Coach Héla GAYES

كل عام و أنتم بخير ، كل عام و أنتم إلى الله أقرب و على طاعته أدوم 🤲🌹
🌛 شهر رمضان فرصة عظيمة نقربو فيها لربي بالطاعة و العبادة
و زادا فرصة كبيرة نقربو فيها للعائلة الصغيرة و الكبيرة .
🌛 نقعدو أكثر مع أولادنا و نحكيو معاهم و نحكيولهم على فضل شهر رمضان و علاش نصومو و شنوة يلزمنا نعملو فيه.
🌛 نعقدو فيه مع بعضنا نية الصيام و الصلاة و الطاعة و الأعمال الطيبة، و نعلموهم يعقدو النية في أي حاجة يعملوها لوجه الله الكريم🤲
🌛 نخلقو جو مزيان في الدار و نشركوهم في تحضير العشاء و تزيين البيت حتى بحاجات بسيطة ⬅️ نخلقو رابط ذهني إيجابي.
🌛 نعلموهم يكلمو أخوالهم و أعمامهم يهنيوهم برمضان👩‍❤️‍👩👫🧑‍🦳 نعززو فيهم اهمية صلة الرحم و ثوابها .
🌛 نعملو قدامهم الحاجات الباهية : الكلمة الطيبة ، هدية ، صدقة ، قيام ليل ، مساعدة الاخرين...... نطبقو القيم الي نحبوهم يتعلموهم خاطر أحنا القدوة متاعهم ⬅️ الصغير مايتعلمش بالكلام ⬅️ يراقب الأفعال.

❤️ انشرو المحبة و السلام و الطمأنينة و اغتنمو شهر رمضان ❤️

الأم ❤️
الأم عليها ضغط كبير : عايلتها ، دارها ، أطفالها، زوجها ، خدمتها........، التزاماتها ماتوفاش....... و هذا يأثر على نفسيتها ، و ماعادش عندها بال واسع و طريقة تعاملها مع أولادها تولي خايبة و على أعصابها و ماعادش تتقبل منهم حتى شي.
نفسيتها تأثر بطريقة مباشرة على أطفالها و نفسيتهم.
هذاكا علاش يلزمها تخصص وقت لروحها و لراحتها النفسية بش تشحن نفسها و تلقى الطاقة اللازمة لصغيراتها 🌸

في أول هذه السنة الإدارية الجديدة ، و أول الثلاثي الثاني ، ربي يوفقنا و يوفق وليداتنا لما يحبه و يرضى 🙏🙏🥰
ربي ينجحنا في أعمالنا و ينجح وليداتنا في دراستهم 🤲🤲💪💪 ربي يجعلنا أحسن رفيق ليهم في رحلة التعلم الحياتي و الدراسي.
نعلموهم أنهم يحددو أهداف📝 و يبذلو المجهود اللازم و يسعاو بش بحققوها و خاصة نعلموهم يتمتعو برحلة السعي🎉 بش يكونو شغوفين بالي يعملو فيه 🏆
نذكروهم الي ربي بش يجازينا على السعي قبل حتى النتيجة 🙏

Après la période des examens, une pause s'impose, surtout pour les mamans (ou les papas) qui ont bien accompagné et bien encadré leurs enfants tout au long de cette période,

Prenez soin de vous pour vous ressourcer avant le 2ème trimestre 😏🥰

بعد الإمتحانات ، يلزم الأمهات و الآباء الي تلهاو بصغيراتهم و رافقوهم و تعبو معاهم ، يرتاحو و يعتنيو برواحهم، خاطرها فترة متعبة برشا ، استنزفو فيها طاقتهم.
استحفضو على رواحكم بش ترجعو في فورمة للثلاثي الثاني 😏

🔷 الطفل كيف يلعب وحدو و مايلقاش الإهتمام، فيسع يقلق و يفد و يحس روحو غير مرغوب فيه مما يخليه يلتجأ لتصرفات خايبة و إلا يولي يعدي ساعات على التاليفون......

🔷 الوقت الي تعديه مع صغيرك و تلعب معاه و تشاركو الحاجات و اللعب الي يحبهم عندو تأثير إيجابي كبير على دماغو و نفسيتو :

🔹 يحس الي انت إهتميت بيه ⬅️ تقديرو لذاتو و ثقتو في نفسو يعلاو 💪
🔹 يتعلم منك مهارات جديدة وكيفية التعامل مع
لاعبين أخرين ⬅️ الإلتزام بقوانين اللعبة ، أحترام الوقت
🔹يتعلم منك التغلب على بعض المصاعب و وجود حلول للعبة ⬅️ تطوير الذكاء
🔹 يتعلم منك الي فما ربح و خسارة و نتقبلو النتيجة بصدر رحب 🥇🎖️

⬅️⬅️⬅️ هذا الكل بش يعلم الصغير و يخليه يكتسب المهارات الحياتية اللازمة الي بش يتعامل بيها مع أصحابو في المدرسة و مع المجتمع بصفة عامة .
خلي الأوقات الي تعديهم مع صغيرك يكونو أوقات متعة ليك و ليه 🥰🧑‍🤝‍🧑

Faites du bien autour de vous
Et rappelez-vous que vos enfants vous observent tout le temps 😉
Agréable journée 🌹💞

أعمل الخير و تفكر ديما الي أولادك يراقبو في تصرفاتك 😉
نهاركم زين 🌸 💞

💠 عدد ساعات النوم مهم برشا لنمو الطفل و توازنو و خاصة تركيزو طول النهار . دماغو يرتاح و يتشرجا وقت النوم بش ينجم يستقبل معلومات جديدة.
في المدة الاخيرة لاحضنا برشا صغيرات تاعبين برشا في القسم ، ماهمش مركزين و ماينجموش يتبعو بالڨدا ، كيف نحكي معاهم و نسألهم اسئلة غير مباشرة نكتشف الي وهما يسهرو برشا في الليل و يستعملو الهاتف حتى من غير علم والديهم.
صغارنا أمانة ، واجب علينا نراقبوهم و نوجهوهم و نقربولهم بش نفهموهم أكثر و نفهمو احتياجاتهم. 💠

💠 مع بعضنا نعلمو اولادنا احترام اصدقاءهم في المكتب 🙍‍♀️🙍‍♂️و احترام الاختلافات الموجودة بيناتهم . نعلموهم التعاون بينات بعضهم . نفسرولهم الي هوما يمشيو للمدرسة بش يتعلمو مع بعضهم، بش يكونو صداقات مختلفة، بش يطورو رواحهم ، بش يحققو اهدافهم و يحسنو العالم و ينشرو السلام ، كل واحد من موقعو و كل واحد بالاختصاص متاعو.
ما نعلموش صغيرنا انو يلزم يجي الأول متع القسم و يكون عندو احسن عدد ماكانش راهو موش تلميذ باهي ، هذا يخليه يولي يكره صديقو الي جاب خير منو و ينقم عليه ،
نعلمو صغيراتنا يدافعو على رواحهم بقوة الثقة بالنفس و مايسمحوش لشكون يضربهم و يوقفوه عند حدو أو يشكيو لعبد كبير، موش نقولولهم "الي يضربك أضربو"
la communication non violente
مافماش واحد خير من الاخر ، بالعكس كل واحد يتعلم من الاخر و تكون ادوارهم متكاملة .👫🧑‍🏫👩‍🏫🧑‍🎓👩‍🎓
💠الفرق بين تلميذ و تلميذ اخر موش اعدادو و انما اخلاقو 💠