فلفل حــــار

فلفل حــــار une école

في 🇹🇳 تونس فقط ..أمو في الدار يعيطلها " العزوزة "و عزوزة في الشارع يعيطلها " أمي "
10/08/2026

في 🇹🇳 تونس فقط ..

أمو في الدار يعيطلها " العزوزة "

و عزوزة في الشارع يعيطلها " أمي "

شكون يعرف و الله محلاه #بوزيتيف 🙉🙈🙊
28/07/2026

شكون يعرف

و الله محلاه

#بوزيتيف 🙉🙈🙊

🤔🤔كيف قص الضوء و ال connexion تلزينا تلمينا ، و حكينا على البارحالي كانو فيه اجدادنا ، يداويو بالعربي و يشيخو بلمة العائ...
18/07/2026

🤔🤔

كيف قص الضوء و ال connexion تلزينا تلمينا ،

و حكينا على

البارح

الي كانو فيه اجدادنا ، يداويو بالعربي و يشيخو بلمة العائلة ،
النكتة و الضحكة مالقلب و الضيف عزيز و يجي من غير موعد ،
كانت العولة و كانت الحشمة و كان القدر و الجار قبل الدار ،
كان الكبير كبير و الراجل راجل و المرا حرّة ، كانت الكلمة كلمة،
كانت الغلة غلة و اللحمة لحمة ، كانت الهمّة و كانت الغيرة ،
كان فما نكران الذات و كانت القيم و المبادئ، كانت القناعة
و كانت الميزيريا ، اما كانت البركة الي تو نسمعو بيها سمع ،
و كانت ناس فرحانة و تحمد ربي على كل شي..

و اليوم

عنا كل شيء .. و مانا مستطعمين شي ، كل شي ساهل و متاح
و الي حلمو بيه قبلنا ماعادش انجمو نعيشو بلاش بيه،
عنا الضوء و السبالة ، عنا التاليفونات و الكراهب ،
عنا les cliniques و المغازات الكبرى ،
عنا les climatiseurs و الماكينات بأنواعها ، عنا كياسات طيارات جامعات و des livreurs…
و رغم هذا مانا مستطعمين شي ، بارشا stresse و شي ماهو عاجبنا ،
لا أخلاق لا مبادئ لا قيم ( إلا من رحم ربي )

احترنا

حيرة تخلينا متيقنين الي غدوة قريبة ..

كيفاش باش تكون غدوة ؟

14/07/2026

يقصّ الماء يرجع الضو
يقصّ الضو يرجع الماء
كي يرجعو الزوز تقصّ ال connexion …

🇹🇳🤔

الي عمارهم فوق الأربعين ..الزوز السراول الي عدينا بيهم العشرة سنين مالعشرين للثلاثين ،مانعرفش وينهم بالرغم الي مازالو جد...
09/07/2026

الي عمارهم فوق الأربعين ..

الزوز السراول الي عدينا بيهم العشرة سنين مالعشرين للثلاثين ،

مانعرفش وينهم بالرغم الي مازالو جدد 😂😂😂

🇩🇿❤️ 💚لم أكن أتوقع يوما ان الجزائر بهذا الجمال ..انبهرت بزيارتي لعنابة و بجمال شوارعها و جبالها المطلة على البحر ، من ال...
29/06/2026

🇩🇿❤️ 💚

لم أكن أتوقع يوما ان الجزائر بهذا الجمال ..

انبهرت بزيارتي لعنابة و بجمال شوارعها و جبالها المطلة على البحر ،
من السرايدي للبوني و القبة إلى الحجاز و الألمان ، و أسامي شهداء الجزائر على منشآتها اعترافاً بما قدموه..

و دهشت بجمال و أصالة قسنطينة لما رأيته من معجزات ،
نعم
قسنطينة الغيران و الجسور المعلقة و منصب الشهداء ، نعم قسنطينة الحضارة ، التاريخ و المستقبل ، و سوق الدقسي البودروم..
ما هاته المدينة الجديدة ؟! و من بناها ؟ هل بالفعل شيدها جزائريون ؟

بنية تحتية ، طبيعة خلابة ، أمان ، لذة المأكولات و قدرة على عيش كريم ، حسن الضيافة و جزائري بشوش و راجل ..

عبرت عن هذا الإعجاب بشدة لأخواتنا فيضحكون و يخبرونني أني مازلت لم ارى شيئا من الجمال ..

هنيئا للخاوة ببلدكم ، أنتم من بناها بوطنيتكم و حبكم لها 💚

عائد بحول الله 🤍💚

بعيدا عن المونديال ليوم ماعادش نحكيو عن مجرد ظاهرة و بعض العالقين في جنوب المتوسط ،ليوم نحكيو على أعداد خيالية من أ...
23/06/2026

بعيدا عن المونديال



ليوم ماعادش نحكيو عن مجرد ظاهرة و بعض العالقين في جنوب المتوسط ،
ليوم نحكيو على أعداد خيالية من أفارقة جنوب الصحراء من غير الممكن حتى إحصاؤهم ، مستقرين في تونس ..
ليوم نحكيو على أولوية وطنية من أولويات البلاد التونسية ؛

الناس هاذوما أغلبيتهم ما عندهمش هوية ، فيهم الباهي و فيهم الخايب ، مع الجوع و الفقر تتوقع منهم كل شيئ باش ياكلو الخبز
و صعيب تسيطر عليهم ..
فيهم جيل كامل أصبح تونسي الجنسية و بالأوراق ، و فيهم الي لليوم مازالو يوصلو ..
الحاصل الشعب الي عايش معاهم ما عادش فاهم كوعو من بوعو !! هاذي ماعادش ظاهرة هاذي شمس تجهر ..

