Lycée Ben Arous

21/05/2024

23/01/2020

‎🌹عسلامة يا توانسة، عسلامة يا بنعروس ، عسلامة يا اهل الخير

‎🆘بربي ماكس برطاج🆘

‎بسمة القاسمي تعاني من مرض التليف الرئوي 📍
fibrose pulmonaire عندها 4 سنين بالأكسيجين .. رجلها توفى عندو 15 يوم بعد صراع مع المرض شهرين مراوش بعضهم وحالتها زادت تعكرت بعد ممات رجلها الله يرحمو . بسمة عندها طوا شهر وجمعة في سبيطار عبد الرحمان مامي بأريانة
‎بسمة تحتاج لعملية جراحية زرع رئة خارج تونس
‎العملية تتكلف برشا 400 مليون ولا أكثر ، ابسمة تضيع من يديا عاونوني حتى ببرتاج ننقذها ومنتحرمش اولادها منها
‎نعمل على أصحاب الخير نعمل على التوانسة الي ميخلوش بعضهم

‎52860722 ☎️📞هذا نومرو

‎وهذا نومرو الحساب متاعي
🆘bank Lasken 0081917004238🆘

08/01/2019

ايي برسمي ويين ماشين بيه الوضع هذاا ؟! لجهنم كونشي و بئس المصيير .. هااي ولات البلاد على ڨرنهم الي هذاا يحك راسوو يطلعلناا بطلعة جديدة .. الوزاارة تطفي في الضوء و كل مرة بقراار أتعس ملي قبلوو و النقابة ماهيش باش تترااجع علي تعمل فيه لين سي الوزير يتشرف و يتوااضع و يتنااقش معاهم و هذاا بالتأكيد 10 سنين اخريين باش يصير و التلميذ ك الكرة بينااتهم .. ماهو فاهم والوو ك البهيم يسوڨو فيه و هو سااكت .. يااخي الى متى باش نقعدوو هكاا واحد لاهو فاهم يقرى و الا يشد دااروو ... يااخي الزوالي في بلادكم مايعيشش لا ياكل لا يلبس لا يقرى كيما النااس ؟؟! ويين مااشين بالجهل متااكم ياخي نوورمال تلعبوو بمستقبل جيل كاامل ؟! و بعد يجي و يقلك جبييل تواا جييل تعااسة و جهل و مرض و تخلف .. جيل بهيم .. تي مااو الكلوو منكم .. هاات شنياا زرعت باش تلقى ثمروو وانتوماا زرعتوو كان الفشل فيه ه الجيل .. احناا خاطيناا الكل منكم حسبي الله و نعم الوكيل في الي كاان سبب في دماارناا .. تي مووش حراام عليكم .. تدمرو في العباد و في البلاد ياخي عندكم حاجة عادية تلعبوو بالقراية ؟! و تحبوونا نطلعوو متثقفين ؟! لوقتااش باش نقعدو مفعوول به احناا لوقتااش ؟؟! يلعبوولنا ب أعصاابنا كيماا حبوو و اشتهااو و احناا مازلناا ساكتين .. تي فيقوا زحح 💔😒😑

18/05/2018

من زمان تربينا مع بعضنا.. ناكلو من نفس الصحفة والي عندو يعطي للي ما عندوش.. لي عندو لمجة يقسمها هو والي ما عندوش... ومع بعضنا من الصغرة تربينا وتعلمنا الي مالازم نخليو حد محتاج.. واليوم خواتنا يقراو معانا ومستحقينا في برشا حاجات.. باش نقصو عليهم من التعب والتخمام.. الي عندو كتب قديمة والا كتب السنا بعد ما يكمل منهم يجيبهملنا، واحنا تكفلو بتوزيعهم على اي حد يحتاجهم.. اليد في اليد نعاونو خواتنا وما نخليوهاش بيهم ...
إلي مستعد يعاونا يخلي ميساج بريفي
أو يتصل بالأرقام هاذي
96097763_ جبران
26932396_ إيهاب
أو بالمكتبة ...
..

