IJEC - Ipeit Junior Engineers Club

20/09/2014

ستتفاجؤون كما تفاجأت
و تدركون كما أدركت
بأنه قد حان حان الوقت
للحضور الی الفرنسية
عند مها عبيد فقط
أقسامها للكل إتسعت
لا تفرق بينهم قط
و تمتلك ذاكرة قوية
طرق التدريس أجادت
التاريخ و الإقتصاد جابت
الرياضة و الفن صالت
زد علی ذلك فكاهية
بالعلوم و الأدب أحاطت
مهما قيمت و قارنت
الكفة لصالحها مالت
بإختصار موسوعة حية
N.H

15/09/2014

ايجا و اعمل طلة
عند شيلة
يكمل البروقرام الكل
في نهار و ليلة
اووف يا شيلة اووف سي شيلة
و يا الاناليز منين من شيلة
و يا قحرة العينين سي شيلة
اووف يا شيلة اووف يا شيلة
تقرا الايتود باز عند شيلة
و الا تضيع خلاص من شيلة
و حتى شي ماهو بلاش سي شيلة
كل تييورام و رومارك بنحيلة
اووف يا شيلة اووف سي شيلة
و كان ناوي تعدي السي سي بي هاو شيلة
ما كانش لوج بروف اخر تمشيله
و ما تنساش السي قبل شيلة
شاي الله شاي الله سي شيلة
اووف يا شيلة اووف سي شيلة
جميع الحقوق محفوظةـ سماح الصالحي 2014

14/09/2014

موش تطييح مورال ولا بلعاني
في شيمي راك باش تعاني
لين تندبهم و تقول يح باني
ماكش باش تلقی واحد مثالي
باش تجربهم واحد وری ثاني
شقشوق تايب و ألفة مزاني
و تقطع من زرقونة و سمراني
تلقی حالك يضحك كي حالي
اما انا توة نحكي على مزاني
تجي في الوقت كي البروف الياباني
تكمل الكور الكل و تزيد تريفيزيوني
و حتى التيدي ما تخلي فيه شي من اول سؤال للايخراني
و كان عندك سؤال خارج السييونس تقلك ايجاني
خدامة و في نفس الوقت حوماني
ناس ملاح و ساعات تولي طبيب نفساني
الي يقرا عندها يحبها خاطرها صعبة النسيان
و خاصة مانيكورها المتعدد الالوان
خلي عاد كان شدت تلعب بشعرها حد ما يفكها يا وخياني
تجي ناشطة من غير ما تشرب ريدبول الي يعطيك جنحاني
و حتى كي يتعبى الكلاس ديما كول و جونتي و فاباني
قريبة منا و ماتحايلش و تقول هذا سردينة و هذا مناني
مالا يا خويا صحة ليك كان تقرا عند الفة مزاني
تعطيك كل ما يلزم للامتحان
و ماتستحقش تلوج عند البراني
راهي الفة مزاني يا وخياني
جميع الحقوق محفوظةـ سماح الصالحي 2014

12/09/2014

شقشق شقشق يا شترقتق طالب يسوفري و ال إيبايت تبقبق
صبوا النوتات مصفرين لكلّ
الطالب هبل و ال پروف لا يبلّ لا يعلّ
تي قلنا رام ناقصين شوفولنا حل
طلعوا من غدوة معلقينهم ب غُل
شباب يفسكي يحب يشق لحدود
و الادارة ولاّت كي بيشة و فرهود
احفظ و صب و تمحريث بلا قيود
و ديما ساكت و عاشور بالكف تقود
شقشق شقشق يا شترقتق طالب يسوفري و ال إيبايت تبقبق
كان ملل كان قلق قلب فايض يتفلق
كان التكنبين و التبهنيس كان الحقرة كان الفيس
التنبير و التبندير صحة النوم صباح الخير
كان راشا لا سؤال الموايان احسب وحدك خير
كان أقريجي فرّق لوراق
كان صلّحلك بنفاق
كان لزم يعطيك شلبوق
المهم يزيدوه في الارزاق
هاني ليوم نصيح نقول
ما نبقاش طول عمري ذليل
و كي يختاروا قداش راشا يلعبوا لعبة شقشق شقشق
شقشق شقشق يا شترقتق طالب يسوفري و ال إيبايت تبقبق
بروميار جابد روحي إدوزيام يحكي علينا
نحبو نقرفو و في لخر جبدو بينا
سيبو علينا رانا سوفرينا
سيبو النوتات قطعتوها كالفارينا
و البلوك آف قريب يطيح علينا
و هاي بش توفا لمرمما مازلتو تمنّو فينا
تي الكاميرا الفنية تصور فينا
سيبو علينا النار شاعلة فينا
شقشق شقشق يا شترقتق طالب يسوفري و ال إيبايت تبقبق
أمّالينا أمّالينا و الموايان قريب يتباع في فترينا
أمّالينا أمّالينا راهي بلاد القرع مش بلاد المادالينا
أمّالينا أمّالينا نفدلك عليك يا ليبايت راك لحنينة
أمّالينا أمّالينا رانا سوفرينا رانا ملّينا
S.S

