16/12/2019
عسلامة عسلامة 😁😍
لمن يهمه الأمر .. طرق سهلة و مجربة للمراجعة الفعالة 😂 😁
باش ندخل فالموضوع مباشرة ! ❤
برشا فيكم حايرين منين و كيفاه باش يبدوا نحب نقلكم الي النظام أهم حاجة و الثقة فالنفس و العزيمة و الحاجات الايجابية الكل في مرحلة ثانية و بعدهم تجي الريفيزيون 🙂
دونك باش تريفزوا كيما يلزم ماذبيكم تحرصوا عالنقاط التالية :
* أولا : الليلة تنضموا الكور متاعكم و البلاصة الي باش تريفزوا فيها اعملوا جو لرواحكم و خلوا البلاصة هذيكا تجذبكم باش تقروا كي تبدا منظمة و نظيفة و زيدوها لمساتكم مثلا اكتبوا دعاء المراجعة و علقوا و علقوا برشا عبارات تحفيزية بالحق عندها تأثير خيالي 😁😍
* ثانيا : كل حد كيفاه يريفز فما الي الصباح و فما الي فالليل .. بالنسبة للي يريفز الصباح ماذبيكم تقوموا بكري خاطر نعرف كان قمتوا موخر النهار شيضيع ! دونك تقوموا بكري ، تشموا هواء نظيف و تتوكلوا على ربي حطوا في مخاخكم بش تريفزوا 4 سوايع مثلا و فالليل تكملوا سويعتين ! آفاااار 😎
* فالفريفيزيون لازم تريفزوا 45 دقيقة متواصلة no fb no cnx no عين فالكراسة و عين فالتلفزة no العين فالكراسة و الوذن مع اختك و الا خوك ..😑و ترتاحوا 15 دقيقة فتقوا فيهااا مواهبكم 😉😁
* بربي لا تتفجعوا مالمتيار حتى كان ما مسيتوهاش بالكل .. توكلوا على ربي و حطوا الثقة في رواحكم و ابدوا بالشابيتر بالشابيتر و في كل شابيتر اقروه الكل اول مرة باش تبدا عندكم فكرة و بعد ابدوه بالشويا بالشويا المهم ما تخافوش مالمتيار ديما تذكروا الي مفماش حاجة صعيبة و الي البروف عطاك حاجة باش ترجعهالوا لا اكثر لا اقل 😅😜
* بالنسبة للي عندو برشا حفاظة .. فما شكون يقول نحفظ الصباح يبدا مخي فارغ و فما شكون يرى الي الحفاظة فالليل خير خاطر المخ يبقى يعاود في اخر حاجة دونك شيبقى يعاود فالمعلومات الي شديتهم .. و انتم األبكم دليلكم 😁 💪🏻
* أخيرا بربي لا تسألوا صحابكم وين وصلتوا فالريفيزيون خاطر كان قالولكم رانا كملنا و الا سافا شتقولوا شبينا احنا لتوا واحلين 😑 و باش تتأزموا و كان قالولكم ما مسينا شيء ( الاغلبية يكذبوا ) باش يبخلوكم و تفرحوا و ما تمسوا شيء 🙄🤣
اخر حاجة ! نحب برشا تفاؤل و ثقة و أمل و بربي أهم حاجة لازمكم تحبوا القراية و الريفيزيون ما نحبكمش تخمموا فيها كحاجة خايبة لازمة عليكم و تبدوا تريفزوا و انتم dégoutés اعملوا عليها جو و اكهو 😁😁
و ربي ينجحكم الكل ! 😍
Credits : Brahim Ben Naceur 🤣💙💙
29/11/2019
28/11/2019
21/11/2019
21/11/2019
21/11/2019
20/11/2019