BAC Sciences Expérimentales Session 2015

✅ نجحت في الباك و عندك اسئلة على التوجيه الجامعي في شعبة "علم النفس" ؟

✅ولي عندك ولدك/بنتك يسئلو على الشعبة هاذي و تحب أكثر تفاصيل عليها ؟

✅ تحب تعرف القراية كيفاش ؟ الخدمة و الآفاق ؟

✅ عندك اسئلة أخرى تخص المجال هذا ؟

مرحباً بيكم معانا :

السبت 12 جويلية 2025

الثمانية متى الليل (20:00)

🔗 رابط اللقاء عبر Google Meet:
https://meet.google.com/gse-azic-dsy

📩 باش تكون حاضر معانا، أدخل للرابط و سجل فيه : ⬇️⬇️⬇️

https://forms.gle/rsFT7v3nVYLcEVhY9

❓ إذا لقيت صعوبة في التسجيل، ابعتلنا رسالة على الصفحة , أو email على:
📧 [email protected]

❤️أمسية تنظمها مؤسسة AEnhance للصحة النفسية، بشكل #مفتوح و #مجاني .

الإدمان على المخدرات، خاصة عند الشباب، يمكن يكون صعيب بش نكتشفوه في البداية، أما عندو برشا علامات واضحة لازم ننتبهو ليها. أول حاجة، الشخص اللي مدمن يواصل في استهلاك المخدرات رغم الأضرار الكبيرة اللي تصير على صحته الجسدية والنفسية، وعلى دراستو أو خدمتو، وحتى على علاقاتو مع الناس. يعني رغم اللي يعرض روحو للعديد من المشاكل، ما يقدرش يوقف الإستهلاك، ويمكن يحس روحو ما عادش ينجم يعيش من غيرها.

ثاني حاجة، التغيير الكبير في السلوك الاجتماعي. المدمن يبدأ يبعد على أصحابو القدم اللي ما عندهمش نفس العادات، ويبدأ يتعرف على ناس جدد اللي يعيشو في نفس الدوامة متاع المخدرات. يمكن يولي يهرب من اللقاءات العائلية أو الاجتماعية، وما عادش يهتم بالعلاقات اللي كانت مهمة ليه من قبل. زادة، يمكن يبدأ يهمل في مظهرو الشخصي، ما يهتمش بنظافتو، ويولي عندو علاقة ضعيفة بمظهره العام. هذا يؤثر على نفسيته بشكل كبير.

أما بالنسبة للمدرسة أو الخدمة، المدمن يمكن يولي عندو صعوبة في التركيز و الإنتباه. ممكن ملاحظات المدرسين أو المسؤولين في العمل تكون واضحة على التراجع في الأداء، و النقص في الحضور، و التهرب من إنجاز المهام.

من الناحية البدنية، الإدمان على المخدرات يسبب علامات واضحة تظهر على الجسم. أول حاجة، العيون الحمر هي من بين الأعراض الأكثر شيوعًا عند المدمنين. المخدرات تؤثر على الأوعية الدموية في العينين، مما يخليهم يظهروا حمر أو متورمين، وهذا يتسبب في إحساس بعدم الراحة أو جفاف العين.

الرعشة هي علامة أخرى واضحة، خاصة في اليدين أو الساقين. هذا يحدث بسبب تأثير المخدرات على الجهاز العصبي، حيث يزيد النشاط العصبي، ويؤدي إلى تحفيز العضلات بشكل مفرط. الشخص المدمن يمكن يبدأ يلاحظ اهتزازات أو رعشات خفيفة أو حتى قوية في الأطراف، وهذا يعكس الاضطرابات التي تصير في جسمه نتيجة الاستخدام المستمر للمخدرات.

التعرق هو زادة عرض شائع. المدمنين يعانيو من تعرق مفرط، حتى لو ما كانتش فما سخانة طقس. التعرق هذا يمكن يكون برشة وفي بعض الحالات يكون مصحوب بشعور القشعريرة. المخدرات تؤثر على الغدد العرقية، ما يسبب فرط التعرق، سواء في اليدين، الساقين، أو الجسم بشكل عام. الشخص المدمن يمكن يلاحظ إنو يتعرق برشة في أماكن مش معتادة.

بالإضافة للأعراض هاذي، المدمن يمكن يعاني من مشكلات صحية أخرى كيف الغثيان والقيء المتكرر. المخدرات تؤثر على الجهاز الهضمي، ما يسبب اضطرابات كيف الغثيان أو القيء، اللي يمكن يظهر فجأة و دون تحذير. الأعراض الجسدية هاذي تكون غالبًا علامة على أن الجسم يعاني من تأثيرات جانبية للمخدرات.

الصداع المستمر زادة يعتبر من الأعراض الشائعة. المدمنين يمكن يشعروا بوجيعة راس دائمة أو مزمنة نتيجة تأثير المخدرات على الدورة الدموية ووظائف الدماغ. الصداع هذا يمكن يكون خفيف أو شديد، وفي بعض الأحيان يكون مصحوب بدوخة أو شعور بالإرهاق. الأعراض الجسدية هاذي تعتبر مؤشرات هامة تدل على أن الشخص يواجه مشكلة مع الإدمان.

