معهد الحرية الخاص بالرقاب

06/07/2015

اي واحد ماخذاش الباك و مدبرم و فادد و يخمم بش ينتحر....يتفكر ثلاثة حاجات :
- كريصطيانو رونالدو احسن ملاعبي في العالم ماعندوش باك
- مايكل جاكسون ملك البوب ماخذاش الباك
- الفنانة الاستعراضية لايدي غاغا ديروغاتار في الباك و اتطردت
-وزير الرياضة السابق طارق ذياب ناجح في السيزيام بالراشا و بالتنفيل الجغرافي
انشالله العام الجاي.....لا تيأس

02/03/2015

شماتة في المعاهد الحكومية
وبالتوفيق

13/02/2015

بمناسبة قرب عيد الحب

01/11/2014

إنتقال الاستاذ حمادي جبالي استاذ الفلسفة إلى رتبة مدير بمعهد طاهر الحداد

20/10/2014

معهد الطاهر الحداد...المأساة المتواصلة...
للأسف الشديد لم تتوصل كل من النقابة و الوزارة لإيجاد حل للوضعية المتأزمة في معهد الطاهر الحداد بالرقاب نتيجة سياسة التعنت و لعبة كسر العظم بين الطرفين...و من المنتظر أن يواصل المضربون إضرابهم في انتظار ان تتمخض الجلسات المتواصلة بين النقابة العامة للتعليم الثانوي و وزارة التربية عن حل لهاته المأساة التي كان ثمنها باهضا جدا...

24/09/2014

بمناسبة العودة المدرسية عندي بعض الكلام اللي لا يبل لا يعل و بش يدخل منّا يخرج من غادي للتلاميذ و الطلبة الي عندهم قابليّة للفهم و الضحك والاستهزاء عالاتي :
مذبيكم تكونوا على وعي تامّ أنو النظام التعليمي الي أنتوما في وسطه، من أفشل و أفسد النُظم التعلمية في العالم، إي نعم في العااااااالم، بدليل أنو بلدان كيما أثيوبيا فات تصنيف جامعاتها تصنيف الجامعات التونسية (الي ما تستحقش كلمة جامعات). و لذا ما تعطيش أهمية كبيرة للسيستام، و ما تهتمش لتقييمه ليك (خاصة تقييمه السلبي)، لأنو تقييمه ماهوش صحيح، تقييمه مبني على أسس (هذا إذا عندو أسس) فاسدة و فاشلة، السيستام هذا ماهوش قادر يصلّح و ينظّف روحو، باش يقدر يقيّمك أنت و يحكم عليك، هل ترى أنت تصلح ولا ما تصلحش، بهيم ولا ذكي، قادر تنجح في حياتك ولا ماكش قادر ..
مهما تعترضك عقابات في مراحلك الدراسية المُختلفة، ما لازمش تفقد ثقتك في نفسك، ما تخليش اليأس يسيطر عليك. و ما تعمّلش على السيستام باش يصنع منك إنسان قادر على مواجهة الحياة (هذي زادة تهم بعض الأولياء)، لأنو السيستام لا يهموا في ثقافتك ولا في مهارتك ولا في تكوين شخصيتك ولا في قُدراتك، مهمته أنو يصنع منك موظّف متاع هزّ ورقة و جيب ورقة، و عبد مُطيع في شركة أجنبية أو centre d'appel، آكاهو ... ماهوش قاري حسابه أبداً أنك في يوم من الأيام تطلع مُخترع أو عالم أو مُفكر أو رجل أعمال ناجح ...
نحب نقول ... المسيرة التعليمية في تونس حرب. مع أنه صحيح اليّ طلب العلم و بلوغ مراتب علمية متميّزة، عبارة على حرب بما أنها تتطلب صبر و مجهود و تضحية. لكن الحرب الي تخوضها كتلميذ أو كطالب تونسي، حرب من نوع آخر، ياريتها كانت حرب لطلب العلم !!
كتلميذ أو كطالب تونسي، حربك باش تكون حرب دفاعية فقط (حالياً)، يعني باش تعدي سنوات من حياتك و أنت تدافع، تدافع على ذاتك، على توازن شخصيتك، على كرامتك، باش تحاول تخرج من السيستام بأقل الخسائر موش بأكثر الأرباح، لأنها حرب دفاعية، و لأنك ماكش قاعد تحصّل لا في علم ولا في معرفة ولا في تجارب، و إنما قاعد تتفادى في الفشل و أسبابه المُحيطة بيك من كل جيهة (أعطيك تسلكها برك). منظومة من أخمج و أفسد ما ثما في تونس، معبيّة كان بالفاشلين و المُرتزقة و المُعقدين (من أصغر قيّم حتى لأكبر مسؤول)، المنظومة هذي مهمتها أنها ادّمرك و تخليك في فترة من الفترات تنهار تماماً، و تقبل بحُكمهم فيك و تصنيفهم ليك .... لكن ما لازمكش تنهار.
هاك الفَشَلة و المُرتزقة و المُعقدين و الي شادين خدمهم بالرّشوة و بالفوسكة في المُناظرات و الإنتدابات، و الي يقولولهم أساتذة (حاشا كعبتين، و المُجراب تهمزوا مرافقو)، كون على يقين أنو مستواهم ماهوش أرقى من مستواك، ( منهم انا عدّيت ال CAPES و كان جات عندي معرفة راني نجحت و ولّيت استاذ مسطّك و عدّيت بقيّة عمري نسطّك للتلامذة متاعي .. حتّى هو ربي يعرف اش يعمل .. ) يمكن يفوتوك ببعض التفاصيل الي تتعلق بالمواد المُدرّسة، لكن على المستوى الفكري و الثقافي، تأكد أنهم صفر، و 99% منهم آخر كتاب قراوه هي الكتب المدرسية الي يقريو فيك بيها، و تأكد باليّ 99% منهم ما عندهمش مكتبات في ديارهم.
الناس هذيكا، باش تحاول أنها تستنزفك مادياً، و تُحبطك معنوياً، تصعبها عليك و تحطّ قدامك كل العراقيل باش تخليك ما تنجحش و تحسسك أنك بهيم و ما تفهمش، باش تحاول تمارس عليك جميع أصناف الإرهاب النفسي و تفرغ فيك عُقدها المكبوتة، باش تخوّفك من الحياة و المُستقبل، و تنسف أحلامك و طموحاتك في مهدها (قول لأي واحد منهم أنك تحب تطلع عالم في المجال الفلاني أو تخترع الحاجة الفلانية أو تحب إتبع شعبة صعيبة، آتو يسكرها في وجهك و يقلك أخطاك و فك عليك و ما عندكش وين توصل في البلاد هذي، و تضيع في وقتك، هذا إذا ما ولاّش يضحك عليه).
سايرهم و خوذهم على قدّ عقولهم، لكن عمّل على التكوين الذاتي، عليك بالتعقريب ، خاصة في المجال الي تحب تتخصص فيه. حاول ما تنهارش و ما تخليش السيستام يزرع فيك بذرة اليأس. خوذ شهادتك المتوسطة اما ما تمسحش بيها حاول تكمّل و إذا تتلزّ تكملها في تونس، أعرف روحك علاش قادم و كون متجهّز.
ملّخر ... كون فايق، كون صاحب موقف و شخصية، كون متمرّد ما تكونش علّوش، الجيل الي باش يصنع تونس الجديدة، و الجيل الي حاجتها بيه تونس الجديدة، هو الجيل المتمرّد، الواعي، الفايق، و المرامدي ...
ّد_و_ماتكونش_علّوش

