20/07/2014
نشوف فالجماعة جايبة ما عندها و تنصح فالقادمين الجدد للفاك اللّي نرحّبو بيهم بالمناسبة..عاد قلت نشارك أنا زادة :
- هاو من توّ بعض المصتلحات إلّي باش تسمعها في الأيامات الأولى و معناها "ESSEC=Ecole Supérieure Stress Et Cauchemars "" أحفظها مليح
- ماذا بيكم مالأول تنساو حاجة إسمها وقت فطور و بيفات خاطر المصطلحات هاذم منعرفوهمش..
-كانك تقرى أنفو ثمّا ماتيار إسمها حقوق الإنسان ، ما تدخلهاش خاطر ماكش باش تاخذ أكثر من 0
- إنّك تخلط لباب الإيتيديونات موش معناتها وصلت الأناكس .. تنجّم تزيد تمشي أكثر ملّي عدّيتو من داركم للفاك..
- فمّا بروفات باش يجيوكم أوّل نهار يفلّمو عليكم و أنا عملت و عملت و القرايات الكلّ كمّلتهم و .. ما عادش تدخلولهم..
-عندنا rachat فالفاك عالمي ، لازمك تجيب أكثر من 9.99 باش يسعفوك
- كي توصل مخّر الصّباح.. ما تمشيش للسال خاطر عالأغلب باش تاكل نبزة.. و يقولو موش باهي عالصّباح..تنجّم تمشي ل chez nous تاخذ قهوة و تركش و تتعرّف على عباد جدد ولاد فاكك هوما بيدهم واصلين مخّر. ما تسلّمش فيهم هاكم عزّ النّاس..
-مالمستحسن تجي تقرى و تحتك مسدس ... تو مبعد تعرف علاه
- فمّا بلاصة إسمها البيبليوتاك وحدها ما بجنها شيء.. ما تمشيولهاش خايبة ياسر..
- فمّا حاجة إسمها عطلة الرّبيع و عطلة الشّتاء و ما تابعهم.. تنجّمو تنساوهم من توّ..
- كانك بلاك ربّي ببينوم .. حاول يكون صاحب جوّ شويّة خاتر ما تنجّمش تطمع منّو بأكثر من هكّاكة..
- التّجارب أثبتت أنّو أربعين دينار فوتوكوبي أرحم بياسر من شهرين و إنتي تجري و تكتب الكور (تمعّنو فيها جيّدا)..
- و أخيرا نصيحة شخصية هز القفّة للإدارة تضهّن مقعد فالمستار
نتمنّى التّوفيق للجميع