09/09/2014

وحدة وحدة مع سي الكافي
كورو واضح جوو صافي
يعطيك إقزومبلات بالوافي
لين تقلو يزي يا سي الكافي
بالو واسع بالرنة
يعديها ساعتين كاملين يمشي منا اللينا
القينيا تجي وحدها مش من عنا
والبروقرام يا حي وقتاش يوفالنا
صحيح عندو النفخة اما قلبو باهي
وهرة و حطة و ديما جوو زاهي
وساعات تتلعلو في مخو يقيد لابسونس و بالفاصعين هذا باش لاهي
سي الكافي يفهم بالباهي و كورو طيارة
اما عادي كي تمل من كثرة التفسير وتدور للشباك تلوج على طيارة
كان بالك واسع وتحب تفهم الالجابر مالاشارة
عندك سي الكافي اما رد بالك من القينية الغدارة
S.S

06/09/2014

نزهة العابد معها يتجلی
معنی يصر بإلحاح
حصصها طويلة و مملة
لو دقيقة لا سماح
عليك بالصبر أن تتحلی
لكن إنسی أن ترتاح
ستتعود علی الوضعيات المذلة
و أن تخرج مجبرا للإصلاح
لن تتحدث أو تتسلی
غير الدرس لا شيئ مباح
من يدخلون لها قلة
ينتظرون إطلاق السراح
ثابر لديها عسی و لعل
تكون ممن تقودهم للنجاح
إجتهد و تحمل و إلا
فالفهم لن يكون متاح

06/09/2014

وليد بسباس عز الناس
ما كيفو حد جوهرة مالالماس
قد ما نحاول نوصف ها الاحساس
اما راو اساس غير كل احساس
كي تدخل تقرا عند بسباس
منظم و حتى تفسيخ السبورة بالقياس
يعطيك تطبع الكور اما يخاف عليك مالافلاس
يعاود يكتبو و يفسرهولك في الكلاس
يعطيك العلة و بنت العلة و يربط المات بكل الحواس
تحس روحك تصنع معاه الكور وانت تولي تفهمو للناس
بسباس اسلوبو يخطف الانفاس
بساطتو تبهتك تخليك تضرب الاخماس في الاسداس
وتعاود تراجع روحك من الاساس
يعطيك اسهل طريق للتقمير و الاستوس
مايحبش الزحمة وبتلامذتو حريص و نسناس
ماهوش معقد و تحسو واحد من الكلاس
يعيشك في عالم افلاطوني مميز و خاص
نشاطو فائق يخليه يخدم ثمنية سوايع في النهار بلا تعب و لا نعاس
ومايبخلش بالسوايع الزايدة والريفيزيون من غير خلاص
بسباس يخليك تحب المات وتتمنى تزيد عام اخر عندو في الكلاس
وربي يكثر منك الناس يا سي بسباس

05/09/2014

يا من دمّرتي قلبي و وجداني
لقد استأثرتك بعطفي و حناني
قسوتك ولا مبالاتك لن يبعداني
عنك فأنت الرجاء و أنت الأماني
إذا كان قلبك يختبرني و يتحدّاني
فأنا لن أستسلم و إن كنت أعاني
و بسببك النوم جافاني و عاداني
فنظرة عينيك و ضحكتك دمّرتاني.
لا عجب أن الكل فيك حائرون
فلم نرى مثلك أنت منذ قرون
و صار الباقون منك يغارون
إلى درجة أنهم يصفونك بالجنون
لكننا رغم ذلك على دربك سائرون
فمن غيرك أنت يعلمنا بلغة العيون
و ما تهاون مهما مكر الماكرون
إياك أن تصدقيني يا زرقونة
مهما أسرعت عند حديثك أيتها الحسناء
و ما لم أفهم كلامك من الألف الى الياء
مهما أرهقتني و تسبّبت لي بالعناء
و طالما أننا مثل الأموات و الأحياء
مهما كان مصير أسئلتي الفناء
ازددت اصرارا و كانت ثقتي عمياء
و اذا أردت سأقولها لك بالغناء
أنت لا تصلحين أستاذة كيمياء.

05/09/2014

Mme Zanzouri STI
نصيحة لمن يسأل و يعيد
إن كنت فهم STI تريد
أمامك خيار وحيد
الزنزوري فقط لا غير
فهي التدريس تجيد
دوما تكرر و تعيد
و الفرنسية لا تجيد
علی تسجيل الحضور تصر
لا تكل من الترديد
توصل المعلومة بالتحديد
و إنه لرأي سديد
أن تقاوم و تضحي لكي تحضر

05/09/2014

Mr Teieb Chimie

28/02/2014

العدد الثّالث من المجلّة الحائطية

08/02/2014