25/04/2018

"برشا من الأساتذة نحبوهم و نحترموهم و نعرف بش يقراو كلامي و مذابيا يجاوبوني...
سؤال واحد التلميذ شنوا ذنبو؟ أحنا شنوا ذنبنا؟
علاه التلميذ ديما في الوسط؟ حرب أعصاب و ستراس.. فرحانين هكا كيف مصيرنا مجهول فرحانين كي الواحد كره القراية و معادش مخو يقبل حتى حرف فرحانين...
انتوما تنددو خصخصة التعليم ظاهرا أما قولولي واحد كيف يعدي جمعة ماشي جاي ع الليسي و كل يوم أرجع غدوة معدي دفوارات و حارق روحو فلخر تقولولو فماش بولتانات و متقولوش عطيناكم اعدادكم تنجمو تحسبو وحدكم اش بش يزيدنا هذا كي غدوة تصبح سنة بيضاء.. مش هذا بش يحث كل ولي يحب يضمن مستقبل ولادو يحطهم في ليسي خاص؟ ولا زعمة بش نمشيو للخاص خاطر سن التقاعد مخر..
خافو ربي و اتعبو على فلوسكم مهنة شاقة صحيح أما رسالة نبيلة اديوها على اسمى وجه. يا أساتذة التربية المدنية مش حريتك تاقف عند حرية غيرك؟ شبيك تدافع على حقك على حسابنا؟؟ يا أساتذة التفكير الإسلامي ياخي مش الله يحب إذا عمل أحدكم عملا أن يتقنه؟؟؟ وينكم الجمعة الكل؟؟؟ وينهم الأساتذة إلي ياقفو قدام علم تونس كل صباح و مبعد بدون وعي كافي يخليونا نقاسيو في نتائج نضالهم... النضال ماهوش إضراب النضال تاقف مع تونس في ازمتها و تطلع جيل واعي يصلح لبلاد. الإضراب حق أما كل حق مقابلو واجب أدي رسالتك على أكمل وجه و ايجا نسمعوك مش من حقك تضر حتى تلميذ باسم النضال.
علاه معناش حد يمثلنا في الاجتماعات و القرارات و ما تخافوش ما نعملوش إضرابات على حساب مصلحة حد نحبو نوصلو صوتنا آكاهاو....
.....
....