بالنسبة للمشاعر، المدمن يمكن يحس بتعب مزمن، وأحياناً يحس إنو عندو مشاكل في النوم، كيف قلة النوم أو النوم المفرط. كيما تتغير حالتو المزاجية بشكل سريع، يتنقل من الفرح للتعكر ومن العصبية للقلق بسرعة، ويمكن يولي عصبي بسرعة أو يواجه مشاكل نفسية مثل الاكتئاب أو القلق المستمر.

و تبقى أخطر علامة في الإدمان هي التبرير المستمر للاستهلاك. المدمن يبدأ يبرر تصرفاته ويقول إنو المخدرات تساعدو على التكيف مع الضغط النفسي أو أنو تسهل عليه الاسترخاء. هذا التبرير يخليه ما يعترفش بالحجم الحقيقي للمشكلة إلي هو فيها. يمكن يولي يغيب بشكل متكرر عن العمل أو المدرسة، أو يبدأ يتعرض لمشاكل مالية بسبب تكاليف شراء المخدرات، وهذا إلي يخليه يعيش في دوامة مفرغة تزيد تعقيد حياتو.

Sedki Cheikh ©
_____
مع #إنهانس, كل يوم معلومة جديدة على علم النفس. إذا عندك أسئلة، خليهملنا في commentaire و احنا نجاوبوك 🙂

"أكبر انتصار موش إنك ما تطيحش، أما إنك تقوم كل مرة تطيح فيها" – المقولة هاذي تحكي على برشة حاجات نفسية، كيما الصبر والقوة اللي داخل الإنسان، و الصمود و المقاومة والقدرة على مواجهة الصعوبات بشجاعة.

في حياتنا، ما فمّاش حد ما يتعداش بأوقات صعيبة. كل واحد فينا ينجم يلقى روحو في مواقف تعجيزية وصعيبة برشة، كيف فقدان إنسان عزيز، خسارة حاجة مهمة، ولا حتى خيبة أمل كبيرة تخليه يحس بالضعف و العجز. هالمواقف توجع وتكسّر، لكنها زادة تخليك تكتشف نفسك أكثر، و تكتشف القوة اللي داخلك.

صحيح اللي الصعوبات تختلف من شخص لشخص، أما الفرق الحقيقي هو كيفاش كل واحد يرد الفعل معاها. الفرق هو في اللي يلقى القوة باش يقوم بعد كل سقطة ويواصل. هنا يظهر دور "الصمود" و"المقاومة" (la résilience)، اللي هي القدرة باش ترجع تاقف من جديد وتكمل طريقك رغم كل المشاكل والتحديات و الخيبات و الخسائر اللي تلقاها قدامك. الصمود هذا موش حاجة تتولد مع الإنسان، أما حاجة تتبنى خطوة بخطوة، تتصقل فيه بتعدد الأزمات إلي يعيشها، و بالدروس إلي يستخلصها من كل أزمة.

الإنتصار الحقيقي موش أنك تكون ناجح ديما من غير ما تطيح، أما أنك تتعلّم من كل سقطة تصيرلك وتخليها فرصة باش تطور من روحك و من امكانياتك. ما تنساش إلي نفسيتك، قوتك الداخلية، و درجة "الصمود" متاعك هوما اللي يخليوك تقوم من جديد، وتواجه الحياة بروح أقوى وثقة أكبر، مهما كانت التحديات اللي قدامك. هذاك علاش، باش تكون عندنا صمود قوي و مقاومة قوية للظروف الكل، لازم نكونو صرحاء مع أنفسنا لأقصى درجة، و نفهموا نقاط ضعفنا و نقاط قوتنا، و من غادي تكون البداية لإصلاح أنفسنا و تطوير مهاراتنا.

Sedki Cheikh©

_____
مع #إنهانس, كل يوم معلومة جديدة على علم النفس. إذا عندك أسئلة، خليهملنا في commentaire و احنا نجاوبوك 🙂


🥰

💬 في الوقت اللي نسمعوا فيه عبارات مثل "مدرب تنمية بشرية"، "خبير في العلاقات"،"كوتش دو في", "إستشاري أسري" و"خبير"، لازم نفهموا حاجة مهمة برشا: الصفات هاذي ما عندها حتى أساس أكاديمي و ما عندهاش علاقة مطلقاً بالصحة النفسية. يعني في العالم الكل، ما فماش جامعة أو مؤسسة علمية تعطي شهادة رسمية تحت هالعناوين.

العبارات هاذي يستعملوها عادةً ناس عاديين، يمكن ما عندهمش مستوى تعليمي جامعي، وأحيانًا حتى التعليم المدرسي يكون ناقص، بحجة عاملين تكوين في "مركز تدريب خاص" أو مشاركين في "دورة تدريبية". الصفات هاذي يتخذوها بعد ما ياخذوا فيها شهادة حضور و مشاركة، و من غادي يتحولوا لمدربين هوما زادة و يدربوا ناس عاديين باش يوليو مدربين ... في أغلب الأحيان الدورات هاذي تدوم بعض الأيام، أو في أقصى الحالات بضعة أشهر، محتوى التدريب ما يكونش علمي، وين أنه يطغى عليه الطابع الشخصي للمدرب أو الإستشاري أو الخبير.

