Coach Sarah Jmii

Coach Sarah Jmii Contact information, map and directions, contact form, opening hours, services, ratings, photos, videos and announcements from Coach Sarah Jmii, Educational consultant, Sousse.
(2)

🎓 Coach scolaire & parental👫
✅أساعد التلاميذ على تطوير مهارات الدراسة📚، الثقة 💪والاستقلالية 🚀
✅وأدعم الأولياء في تحدّيات التعليم والتربية.
👉🏻Private Coaching 🔐| Workshops 👥
📩 للحجز والاستفسار: رسالة خاصة

في الأبواب العتيقة… شيءٌ ✨من زمنٍ لا يشبه سواه…صباحكم جميل🌞
15/08/2026

في الأبواب العتيقة… شيءٌ ✨من زمنٍ لا يشبه سواه…
صباحكم جميل🌞


اذا تحبوا نتفاهموا على اللون🎨باش التgميرة تسهال … ميسالش 😉
09/08/2026

اذا تحبوا نتفاهموا على اللون🎨
باش التgميرة تسهال … ميسالش 😉


عسلامتكم🙂وانا نقضي من #مغازة مشيت باش نخلص ياخي نلقى #راجل هكة كبير شوية قبلي في الدور وقضيتو رزينة تتسمى, والباب الي ...
06/08/2026

عسلامتكم🙂

وانا نقضي من #مغازة مشيت باش نخلص
ياخي نلقى #راجل هكة كبير شوية قبلي في الدور
وقضيتو رزينة تتسمى, والباب الي بحذا الكاسة مايتحلش فيلزمو يهز قضيتو الرزينة هاكي ويخرج من باب الدخول (ومافماش شاريوات)
فقتلو لحظة نكمل ونهز معاك
وبالفعل وصّلت معاه لقدام #الباب لبرّة
فريت الراجل متأثّر بلي عملتو وتنهّد وقالي انت على الأقل ختمتلي زيارتي لتونس بحاجة باهية ،راني ملي جيت وانا متقلق من #العباد كيفاش ولاو والدنيا كيفني وهاكالكلام الي تعرفوه الكل …

تو انا ماريتش روحي عملت حاجة مش نورمال ،اصلا تصرفت من غير تخمام الحقيقة وماكتبتش الخاطرة هذه باش انقوللكم ملا انا
اما الغاية نحب انقول الي ساعات التصرف متع واحد فينا في وقت ما،يجي بالضبط مع #احساس قاعد يحس فيه شخص آخر
ويتلاقى بالصدفة وبطريقة ما :
هاك التصرف مع حالة الاحساس
ويعطيو مع بعضهم صورة جديدة او خليني انقول رتوش جديد للواقع …
وتخيلو معايا قداش من مرة قادرة تصير الخلطة هذه في نهارنا /حياتنا …معانا ومع #الناس وشنوة قاعدة تعطي فينا وفي الآخر …

والحمدلله نتيجة الرتوش في وضعيتي عطات للسيّد أمل ✨ونسمة جديدة ✨.


02/08/2026

الى كل المتابعين الي فاقديني شوية وقالولي وين فيدواتك يا سارة 😁نطمنكم أنا لباس والحمد لله ،قاعدة نرتاح في العطلة باش نرجعلكم ناشطة ان شاء الله 💪

💌
30/07/2026

💌


عسلامتكم 🙂في #شاطئ من شواطئ سوستي ❤️ المزيانة (كيما نحب نتربّج بيها ) التقطت التصاور هذه 📸التصاور هذه صورتها في مشية من...
24/07/2026

عسلامتكم 🙂

في #شاطئ من شواطئ سوستي ❤️ المزيانة (كيما نحب نتربّج بيها ) التقطت التصاور هذه 📸

التصاور هذه صورتها في مشية من المشيات للبحر ،من مرة فقط نطيح بيهم مع بعضهم الكل …هنا وهناك وهناااك 😔
مش اول مرة لا محالة ،اما المرة هذه وثّقت .

