Lycée khalij معهد الخليج

من معهد الخليج صفاقس اليوم ❤❤❤
مولد نبوي مبارك على الأمة الإسلامية 🌹🥰😍

جماعة دورة المراقبة...شوية مجهود و عزيمة
و النجاح مضمون
ان شاء الله بالنجاح جماعة دورة الابطال 🥰🎉

الف مبروك للناجحين في الباكالوريا دورة 2020
💗😍🥰🎉

غفران تحكيلنا الليلة على طريقة نجاحها و تفوقها في الباكالوريا السنة الفارطة بمعدل 18,48 :D
"السلام عليكم و رحمة الله وبركاته جماعة الباك الكل 💜❤
في طُمْبك الdépression الي عايشتها جرة المدسين تفكرتكم 😁😁
قلت خلي نعطيكم شوي نصائح بما أنني عشت نفس تجربتكم ونعرفو شنوا تحسو 😌😌
طويل شوي اما ميسالش بربي اقراووه الكل 😃😃
• أولا الجماعة الي ضيعو سيماستر لولا عادي جدا متقولش لا ما نخلطش ولا فاتني الفوت .. لا راو مازل عندكم العام بطولو
عادي جدا تكون مضيع اول العام طي تمد ااكور الي فاتك في ها الجمعتين وتعملو ملخص وتخدم حتى exercice ولا زوز تنشط باهم مخك تخلط بإذن الله..
• ثانيا حاولو تنظمو اوقاتكم يعني متخليش روحك اكاكا على الهامش وظالا شادين جمعة كاملة تخدموا في مادة برك وتشوف تلقا روحك مضيع المواد الاخرين انا مثلا كنت عاملة جدول كل نهار شناوا نقرا ديجا هاني صورتو وهبطتو ..
يعني ماذابيك كل درس في المواد الأساسية مات فيزيك علوم دوب ما تكملوه في القسم تعاود وحدك تقراه وتعملو ملخص انا ما نجم نقرا كان بالملخصات خاصة في المواد هذي
• ثالثا لازم أنت تكون عارف روحك مليح وتكون عارف سيستام قرايتك وكيفاه تقرا منغير لا تبقى تتبع في غيرك يعني ثما شكون ينجم يقرا الصباح ثما شكون يحب يصبّح يقرا ويصبح راقد كل حد وكيفاه.. هههه انا مثلا مستحيل نجم نقرا الصباح بكري ديما حتى نحاول نقرا الصباح نرقد فوق الطاولة الله غالب منجمش.. ساعات كي نروح 18 نتعشا ونتفرج شوي على التلفزة ونكنكتي وبعد نمد نقرا مع 00 ولا 00:30 نمشي نرقد ونقوم الصباح نمشي لليسي وساعات نروح نحس روحي ياسر تاعبة نصلي العشاء 19 ونرقد ونقوم 00 نقرا لل3:30 متاع الصباح (يبدى هدووء تام في الدار حس ما ثماش لا تلفزة لا حس خواتي لا صغار اختي ههه ) ونرجع نرقد وبعد كالعادة نفيق نمشي نقرا.. المهم مش نبقا ما تقراش ما تقراش وبعد تجي تنزل على روحك تعدي des nuits blanches .. اكثر حاجة لازمتك هي النوم والراحة وتكون تقرا وانت مرتاح راك ظالا تقرا وانت ناقص نوووم راك تولي كالكسكاس المنقوب الي تقراه ما تشدووش.. اقرا بنظام ما تضيعش تخلط باذن الله وانت مخك مرتاح .. وزيد ردوا بالكم تخدموا للدفورات راكم تخدموا للباك مش ظالا عندكم دفوار مات ولا فيزيك تشدو جمعتين تخدموا المادة هكي وبعد تلقاو الكور تكدس عليكم.. انا كنت ياااسر ملتزمة بالجدول متاع وسط العام واذا كان عندي دفوار ونخدملو نهارين على حساب مادة اخرى.. المادة هكي ما تتعدا الجمعة هذيكا الا عوضتها المادة خاطر نعرف روحي اذا درس في مادة معينة فتوا صعيييبب نرجعلو..
•رابعا عادي راو كي تحس روحك خدمت بارشا وتحس نفسك مايلة للراحة وفدت نبقى جمعة كاملة ما نخدم شي فقط نحضر للكور ونروح نتفرج اما ما تطولوش عاد جمعة مش شهرين ههه
•خامسا حاجة مهمة.. رد بالك تقول انا خايب في أكا المادة كهو تطيشها وراء ظهرك وتقول لا ما نخدمهاش انا خايب خايب.. متكونش انسان فاشل وضعيف بل قل نحن الاباة ونحن لها.. مش مادة باش تغلبك 👊👊 أنت ربي اعطاك قوة وإيمان لازم تؤمن بنفسك.. انا مثلا كنت لا علاقة في الانڨليزية وديما تحت 10 وكي نجيب فوق ال10 نفرح تقول عاملة عرس واصلا اول دفوار في الباك خذيت 9 عادي اصلا تعودت باها.. بعد في السيماستر الثانية قلت انا غفران باش تغلبك مادة؟ لا.. دعيت ربي وبديت نريفز فاها و عملت ملخص للقواعد نتفكر استاذتي مادام جيهان، الي كانت ديما تشجع فيا وتقلي تو ترى انت قداه تاخو وكنت نضحك نقلها اي بالضبط قداش نحبها بارشا، شافت مرة الملخص متاعي قتلي انت اول تلميذة شفتها عملت ملخص يعطك الصحة.. تعرفو في الباك قداه جبت؟ جبت 19 اي اي بعد ال9 جبت 19 رغم انو مش ساهل جا وجبت اكثر نوت في الانقليزية في الليسي بيلوت كامل فرحت باها اكثر من معدلي هههه.. يعني فقط آمن بنفسك واخدم...
