Bebyta land II

اليوم احنا في الرحبة وكل صغير خذى علوش وكل قدير وقدرو فرحانين ديما أطفالنا 🐑🐏هذا كبشي🐏🐑

حصة الرياضة

قداش نفرح كي نشوف الفرحة في عيون صغيراتنا قداش ننجح بنجاحهم وبتفوقهم قداش نأنس برفقتهم .
اليوم مشينا لمتحف باردو وتشبعنا ببارشاا معلومات تاريخية وثقافية وعلمية.دمنا عائلة واحدة ودام لقاءنا ورفقتنا أطفالنا وحظا موفقا في الامتحانات 💗💗

نحب نحكيلكم قصتي مع "أركان "
نهاري السبت العشية كلمني أركان قالي 'ستي فما بلاصة معاكم في الرحلة " قتلو لا وفاو وممنوع عليا نزيد حتى بلاصة علق عليا وبعد درج يمكن هكاكا طلبني وصوتو بالبكاء قالي" أمان ستي ماني ولدك هزني معاك " قتلو ورأس ولدي لا نجم نهزك خاطر ممنوع أما نوعدك بعد الرحلة نهزك ومعاش تبكي قالي باهي ستي
واليوم أنا واركان مشينا لمتحف الحوت صلامبو🐬 وعمنا في البحر ومشينا كلينا البلبلوني في سيدي بو سعيد🌅🏖️
الناس الكل نقولو : "صحة أركان"
والحمد لله كنت عند وعدي 💗

والله غالبين علينا يااحلى أبطال قداش فرحانين بيكم وبذاءكم وبنشاطكم وبتربيتكم وحبكم لبعضكم محلاكم أطفال ببيتالاند ❤️💕💕