17/09/2026
💯🔥شكون فينا يعرف اللي كل مطار ✈️ نطلعو منو،.... وكل قنطرة 🌉 نتعداو عليها،.... وكل ضو💡 يشعل في دارنا... ، وراه بصمةرجل واحد؟
♦️هو مش مجرد مهندس، هو "أبو المهندسين التونسيين"،
🔥 العبقري الراحل المختار العتيري
♦️اليوم نحكيو على قامة وطنية كبيرة ورجل استثنائي، خلا بصمتو وهندستو في كل مطار، وقنطرة، ومؤسسة حيوية في تونس..
🔥من أحياء حمام سوسة إلى قمة التميز الباريسي
♦️بدأت الرحلة من مدينة حمام سوسة، وين تولد المختار العتيري لعائلة متواضعة تخدم في البناء والنسيج.
لكن ذكاءه وطموحه ما كانش ليهم حدود؛ جاب المرتبة الأولى في البكالوريا على مستوى الجمهورية التونسية كاملة.
هذا التفوق حلّ قدامو أبواب فرنسا، ودخل لأعرق كلياتها. وفي عام 1949، صنع الحدث وتخرج من مدرسة البوليتكنيك بباريس (Polytechnique) بملاحظة حسن جداً وهو في سن 22 سنة فقط
👌تفوق بجدارته على الطلبة الفرنسيين والعرب وأبهر أساتذته.
🔥تلبية نداء الوطن وبناء الدولة الحديثة
♦️في عام 1956، مع فجر الاستقلال، خلى وراه كل الآفاق الواعدة في فرنسا ولَبّى نداء الوطن.
♦️عاد لتونس وعينه الرئيس الحبيب بورقيبة كبير مهندسي وزارة التجهيز (الأشغال العامة)،
♦️لتتحول تونس تحت إشرافه لورشة بناء كبرى.بفضل عبقريته وهندسته الميدانية، تشيدت أكبر المشاريع القومية اللي ربطت تونس بالعالم
✅بوابات تونس الجوية
🔹 مطار تونس قرطاج الدولي
🔹مطار المنستير سقانص
🔹ومطار جربة جرجيس
✅الشرايين الاقتصادية
🔹بناء ميناء قابس التجاري
🔹 تهيئة وتطوير المركب السياحي الشهير "مرسى القنطاوي" بسوسة
🔥معركة بناء العقول وتأسيس الـ "ENIT"
♦️لأنه كان يؤمن إنو بناء الأوطان يبدا ببناء الإنسان،
أقنع المهندس المختار العتيري السلطة السياسية بضرورة التعجيل بتأسيس
مدرسة وطنية لتكوين المهندسين التونسيين محلياً بدل الاعتماد على الخارج.
♦️وبالفعل، أسس وأدار المدرسة الوطنية للمهندسين بتونس (ENIT) بداية من سنة 1968.
غرس فيها نظام تعليمي صارم وخرجت من تحت يديه الرعيل الأول من الكفاءات اللي قادت البلاد، ولهذا السبب استحق لقب "أبو المهندسين" عن جدارة وتكريم
🔥قيادة قطاع الطاقة بنجاح
♦️تحدي آخر خاضه العبقري التونسي في أكتوبر 1977، وين تعين رئيس مدير عام للشركة التونسية للكهرباء والغاز (STEG) واستمر في منصبه لغاية 1980
♦️خلال الفترة هذه، خدم بكل قوة على تحديث شبكة الطاقة الوطنية
وتوسيع التنوير الكهربائي في مختلف مناطق البلاد وتكوين النواة الأولى للمهندسين الكفاآت في مجال الطاقة
🔥إرث حي لا يموت
♦️توفي المهندس المختار العتيري في 20 أفريل عام 2007 بعد مسيرة حافلة بالعطاء،
وخلى وراه بلاد كاملة تشهد على إنجازاته. إرثه يقعد حي في كل زاوية من تونس ومفخرة لكل تونسي وتونسية
✨رحم الله هذا الرجل العظيم وكل من ساهم في بناء هذا الوطن بالفكر أو الساعد