12/05/2014

قليل إلي باش يفهموها
:3

01/04/2014

50 دينار
يا تلامذة 6 أيام من جوان محسوبة عليكم 50 دينار بوك الي يجري علiها في جمعة من التعب والشقة باش تقرا وإلا تخلص فيها إنت كتلميذ تخدم عليها في العطل هذيك خويا تمشي في جيب القيمين مانيش باش نحدد شكون أما يلزم نقفوا الكلنا مع بعضنا مانيش باش نحكي عدا على التلاميذ البكالوريا إلي باش يقرو شهر ونص في الثلاثية هذي وزيد يخلصوا 150 دينار منغير من طول عليكم انجو الكلنا إدين وحدة ونمشو لمدرسة نجتمعو غادي حتى نلق حل وصلوا المساج لتلامذة الكل ولي دفاع يرجع فلوسو

02/03/2014

لا تـعـلـمـي إبـنـتـكـ الـتـجـمـّل بـمـسـاحـيـق الـتـّجـمـيـل .. عـلـّمـيـهـا الـتـجـمّـل بالـفـكـر والأدب حـيـنـهـا فـقــط سـتـكــون الأجـمـل بـيــن الـنـسـاء ..

19/01/2014

هل تعلم
أن الباك العام الجاي هوما مواليد 1996و1997
دون احتساب أصحاب الهاتريك طبعاً
يعني نجموا تلقاو بعض الارجل ما يوصلوش للأرض كي يقعدو عالطاولة

08/01/2014

23/12/2013

حالتنا متعبة أصل