Media ISC Polo Manufahi

Media ISC Polo Manufahi Informações para nos contactar, mapa e direções, formulário para nos contactar, horário de funcionamento, serviços, classificações, fotos, vídeos e anúncios de Media ISC Polo Manufahi, Ensino superior, Same.

INSTITUTO SUPERIOR CRISTAL (ISC) POLO MANUFAHI SEREMÓNIA HASA'E BANDEIRA NASIONÁL (RDTL)Segunda Feira, 3 Agostu 2026 In...
04/08/2026

INSTITUTO SUPERIOR CRISTAL (ISC) POLO MANUFAHI
SEREMÓNIA HASA'E BANDEIRA NASIONÁL (RDTL)

Segunda Feira, 3 Agostu 2026

Instituto Superior Cristal (ISC) Polo Manufahi hala'o ona Seremónia Içar Bandera Nasionál ba primeira semana iha fulan Agostu nian. Atividade ne'e la'o ho solene, nakonu ho respeitu, no partisipa máximu husi estrutura, dosente, no estudante sira hotu iha resintu kampuz nian.

MENSÁJEN IMPORTANTE HUSI INSPETÓR SEREMÓNIA Seremónia ne'e dirije direta husi Kordenadór Departamentu Enfermagem, Sr. Alberto Martins Cham, MRSC, ne'ebé simu knaar nu'udar Inspetór Seremónia. Iha ninia intervensaun, nia hato'o pontu esensial sira ba estudante hotu Aproveita Oportunidade no Tempu la'ós de'it tanba osan, maibé atu forma ema sai ema ne'ebé kualidade.

Estudante sira tenke aproveita duni tempu hirak ne'e ho di'ak,Valoriza no Sakrifísiu ba inan-aman sira-nia kosar-been no sakrifísiu boot ne'ebé sira fó, nune'e labarik sira bele mai eskola no dudu sira-nia futuru.

Reprezentante Dosente ISC Polo Manufahi, Sr. Gaudenciano Pereira da Silva Almeida, L.N.Die., mós hato'o lia-fuan balu ne'ebé importante tebes ba lala'ok akadémika nian,Regula Disiplina ba Estudante Sekundária, Husi loron 3 Agostu ba oin, estudante sira ne'ebé falta to'o dala 3 (tolu) tenke lori Despaxu/Karta Justifikasaun husi Inan-Aman, la'ós ona husi kordenadór sira. Nia mós husu ba professór/a sira atu kontinua akompaña nafatin estudante sira ho di'ak.

Alem de ne'e Orienta mos ba Estudante Estajiadu Enfermagem (Husi Dili), Husu ba orientadór sira atu bimbim no dirije didiak estudante estajiadu sira iha semana ne'e nia laran. Estudante hotu-hotu tenke responsavel ba sira-nia relatóriu individual no mos grupu.

Remata
Media_(isc) Polo Manufahi

INSTITUTO SUPERIOR CRISTAL (ISC) POLO MANUFAHI Instituto Superior Cristal Polo Manufahi hader Aifunan no presta Omenajen...
26/06/2026

INSTITUTO SUPERIOR CRISTAL (ISC) POLO MANUFAHI

Instituto Superior Cristal Polo Manufahi hader Aifunan no presta Omenajen ba Saudozu Eis-Prezidenti Repúblika Demokratika de Timor Leste, Dr. Francisco Guterres "Lu-Olo"

Manufahi_ 25 Junho 2026

Instituto Superior Cristal (ISC) Polo Manufahi organiza atividade hader Aifunan iha kampuz hanesan simbolu ida atu fo Onra, Gloria no respeitu ikus ba Lider historiku ne'ebe durante nia moris kontribui boot ba Luta Libertasaun Nasional, konsolidasaun independensia no Dezemvolvimento Estadu Timor Leste.

Atividade ida nee partisipa husi Funcionariu, Docente, Professor Sekundaria, Estudante Instituto Superior Cristal Polo Manufahi no Estudante Sekundaria Geral Privado (ESGP) Cristal Filial Same. Hamotuk sira hader Aifunan no halo Orasaun ba Alma Saudozu Dr. Francisco Guterres "Lu-Olo", hodi hatudu Solidariedade no gratidaun ba servisu boot ne'ebe nia halo ba nasaun.

Kontinua atividade ne'e, iha loron Sexta Feira, 26 Junho 2026, delegasaun husi Instituto Superior Cristal Polo Manufahi lori Aifunan ba tau iha semiteriu santa Cruz, same, hodi presta Omenajen ikus ba Saudozu Eis-Prezidenti. Atmosfera laran triste no respeitu nakonu iha momentu ne'ebe Komunidade Akademiku halo orasaun hamotuk no hakruuk hodi fo Onra ba Lider Nasional ida ne'e.

Atividade Omenajen ne'e hetan akompanhamento maximu husi Policia Nasional Timor-Leste PNTL Munisipiu Manufahi, ne'ebe garante seguransa no lao diak durante prosesu tomak.

Liuhusi atividade ida ne'e Instituto Superior Cristal Polo Manufahi reafirma nia komprimisu atu haburas valor patriotizmu, nasionalizmu, unidade no respeitu ba lideransa historika sira ne'ebe dedika an ba ukun-rasik an no Dezemvolvimentu povu Timor Leste.