المختص الحقيقي في الصحة النفسية لازم يكون عنده تكوين جامعي طويل، ويكون حاصل على شهادة رسمية تعترف بها الدولة. الطبيب النفسي و الأخصائي النفساني هوما وحدهم المختصين المعترف بيهم في الصحة النفسية، واللي عندهم القدرة العلمية باش يعاونوا الناس بشكل مسؤول ومدروس.

خلّينا نكونوا واعيين ونفرقوا بين المختصين الحقيقيين وبين أصحاب الشهادات "التجارية" و "منتحلي الصفة". صحتنا النفسية ما تتحمّلش تجارب عشوائية علينا، ماناش فئران تجارب، و ماناش محتاجين لناس غير مختصة باش تحفر في نفسيتنا و تستغل معاناتنا و مشاكلنا باش تدخل فلوس، اللي يحب يقدّم دعم نفسي لازم يكون مؤهل وعنده خبرة علمية وأكاديمية حقيقية.

🔄 خدمتك مهمة، أما صحتك النفسية أهم!

برشا ساعات، الضغط في الخدمة يولي مفرط و يمس من صحتنا الجسدية و النفسية زادة. كيف تبدا خدمتنا ضاغطة علينا برشة، لازم نلقاو وقت لرواحنا، نبعدو شوية و نحاولوا نعملوا توازن balance بين الخدمة و الحياة الخاصة.

#خدمة #توازن

🌞 اليوم، أعطي وقت لروحك و تنفس !
مارس نشاط تحبّو: مشي، موسيقى، قراية كتاب، ولا قعدة في بلاصة هادئة. لحظات بسيطة تعطيك راحة نفسية وتجدّد طاقتك. صحتك النفسية ديما تستحق العناية و اللهوة ! 🌸

تعتزم جمعية رفراف بلا حدود تنظيم في دورته #الثالثة III ، و ذلك يوم الأحد 25 جويلية 2021 بداية من الساعة السابعة مساءً عبر التطبيقة الإعلامية google meet.

هذا و ينطلق التسجيل في الملتقى من اليوم إلى غاية الجمعة 23 جويلية 2021 على الساعة منتصف النهار، عبر #مرحلتين :

1- تعمير البيانات المطلوبة عبر الرابط التالي :

https://docs.google.com/forms/d/e/1FAIpQLSeX8pZ9b2DZpmCOxq27mTvFEIo9f7Sii_DdjRmgR2G9nPICeA/viewform?usp=sf_link

2- تأكيد التسجيل عبر إرسال رسالة خاصة إلى الصفحة الرسمية ل جمعية رفراف بلا حدود Rafraf Without Borders Association على الفايسبوك يكتب فيها عبارة "تم التسجيل"، عبر الرابط التالي :

https://www.facebook.com/rafraf.without.borders1

سيتم التواصل معكم يوم السبت 24 جويلية 2021 عبر رسالة على البريد الإلكتروني الخاص بكم، و مدكم برابط البث المباشر للمشاركة في الملتقى، و تذكيركم به يوم الأحد 25 جويلية 2021 لكي يتسنى لكم الحضور معنا.

#ملاحظات :

- الرجاء التأكد من صحة البيانات المدرجة بالاستبيان (خاصةً البريد الإلكتروني l'adresse mail الذي سنتواصل معكم عبره). كل خطأ في كتابة عنوان البريد الإلكتروني يجعل التسجيل ملغى آليا.

- الرجاء تأكيد التسجيل عبر رسالة إلى صفحة الجمعية على الفايسبوك. كل غياب لتأكيد التسجيل يعتبر إلغاءً له.

- يحدد العدد الأقصى للمشاركين في الملتقى ب 100 مشارك (80 تلميذ، 10 مؤطرين جامعيين و 10 من لجنة التنظيم بالجمعية). أول 80 تلميذ مسجل و مؤكد لتسجيله (المرحلة 1 + 2) يعتبرون ضمن القائمة النهائية للمشاركين.

- الرجاء الإطلاع على دليل التوجيه الجامعي و كتابة اسئلتكم لطرحها خلال الملتقى على المختصين.

التحضير للباكالوريا من وجهة نظر نفسية/ نصائح للأولياء، يومين قبل الباكالوريا #Sedki_Cheikh #Psy التحضير للباكالوريا من وجهة نظر نفسية/ نصائح للأولياء، يومين قبل الباكالوريا

التحضير للباكالوريا من وجهة نظر نفسية/ 5 توجيهات هامة لتلاميذ الباكالوريا #Sedki_Cheikh #Psy التحضير للباكالوريا من وجهة نظر نفسية/ 5 توجيهات هامة لتلاميذ الباكالوريا