الدراسة في تركيا للسودانين Zool Services

20/09/2024

ي شباب السلام عليكم

دي جامعة موغلا الحكومية التركية ،جامعة قوية جدا، فيها هندسات كتيرة باللغة الإنجليزية لو انت نسبتك فوق ال75 قدم فيها🇹🇷🇹🇷

رابط التسجيل فيها :-

https://uikbasvuru.mu.edu.tr/

استخدم الترجمه اثناء التسجيل عشان تعرف المطلوب منك وكده 👍

تاقو ناسكم وأصحابكم خليهم يسجلو 🇹🇷🇹🇷🇹🇷

مجاااني 👍

18/09/2024

‼️تنويه:-

عدم ردنا علي الرسائل في بريد الصفحة والواتس أب في الفترة الأخيرة كان لسبب صعوبة حصول الطالب علي التأشيرة من مكتب TSA ،فتم تعليق نشاط الصفحة وعدم استخراج أي قبول جامعي ل أي طالب حتي لا يعاني من رفض التأشيرة الطلابية ف نحن همنا مصلحة الطالب قبل أي شئ ،والان بحمدالله اصبح الحصول علي التأشيرة اسهل من أي وقت مضي وأصبح هنالك قبول كبير جداً للطلاب 💙

جاهزون لكل استفساراتكم حول الجامعات الحكومية التركية

20/07/2024

#هاااااااااااااااااااام

أصدرت مؤسسة التعليم العالي YÖK في تركيا قراراً جديداً ينص على أن الطالب يحق له تغيير الجامعة مرة واحد فقط خلال العام الدراسي الواحد، بعد أن كان يحق للطالب تغيير الجامعات بدون عدد محدد.❗️❗️

🔻 لذلك على الطلاب التسجيل والتثبيت بالتخصصات والجامعات التي يرغبون بها فقط.

11/07/2024

ها جاهزين ؟!

♦️دي جامعة افيون 🇹🇷،جامعة قوية جدا في الجامعة يوجد طلاب سودانين قرابة ال40 طالب .

ده رابط التقديم فيها ،لمن تفتح الرابط اول خيار بجيك هي اضافة صورة شخصية ،اعمل تحديد ملف وضيف صورتك وحاتظهر ليك الفورمة وتعبي فيها البيانات .

https://akuyos.aku.edu.tr/registerform2.aspx

الجامعة فيها تخصصات باللغة الانجليزية اقتصاد وإدارة أعمال 👌،وكمية من التخصصات الهندسية .

⭕️❌ملاحظة

لمن تخلص من التقديم ماتنسي تعمل للفورمة طباعه مهم جدا ،واتاكد من الايميل لمن تكتبو لانو بتجيك فيه رساله من الجامعة👍

ولو مافهمت شي مع انو التسجيل بسيط خش اليوتيوب واكتب جامعة أفيون حاتلاقي واحد بشرح طريقه التقديم 😅

بالتوفيق ليكم

💙

11/07/2024

♦️ماهي المفاضله او التقديم الالكتروني للجامعات التركية ؟

ببساطه انك تقدم للجامعات الحكومية في موقعها الالكتروني واختيار التخصص المطلوب وانتظار نتيجة القبول ،الموضوع بسيط جدا ومعلومات بسيطه انت بتقدم بيها مثلا ،معلومات الثانوية ،تاريخ الميلاد ،مكان الميلاد،اسمك …الخ.يعني ببساطة كده ماحاجة معقده ومبهمه موضوع ابسط من بسيط ومجاااااني تماما ،بس في جامعات عامله رسوم تقديم نسبيه (ماكل الجامعات)،وممكن تقدم في 50جامعة مره وحده 🙂😅،كل العليك انت بعد بقبولك تشوف ليك زول في تركيا هنا صحبك او صاحب صحبك يمشي يثبت ليك قبولك في الجامعة ،نفس اجراءات القبول البتشتريه ب قروشك 🤣بس الفرق انو ده داك بتدفع فيه وده مابتدفع فيه .

طيب في ناس بتسأل ليه نحن لو في حاجه كده بنمشي نشتري قبول بي مبالغ كبيره 400 ،500 دولار ..الخ،ببساطه ده جهل الطلاب بالحاجه دي ،كل الجنسيات التانية غير السودانية بقدمو بالطريقة دي وبجو تركيا 😅.

