13/01/2022
منقول
الجنة العلمية قالتلكم انا نحب ننشر و ندعم الفوضى العارمة في المؤسسات التربوية.
في نفس القسم تلامذة تقرأ و تلامذة ماتقراش،
في كل مكتب مابين زوز أقسام محلولين قسم مسكر..
في نفس المستوى و عند نفس الاستاذ اقسام تقرأ و اقسام ماتقراش،
في نفس المنطقة مؤسسات مغلقة و مؤسسات مفتوحة
في الأقسام النهائية التلميذ اللي عندو الفلوس يكمل البرنامج في حصص الدروس الخصوصية و اللي ماعندوش يستنى حتى الاستاذ متاعو يكمل فترة الحجر الصحي كان مرض و الا يقعد خايف على خاطر كان هو مرض والا التلامذة اللي في قسمو يمرضوا يتسكر القسم اكثر من اسبوع.
اللجنة العلمية قالتلكم آخر اهتماماتي كيفاش سيتم التدارك و كيفاش ستتوفر فرص التكافؤ ..
اللجنة العلمية هذه تحب كل يوم التلامذة يروحوا مفجوعين على خاطر واحد من صحابهم طاح داخ في القسم، كل يوم فما حالة جديدة و المديرين مايسكروش القسم و مافماش تعقيم كان كيف المريض يجيب تحليل pcr ، يعني المؤسسة اللي تلامذتها مافي حالهمش و ماعندهمش حق التحليل تقعد تقري في أقسام مليئة بالمرض مثلما هو الحال في أغلب المؤسسات.
قرارت لا علاقة لها بالواقع !!!
بالنسبة للشبابك اللي يلزمها تتحل كل ساعة نحب نعلم أعضاء اللجنة اللي في أغلب مؤسساتنا التربويةاساسا ماعناش شبابك و بيبان تتسكر على خاطر اغلبها مكسرة و بلاش بلار
