08/07/2026
___________________________________أكثر من 50000 تلميذ عدى مناظرة السيزيام و ما خلطش على العشرة.. الحكاية بدت من وقت التلميذ سنة أولى لازمه يدخل يعرف يقرأ و يكتب ... الحكاية بدت من وقت عملوا التحضيري..
و سنوات من بعد سخطونا بالتمهيدي..
______________________الحكاية بدت ملي جزء من المعلمين (الحمدلله مش الكل) يحبوا الصغير "حاضر" ..
-------------الحكاية بدت ملي التلامذة لكل تجيب عشرين ولعداد منفوخة وما يرضوش والديهم على اعداد متوسطة
------------------الحكاية بدت ملي صغاركم ولو زوايل كورس وحرمتوهم من طفولتهم ...
---------------الحكاية بدت ملي الولي تزادتلو وظيفة أخرى على مسؤولياته و هو مش مكون فيها إللي هي "التعليم" .
-----------------. الحكاية بدت من وقت ال 13 و 14و حتى 16ولاو معدلات تجلط عند الأمهات و تبدأ تجري من قروب لقروب تطلب في "الإغاثة" ...
_______________الحكاية بدت ملي الإنتاج الكتابي ولى مادة حفظ ماعادش مادة إبداع...
--------------------الحكاية بدت من دار Amélie إللي تتكمندا من عند النجار و تجيب عشرين للتلميذ رغم إللي ما حطش فيها يدو لا هي لا المنسج و لا الفولة..
الحكاية بدت وقت الفقرة المحفوظة تاخذ عشرين و المجهود الشخصي ياخذ 13 ..
------------------------.الحكاية بدت ملي إللي هب و دب ولى يشخص في صعوبات التعلم و فرط الحركة..
الحكاية بدت وقت كراسة المحفوظات يزينها الولي و المعلم يعطيها أحسن نوت...
------------------------ الحكاية بدت.. و تغللغت و ما وفاتش...
-------------------------- الحكاية باش تبدأ توة لألاف المراهقين كارهين القراية و تعدو للكولاج من غير مؤهلات و يشوفو في رواحهم كبرو..
-------------------------- و تبدأ حكاية "ولدي كره القراية رغم في الابتدائي كان #يجيبلي في ال 17 " و كنت أنا نقريه و توة ماعادش يخليني.👌😔🤔
------ منقول للأمانة -------
07/07/2026