• سادسا ردو باااالكم تكثرو من الدروسات درس واحد في كل مادة اساسية يزي مش لزمة دوبل ما نحكيش علي يقراو تريبل خاطر هاكم ما عندهمش مخاخ وكان فلوسك بزايد تحب تصرفها شوف زميلك ما في حالوش وخلص عليه درس مات ولا فيزيك تربح دعوة خير انفعلك 😊😊 .. اسأل على البروف الي تراه باهي وادخل عندو يزي وماذابيك ما تعملش ياسر على الدروسات عمل على خدمتك انت وماذابيك قبل كل etude تكون اضعف الايمان قاري كورك مليييح والحاجات الي مش فاهمهم تڨمرهم وتسأل البروف.. بالطبع الي يمشي خادم السيري خير ببااااارشا باش تعرف روحك فاش تغلط وكل.. وكانك تحب تدخل درس في احدي المواد الي ضارب 1 ادخل من تو وما تعملش غلطة بارشا عباد تقول لا تو ندخل وقت الريفيزيون رد بالك راو ريفيزيون ظالا stressé من غصرة الوقت تزيد تكمل تغصر روحك ما يجيش..
• سابعا ننصحكم في الريفيزيون ما تعمل حتى étude سي بون قريت عامل كامل يزيييك خلي وقت لنفسك.. كان طارت اعمل في مادة برك مثلا جماعة العلوم التجريبية يعملو سيونس فقط.. جماعة المات يعملو مات فقط... انا مثلا عملت كان سيونس وقريت حصتين info والحمدلله الانقليزية بروفتنا كملتلنا على بكري قبل الرفيزيون وقلنالها حتى اعمللنا حصة قالت لا راجع وحدك خير وفعلا كلامها صحيح.. واعملو جدول ديجا هاني صورتو وهبطتو الجدول متاعي رغم انني انا ما التزمتش بيه بارشا خاطر شطر ريفيزيون بدا رمضان والوقت تبدل ههه اما انتوما حاولوا اعملو جدول يساعدكم وفي الريفيزيون ركزوا بالباهي على المواد الي ما عطيتوهاش حقها وسط العام .. مثلا انا المات خدمتو مليح وسط العام وقت الريفيزيون ما خدمتوش بارشا تلهيت بحاجات أخرى
• ثامنا كان قدر ربي وما خلطش في بعض المواد وكملتها مش تخافش وما تدخلش بعضك اخزر للجانب المشرق انك كملت مواد اخرى .. انا مثلا الفلسفة وقت الريفيزيون رغم انني حطيتها في الجدول ما خلطش باش نمدها جملة لين وصلت قبل لا نعداها بنهار مديتها ووليت نبكي علللخر وقلت لا قريتها حتى قراية وحدة وغيري قاري étude philo وحافظها وبقيت نخزر ونبكي اكاكا وحدي وبعد استغفرت ربي وصليت ركعتين ودعيت ربي وقريتها مرة برك ليلة الامتحان ودخلت عديت نكتب من مخي خاطر ما حفظتش فقط فاهمة شوي سبحان الله خذيت 16.25 اكثر ملي حافظينها!!
• تاسعا وأخيرا انت خووذ بالاسباب واقرا واجتهد ووكّل امرك كلو لربي وقل اللهم اني وكلت امري اليك فكن لي خير وكيل ودبر لي امري فانني لا احسن التدبير.. لاباس والله ربي ما يضيعلكش تعب وسهر.. اكثروا من الاستغفار والله يشرح الصدر كل ما تحس روحك فديت.. وردك من القرآن كل يوم حتى درجيين مش بارشا يفرهدوك.. اخلص النية انك بخدمتك وتخصصك نهار آخر انك تحب تبدل حاجة في الدنيا هذي وتخدم أمّتك.. ومن يصدق الله يصدقه..
نعرف تعب ياسر وضغط اكثر واكثر اما والله وقتلي جاني الميساج فيه 18.48 نسيت التعب نسيت المرواح في البرد موخر نسيت كيفاه تبلو سيريات الفيزيك وانا ماشية نقرا etude تحت المطر خاطر سحابتي تكسرت وبعد نطلع ما نقراش .. عادي تنساااه هكا الكل والله..
ربي يوفقكم الناس الكل وينجحكم ويحقق احلامكم.. أسأله سبحانه أن يستعملكم فيما يرضيه وتكونون ذخرا ولبنة طيّبة..
سامحوني كان طولت عليكم.. وان شاءالله تكون نصائحي مفيدة.. بربي انشروها بين صحابكم الي يقرااو باك.. وبربي دعوة خير بظهر الغيب راهي المدسين شيبتني على صغر سني 😭😭
سلام عليكم ورحمة الله وبركاته "

