18/12/2025
المسمار الي تصممّ بش يكون ثابت في حيط واحد، فجأة يصبح بدون أي قيمة وقت الحيط هذا ينهار
لأنه عدى حياته لكل يتدرّب على شيء واحد و هو "الثبات"
في عوض ما نبرمج أطفالنا على أنّهم يكونوا مسامير في حيط الأوْلى نعلّموهم انّه الحياة بحر من الفرص
و مهمّتهم يتعلموا السباحة و يشوفوا الفرص هذي و يقتنصوها و هذا هو النّقيض التامّ لعقليّة المسمار السلبية⚠️ الي تستنا الحيط يحدّد قيمتها..
القدرة على خلق القيمة بأنفسنا أصبح هو الأمان الحقيقي في هذا العالم بغضّ النظر عن استقرار الحيطان الي حولنا
الكنز مدفون تحت ارجلنا لكن احنا قاعدين نعلموا في أولادنا كيفاش يترصدوا الحيطان في عوض ما يحفروا بش يلقاو الكنز
و السؤال هنا اذا كان النظام التعليمي هو نفسه الحائط المائل الي فيه خلل هيكلي فلأي مدى ممكن لرحمة الآباء الفردية انه تحدث فرق حقيقي؟ و شنوة المطلوب بش نصلّح الحائط نفسه مش فقط نحاول ننقذ المسامير الي بينتجها بلا توقّف؟..
#سوليديو ّال