وانا نمرّش على الشط تعرضني تصاور اخرين ريتهم وماصورتهمش كيما كوشات متع بيبيات ،بلار مكسر ،شطر قصدرية …حكك تن و هريسة دبابز بلاستيك …وبرشة خنّ بشري …
و خيّتكم نلم الي نقدر قبل ما نقعد ،لاني نحب #البحر ومانطيقش نراه هكاكة ولا انطيق نقعد انا وعائلتي والشي داير بينا …

تو انا انقول لروحي :

الي جاء للبحر وكلا وشرب وقيّل وعام وتفرهد وتبحبح
وغطس في كعبة دلاع🍉 براسو اصل😂 …

شنوة ينقص منو لو لمّ ما تبقّى من #وسخ و #فضلات في ساك ومايخليهمش غادي ،باش الي يجي بعدو ما يعيفش روحو 🤮

حتى انا زادة ،قداشني غالطة !!

هو نتصورو من جماعة انا وبعدي #الطوفان …
باز ما يخممش فلي بعدو
مدامو شاخ هو ،وعمل كيف هو ،هذيكة الفايدة 🥳
بgلة ليهم البقية …واحد ساقو تتجرح ،يشم ريحة خايبة ،يقعد في الوسخ …البحر يتمسّخ ..سيّاح تشوف …نورمال .

يظهرلي
هاذم لايفيد فيهم لا #لبيب للبيئة حبيب
ولا #النطافة من #الايمان والوسخ من #الشيطان ههه ولا شي ،
ولا رباتهم مدارس ولا رباتهم والدين …
ولا تستنى منهم يربيو على غير هذا …
هاذم كان تجي تكلم واحد فيهم وتنبهو باش يهز الوسخ مثلا ،تو تسمع ما تكره 😣
ماتستناش زادة ترى هاك الحشمة في العين وقت ما يصير الغلط .

تعرفوا يا جماعة يرحمو بابا قالي كلمة باش نستشهد بيها في هالخاطرة ،قالي #تونس 🇹🇳 محتاجة (من بين الحاجات )انو #المواطن يتصرّف كملّاك ومش ككاري للبلاد🏠 .


23/07/2026

ربي يحميك 🤲 يا تونس 🇹🇳
ويلطف بكل شبر فيك 🤲

صباح الخيرات 🙂نبدا واعية كامل الوعي الي #الطقس سخون🫠،عندي الاشارات والدلائل الكل قدامي …نحس ونفهم وحدي أما فما حاجات...
21/07/2026

صباح الخيرات 🙂

نبدا واعية كامل الوعي الي #الطقس سخون🫠،عندي الاشارات والدلائل الكل قدامي …نحس ونفهم وحدي

أما فما حاجات تزيد تحسسني بالسخانة🌡️
أكثر قد ماهي سخونة 🔥
وهي هاك الجمل العفوية الي تتقال قدامي او تعرضني في نهاري وتلقاها توصف في الطقس …هي لا تفهمها تعليقات عابرة ولا تفهمها أسئلة استنكارية ولا تفهمها تنقل في الأخبار …
أما مهما كانت ههه انا تزيدني في السخانة ،
مانعرش شبيني هكة 😁

-نهار عظيم اليوم !!
-شفت هالنهيّر !!ظاهر فيه أسخن من البارح
-قالك اليوم #السخانة باش توصل لخمسين درجة !!
-قايلة وشهيلي من الصباح !!
-قالك غدوة نهار ماصارش بالسخانة !!
-مالا #صيف ومالا هو !!
-في بالك قداش سخانة تو ؟
-تقول فور محلول …
-مازلت جمعة وأحنا على هالحال …
-الواحد يعوم ويغطس في العرق …
-قالك جاية أيامات اللطف وبرة

على فكرة دبجا تو كيف كملت كتبتهم وشاركتهم معاكم برك ،حسيت بالسخانة .