#منقول

مرت أعوام على أزمة بين مصلح و بين مخرب .. بين عباد تحب تبني تربي توري و تقري .. و عباد تعارض و تناهض ..
تعدات سنين و أحنا مازلنا على نفس الحال و هوما مكملين على نفس المنوال .. موش من حقي نحكي و الا نعارض ما تقوم به النقابة أحنا في بلاد الحريات في بلاد طالبت بالكرامة و انا نرا انو الاستاذ من حقو يتمتع بالكرامة هذي من حقو يدافع على حقوقو سواء كانت مطالب مادية أو معنوية ..
بعد 8 سنوات من الثورة نلقاو بلادنا على حافة الطريق على حافة الانهيار على حافة الدمار بلاد وافق أو نافق و بش تعيش فيها يحبوك بهيم سطك .. كلامي موش من فراغ أنا حبيت نحكي على أزمة اليوم نعيشوها و واقع تحطينا فيه ممكن حد ماهو مضلوم قدنا حد ماهو حاسس بينا ماهو مورينا طريقنا ..
أحنا جيل واعي جيل موهوب جيل قادر انو يصنع المعجزاات لو كان يخلولنا المشعل لو كان يسيبولنا البلاد لو كان ..
احنا تلامذة اليوم و قادة الغد احنا صبية اليوم و كبار غدوا احنا لي تونس تعنينا احنا لي البلاد هذي تهمنا كرهنا و الا حبينا .. عشنا سنوات في ضلالة و الكاس فاض ستنينا و قلنا يا ناس ما كان باس .. اما احنا اليوم عايشين واقع مرير .. ماشين و موش عارفين آخرتها وين .. عمناول قلنا أزمة و تعدات توقفت الدراسة ما فماش معدلات و رصات فين رصات .. و في الاخر تنازلت النقابة و القراية مشات كيما حبت الوزارة و تمنات و جات البيلتنات و تعدات المناضرات و ستنات النقابة الاصلاحات و قبول الطلبات و لكن الوزارة فاجئتها كيما العادة و شكبت عليها بالاستهتارات و في هاو ما عناش ..
أنا في حد ذاتي وليت حاستها ورقة بلانات .. ايا يا سيدي جاش العام الجديد و دخلت النقابة في التصعيد و قوات في أساليب التهديد لا دفورات و لا امتحنات .. الثلاثي الاول تعدا و فات و النقابة مازلت ما لقات الحل لبقية الثلاثيات .. المهم كلنا مبهمين موش عارفين فين مرصين زعما نمشاو مع اليسار و الا اليمين زعما سنة بيضاء و الا كيفاش تي فهمونا و هالتعب لواش ..
أنا كتلميذة باكالوريا من حقي نطالب بحقوقي و الوزارة من حقها تستجيب سيدي الوزير احنا موش مشكلتنا في سيماستر او تريماستر احنا مشكلتنا في معاهدنا أعمل طلة على وضعيتنا و طريقة قرايتنا على أقسامنا و أحوالنا احنا تلامذة علاش في الدول المتقدمة الاولوية للتعليم على خاطر هوما متقدمين و احنا متأخرين على خاطر هوما مثقفين واعين و احنا جاهلين ..
أحنا جيل حالم اما الله غالب انتوما دمرتونا .. احنا جيل واعي اما انتوما مهمشتونا .. شوفو اليوم على الجرائم عالنهب على الادمان لزيتونا .. الله غالب موش ذنبنا غصبتونا احترمونا وعونا قدسونا .. طريقنا ورونا غلطنا صلحونا فهمونا .. انتوما القدوة انتوما الاساس انتوما الساس و الفاس يلي حفر و احنا يلي بش نبنيو .. اما كيف يبدا الساس أعوج اكيد البنية بش تكون خايخة .. من فضلكم شويا احترام لهيبة التعليم الي هو من هيبة الدولة شوية احترام لشخصنا لذاتنا .. عطيتونا الدنيا خربانة و قلتو علينا جيل فاسد و مع ذلك احترامنا لكم .. و من فضلكم شوفولنا حل التلمذة ضاعت و هي موش عارفة يسار من يمين .. ضاعت و بقات بين البينين .. و الضربة وين تضرب تضرب فينا .. احنا الخاسرين احنا المظلومين .. 👌👌👌
#منقول

