Garderie kamar School Gabès

06/10/2025

06/10/2025

31/07/2025

حضرة الولي الي رحبنا بك في المؤسسة متاعنا و صغيرك على عينا و راسنا اما من فضلك اتفهمنا نتف
على نقاط تنظيميه
صغيرك كيف يتقيد في مؤسسة راهو تحسب على طاقة الاستيعاب معناها انت كيف تجي وتنقص 10د من المعلوم الشهري راهوو فما توازن يختل
كل شي محسوب بالفرنك و الدورو
الله غالب القباضة راهي تحسب علينا كل صغير ونخلصه اداءات ماهيش سايبة
حضرة الولي راك كيف ما تحب خدمات متميزة و اطار متميز راهو هاكا مش بلاش المؤسسة التربوية هي مؤسسة صبغتها تجارية فكل ما كانت الخدمات افضل و لوكال احسن كل ما كان الكرا اغلى و بالتالي المعلوم الشهري اغلى من الاخرين فلذا بالله ما تقليش شبيك تخدم اكثر من فلانة و الا فلانة
سيدي الولي خلاص المعلوم الشهري يبدا من اول اسبوع
الاول من كل شهر واذا اظطريت انك توخر لظروف معينة ما عليك انك تتصل بمديرة المؤسسة و تعلمها بذلك باش هي تقرا حساباتها خاتر اكيد فما اولياء اخرين زادة باش يمرو بظروف و يوخرو و هاكا هي امورها تتفرعس

فلذا نحترمو اجال دفع المعلوم الشهري
و من فضلكم المناسبات و الاعياد و رمضان زادة احنا نمرو بيه و عنا اعياد و نرمضنو معناها مش ع خاتر عيد و الا رمضان توخر في الخلاص
نجيو لنقطة مهمه
هو غياب الصغير اذا لم يتم اعلام المؤسسة في ظرف 3ايام انه صغير انقطع ما عليك كان تخلص المعلوم الشهري كامل خاتر احنا لا نخدمو لا بنهار لا بساعة لا بالاسبوع
صغيرك محسوب على طاقة الاستيعاب عبارة انت كاري دار كيف تخرج تحوس مش باش تقول للكاري سامحني نهار هذا ما سكنتش فيها دار ما تحسباهليش
حضرة الولي جوان شهر من الاشهرة و مادام داخل في السنة التربوية فخلاصه واجب ما غير ما تقلي لا ما يقراووش و
سخانة و ما نعرفش شنو. و ما تخلصنيش فيه و بعد تجي في ماي و
و الا افريل و تبطل صغيرك و تقلي راهو هذا في هذا راهي ما هيش اخلاق و ماهيش معاملات و راك اذا عملتلي هاكا افرا حسابك
عام جاي ما غير ما تجيني راني مش باش نقبلك
نجيو للاهل و الاقاربو الاصحاب
مرحبا بيكم اما نفرح بيك في داري مش في مؤسستي هاك مورد رزقي و خدمتي معناها كيف تجي الي يمشي عليك يمشي على غيرك مش باش نحسبلك بلاش و الا بشطر راهو صغيرك محسوب عليا كيف ما صغار الكل فلذا ما غير ما تحشمني
حاجة اخرى نسيتها الجماعة الي توخر في الخلاص و تهرب و تتملص و ما تخلصش نحب نقلك اذ انت كليت ناس في عرقها هاك حرام و راك وكلت صغارك الحرام فلذا رد بالك والي ابدلوا في الثنية وعملية ارواحهم موش هنا وعامين نستنى فيكم انخلصوا راني وكلت ربي اعليكم حسبي الله ونعم الوكيل في كل من اكلالي عرقي وعمل روحه موش هنا مانيش امسامح حتى على ربع ساعة اخدمتها امع صغيرة خلي أشهر وشهرين وثلاثه وماحبتيش انحط الاسماء إلى حد اللحظه
و شكرا

30/07/2025

15/11/2024

29/10/2024

الرجاء من الاولياء الذين لم يسددوا خلاص شهر جوان وجويلة واوت والترسيم بحضانة الاتصال بالاداره في اقرب الاجال ....... تهمنا راحة اطفالكم فالتهمكم راحتنا
شكرا على حسن تفهمكم