معهد محمد علي بالحامة

تتقدم الاسرة التربوية بأحر التعازي الى الزميلة أستاذة الأنقليزية وريدة العربي لوفاة والدتها تغمدها الله بوافر رحمته ورزق أهلها وذويها جميل الصبر والسلوان

موعدنا اليوم الخميس 10جويلية مع حفل توزيع الجوائز وتكريم المتفوقين الساعة السادسة مساء. # حضوركم يشرفنا

هام جدا للناجحين الجدد في امتحان البكالوريا 2025:

1-أين تتم عملية تعمير بطاقة الاختيارات ؟

- تتم العملية في موقع www.orientation.tn, على المترشح أن يكتب رقم الباكالوريا و رقم بطاقة التعريف و كلمة العبور للولوج الى الموقع

2-متى تتم هذه العملية ؟

-الدورة الرئيسية ( جماعة البرينسيبال و الكنترول مبعضهم ) : من 23 جويلية إلى 27 جويلية

-الدورة النهائية ( الي ما عطاوش توجيه في الدورة الرئيسية ) : من 1 أوت إلى 3 أوت

3-كيف أعرف محتوى الشعب و برنامج كل شعبة لي باش نقراها في الفاك الفلانية ؟

-من موقع http://www.parcours-lmd.salima.tn/

4-كيف أختار ؟

- باش تختار بالباهي لازمك تفلي كتاب التوجيه فليان, ما تخلف حتى صفحة و ما تحقر حتى سطر, من بعد خوذ ستيلو و حط سطر عالحاجات اللي تحبها الكل.

الاختيارات ال3 الأولى, حط أكثر شعب تميللهم حتى اذا كان أكثر مالscore بشويا , بقية الاختيارات لازم تكون مضمونة خاطر اذا خسرت الدورة متاعك باش ينقص الchoix. مثال, نفرضو سكورك 100, ال3 الاختيارات الأولى يكونو 3 حاجات تحبهم (يفوتو سكورك ب 10 نقاط max يعني 110 ), و من 4 حتى لـ7 تختار حاجات قراب لسكورك (بين 90 و 100), و الاختيارات الاخيرة حط فيهم حاجات سكوراتهم أقل من 90 و رد بالك لا تحقرهم اختارهم بالباهي

5-شنية الأغلاط اللي مالازمش نعملها ؟

-مالازمكش تعمر الشعب الكل بscore عالي برشة

-مالازمكش تركز على شعبة واحدة (مثال, كلية الحقوق بتونس + كلية الحقوق بسوسة + كلية الحقوق بصفاقس + كلية الحقوق بقابس ...) يلزمك تنوع اختياراتك و ما تحصرش روحك في حاجة برك

-ما تخليش احتمالات فارغة

-ما تنساش باش تسجل اختياراتك كيف تكمل تعمر

-ما تنساش التنفيل الجغرافي (7%) لي هي انو كل ما تقرا حاجة في ولايتك ولا ولاية مجاورة لولايتك سكورك يزيد 7 % لكن فما شعب ما يشملهاش التنفيل يعني ما فيهاش 7 % و يبقا سكورك نفسو ( كتاب التوجيه تلقا فيه شنيا الشعب لي يشملها التنفيل الجغرافي )

رابط دليل التوجيه الجامعي 2025 : https://drive.google.com/.../1ekW9Y2AnZ0hVCOmcrcV.../view... دل

6-كيفاش تصير عملية التوجيه بعد التعمير ؟

الـحاسوب يبدأ يعدي الناجحين من التلميذ صاحب المرتبة الأولى الى التلميذ صاحب المرتبة الأخيرة, ثم من الاختيار الأول الى الاختيار الأخير, معناها اذا وصلك الordinateur و الشعبة اللي اخترتها الأولى مازالت ما تعباتش تتقبل فيها آليا أما اذا كان تعبات يولي يتعدى للاختيار الثاني و تتكرر العملية حتى لين يلقالك شعبة فارغة, أما اذا كان الشعب الكل معبية, تتعدى الى الدورة النهائية .

توصيات هامة جدا حول تعمير بطاقة الاختيارات للتوجيه الجامعي:

- لا يقل عدد الاختيارات عن ستة من عشرة فالمنظومة لا تقبل التسجيل إذا كان الأمر كذلك.