رحم الله روح الفقيد رواد اليعقوبي و أسكنه فراديس الجنان و أعطى أهله جميل الصبر و السلوان

الله_يرحمك_خونا_الغالي_رواد #

ﻏﺪﺍ ﻛﻞ ﺍﻟﻤﻌﺎﻫﺪ ﻓﻲ ﺗﻮﻧﺲ ﺗﺘﻮﺟﻪ ﺍﻣﺎﻡ ﻣﻘﺮ ﻭﺯﺍﺭﺓ ﺍﻟﺘﺮﺑﻴﺔ ﻭ ﺭﻓﻊ ﺍﻟﺸﻌﺎﺭﺍﺕ ﻭ ... ﻟﻴﻜﻢ ﺍﻟﺒﻌﺾ : *ﻗﺎﻋﺔ ﻗﺎﻋﺔ ﻛﻼﺱ ﻛﻼﺱ ﻭﺍﻟﺴﻮﺩﺍﺳﻲ ﻣﺎ ﻧﻘﺮﺍﺵ * ﻳﺎ ﺃﺳﺘﺎﺫ ﺣﺲ ﺑﻴﻨﺎ ﺍﻟﻌﺎﻡ ﺭﺍﻫﻮ ﻏﺎﻟﻲ ﻋﻠﻴﻨﺎ *ﻟﺴﻨﺎ ﻓﺌﺮﺍﻥ ﺗﺠﺎﺭﺏ ﻭﺍﻟﺘﻠﻤﻴﺬ ﺳﻴﺤﺎﺍﺭﺏ * ﻳﺎ ﺗﻠﻤﻴﺬ ﻋﻠﻲ ﺻﻮﺗﻚ ﻣﺎ ﺗﺨﻠﻴﺶ ﺍﻟﻌﺎﻡ ﻳﻔﻮﺗﻚ * ﻻ ﻗﺮﺍﻳﺔ ﻻ ﺩﻓﻮﺍﺭ ﺣﺘﻰ ﻳﻠﻐﻰ ﺍﻟﻘﺮﺍﺭ * ﻻ ﻛﺘﺎﺏ ﻻ ﻛﺮﺍﺳﺔ ﺃﻋﻄﻮ ﻛﺘﺒﻜﻢ ﻟﻠﺤﻤﺎﺻﺔ * ﻳﺎ ﺗﻠﻤﻴﺬ ﺷﺪ ﺍﻟﺪﺍﺭ ﺣﺘﻰ ﻳﻠﻐﻰ ﺍﻟﻘﺮﺍﺭ * ﻳﺎ ﻭﺯﻳﺮ ﻳﺎ ﺑﻮ ﺻﻠﻌﺔ ﺑﺮﺟﻮﻟﻴﺔ ﻣﻼ ﻃﻠﻌﺔ *ﺻﺎﻣﺪﻳﻦ ﺻﺎﻣﺪﻳﻦ ﻟﻠﻘﺮﺍﺭ ﺃﺣﻨﺎ ﺭﺍﻓﻀﻴﻦ

■ يا وزير يا سطل ... تلميذ راو بطل .
■ يا جلول يا حقير ... إستقالة موش تغيير .
■ التلميذ راسوا صحيح ... و القرار باش يطيح .
■ قرينا ماقريناش ... المستقبل مافماش .
■ ياتلميذ ياضحية ...اخرج شارك في القضية .
■ لاوضاع هية هية ...والتلميذ هو الضحية .
■ يا تلميذ يا مسكين ...حقك ضاع وانتي وين .
■ صلح صلح التعليم ...قبل متعمل قوانين .
■ قرارات دكتاتورية ...والتلميذ اكبر ضحية .
■ يا استاذ يا كريم ...ايجا معانا مضلومين .
■ يا استاذ يا فاضل ... التلميذ راهوا مناضل .
■ لا كتاب لا كراسة ...اعطو كتبكم للحماصة .
·

الطفلة في تونس تكون 20 سنة سيليباتار
إنتي تحط عليها عينيك و بسم لله لعظيم يطلعولك 3 مهندسين و 4 أساتذة و 2 رواد فضاء و كريستيانو رونالدو و رافايال نادال يحبو عليها ..
بسم الله المانع الستار ..o.O !!!