30/07/2026
𝐈𝐏𝐓𝐋 𝐇𝐎 𝐂𝐂𝐈-𝐓𝐋 𝐀𝐒𝐈𝐍𝐀 𝐌𝐎𝐔 𝐇𝐎𝐃𝐈 𝐈𝐌𝐏𝐋𝐄𝐌𝐄𝐍𝐓𝐀 𝐒𝐄𝐑𝐁𝐈𝐒𝐔 𝐇𝐀𝐌𝐔𝐓𝐔𝐊 𝐁𝐀 𝐅𝐔𝐓𝐔𝐑𝐔
Dili, 29 Jullu 2026 - Instituto Politécnico de Timor – Leste (IPTL) nia Magnífiku Prezidente Mestre Alcino da Costa Isaac A. Fernandes akompaña hosi Primeiro Vise Prezidente Ir. Pedro de Deus nomos ekipa tékniku Juríku IPTL nian estabelese kooperasaun ho Camara de Comercio e Industria de Timor-Leste (CCI-TL) nia Prezidente Sr. Jorge Manuel de Araújo Serrano, hamutuk ho Prezidente Konsellu Fiskal CCI-TL, Vise Prezidente sira no Prezidente CCI Munisipíu sira, asinatura kooperasaun ne’e hala’o iha salaun enkontru CCI – TL Dili.
Entretantu objetivu prinsipal hosi parseria ne’e maka atu hare ba oin hosi Instituto Politécnico de Timor – Leste (IPTL) serbisu hamutuk ho ho Camara de Comercio e Industria de Timor-Leste (CCI-TL) hodi fo oportunidade diak ba Estudante sira iha futuru atu bele fasilita oportunidade servisu ba graduadu sira, organiza formasaun, semináriu, workshop, no dezenvolve peskiza aplikadu atu bele responde ba dezafiu ekonomia no dezenvolvimentu nasional liu-liu iha mundu serbisu nian ne’ebé maka kolabora hosi empreza sira ne’ebé maka sai ona membru hosi CCI – TL.
Partisipa iha asinatura MoU ne’e maka Ekipa Tékniku, Jurídiku IPTL nian nomos Vise Prezidente sira CCI – TL nian no Prezidente CCI Munisipíu sira
Média IPTL
