Bambino

بمناسبة المولد النبوي الشريف يوم الثلاثاء عطلة
كل عام وأنتم بخير

ينطلق على بركة الله التسجيل للسنة التربوية
2026/2027
⚠️ تعلم إدارة "روضة و حضانة بمبينو" السادة الاولياء الكرام أن عملية الترسيم بمؤسستنا تنطلق ابتداء ا من يوم الاثنين الموافق ل 17اوت
و لا يتم الترسيم بطريقة آلية ولا يعتبر الطفل مرسم بالمؤسسة للسنة التربوية الجديدة إلا

♦️ بإستكمال الملف الشخصي للطفل و دفع معلوم الترسيم كما يمكنكم استلام وثيقة الأدوات اللازمة

لذلك نرجو من السادة الأولياء توفير الوثائق المطلوبة :
⬅️ مضمون ولادة

⬅️ نسخة من دفتر التلاقيح تثبت إتمام التلاقيح الواجبة حسب سن الطفل.

⬅️ شهادة طبية تثبت سلامة الطفل من الأمراض المعدية كما تثبت ايضا أهليته للعيش في مجموعة من الأطفال.(من الطبيب الخاص بالطفل او من المستوصف)

⬅️ نسخة من بطاقة تعريف الولي(الام و الاب)

⬅️ 2صور شمسية.

⬅️ النظام الداخلي ممضي من طرف الولي. متوفر بالإدارة
و الرجاء وضع الأوراق اللازمة في ظرف

♦️ مع دفع معلوم الترسيم
و ذلك لضمان حسن سير التحضيرات للسنة التربوية المقبلة و تحديد الأماكن المتبقية للاطفال الوافدين الجدد ( مع العلم ان الأولوية تكون لأطفالنا و الأماكن محدودة) . شكرا لتفهمكم .

👈 كما نعلمكم بأن الروضة تفتح ابوابها لاستقبال الأطفال لسنة تربوية جديدة يوم الثلاثاء 1 سبتمبر .

عودة موفقة للجميع 🤲
مرحبا بكم أطفالي ننتظركم بشوق كبير❤️

توكلت في رزقي على الله

10حاجات ما نعملهمش… وأنا المديرة حياة عويني

خاطر بالنسبة ليا، إدارة روضة موش مجرد تسيير مؤسسة…
هي مسؤولية، أمانة، ومبادئ نعيش بيهم كل يوم.

⸻

1️⃣ الوعد بدون يقين

عمري ما نوعد ولي بحاجة وأنا موش واثقة 100% إني نجم نعملها.
ما نعطيش وعود باش نرضي… نعطي كلمة كي نكون قادرة نوفي بيها.

⸻

2️⃣ تجاهل بكاء الطفل

عمرنا ما نخلو طفل يبكي ونقولو: «تو يستانس».
كل دمعة عندها سبب، وكل طفل يستحق شكون يسمعو، يفهمو ويعطيه الإحساس بالأمان ❤️

⸻

3️⃣ المقارنة بين الأطفال

عمري ما نقارن طفل بطفل: لا في الذكاء، لا في الكلام، لا في السلوك ولا في النتائج.
كل طفل عندو وتيرتو ورحلتو الخاصة.

⸻

4️⃣ التخلي على طفل بسبب سلوك صعب

عمري ما نسلّم في طفل بسبب سلوك صعيب، مادام فما تعاون من الولي.
السلوك الصعيب موش سبب للتخلي…
بل سبب باش نفهمو أكثر ونلقو حل مع العائلة.

⸻

5️⃣ .تقديم السمعة على مصلحة الطفل

عمرها ما كانت سمعة الروضة أهم من مصلحة الطفل.
حتى لو القرار ما يعجبش البعض، مصلحة الطفل خط أحمر ❤️

⸻

6️⃣لخوف من الاعتراف بالغلط

عمري ما نخاف باش نقول: «إحنا غلطنا».
أنا مديرة موش معصومة من الخطأ.
الغلط يتصلح… أما المكابرة تضر.
الاعتراف بالغلط قوة موش ضعف.



7️⃣المساس باحترام المربية

عمري ما نسمح لوليّ الأمر يقلّل من احترام مربية مهما كانت الشكوى.
الولي عندو الحق يناقش ويعترض…
أما المربية زادة عندها حقها في الاحترام.
نختلفو، نتحاورو، ونلقاو حلول… من غير إهانة.

⸻

8️⃣التنازل عن المبادئ خوفًا من خسارة وليّ

عمري ما نخلي الخوف من خسارة وليّ يخليني نتنازل على مبدأ نؤمن بيه.
الولي مهم، وثقتو مهمة…
أما مصلحة الطفل والمبادئ أهم.

⸻

9️⃣ اعتبار المربية مجرد موظفة

عمري ما نعتبر المربية مجرد موظفة تنفّذ الأوامر.
هي شريكة في النجاح، عندها رأي، كرامة ومكانة.
نسمعها، نساندها، ونحاسبها وقت يلزم…
لكن ديما في إطار العدل والاحترام 🌷

⸻

🔟 الفشل ...

نبقو نحاولو حتى ننجحو 🌷

⸻

🌿 في الختام
ما توفيقي إلا بالله
أنا ، ما نسيرش روضة باش نرضي الناس الكل…
نسيرها باش نحافظ على مبادئ نؤمن بيها.

طفل سعيد ❤️
مربية محترمة 🌷
وليّ مطمئن 🤝
ومؤسسة عندها مبادئ 🌿

هاذم موش مجرد كلام… هاذم مبادئي في الخدمة. ❤

لا تبذل مجهودًا كبيرًا مرة واحدة فتُرهق، لكن استمر حتى لو شيء بسيطًا كل يوم