24/04/2018

ﺇﻧﻜﻢ ﻳﺎ ﺳﺎﺩﺗﻲ ﺍﻟﻜﺮﺍﻡ ﻗﺪ
ﺃﻗﺤﻤﺘﻢ ﺍﻟﺸﺒﻴﺒﺔ ﺍﻟﺘﻠﻤﺬﻳﺔ ﻓﻲ
ﺻﺮﺍﻋﺎﺗﻜﻢ، ﻭﻟﺌﻦ ﻛﺎﻧﺖ
ﺻﺮﺍﻋﺎﺗﻜﻢ ﻣﺒﺮﺭﺓ ﻓﺈﻥ ﺇﻗﺤﺎﻡ
ﺍﻟﺘﻠﻤﻴﺬ ﻓﻲ ﻣﻨﺘﺼﻔﻬﺎ ﻳﺘﻠﻘﻰ
ﺿﺮﺑﺎﺕ ﺣﺮﺏ ﻟﻴﺲ ﻟﻪ ﺷﺄﻥ ﻓﻴﻬﺎ
ﻟﻬﻮ ﻋﻴﻦ ﺍﻟﺨﺮﺍﺏ، ﻭﺇﻥ ﺍﻟﻤﺴﺎﺱ
ﻣﻦ ﻗﻴﻤﺘﻪ ﻭﺟﻌﻠﻪ ﻣﺠﺮﺩ ﻭﺳﻴﻠﺔ
ﺿﻐﻂ ﻋﻠﻰ ﺍﻟﻮﺯﺍﺭﺓ ﻟﻴﺲ ﺑﺎﻟﻌﻤﻞ
ﺍﻷﺧﻼﻗﻲ، ﻛﺎﻥ ﺍﻟﺘﻠﻤﻴﺬ ﻟﻜﻢ ﻳﺎ
ﺃﺳﺎﺗﺬﺗﻨﺎ ﺍﻟﻜﺮﺍﻡ ﻋﻮﻧﺎ ﻭﺳﻨﺪﺍ ﻓﻲ
ﻣﺴﻴﺮﺗﻜﻢ ﺍﻟﻨﻀﺎﻟﻴﺔ ﺿﺪ ﻭﺯﺍﺭﺓ
ﻣﺎﻃﻠﺖ ﺣﻘﻮﻗﻜﻢ، ﻭﻟﺌﻦ ﻛﻨﺎ ﻗﺪ
ﺻﺒﺮﻧﺎ ﻋﻠﻰ ﺣﺠﺐ ﺃﻋﺪﺍﺩﻧﺎ
ﻭﺇﻳﻘﺎﻑ ﺩﺭﻭﺳﻨﺎ، ﻓﺈﻥ ﺍﺳﺘﺌﻨﺎﻑ
ﺍﻟﺪﺭﻭﺱ ﻓﻲ ﻭﻗﺖ ﻳﻔﺘﺮﺽ ﺃﻥ
ﻳﻜﻮﻥ ﻭﻗﺖ ﻋﻄﻠﺔ ﻭﺭﺍﺣﺔ ﻭﻓﺘﺮﺓ
ﻣﺮﺍﺟﻌﺔ ﻟﺘﻼﻣﻴﺬ ﺍﻟﺒﻜﺎﻟﻮﺭﻳﺎ ﻫﻮ
ﺍﻟﻨﺴﻴﻢ ﺍﻟﺬﻱ ﺳﻴﻬﺪ ﻣﺪﻧﺎ، ﻭﻟﺬﻟﻚ
ﻓﺈﻥ ﺍﻟﺸﺒﻴﺒﺔ ﺍﻟﺘﻠﻤﺬﻳﺔ ﺑﻤﻌﻬﺪ ﺑﻦ
ﻋﺮﻭﺱ ﺍﻟﺜﺎﻧﻮﻱ ﻭﻛﻤﺎ ﻫﻮ ﺍﻟﺤﺎﻝ
ﻓﻲ ﺑﻘﻴﺔ ﺍﻟﻤﻌﺎﻫﺪ ﻓﻲ ﻛﺎﻓﺔ ﺗﺮﺍﺏ
ﺗﻮﻧﺲ، ﻗﺪ ﻗﺮﺭﺕ ﺍﻟﺪﺧﻮﻝ ﻓﻲ
ﺇﺿﺮﺍﺏ ﻣﻔﺘﻮﺡ ﻋﻦ ﺍﻟﺪﺭﺍﺳﺔ
ﻳﺸﻤﻞ ﻛﺎﻓﺔ ﺍﻷﻗﺴﺎﻡ، ﻭﺫﻟﻚ
ﺍﺣﺘﺠﺎﺟﺎ ﻋﻠﻰ ﺍﻗﺤﺎﻡ ﺍﻟﺘﻠﻤﻴﺬ ﻓﻲ
ﻣﻌﺮﻛﺔ ﻟﻴﺲ ﻟﻪ ﺩﺧﻞ ﻓﻴﻬﺎ ﻭﻋﻠﻰ
،ﺍﺗﺨﺎﺫﻩ ﻭﺃﻋﺪﺍﺩﻩ ﻭﺳﻴﻠﺔ ﺿﻐﻂ
ﻭﻛﺬﻟﻚ ﺑﺴﺒﺐ ﺍﺗﺠﺎﻩ ﺍﻷﺳﺎﺗﺬﺓ
ﺍﻟﻰ ﺍﺗﺨﺎﺫ ﺍﻟﻌﻄﻠﺔ ﺍﻟﻘﺎﺩﻣﺔ
ﻟﻴﺘﺪﺍﺭﻛﻮﺍ ﻓﻴﻬﺎ ﻣﺎ ﻓﺎﺗﻬﻢ ﻣﻦ
ﻭﻗﺖ، ﻭﻧﺤﻦ ﻟﻦ ﻧﻌﻮﺩ ﺇﻟﻰ
ﻣﻘﺎﻋﺪﻧﺎ ﻭﺃﻗﺴﺎﻣﻨﺎ ﺇﻻ ﺇﺛﺮ ﺍﺗﺨﺎﺫ
ﻣﻄﺎﻟﺒﻨﺎ ﺑﻌﻴﻦ ﺍﻻﻋﺘﺒﺎﺭ ﻭﺳﻤﺎﻉ ﺭﺃﻱ
ﺍﻟﺘﻠﻤﻴﺬ ﻓﻲ ﻇﻞ ﻫﺬﻩ ﺍﻟﻈﺮﻭﻑ
ﺍﻟﺘﻲ ﺗﻬﻤﻪ ﻫﻮ ﺃﻛﺜﺮ ﻣﻦ ﺃﻱ ﻃﺮﻑﺁﺧﺮ
...

