19/08/2026
تعرف الحقيقة الخفيّة على الترقية، الحقيقة اللّي حتّى حدّ آخر ما يتجرّأ يقولهالك بصوت عالٍي؟
عدّيت سنين وأنا نخدم بكلٌ قوّتي.
كنت نعدّي الـ Livrables في وقتهم، نمرّكي في السوايع الزايدا في الخدمة، وما نفلّت حتى Deadline. ملّخر كنت أنا الموظّف اللي الناس الكلّ تعتمد عليه.
ورغم هذا الكلّ، بقيت متبلوكي في نفس الـ Niveau، في الوقت اللّي العباد اللي دايرة بيّا قاعدين يترقّاو ويقدّموا.
حتى للّي نهار قرّرت نحبّس كلّ شيّ . وبديت نركّز على القواعد الخفيّة اللّي تحكم في الخدمة.
هاو شنوّا بدّل اللعبة الكلّ:
➡️ ما عادش نركّز كان على الأداء متاعي (Performance)، وبديت نخدم على الانطباع والصورة متاعي (Perception).
الأداء العالي يخلّي الإدارة تلاحظ وجودك... أما الـ Perception هي اللي تخلّيك أنت الاختيار النهائي. النّهار اللي فهمت فيه الفكرة هذي، كل شيء تبدّل في طريقة ظهوري في الخدمة. المشكلة موش في شنوّا خدمت، المشكلة كيفاش خلّيت النّاس الصّحاح مرتاحين للـ Impact متاع الخدمة اللي قدّمتها.
➡️ ما عادش نستنّى شكون يستدعاني للاجتماعات الكبار، وبديت نخلق في الأسباب باش نكون حاضر فيها.
موش بقلّة تربية ولابقفّة... أمّا باستراتيجيّة. ربطت روحي بالملفّات الحسّاسة (Sujets Chauds): ندخل في المشاريع اللّي فيها عيون الإدارة العليا، خاطر نعرف اللّي الاجتماعات الكبار تتنادى ليها "الأطراف المعنيّة بالحلول"، موش أصحاب الألقاب و أكهو
➡️ ما عادش نخلّي المدير متاعي يكون هو المدافع الوحيد عليّا.
بنيت علاقات مباشرة مع المسؤولين اللي فوق المدير متاعي... النّهار اللّي تطرح فيه إسمي للترقية، كنت معروف عندهم من قبل. القرار بالنسبة ليهم كان مجرّد تأكيد للواقع... موش مخاطرة.
➡️ما عادش نعمل في كل شيء، وبديت نعمل في الحاجات الصحيحة والـ Visible.
موش معناها نخدم أقل... أما نخدم بذكاء إستراتيجي. تركّز على المشاكل اللي تعني الإدارة بالحقّ، نترجم خدمتي لمساهة فيها أرقام، والمساهمات هذي لازم يكون عندها ربط مباشر بالـ Vision متاع الإدارة العليا.
كانك موظّف و إلّا ماناجير خدّام وطموح في نصّ كاريارك، وفدّيت من الانتظار وجاهز باش تبني الاستراتيجية هذي معايا... عملت برنامج LE CLUB إلّي ندرّب فيه كيفاش تعمل هذا الكلّ في 90 يوم.
كانك مهتمّ إكتبلي في التعليق CLUB تاو توصلك التفاصيل و خلّينا نرجّعوك جاهز للترقية في 90 يوم!
18/08/2026
فخّ مقابلة الخروج
كي تقرّر تمشي من الشركة، ساعات يعملولك حاجة إسمها « مقابلة خروج » ويقولولك « إحكي بصراحة علاش خرجت ».
ردّ بالك : اللّي تقولو في اللحظة هذيكا ينجّم يلحقك سنين. العالم صغير، والمدراء يتكلّموا بيناتهم. فضفض إذا تحبّ، أمّا بذكاء : كُن صادق من غير ما تكون عدائي، وخلّي الباب محلول.
الجسور اللي تحرقها اليوم، تنجّم تحتاجها غدوة.
17/08/2026
نسيت ما حكيتلكمش إنو عنّا ويبينار مجاني الجمعة هاذي على المهارات اللّازمة باش تنجح في الكارير متاعك.
في الويبينار هذا، باش نبرتاجي معاكم حاجات لأوّل مرة. مهارات ماكش مستانس باش تسمعها.
ما نيش باش نحكي على التواصل وإدارة المشاعر وحلّ المشكلات. لا لا، هذوما مهارات ماعادش نأكدو عليهم. باش نحكي على مهارات أخرى ما يعلّمهالك حتى حدّ وما تسمعش بيهم. أمّا عندهم تأثير كبير على الكاريار متاعك.
ملاحظة مهمّة: الدعوة للويبينار باش إتّم كان عبر المايل. علّق بكلمة "ويبينار" باش يوصلك رابط التسجيل لنهار الجمعة واحد وعشرين أوت. والحاضر يبلّغ الغايب.
17/08/2026
8 توقعات صامتة لمديرك لن يخبرك بها
----------
مشكلتك موش في الكفاءة، أما كيفاش تبيّنها, : "Le Club"هو برنامج مرافقة شخصية لتطوير كاريارك على مدى 6 شهور كاملة. كوتشينغ معمق باش تولي الشخص اللي صعيب تعويضو في الشريكة وتفرض قيمتك في المارشي.
إذا مستعد تستثمر في روحك إكتب في التعليق CLUB تاو يوصلوك التفاصيل
17/08/2026
17/08/2026