Lycée Mixte Tataouine

Bac sport 2023 🌹

إن شاء الله نهار 14 أوت 2020 يتحل السيت (orientation.tn) و تنطلق الدورة الرئيسية في عملية التوجيه و تعمير بطاقة الخيارات 📝 😍

بعض النصائح :

✅ في بطاقة التعمير ثما الرمز و الشعبة، تحط الرمز فقط منغير ما تكتب الشعبة، أول ما تعمر خانة الرمز الشعبة تو تظهر آليا وحدها 📟🖥.

✅ تعمير العشرة خيارات كاملة ( الحد الأدنى باش السيت يقبل هو 6 خيارات ) و تسجلها عندك في Pc أو Tel.

✅ مش شرط تعمرهم غدوة، معندكش شكون يجري وراك ⏰🏃 ، عندك حتى لنهار الجمعة 18 🗓 ، عمر على راحتك و كان خممت في زيادة او تعديل عمر على لبلاصة و كل ما تحب تبدل خياراتك تنجم تبدل في أي لحظة و ديما سجل المهم اخر اجل باش تعمل موديفيكاسيون يكون نهار الجمعة 18 اوت قبل نص الليل 💾 .

✅ تنويع اختياراتك، متحطش إجازة واحدة في برشا بلايص و العكس صحيح 🚫، حط أكثر من إجازة و أكثر من بلاصة 👍😉 وحاجة اخرى ماتحطش برشا اختيارات فيها اختبارات خاطر يتعدوا في نفس الوقت وكيف تطيح في وحدة لا قدر الله مش باش يعطوك الي بعدها كيف تبدا فيها تاست هي زاده وهذا لضمان عدم السقوط للدورة النهائية ❎🔚 .

✅ 🚧 تحذير 🚧 تحذير 🚧 تحذير 🚧 تحذير 🚧

إياك تختار البلاصة على حساب القراية، مش خاطر نحب تونس او الساحل او جربة نمشي نعمل اي قراية باش نتفرهد 🙄، راهي أكبر غلطة تعملها في حق نفسك .✋ ✋ ✋ ✋

و ان شاء الله إختيار موفق الناس الكل

جماعة الباك مرحبا بيكم نهار الخميس 13 أوت ال 8:30 بالمعهد العالي للدراسات التكنولوجية بتطاوين

للجماعة الي ناجحين فالباك، مرحبا بيكم نهار الاربعاء ال 8:30 بالمكتبة الجهوية بتطاوين

لجماعة الباك

رسالة من تلميذة بمعهد تطاوين 2
هام جدا على السلطات المعنية الانتباه للأمر و التحقيق في الكارثة لي قاعدة تصير و يزي مالتهميل

ان لله و ان اليه راجعون وفاة الاستاذ الكريم سي علي بوعجيلة ليلةًالبارحة
اللهمّ إنّه عبدك وابن عبدك، خرج من الدّنيا، وسعتها، ومحبوبها، وأحبّائه فيها، إلى ظلمة القبر، وما هو لاقيه”.
ادعو له بالرحمة ❤️😞

اللهم اسقه من حوض نبيك محمد صلى الله عليه وسلم، شربة هنيئة مريئة لا يظمأ بعدها أبداً

أساتذة يضعون على ذمة تلاميذ الباكالوريا دروس عن طريق الفيديو : طلبة يشرفون على المشروع
ننصحكم تعملوا طلّة 😉
❤
#شدّ_دارك

نقدمولكم e-TUDE هي plateforme تونسية الصنع وتجمع خيرة من شباب وأساتذة البلاد هاذي..

ال concept ساهل برشا أحنا التلامذة الكل بش يلقاو شكون يجاوبهم على الأسئلة متاعهم في المواد الكل وزيد بش يلقاو des vidéos على ذمتهم تفسير لل les matières الكل من أحسن الأساتذة الموجودين في البلاد والناس الكل تشهد بكفاءتهم .. حبيتوهم إذا كان قريتو عندهم و بش تحبوهم كي بش تعرفوهم غدوة ..

و Les vidéos هاذم تنجم ترجعلهم في أي وقت وتعمل pause في الحاجات الي مافهتهمش وتبعثلنا وأساتذتنا يعاودو يفسرولكم بطرق أخرى..
ملخر ماعندك وين هارب، فاهم فاهم..

بعبارة أخرى، أحنا بش نوفرولك Support يكون فيه كل ما تستحقو من دروس وتفسيرعلى حسب طلباتكم وفي نفس الوقت تلقى شكون يجاوبك في أسرع وقت ممكن.
و بالطبيعة بش نبداو تدريجيا وخاصة في مرحلة دقيقة كيما هاذي بش نبداو بتلامذتنا الي في الأقسام النهائية، Bac يعني..

كتجربة أولى، إنتوما بش تطلبوا الcours وإلا تسألو الي تحبو عليه في المادة الي تحبوا علاها وهذا عن طريق formulaire تلقاوه في ال page في القريب العاجل وأحنا بش نهبطولكم الدرس كيما تفاهمنا مباشر و إلا مسجل..

مش هذا كاهو، بالطبيعة هذا الكل بش يكون بلاش في إطار المد التضامني الي تعرفو لبلاد في الظرف الصعيب هذا وعلى خاطر كل واحد لازم يعاون بلي ينجم..
وما تنساش راك فاهم فاهم..

السلام عليكم
في ظل هالأزمة الي قاعدين نتعدّوا بيها الناس الكل و الي ان شاء الله ربي يفرجها و تتعدى بأقل الاضرار، نقترح على الاساتذة الي تقري في اقسام البكالوريا و خاصة خاصة اساتذة المواد الاساسية من كل شعبة انهم ينظموا حصص مباشرة لتلامذتهم و تكون تفاعلية باش نقصوا عليهم شوي ضغط و نعاونوهم في هالمحنة سواء على الفايسبوك او على منصات اخرى ( نتوجه لاساتذة الاعلامية فالمعهد انهم يعاونوا زملائهم على كيفية العمل على المنصات )
الكلام موجّه زادة حتى لتلامذة الباك متاع الاعوام الي فاتوا الي ينجّم يعاون بأي حاجة ميسالش
و ان شاء الله نشوفوا منكم تفاعل ايجابي اساتذة و تلامذة
❤️

حين يشتاق إليك التلاميذ و ينتظرون دخولك القاعة بشوق فانت مدرّس ناجح… 👍

و حين يسود الصمت لجظة إعطائك الدرس فانت مدرّس محترف …✌️

و حين يبوح لك تلاميذك بهمومهم و مشاكلهم فاعلم أنك مدرس مقرّب لهم و يثقون بك و بنصحك لهم … 👌

و حين يجتهد التلاميذ في مادتك الدراسية و يحصلون فيها على اعلى الدرجات , رغم صعوبتها فهنا اعلم انك مدرّس متفوّق… 💪

و حين تتوفر فيك كل هذه الصفات حينها توشك ان تكون رسولا و هذه أعلى مراتب المدرّس . ❤️

تحية قلبية لكل أستاذ يعطي بضميره و كل اخلاقه . 🙏🙏