24/04/2025
BEMVINDU IHA "AOG 23" TUIR MAI📢
ALTAR of GOD In Timor-Leste 🇹🇱📢💝
The Book of 1Kings 18:30-39
MENSAZEN AOG :
-SE ITA HADOMI NAI JESUS KRISTU, ITA RONA NIA, HALO TUIR NIA HAKARAK NO ADORA NIA!
-ITA NIA FUAN HADOMI NAI MAROMAK TENKE LIU EMA (DOMIN PRIMEIRU, PURU & PERMANENTE)
-ITA NIA FUAN HADOMI EMA HANESAN ITA AN RASIK (DOMIN SEGUNDU, PURU & PROVIZORIU)
-ITA NIA HANOIN BA NAI MAROMAK TENKE LIU EMA (HANOIN PRIMEIRU, PURU & PERMANENTE)
-ITA NIA HANOIN BA EMA HANESAN BA ITA AN RASIK (HANOIN SEGUNDU, PURU & PROVIZORIU)
-ITA BELE LATAUK SEDEIT IHA MUNDU IDANE MAIBE ITA TENKE TAUK NAI MAROMAK NEBE IHA AUTORIEDADE BA ITA NIA ISIN, KLAMAR & ISPIRITU. NAI MAROMAK NEBE IHA DIREITU ALTISMU DESIDI ITA NIA MORIS NO MATE!
-NAI MAROMAK HADOMI ITA FO ITA LIBERDADE HODI HALO DESIZAUN MAIBE HO BAZE LEGAL LEI OU MANDAMENTU 10 TUIR BIBLIA. JUSTISA NAI MAROMAK NIAN UJA LEI NAI MAROMAK NIAN NUDAR HAKEREK ONA IHA BIBLIA.
Daily Reading Bible :
1 Tawarikh 27
Orario :
Sexta-Feira, 25-04-2025
Oras 18.00 - 20.00 (otl)
Fatin iha Dili🇹🇱
Saida maka ita sei halao iha AOG?
✍️Primeiro: deklara Nai Maromak Nia Liafuan nu'udar orasaun ida ba ita-nia an rasik, familia no nasaun.
✍️Segundo: aprende oinsa maneza an atu lee Biblia hahu husi Genesis (Kejadian) too Revelasaun (Wahyu) minimu kapitulu 1 kada loron. AOG promove ema lee Biblia. Kompara ema ida ba eskola nia presija lee livro atu aumenta nia matenek. Ema nebe deklara fiar ba Nai Jesus Kristu nia hatene katak Biblia nee Nai Maromak Nia liafuan nebe moris. Buat barak Biblia bele esplika liliu *DOMIN MAROMAK NIAN BA EMA*, no ita presija iha konsensia (sadar) katak : KADA IIS NEBE ITA DADA NO HUSIK LORLORON NEMAK DOMIN MAROMAK NIAN (Setiap tarikan nafasmu adalah kasih Allah). Ita presija lee Biblia beibeik nune ita kompre lia loos Nai Maromak Nian, ita hatene domin Nai Maromak Nian ba ita, ita nia familia no nasaun, domin Nai Maromak Nian nebe klean, forte, iha poder salva ita tantu moris ida agora no moris rohan laek!
✍️Terseiro mak hahi no Adora (Praise and Worship) Nai Maromak liuhusi muzika sira.
AOG promove ema aprende adora no hanai Maromak, kanta louva no gava Nai Maromak tanba Maromak deit maka merese ita adora. Dala barak ita kanta louva no gava ema ho muzika no lian mesak furak tebes signifika ita mos lahaluha adora no louva hasae ita nia muzika ho lian diak ba Maromak Kriador nebe fo moris nee mai ita. Ema dehan moris dala ida; signifika uja oportunidade nebe dala ida nee ho didiak katak; GOJA MORIS HO MATENEK, SABUDURIA & HAMTAUK NAI MAROMAK! AOG promove ema kanta ho objetivu adora no louva Nai Maromak laos kanta halerik, dada-iis hanesan ema laiha esperansa; liafuan nebe iha muzika liafuan nebe nakonu ho Esperansa, Fiar, Forsa, Korazen no ema sente katak laiha buat ida susar wainhira ita hakarak halo tuir Nai Maromak Nia liafuan. Ita adora Maromak laos liafuan nebe halo ema sente hanesan vida mate, desperadu, tauk, lakon esperansa, lahatene atu ba nebe no lahatene atu halo saida e mais pior muzika balun halo ema sente tauk hatutan moris ba oin tanba sente mesak & hakarak hakotu iis, afinal Biblia dehan Nai Maromak sempre hamutuk ho ita too ita nia vida remata ou se ita moris naruk too mundu remata loron Maranata!
✍️Kuatru mak Orasaun. AOG promove orasaun nebe mai hasoru Nai Maromak ho objetivu husu Nai Maromak Nia diresaun (minta tuntunan Tuhan) ba problemas hotu nebe ita ema hasoru. Laos mai atu ezizi Nai Maromak (menuntut Tuhan ikuti apa yg kita mau), exemplu: orasaun laos dehan ; Maromak hau hakarak Maromak tenke halo idane ou ida neba, kuandu buat nebe ita hakarak la akontese depois ita komesa deskonfia Maromak e balun komesa lafiar Maromak, balun tauk fiar Maromak tanba tauk Maromak la ajuda nia. Afinal ita hatene katak: laiha buat ida defisil ba Maromak maibe Maromak iha ona planu ba ita no ita nia parte buka hatene oinsa kumpri Nai Maromak Nia planu no hakarak nee ba saida deit mak ita infrenta tanba Maromak sempre iha solusaun ba problema saida deit mak ema hasoru tuir Nai Maromak Nia hanoin rasik. Ema hotu iha esperensia idane. Tan nee, lialos konaba orasaun mak HUSU MAROMAK NIA DIRESAUN. Tanba iha momentu ita hasoru problemas difisil balun ema sedeit labele halo buat ida, uniku Maromak mak bele rezolve. Ema nebe hatene diresaun nia sei hatene oinsa maneza nia problemas sira hotu ho fuan nebe pas sempre konfia Maromak. Ita aprende idane so iha deit AOG.
Semak bele tuir AOG?
Resposta mak: AOG nakloke ba ema hotu ba timor oan sira hotu liliu ba Joventude Foin-Sae sira. AOG mos nakloke ba Inan/Aman sira, Servidores tantu iha Igreja, Governo & Sosiedade Civil. AOG nakloke ba publiku (Kristen/Non Kristen). Tanba Fiar diferente ho relijiaun, hanesan mos Salvasaun pertensi ba ema idaidak nian, Biblia dehan: maun-alin & familia sira labele salva malu.
Hotline :
Contact : +670 73070336
E-mail : [email protected]
Website : www.adrh.academy
Youtube :
1). https://youtube.com/
2). https://www.youtube.com/
NV Media
NV’E SONGS
Maranatha Podcast
