07/10/2018
بدنَّا في حرب متواصلة مع الcancer, و الخلايا السرطانية كيف تتكون في بدنا ننجحوا بش نتخلصوا منها من الأوَّل بفضل جينات تحمينا من الأورام الخبيثة, لكن بمرور الزمن و بتراكم عدَّة عوامل دفاعاتنا تضعف و احتمال إصابتنا بالcancer تزيد,,
الإنسانيَّة في حرب متواصلة مع الcancer منذ أكثر من خمسين عام و انتصاراتنا عليه قاعدة تتضاعف ,, وكيما انتصرنا على الجدري و الطاعون باش يجي نهار و ننتصروا على الكونسار,, غريزة البقاء فينا تخلي الإنسان (الكائن الأكثر تطورا و تأقلما) يواصل حربه على الأورام الخبيثة,,,
في 2013 قامت الممثلة Angelina Jolie بخطوة شجاعة ضد سرطان الصدر و الرحم ,, أمَّها توفت في سن ال56 سنة بعد صراع طويل مع سرطان الثدي, العلم توا خلَّانا نعرفوا أنو ثمَّة عوامل جينيَّة تخلي الشخص معرض للسرطان أكثر من غيره, منها mutation في إحدى الجينات إلي تحمينا من الcancer إسمها BRCA . بعد التحاليل الجينيَّة إكتشفت Angelina Jolie إنو عندها الmutation هذيكا و أنها معرضة لسرطان الثدي أكثر من المعدل العام ب 87% ,, و في حركة شجاعة و استباقية قامت الممثلة باستئصال صدرها, عمليَّة خلت نسبة أصابتها بالمرض الخبيث تهبط لأقل من 5%. هذا انتصار خلاها تسجل نقطة استباقيَّة على الcancer و خلَّا حملة إعلامية و توعويَّة تنتشر وقتها حول التقصي المبكّر.
شهر أكتوبر هو فرصة لتذكير الناس بضرورة التقصي على سرطان الثدي
كان عندك مرا فاتت ال50 عام في عايلتك هزها تعمل mammographie (تصويرة) في أقرب قسم أشعَّة,, على خاطر نسبة العلاج من سرطان الثدي قريبة من 100% في تونس كيف نفيقوا بيه في المرحلة الأولى بالكل