♦️طيب بشنو أنا اقدم ؟
استخدم تلفونك ده ولو عندك لابتوب يكون افضل كتير

♦️طيب الحاجات او المستندات البرفعها شنو ؟

4 حاجات ايميل و صورتك الشخصية و صورة جواز ساري الصلاحية و صورة من شهادة الثانوية (نسخه انجليزية)وبس.

موضوع بسيط جدا 😅انت سيب الكسل بس

نحن العلينا بنوريك الجامعة دي فاتحه وحاتقفل بتين وحاتعلن نتائجها بتين وكلها خدمات مجانية💙

♦️النسب المطلوبة للحاجه دي؟
انت نسبتك فوق ال60% قدم في اي جامعة تلقاها فاتحه حتي لو كل الجامعات .. وحتلاقي الجامعة البتقبلك

30/06/2024

ماتحاول تفكر إنك تمرق اي قبول انت/ي مادايرو بفهم انو تصل تركيا والجامعة بتغير ليك عادي ،مافي حاجه بالشكل ده وماتدو المكاتب فرقة فيكم 👍.

اغلب المكاتب يسوقو للطالب فكرة انو نمرق ليك اي قبول ب اي تخصص ولمن تصل هناك بتقدر تغير عادي ،الكلام ده غير صحيح نفس الاجراءات الحاتتبعها عشان تمرق القبول الاول حاتمرق بيها القبول التاني .

خليك حريص

29/06/2024

الطالب السودان بمرق قبول دراسي لتركيا ،ليس من اجل الدراسة بل للعبور والسمبك الي اوربا .

اسئلة تفرض نفسها :-
ماشي لي اوربا ؟
العواقب إذا فشلت وتم القبض عليك ؟
في تركيا مابتقدر تبني نفسك ؟
بعد ماتصل اوربا عارف المنتظرك هناك شنو !؟

في سودانين كتار جدا حاليا معتقلون ومحتجزون ويواجهون خطر الترحيل بسبب الهجرة الغير شرعية (الغير آمنه)،مصيرهم مجهول ولايستطيعون توفيق اوضاعهم بسبب هذا الشي ، ياريت الناس تفكر جيدا قبل اتخاذ اي قرار 👍🇹🇷🇸🇩

29/06/2024

اغلب الجامعات الحكومية حاليا انتهت من العام الدراسي ،و العام الدراسي الجديد يبدا في نهاية الشهر التاسع .

20/05/2024

16/05/2024

الكلام ده للناس القدمت في المنحة التركية الأخيرة ♦️

لازم تعرف تفاصيل برنامجك حايكون كيف

تافي اي زول بتعرفو قدم في المنحه التركية الأخيرة

13/05/2024

التأكيد على علاقات التعاون العلمي بين السودان وتركيا
-------------------------------------------------------------
أكد بروفيسور محمد حسن دهب وزير التعليم العالي والبحث العلمي حرص وزارته على تطوير علاقات التعاون العلمي بين السودان وتركيا، مؤمناً على ضرورة استمرار التعاون المشترك في كافة المجالات، وفتح ملفات دراسة الطلاب السودانيين بتركيا خاصة في الظروف الراهنة التي تمر بها البلاد.
جاء ذلك لدى لقائه بمكتبه المؤقت ببورتسودان السفير التركي إسماعيل أوغلو، حيث بحث اللقاء عدداً من الملفات والقضايا المدرجة بين البلدين في مجالات التعليم العالي بحضور بروفيسور عبدالقادر بدوي مدير جامعة البحر الأحمر ودكتور عاصم أحمد حسن مدير الإدارة العامة للتعليم العالي الخاص والأهلي والأجنبي ودكتور صالح فضل السيد مدير الإدارة العامة للعلاقات الخارجية.
من جانبه أكد السفير التركي على ضرورة الإسراع في تنفيذ البروتوكولات الموقعة بين الجانبين، خلال الفترة السابقة.
وأمن الطرفان على ضرورة مخاطبة الجامعات في البلدين لتفعيل مذكرات التفاهم والاتفاقيات المبرمة بينهما لجني الفوائد المرجوة التي يمكن أن تنعكس عليهما، وتم التأكيد على النظر في المنح الدراسية على مستوى البكالوريوس والدراسات العليا.

منقول