والله نعرف هذا الكل 😭
اما مانحبش شكون يذكرني بيه ،انا تلقاني ناسية ونحاول نتأقلم بلي عندي ، او إنّسي في روحي ويطلعلك شكون يفيّق فيك على سخانة نهار غدوة !!
عرفتوها هذيكة 🎵🎶متع :"لوكنت ناسي افكرك"هاكي هي بالظبط 😔

الصيف هذا🌞
فقت بروحي مانحبّش شكون يشاركني "صف ما شاهدت " أو فاش يحس في #السخانة …



#صيف

أستقبل بكل #حب #شهادات💌 #التلامذة المشتركين في #ورشة كملنا نهارين من #التعلّم والتدريب 💪كيفاش ندخلوا للبكالوريا ...
20/07/2026

أستقبل بكل #حب
#شهادات💌 #التلامذة المشتركين في #ورشة

كملنا نهارين من #التعلّم والتدريب 💪كيفاش ندخلوا للبكالوريا بخطوات ثابتة تنطلق من #الصيف ومرورا بكامل المحطات خلال السنة الدراسية📚 .
خرجت مطمانة عليهم لانهم
✅سئلوا برشة #أسئلة كانت شاغلة بالهم
✅ وحوّلوا #النصائح النظرية الى #خطة عمل واقعية مناسبة لكل واحد فيهم انطلاقا من #التمارين الي انجزوها في الورشة .

يعطيكم الصحة الكل 🫶
ريت فيكم #الشغف للمعرفة وريت فيكم #الاصرار والشجاعة باش تبداو العام بجدية وثقة 💪.
نسمع عليكم #الخير ونراكم من الناجحين بقدرة ربي 🤲.



#بكالوريا
#دراسة
#مهارات

صباح #الحكايات الملهمة ✨بعد #نتيجة الكنترول كلمني أحمد❤️ قالي مدام نحب نعاون #التلامذة الي مانجحوش في #الباك حتى بكل...
14/07/2026

صباح #الحكايات الملهمة ✨

بعد #نتيجة الكنترول كلمني أحمد❤️ قالي مدام نحب نعاون #التلامذة الي مانجحوش في #الباك حتى بكلمة تهزّ المورال لاني تعديت بنفس وضعيتهم في وقت سابق من حياتي وحاسس بلي يحسّو فيه 😔
وافقت احمد في #المبادرة متاعو وتفاهمنا باش نعملوا لايف مع بعضنا ،وزدت اقترحت عليه انو تكون معانا ضيفة اخرى تدعم اللايف متاعنا بتجربتها زادة ،وكانت رانية ❤️ هي اختياري ،وبدورها تحمست وقاتلي معاك مدام .
أحمد ورانية #تلامذة كنت معاهم في تجربتهم متع الباك وريتهم قدامي كيفاش تجاوزوا "الدوبيلة " وخدموا على ذاتهم من كل النواحي باش يقدموا في مستقبلهم …
واليوم احمد قريب للPFE في Sciences infirmières
ورانية كملت قرايتها في puériculture (pediatrie)
ومنهم ومعاهم باش ناخذوا دوزة أمل✨ وعزيمة 💪.

💌 وقداشني فخورة كيف تخرج من ال community متاعي على #أنستقرام مبادرات انسانية وعفوية كيف هذه ،انقول نجحنا مع بعضنا باش نكونوا فاعلين بطريقتنا 😍💪.

مرحبا بكل تلميذ #بكالوريا،او في اي مستوى آخر ، يرى في روحو فشل ومتغشش من روحو … ايجا بحذانا للايف اليوم على انستا مع 16:00⏰.


Address

Sousse
4000

Opening Hours

Monday 09:00 - 17:00
Tuesday 09:00 - 17:00
Wednesday 09:00 - 17:00
Thursday 09:00 - 17:00
Friday 09:00 - 17:00
Saturday 09:00 - 18:00

Telephone

+21621756448

Website

Alerts

Be the first to know and let us send you an email when Coach Sarah Jmii posts news and promotions. Your email address will not be used for any other purpose, and you can unsubscribe at any time.

Shortcuts

Share

Category