- عمر عشرة اختيارات باش تضمن عدم المرور إلى الدورة الثانية من التوجيه.

- متخسروش التوجيه خلال الدورة الرئيسية وذلك بتعمير شعب تفوق قدراتك فتجد نفسك في الدورة النهائية وقد نفذت كل الشعب الي كنت ترغب فيها لصالح غيرك.

- اعتمد في الاختيارات على عاملين : ترتيبك بين الناجحين و السكور متاعك ( يوم 16 جويلية تو تهبط الوزارة بلاغ كيفاش تتحصلو على سكوراتكم و ترتيبكم بين الناجحين )

- تأكد جيدا خلال عملية التعمير من رمز الشعبة فكثيرا ما يكون الفرق في الرمز بين شعبة في جهة وجهة أخرى يقتصر على رقم فالمنظومة تساعدك بكتابة إسم الشعبة بشكل اوتوماتيكي امام الرمز ( الرمز متاع كل شعبة تلقاوه في دليل التوجيه الجامعي هوكا قدام كل شعبة رمزها )

- عدم تعمير اكثر من شعبة ذات اختبار حسب مثال ذلك تعمير علوم التربية (المعلمين) في ثلاثة جهات قصد توفير اكثر الحظوظ للحصول عليها فهذا خطأ. أو تعمير علوم التمريض و معها علوم المسرح الى غير ذلك فهذا خطأ شائع لان الشعب ذات الاختبارات تتزامن في نفس الفترة فكيف لك أن تجتاز اختبار في نفس اليوم في علوم التربية في ڨفصة و اختبار آخر في علوم التمريض في صفاقس.

- يمكن للطالب تغيير اختياراته كيف ما يشاء ومتى يشاء على أن يكون في الفترة الزمنية المسموح بها من طرف دليل التوجيه وذلك بالتسجيل في كل مرة والتثبت جيدا في وصل الإيداع المستخرج من المنظومة في التغييرات والتاريخ والتوقيت.

- اجتناب تعمير الاختيارات في أوقات الذروة مثال إبان فتح الموزع وانطلاق عملية تعمير البطاقات أو تأخير تعمير الاختيارات إلى آخر لحظة قبل غلق الموزع فيكون الضغط على الشبكة مؤثر على عدم تسجيل اختياراتك.

- تأكد جيدا من التسجيل إلى أن يتم ارسال وصل إيداع فلا يقتصر الأمر على الضغط على كلمة تسجيل والخروج والتسليم بأن العملية قد تمت فالوصل هو الضامن الوحيد لك بتسجيله في جهازك او استخراجه على ورقة طباع

دعوة لحضور حفل اختتام السنة الدراسية 25/24

تذكر كل الزملاء والزميلات العملة والقيمين والاداربين والأساتذة أنه سيقع تكريم كل من : الزميلة بالادارة رشيدة سعدي. الزميل بالادارة مختار عطية (زوينخي). بمناسبة احالتهما على شرف المهنة وذلك خلال احتفالنا مساء يوم الخميس 10جويلية 2025 باختتام السنة الدراسية الدعوة مفتوحة للجميع

ليكن في علم كافة التلاميذ المذكورين في القوائم التالية وأوليائهم أن حفل تكريم المتفوقين سيكون يوم الخميس 10جويلية2025 بداية من الساعة السادسة مساء #حضوركم جميعا يشرفنا

تهنئة الزميل سامي ثليبي استاذ الاقتصاد بالمعهد لنجاح ابنته في مناظرة السيزيام والتحاقها بالاعدادية النموذجية

تهنئة للزميلة خديجة غيلوفي استاذة الاعلامية بالمعهد لنجاح ابنها في مناظرة انوفيام والتحاقه بالمعهد النموذجي

تهنئة للزميلة سهام عبدالمولى استاذة التصرف بالمعهد لنجاح ابنتها في مناظرة انوفيام والتحاقها بالمعهد النموذجي

تهنئة الزميل طارق بنفرج استاذ علوم الحياة والأرض بالمعهد لنجاح ابنته في مناظرة انوفيام والتحاقها بالمعهد النموذجي

توزيع شهائد البكالوريا على التلاميذ الناجحين في الدورة الأولى

توزيع شهائد البكالوريا على التلاميذ الناجحين في الدورة الأولى