auto-école elakkari

ريتوها هذي هي شهادة تمدهالك الدولة بعد ماتنجح في مناظرة وطنية تبين الي انت متكون و ناجح و عندك ذراعك و قسمك باعد بيد ربي
اليوم نشوف في ناس حاشى الي ما يستاهل ماخوها على حساب غيرو و يكذب على العباد و يبلفط في الخدمة و باعد يجي يحكي عليا انا
انا انسان ما عندي حتى واحد يقربلي في وزارة النقل و ما عندي حتى بشر عامل عليا مزيا باش وصلت للشهادة هذي هذي قلعتها بذراعي و مع العلم انو في 2014 عديتها و ما سهلش فيها ربي اما باعد خدمت و عملت على ذراعي و نجحت فيها
اليوم نقولها العبارات هذي للي يحكي عليا في التراكن انا تو كان نحب نحكي عليك تو نحكي عليك في وجهك اما في التراكن كان المزمر في مخو يعملها فيبالك المترشحين الي تحكيلهم عليا باش يسكتو و يصدقوك هام جاو و عاود لي الحديث المنحط متاعك صحيح انا جيت للميدان اما اشرف منك في حياتي و اليوم كانك باش توصل تحكي و تبربش في الباج متاعي كيما تعمل ديما انا تو نقلك كان احترم روحك نحترمك اما المرة الجاية راني باش نوريك خمجك في العلن قدام الناس الكل
عز نفسك تصيبها
سامحوني الناس الكل اما واحد ملي مانيش باش نقول عليه زميل قاعد يبربش في خمج باش يتفرت على راسو اليوم ما نسميهش اما و حق الي خلقني المرة الجاية الكل ياما تشوفو خور متاعو في العلن
سامحوني بقية الزملاء و متابعي الصفحة الجديدة متاعي

الف مليون مبروك يا سي فارس العكاري النجاح في البكالوريا الحمد لله على هذه الفرحة و ان شاء الله ديما متألق و فرحنين الضحكة هذي و مننساهاش قتلك العزيمة و تو النجاح يجي Feres Akkari

الحمد لله وحده ربنا يقدرنا و نزيدو نفرحو العباد الكل
اتممنا رحلة رخصة السياقة للسيد نزار الأسود من المرة الأولى بارك و ثاني مرة سياقة و اول مرة كود بامتياز
🚨🚨🚨🚨 اليوم ينطلق سائق جديد في طرقاتنا 🚘🚘🚘ربي يبقى الستر عليه و على كل مستعملين للطريق🤲🤲🤲
أفرح و تهني🎉🎉🎉 يا سيد نزار المستحيل غير موجود في هذي الحياة✌️✌️✌️ اليوم نجحت بعد ما يأست من الرخصة اليوم فرحتك😊😊 هيا فرحتنا👌 الحمد لله بلغنا مقصودنا ربي يفضلك الوالدة الي ديما هيا سند ليك و زوجتك الي تدعم فيك ربي يبقى الستر عليكم و يفضلكم لبعضكم 🤲🤲و ما تنساش خوك نضال السعدي كيما تناديني هيا ياسيدي نحب نراك تحوس في كرهبتك 🚗🚗🚗و تولي تجي في وقتك للخدمة صحيح رخصة السياقة مرحلة و تتعدى لكن فما ناس عمرها ما تتعدى تتولد معاهم عشرة كبيرة اليوم نجم نقول خو نجحلي موش صاحب والا مترشح اكهو اليوم خو وصاحب و عشير إن شاء الله نشوفك بشركتك🤲🤲 و تعبر عبران هيا يزيك من المدح راك زادا كسرتلي راسي 🤕🤕🤕🤒🤒🥵🥵في العلامة اما والله على قلبي احلى من العسل كي فرحت و فرحتني العزيمة💪💪💪 شيئ يكتسب من تجارب الحياة و النجاح ما يجي كان بالخدمة و العثرات المهم النتيجة و هاي باينة في الصورة Lassoued Nizar Lassoued Nizar العاقبة للمازال
و الجديد و الي يحب يكون كيما البقية ما عليه كان يهز تاليفون 📞📞20726791 📲📱
احنا نوفرولكم الوقت و الأريحية و المعاملة الطيبة و صحيح الكبس باش نوصلو لنتيجة تهنينا عليكم
مرحبا بالجميع و إن شاء الله نكونو في المستوى معاكم