"Deskansa iha Dame, Saudozu Dr. Francisco Guterres " Lu-Olo". Ita nia servisu no sakrifisiu sei hela nafatin iha istoria ba povo Timoroan"

Remata_Media (ISC) Polo Manufahi

INSTITUTO SUPERIOR CRISTAL (ISC) POLO MANUFAHI Manufahi_4 de Junho de 2026 Fundasaun Educativa Cristal selebra loron ani...
07/06/2026

INSTITUTO SUPERIOR CRISTAL (ISC) POLO MANUFAHI

Manufahi_4 de Junho de 2026

Fundasaun Educativa Cristal selebra loron aniversáriu ba dala 42 ho hala'o misa Agradesimentu ida atu agradese ba Maromak tanba grása, bênsaun no susesu sira ne'ebé fundasaun ne'e hetan durante tinan 42 nia Laran.

Misa Agradesimentu ne'e Prezide husi pe. Agustinho Piedade Babo no Participa husi Reitor, Decano FCE, Decana FCS, Korpu Docente, Funsionariu, Estudante no konvidadu sira seluk .

Iha Homilia, Amu selebrante Refleta kona ba Evanjeliu husi Mateus 5:13 ho tema "Imi mak Masin Rai Nian”. Jesus bolu nia disipula sira atu sai influénsia di'ak ba sosiedade fó sabor no valor ba moris ema nian liuhusi domin, respeitu, Onestidade no solidariedade. Mensajen ida ne'e konvida ema hotu atu mantein fiar no valor kristaun sira no sai testemuña moris ba Kristu iha lorloron.

Iha nia intervensaun reprezentante Fundasaun Educativa Cristal hato'o Agradesimentu ba ema hotu nebe'e durante ne'e fó kontribuisaun ba dezenvolvimentu no progresu fundasaun nian. Tinan 42 ne'e konsidera hanesan etapa importante ida ne'ebé hatudu kompromisu fundasaun nian iha área edukasaun, formasaun no dezemvolvimentu rekursu umanu iha Timor-Leste.

Hafoin remata misa solene, Pe. Agustinho Piedade Babo kontinua hala'o serimónia inagurasaun no fo bênsaun ba edifísiu foun ISC polo Manufahi. Serimónia ne'e marka etapa foun ida ba dezenvolvimentu infraestrutura edukativa iha munisípiu Manufahi.

Iha sorin seluk, realiza mós abertura ofisiál ba programa Estájio Pedagójiku no Servisu Sosiál husi Faculdade Siénsia Edukasaun liuliu Departamentu Economia e Kontabilidade , Inglês, sociolojia no Psikolojia.

Selebrasaun Aniversariu ba dala 42 ne'e remata ho momentu konfraternizasaun entre Partisipante sira iha ambiente ida ne'ebé nakonu ho alegria, unidade no espiritu Agradesimentu.

Mensajen prinsipal Evanjéliu

Sai influénsia di'ak ba ema seluk

Mantein fiar no valor kristaun sira

Remata_Media (ISC) Polo Manufahi

INSTITUTO SUPERIOR CRISTAL (ISC) POLO MANUFAHIISC Polo Manufahi sai primeiro Lugar iha debate Sientifiku 2026 iha Komemo...
22/05/2026

INSTITUTO SUPERIOR CRISTAL (ISC) POLO MANUFAHI

ISC Polo Manufahi sai primeiro Lugar iha debate Sientifiku 2026 iha Komemorasaun Loron Restaurasaun Independensia

Iha Selebrasaun Loron Restaurasaun Independensia Timor Leste ba dala 24, Komisaun Organizadora husi Estudante Estajiadu FEG / UNTL 2026 ho apoiu husi Komisaun Organizadora Munisipiu Manufahi realiza atividade "Debate Sientifiku" ne'ebe envolve estudante sira husi IPTL, IBTL no ISC Polo Manufahi.

Kompetisaun debate ne'e hala'o liu husi faze Eliminasaun, semi final no final, ho mosaun sira maka hanesan; Edukasaun, Media Sosial, pena da morte, sistema Ezame Nasional no Faze Final ho mosaun prinsipal maka; "Governo tenki Prioritiza investimentu iha setor Agrikultura duke Dezenvolvimentu turizmu".

Durante debate, partisipante sira aprezenta argumentu akademiku ho forte, kreativu no bazeadu ba realidade Timor Leste. Júri sira halo avaliasaun tuir klaridade argumentu, kapasidade analiza no resposta ba kontra argumentu.

Iha rezultadu ikus, Instituto Superior Cristal (ISC) Polo Manufahi konsege okupa ho Primeiro Lugar depois hatudu performansia ne'ebe diak durante Kompetisaun tomak.

Komisaun Organizadora Hato'o apresiasaun ba instituto no estudante partisipante hotu tamba sira kontribui atu haburas kultura debate no pensamentu kritiku entre Juventude sira iha Munisipiu Manufahi.

Remata_Media (ISC) Polo Manufahi

Endereço

Same

Website

Notificações

Seja o primeiro a receber as novidades e deixe-nos enviar-lhe um email quando Media ISC Polo Manufahi publica notícias e promoções. O seu endereço de email não será utilizado para qualquer outro propósito, e pode cancelar a subscrição a qualquer momento.

Atalhos

Compartilhar

Categoria