22/04/2018

Nshalah .. ;) ;)

20/04/2018

المتوسط بلد واحد.. هذا الشعار الي رفعوه تلامذتنا اليوم، رفعوه بلغة غريبة، غريبة علينا اما فهمناها من غير ما نعرفوها، فهمناها من ابداعهم ومن تمثيلهم الصحيح.. ابداع قليل وين ترا في هذي الايام، والتمثيل بلغة مش لغتك يتطلب طاقة وجهد.. وهذا الي اثبتوه تلامذتنا اليوم، ابداع خلى الي يتفرجو باهتين وسكت كل الحاضرين، المتوسط بلد واحد، بلد واحد تونس و ايطاليا وفلسطين، اليوم تلامذتنا وراونا انو الجيل الجديد قادر على الابداع، جيل قدراتو جبارة وجيل نعملو عليه في بناء تونس جديدة.. جيل باش يرفعنا لفوق ويورينا الثروة لي بين يدينا، شكرا..شكرا تلامذتنا منجية الخليفي , جبران الجبالي , عاطف الحاجي و ايهاب البوغانمي ..ديما متألقين و ديما منورين ليسي بن عروس ♥♥
وشكرا للاساتذة المشرفين على هذا العمل السيدة ريم بن عياد شميمة , السيدة علياء القبي و السيدة ليلى الهمامي...

03/04/2018

عمر شاب كيفو كيفنا و نجمو نتحركو شويا مع العباد و خاصة أحنا الشباب على خاطر اللي صار عليه ينجم يصير على اي واحد فينا . غدوة نعملو وقفة العاشرة و نعملو دقيقة صمت على روح الفقيد عمر العبيدي الله يرحمو و ينعموو .. و ربي يصبر ميمتو .....
عمي.. عمي يا عمي.. عمي يا كبير عمي يا حامي البلاد.. عمي يا خويا، يا واحد من العباد.. وينك؟ في الدار راقد.. وين أنا؟ هزني الواد.. هزني الواد فرقني ع الانداد الاميمة تبكي والبو يشكي وقلبي منك معبي، من ما مليان رواريا تملات، تملات وعيني ظلامت وحياتي وفات، شنوة ذنبي يا عمي؟ ذنبي الكورة حبيت ذنبي للستاد مشيت وذنبي الجمعية عشقت وليها ما خلّيت.. عمي.. الملاعبية في الستاد تجري وانتوما بكلابكم ورايا في الغابة نجري.. نجري والهوا يقص.. نجري والموت بين عينيا.. نجري والام في الدار كبيدتها تشوي.. نجري يا عمي نجري.. نجري منك يا حامي البلاد الي تخوفني.. نجري منك يلي كان تشدني بالضرب تقتلني.. نجري ونجري وانت تنادي وتسب.. اما يا عمي وقفت الزنقة للهارب، وقفت بيا الزنقة ولقيت روحي بين نارين، نار الواد والماء المسخ والغرق، ونارك يا عمي يا حامي الوطن ونار متراكك وضربك وسبك، يا عمي، يا عمي ما نعرفش نعوم، يا عمي وليدك راني ترضى نموت؟ نهبط تو نتعلم نعوم! يا ويلك يا عمي، يا ويلك من ربي، يا ويلك قداش من عام بش تخلص على قداش من عام من حياتي سرقت.. ويلك يا عمي، ويلك.. غرقتني انتي في الماء.. وغرقت روحك معايا..
هذي بلادنا.. هذي تونس هذي ثورة الياسمين هذي بلاد الأمن والأمان وحرية التعبير.. هذي تونس الخضرة لي تتحب من أول نظرة هذي بلاد الزيتونة والصادقية.. آه.. شنوة قلت شنية؟.. هذي البلاد الي شبابها يختارو بين الموت والموت هذي لي شبابها غرقو.. غرقو في الوديان، هذا ماشي للمدرسة هزو الواد وهذا الشرطي الي استنجد بيه قتلو ورماه في الواد.. طفل في عمر الورد طفل تخطف في أول نفس.. وين ماشين وين؟ وين مخليين الإرهابيين في الجبل منهم نرعشو خايفين وفلحنا في أولاد بلادنا الي حبو الكورة وحبو الدنيا وجيتو انتوما وخطفتولهم النور من عينيهم، وين ماشين وين؟ وين ماشين؟ المجرمة في الشوارع تدور والشباب في الوديان تعوم.. الموت من كل شيرة والعينين مليانة حيرة.. ما تحشمش يا حامي الوطن؟ ما تحشمش يا حامي الحمى قاهر العدى كي ترمي طفل قد ولدك في واد؟ طفل عداو امو وبوه سنين يربيو ويقريو ويحميو بش تجي انتي يا سي حامي الوطن وتقطفلو عمرو في عز شبابو؟ شكونك! شكون عطاك حق بش تسلب حياة انسان؟ انتي اعطيتهالو حتى تاخوها! انتي اللي سهرت وربيت وقريت وكي مرض داويت؟ انتي يا الي ما تختلفش على الحيوان في الوحشية! انتي يا اللي ماعندكشي إنسانية! وين الناس ووين العالم وين! نسكتو على موت شبابنا! هاذي تونس اللي تراهن على ولادها؟ هاذي تونس الي كنا نفتخرو بيها؟ هاذي ال3000 سنة حضارة اللي عيينا نحكيو بيها! البوليس الي يحمينا يرمي ولادو في الوديان! علاش يا عمي علاش! ما عندكش ولادك والا خوك؟ ما خممتش في اللي تشواو.. وآه كلنا تشوينا.. كلنا وقفت بينا الزنقة وهاذي المرة لظلمكم عينينا حلينا.. هذي تونس.. هذي تونس اللي الحلم فيها يضيع.. هنا تموت الأحلام وهنا تدفن الزهور.. هنا تنشح الأنهار ويشيخ الرضع.. هنا حيث لا ربيع يوجد، هنا حيث نعيش خريفا أبديا خاليا من كل لون.. وداعا يا عمر.. وداعا يا من خسرناه.. وداعا يا من لم يجد من يغيثه حين استغاث.. نحن آسفون.. فكلّنا مسؤولون عن كل قطرة ماء تسربت لرئتيك وحلت محل الهواء.. وداعا أيها الرفيق، لقد كانت إقامتك قصيرة ولكنها كانت رائعة.. كرقصات طيور الربيع وهطول قطرات الندى.. وداعا أيها الصديق.. نرجوا أن تكون وجدت جنّتك التي ظللت دوما تبحث عنها.. وداعا.. لقد كانت إقامتك قصيرة ولكنها كانت رائعة.. حقك لن يضيع
.....