هيا يا سيدي بن سيدي حتى في صنف ج موجودين
اليوم تم بحمد الله نجاح🎉🎉🎉 السيد هشام الصمراني في مرحلة قواعد الجولان في صنف ج🛣️🛣️🚛🚛🚛🚛
العاقبة للسياقة ان شاء الله
🚨🚨نخدمو جميع الأصناف في مرحلة قواعد الجولان و السلامة على الطرقات🚛🚘🚗🛵🚙🚌🚍🚖🚕🏍️🚜
و بالنسبة للسياقة نخدمو صنف ب سابقا معرف اليوم الصنف ز🚘🛻🚙🚗🚲🛵
و الصنف د1 المخصص لقيادة سيارات الأجرة لواج🚖🚕
للمهتم حتى في سياقة بالنسبة للاصناف الثقيلة 🚛🚍🚌عندنا زميلنا نتعاملو معاه معناتها كيما تتعلم معايا في قواعد الجولان تكون زادا لاقي نفس التعامل كي تركب تسوق الكميون تلقى نفس الجو و القرايا و الإحترام
كي نوعد باي حاجة راني نكون في المستوى معناتها ما نبعث حتى بشر لزميلنا الا ما نكون ضامن نفس المعاملة و نفس العلامة هذا الكل يخص صنف ج🚛 ج+ه و صنف د🚍🚍
و بالنسبة للصنف ب فكلها عندي معايا من البداية للنهاية و الي قرأ عندي يشهد بذلك Hichem Hichem Somrani Somrani Hichem

للي يحب يتواصل معي على رخصة السياقة ما عليه كان الإتصال عبر الهاتف 20726791 او بترك رسالة على الميسانجير مرحبا بالجميع

الحمد لله حتى يبلغ الحمد منتهاه🤲🤲🤲
اتممنا اليوم رحلة جديدة مع رخصة السياقة للآنسة الخوافة كلثوم الجبالي اصرار كبير💪💪 و في الآخير النتيجة 🎊🎊🎉🎉🎉لا تخيب الأمل😉😉😉
الف مبروك عليك رخصتك 🚘و ان شاء الله في ما أهم
اليوم انت زادة كانك باش تعدي برمي ما عليك كان الاتصال على رقم الهاتف او ترك رسالة على صفحتنا و الباقي علينا
📞📞20726791 📞📞

الحمد لله وحده
كالعادة من إجتهد فلن يضيع الله أجره
نكملو مجهود بالنجاح🎉🎉🎉 في مرحلة الجولان🚘🚘🚘 للسيد نزارالأسود Lassoued Nizar العاقبة لمرحلة المناورات
وانت زادا مرحبا بيكم للإتصال
📞 الهاتف 20726791

الحمد لله وحده
كيما العادة التألق و الإمتياز🎉🎉 نجاح باهر للتلميذ الخلوق المجتهد الي ما بخلش على روحو بمجهود باهر
اليوم انطلاق في مسيرة التكوين الذاتي🛣️🛣️🚘 الي باش تخليه يتنافس مع بقية مستعملي الطريق في انشاء سلامة مرورية جيدة في بلادنا
تلميذي آدم ثامري Adam Themri تلميذ مجتهد و رصين و خلوق و انتظر منه الكثير في المستقبل
ان شاء الله كيما فرحة اليوم🏎️🏎️ بالبرمي نزيدو فرحة بشهادة البكالوريا بمعدل ممتاز جدا نعرفك💪💪💪 تنجم تنطر بلاصتك باش تكون من الأوائل☝️☝️ في الجمهورية🇹🇳🇹🇳🇹🇳🇹🇳
ربي يعطيك الوقت الطيب 🤲و يفضلك الوالد الي هو زادا نعم الأخلاق و التربية
عشرتنا ماهياش طويلة اما بقدرة ربي دائمة
و انتم زادا كانكم تحبو تكونو كيما آدم ما عليكم كان الاتصال
📠📠📞📞20726791

مؤسسة تعليم السياقة العكاري تتمنى لكم عيد سعيدا و صياما مقبولا و ذنبا مغفورا و كل سنة وانتم بألف خير
عطلة العيد تبتدأ من اليوم السبت حتى ثاني أيام العيد
للإتصال و الاستفسار على المواعيد الهاتف 20726791
او الاتصال على ميسانجر الصفحة
ان شاء الله عيد مبارك للجميع و ربي يحقق لكم جميعا أمنياتكم

الف مبروك🎉🎉🎉🎉 للتلميذة كلثوم جبالي🎆🎆🎆 لاجتيازها مرحلة الجولان و السلامة على الطرقات 🚘🚘🚘 و العاقبة للمناورات ان شاء الله
اليوم و ال27 من رمضان تحصلت للتلميذة المربوثة و الخوافة و الي ترعش في كل ما تعدي اليوم تحصلت على مرحلة السياقة و العاقبة للباركKaltoum Jebali هي ترعش و انا نرعش وراها لا تعمل عملة تخلينا نتأزمو اما الحمد لله اليوم سلكناها و بعد العيد البقية ان شاء الله
للإتصال الهاتف 20726791