 10 أفكار جديدة هكون طلعت ب 30-50 فكره جديده في الأسبوع وفي أجازة الصيف كلها يعني *X3* تضيف لمهارة الطفل في العام الدراسي الجديد 💣.
🌟حابه أشارك معاكوا طريقه فعالة بستخدمها بنفسي في التدريس 🌟
✅بختار موضوع معين أو قصة والطفل يسمعها كاملة وبعدين أخليه يسمع جملة جمله ويعيدها وأركز علي النطق جدااا وبعدين أديهاله homework يسمعها زي ما دربته عليها ويبعتهالي في فويس واتساب وأنا أعمل check علي قراءته ولو في تعديل بسيط بوجهه
✅ كل يوم بعد ما يقرأ الموضوع اللي محدداه للطفل بالطريقة دي بعلمه تكنيك إسمه *shadowing* وده تكنيك عبقري أنا نفسي إتعلمت عليه ، وهوه انه يسمع ويقرأ بصوت في نفس الوقت، مع الوقت مهارة القراءة بتتحسن جداا وكمان نطق الطفل والأكسنت بتكون ممتازة
▪️ بزود تركيز الطفل بإيه ⬅️
بستخدم تكنيك عبقري إسمه Give me 5 🖐
بعد كل موضوع بطلب من الطفل يكتب 5 كلمات فاكرهم من موضوع اليوم🙃 ولو لقيته ناسي عادي؛ بديله فرصه يقراه لوحده تاني ويطلع 5 كلمات وممكن كمان أديله فرصة أنه ينقلهم.. عادي فالأول أنه ينقل✔
مرة بعد مرة هيركز جداا في الكلمات وال spelling وهوة بيقرا علشان خلاص بقي عارف بعد القراءة هطلب منه إيه😉
💡ممكن كمان مجموعه من الأمهات يعملوا زي *Speaking club* وفي نهاية الأسبوع يعملوا ورشه عمل حضوري أو أونلاين يعرض الطفل فيها كل اللي إتعلمه خلال الأسبوع علي حسب المستوي طبعا (لازم يكون متقارب) ومحتاج كنترول وتوجيه من ولية أمر معلوماتها معقولة في الإنجلش
🌿 التحضير :
•مهم أوي أخصص وقت تحضير طفلي في فترة الصيف بطريقة بسيطة وشيقة وفي منها ببلااااااش ،زي ما ذكرت فوق ☝، للعام الدراسي الجديد لانه بيوفر عليا وقت كتير جدا خلال فترة الدراسة.
🌿ممكن أستثمر وقت طفلي في البحث عن مكتبه، أودي طفلي فيها مده نصف ساعة علي الأقل وأوجهه أنه يبحث بنفسه بين الأرفف عن الكتاب اللي يشده بحريه بشرط ☝بدون فرض مني لكتاب أو موضوع أو لغة معينة
سيبي طفلك يكتشف نفسه ويساعدك إنتي كمان تكتشفيه
هيبهرك أنا متأكدة🙏
🌿أعملي لسته بكل المواقع او ال online games اللي ممكن تستخدمها و لو في ڤيديوهات أو أفلام أو كتب هستخدميها إعملها download ورتبيها في ملفات علي الكمبيوتر عندك.
🌿فرص جديدة:
•لو هدفي هو الحصول علي فرصة الإلتحاق بمدرسة جديدة لازم أستثمر وقت الأجازه في تحديث مهارات طفلي والتواصل مع المدارس والبحث أونلاين وفي جروبات الفيس بوك المختلفة الخاصة بالمدارس) وتحضير طفلي ونفسي للمدرسة الجديدة لكن لازم أحدد مستوي إبني فين ومحتاج يوصل لفين في وقت أد إيه.
💐 كل اللي فات ده محتاج بس شوية تنظيم وخلينا متفقين إن مفيش نتيجة من غير مجهود
*اللهم علمنا ما ينفعنا وانفعنا بما علمتنا وزدنا علما*
27/04/2023
27/04/2023