31/01/2018

Lycèe Ben Arous vous invite à un circuit inédit; une nature généreuse ; des paysages montagneux et verdoyants
💠Randonnée Table de Jugurtha & Kef💠

❎Programme :
▶️Programme Dimanche 11 Février 2018:
👬07H : Rassemblement devant Lycèe Ben Arous
🚌 07H15 : Direction El Kef
▶️10H15 : Arrivée à EL kef
▶️Visite les monuments archéologique d'el kef :
▶️ Visite kasba :🕍
❎Découvrir l'endroit profiter des paysages et Séance de Photos📸📸
▶️ Visite Basilique : est une église chrétienne du V siècle située dans la ville du Kef
🌮12H00: Pause Déjeuner
▶️Visite Sidi Bou Makhlouf
▶️ 13H00 Pause café
🚌 Retour au bus et Départ vers Table de Jugurtha & kaalat sinan
▶️15H00: Arrivée au Table de Jugurtha
❎Découvrir l'endroit profiter des paysages et Séance de Photos📸📷
🚌 17H00: Retour au Bus et Départ vers Tunis
▶️20H00: Arrivée à Tunis

✅ Difficulté✅
Circuit : Moyen / Facile🚶‍♀️🚶‍♂️🚶‍♀️🚶‍♂️🚶‍♀️🚶‍♂️🚶‍♀️🚶‍♂️👨‍👨‍👦🤗

☎️ Info-Line & Paiement

☎️ Jobrane 96097763

✅25 DT / PERSONNE😍😘🤩😎
🚶 Visite guidée
🔊 Les retardataires ne seront pas attendus.
🔊 Les retardataires ne seront pas attendus.
🔊 Les retardataires ne seront pas attendus.
👬 Le respect doit être mutuel entre les membres.

⏭️Prix 25 dinars / Personne Inclus Transport par Grand bus Confort🚍 + Guide 🕵️‍♀️+ Photographe pro 📸📷

30/01/2018

برشا تحيات ...♥♥