تعليم السياقة شمسي الدين الرايس

السلام عليكم
نصحية لوجه الله و انتوما احرار :
باش تعدي البرمي
- اول حاجة اسهل مليح عالمكون اللي يخدم على التكوين مش الي يخدم عالكمية بالطريقة هذيكا ما يتلهاش بيك كيفما يلزم وخاصة كيف يلقاك عاطل

- ثاني حاجة الكود في تونس حكاية فارغة ساهل لكن لازم تكون متمكن من الأولوية خاصة لاش على خاطر في السياقة باش تستحقها اكثر حاجة و زيد ما عندكش وقت باش تخمم الكرهبة تتحرك ماهيش واقفة تصويرة كيفما في الكود و عندك وقت للتفكير تحرق اولوية روح باي باي 200د

-ثالث حاجة اربح ثقة المعلم متاعك و إذا عيط عليك راهو لمصلحتك و هو كان يوسع بالو عليك اكثر من القيمة تساعدو خير على خاطر باش يربح اكثر سوايع و راهو باش يعلمك صنعة مش ساهلة لازمك تكون مركز و فاهم فاش قاعد تعمل و علاش تعمل فيه السياقة ماهيش حفاظة و قلو راني ما فهمتش يعاودلك متأكد أما تكون فاهم و ما اطبقشي دبر راسك وقتها كح الفلوس
و وريه اللي انت قاعد تحاول ماكش باعث الحكاية و ما علبالكشي و تأكد انو يصبر عليك المفيد حسن النية

-رابع حاجة قلهالو من الأول نحب نتعلم و بعد نقص date تعلم في 10 في 20 في 100 انت و ربي اش عطاك كل واحد و كيفاش و وقتاش سبحان الله ينفخ في صورتو و يفهم السياقة و تعدي مرة وحدة و تنجح عالاولى و هكاكا تربح وقت و برشا فلوس زايدين ( اللي باش تعدي بيه و انت ناقص و إلا ناقصة أتعلم بيه خيرلك )

- خامس حاجة باش تعرف روحك انك تنجم تنجح ، يعديلكش وزير النقل عادي جدا تاخذو من غير حتى مزية و لغة ما يعطيك حتى مهندس المرة الاولى ما فماش منها جملة ، كان كيف المعلم متاعك ماعادش يمس معاك حتى Pedale و ما يعاونكش لا نقص لا زيد وقتها جوك باهي قص date و توكل على الله يعني يلزمك تولي تعرف patinage و تتحكم مليح في الكرهبة ما عادش تهرب بيك و ما تخاف من شي

- سادسا و اخيرا الpark حكاية افرغ من الفارغة لا عندك اولوية لا كراهب لا مترجل لا بسكلات و لا موطور ترف ڤماير و 4 دقايق كان طارت تاخو رخصتك

السلام عليكم برا ربي معاكم و ان شاء الله معرفة طيبة