21/12/2022
📍📣𝐊𝐞𝐢 𝐇𝐨𝐤𝐨𝐡𝐨𝐤𝐨 𝐚𝐭𝐮 𝐩𝐞 𝐅𝐞𝐤𝐮𝐦𝐢 𝐤𝐢 𝐡𝐚 𝐌𝐚𝐭𝐚̄𝐩𝐮𝐥𝐞 𝐍𝐞 𝐏𝐮𝐥𝐢𝐚 𝐓𝐚𝐥𝐮 𝐌𝐞𝐢 𝐡𝐞 𝐏𝐮𝐥𝐞𝐥𝐮𝐥𝐮 ‘𝐨 𝐞 𝐔𝐢𝐤𝐞 𝐊𝐮𝐨 ‘𝐨𝐬𝐢´
‘Oku a’u mai ki he ‘aho´ ni ‘oku te’eki pē ke ma’u ‘e he Polisi Tonga´ pē fāmili ‘o e matāpule ta’u 35 ko Talanoa Leakona Lemoto ‘o Hala’ovave´ ha ola lelei pē ha fakamatala ke ma’u pē ‘ilo ia ki ai talu ‘a ‘ene pulia mei he ‘aho Pulelulu, 7 Tīsema 2022 ‘o e uike kuo ‘osi´.
Na’e fakatokanga’i fakamuimui pē ‘a e matāpule´ ni ‘i he fale feohi’anga ‘i Ma’ufanga ko e Nauti Ruby’s ‘o pehē na’e sio fakamuimui pē ki ai ha tokotaha ‘oku´ ne heka ki he’ene me’alele´, Honda Fit-C24480, lanu moli ‘i he tāpuni ko ia ‘a e paa´. Ko e teunga na’a´ ne tui´ ko e falani Kolisi Tonga (‘Atele) kola, lanu kulokula, pea mo e tupenu lanu kulei.
‘Oku lolotonga pulia fakataha pē ‘a e tokotaha´ ni mo ‘ene me’alele´, pea mate mai mo ‘ene telefoni to’oto’o´.
Ko ia ‘oku mau fu’u fiema'u ai ho'omou tokoni´, kātaki kae fetu'utaki mai ki he 740-1630 pē 922 pē ki he 'api polisi ofi taha´ kapau 'oku´ ke 'ilo ha fakamatala fekau'aki mo e tokotaha´ ni.
23/03/2017