تو الي صار صار ..

اما هاو عندي اقتراح ، ميسالش احنا ديما نلوجو على الحلول ، يا خويا أعملو تنفسية للبحر ما فيها باس ، تنفسية للبحر خلي هاك العالق يخرج و حتى التوانسة فيهم بارشا عالقين ،
و هاك الهجرة غير نظامية استثمرو فيها نظموها و دخلو بيها شوية فلوس ، متع أربعة خرجات في النهار ، شهيرين من زمان ..
و في نفس الوقت حلان البحر نستثمرو بيه سياسيا لإعادة النظر في بعض الاتفاقيات مع دول الشمال ، و نعاودو نتفاوضو و نتناقشو في هالموضوع الي أصبحت تأثيراته واضحة و ثقل علينا بارشا كشعب ..

سي قيس نحترموك و نقدروك ،

انت الي ضربت و قلت التطبيع خيانة عظمى ، و الشعب اختارك ،
انت الي ألغيت القروض و الشعب واقف لبلادو بلي يقدر ،
حاربت الفساد و قلبت النظام و حطيت الرؤوس في الحبس (انشاءالله من غير ظلم )و قلنا ميسالش لازم تنظيفة ..

اما على زوز صوردي نعملو اتفاقيات مع ناس همهم الوحيد مصلحتهم ، و سيادتك خير العارفين في تاريخهم ، فرنسا🇫🇷 إيطاليا 🇮🇹 ألمانيا 🇩🇪 بريطانيا 🇬🇧 تاريخهم مظلم ، خانو الاتفاقيات و قتلوا ملايين البشر ، نهبو خيرات افريقيا و الآن يغلقون عنهم الأبواب ..
هم من صاغو القوانين الدولية و هم اول من ضربوه عرض الحائط ،
و يطلبون منا تطبيقه !!

الدول الكل يغلطو و بارشا رؤساء تراجعو عن قرارات قبل فوات الأوان ، و الشعب ماكانش يتخيل توصل الأمور لاستيطان و اغ**اب
و أمراض و تمييز عنصري و غيرو من المشاكل الي تونس في غنا عنها، و حتى اقتصاديا هناك تأثيرات سلبية مباشرة على الشعب التونسي ..

نحن لا نريد أجانب لا لتكوين الجنود و لا لحماية الحدود .

سيد الرئيس سيب البحر و الشعب معاك و ما تخافش ما عندهم ما يعملولك ، الموت وحدة و الرب واحد ..

12/05/2026

نقص على دربيكم بالعسل

#شوقي أقسم بالله ، حقك باش يوصلك
🇹🇳❤️

09/03/2026

حبيت نودكم بحاجة بنينة بارشا في المدينة الجديدة

عند اخواتنا #الفلسطينيين
ماكمش باش تندمو
حاجة روعة

23/05/2025

مانيش باش نقدح في نقابة التاكسيات ذات التفكير الرجعي و المحدود و الإنتهازي ..
مانيش باش نحكي على "الرفس" عند تعديل العداد في الزيادات(25د) و بيع مطبوعة التعريفة (15د ) و تجديد الإنخراط( 10د)

العصابة عفوا النقابة لا يهمها المواطن و لا المهني و لا تحسين الأسطول و لا والو ، همها الوحيد تقاسم الغنيمة التي تقدر بمئات آلاف الدنانير ..

الحلول موجودة و متاحة و مواكبة لعصرنا و من اهمها

1️⃣ الإستغناء عن العداد الرجعي (يتكلف 800د اغلى من tablette ) و تعويضه بعداد ذكي خاضع ل algorithme متفق عليه .

2️⃣ احداث وكالة او تعاونية #خاصة بأصحاب مهنة التاكسي #للتأمين على : السيارات ، الصحة و التقاعد (على الاقل)، تحمي المهنيين من غطرسة وكالات التأمين المتوحشة.

3️⃣ احداث مؤسسة خاصة معفاة من الضرائب الديوانية على السيارات و قطاع الغيار (آليات تفادي التحيل موجودة)

4️⃣ تسعيرة خاصة بالمازوط ينتفع بها التاكسيات للمحافظة على القدرة الشرائية للمواطن عن طريق آلية الكارط مسبق الدفع ( فمن غير المعقول التاكسيستية و اليخوت السياحية يصبو بنفس الثمن)

5️⃣ إضافة نسبة 10% للسائق (الصانع) من الايرادات و تمكينه آليا من رخصة بعد استوفاء شروط معينة..

و إنشاء الله ترجع #الثقة بين المواطن و اغلب التاكسيات

Address

Partout
Tunis

Website

Alerts

Be the first to know and let us send you an email when فلفل حــــار posts news and promotions. Your email address will not be used for any other purpose, and you can unsubscribe at any time.

Shortcuts

Share

Category