ALOLA Teacher Training

ALOLA PARTISIPA IHA FEIRA DO LIVRU – OECUSSE IHA AMBITU KOMEMORASAUN LORON RESTAURASAUN INDEPENDENSIA RDTL BA DALA XXII.

(Alola Media/Oecusse) Fundasaun Alola liu husi ekipa programa Edukasaun partisipa iha Feira Livru ne’ebe organiza iha ambitu Iha ambitu Komemorasaun Loron Restaurasaun Independensia RDTL ba dala XXII. Feira do Livru ne’ebe halo iha Lifau-Raeoa hahu husi loron 13 fulan Maio to’o loron 20 foti tema sentral maka “LIVRU NU’UDAR JANELA BA MUNDU” no bele realiza tanba iha serbisu hamutuk entre Presidente Autoridade ho Ministério da Educação.

Hanesan parseiru ida husi Ministeriu Edukasaun, Fundasaun Alola orgulhu tebes bele koloka ekipa ida atu bele apoio promove importansia husi abilidade lee sedu liu husi eventu Feira Do Livru, Lifau-Oecesse. Liu husi ekipa Biblioteka Haleu ne’e, Alola fo opurtunidade ba labarik sira atu hetan asesu livre ba livru istoria ho titulu oin-oin inklui animasaun no jogu oin-oin.

Rogerio Carvarinho da Costa nu'udar ekipa husi Biblioteka Haleu Alola durante anima labarik sira durante eventu Feira do Livru – Oecusse sente kontente tebes bainhira haree labarik estudante barak bele partisipa no hetan asesu ba livru ne’ebe Alola fornese.

“Kultural lee ba labarik sira ne’e importante atu sira bele sai matenek no hatene mundu”, Rogerio hateten.

Partisipasaun regular husi ekipa Biblioteka Haleu Alola iha eventu nasional Feira do Livro inklui iha RAEAO no fatin seluk laos deit bele motiva komunidade no labarik sira atu suporta liu-tan edukasaun inisiál maibe mos sai xave atu hadia kualidade edukasaun iha Timor-leste.

“Obrigadu ba estudante eskola sira bele visita Alola nia fatin iha Feira do Livru Oecusse no espera katak alin sira bele kontente no aprende husi livru ne’ebe ami oferese”, aumenta Rogerio Carvarinho da Costa’.

Konsensu globál hatudu katak Edukasaun ne’e iha kbiit atu transforma individu sira-nia moris. Edukasaun sai nu’udar sentru ba dezenvolvimentu nasaun ida nian. Ba Timor-Leste, setór Edukasaun iha knaar importante atu prepara ho didi’ak ema Timoroan ne’ebé kualifikadu atu dudu nasaun ne’e ba oin. Buat ida-ne’e sai nu’udar interese nasionál, ne’ebé ezije abordajen olístiku iha nivel sira hotu-hotu.

Fundasaun Alola nu'udar organizasaun feto ho lema "Feto Forte Nasaun Forte" tau area edukasaun hanesan prioridade importante ida atu bele haforte feto nia estatutu, feto nia partisipasaun no feto nia lideransa. Liu husi programa edukasaun, Fundasaun Alola fasilita atividade le’e ba estudantes no labarik sira iha komunidade liu-liu iha area remotas liu husi projeitu ho titulu BIBLIOTEKA HALE'U atu sira iha asesu informasaun ne’ebé relevante. Ida ne'e dalan ida atu bele hadi’a no hasa’e kualidade edukasaun komunidade nian.


Kirsty Sword Gusmão - Fan Page José Ramos-Horta FONGTIL Dulce de Jesus Soares - Ministra Educação RDTL Inacia Tamele Primeiro-Ministro RDTL: Kay Rala Xanana Gusmão Radiu Atoni Lifau Oe-Cusse Oecusse city

ISTÓRIA ESTRAORDINÁRIU ALOLA: HAFORTE MORIS INAN NO LABARIK SIRA – HAFORTE NASAUN.

(TT-ENG-PT-BHS)
Liu husi kompromisu, dedikasaun, servisu maka'as no sakrifísiu durante tinan barak nia laran, Fundasaun Alola haka'as an atu kompleta ninia misaun, hodi halo mudansa ba inan no labarik sira-nia moris. Obrigadu ba parte hotu-hotu ne'ebé kontinua fó sira-nia konfiansa atu servisu hamutuk ba objetivu ida de'it, hametin komunidade lokál sira, liuliu ba inan no labarik sira iha aspetu oioin.
--------------

THE AMAZING STORY OF THE ALOLA: STRENGTHENING THE LIVES OF MOTHERS AND CHILDREN - STRENGTHENING THE NATION.

Through commitment, dedication, hard work and sacrifice over the years, the Alola Foundation strives to complete its mission, bringing change for a better life for mothers and children. Thank you to all parties who continue to give their trust to work together for one goal, strengthening local communities, especially to mothers and children in various aspects.
---------------

Através do empenho, dedicação, trabalho árduo e sacrifício ao longo dos anos, a Fundação Alola esforça-se para cumprir a sua missão, trazendo mudanças para uma vida melhor para mães e crianças. Obrigado a todas as partes que continuam a confiar para trabalharmos juntas em prol de um objetivo, fortalecendo as comunidades locais, especialmente mães e crianças em vários aspectos.
----------------

Melalui komitmen, dedikasi, kerja keras dan pengorbanan selama bertahun-tahun, Yayasan Alola berupaya untuk menyelesaikan misi yang diembannya, membawa perubahan bagi kehidupan yang lebih baik bagi Ibu dan Anak. Terima kasih atas semua pihak yang tetap memberikan kepercayaannya bagi untuk bekerja bersama demi satu tujuan, penguatan komunitas lokal terutama bagi ibu dan anak dalam berbagai segi kehidupan.

Mensajen importante ba Koordenadór EBF sira
Uma mensagem importante para os Coordenadores das EBFs públicas:
Em anexo, encontram-se o aviso e o formulário

PARABENS BA LORON MUNDIAL BA LIVRU, MATENEK SEI MOSU BAINHIRA LABARIK SIRA HOTU IHA ASESU DIAK BA LIVRU.

(Alolamedia) Labarik sira hanesan futuru nasaun nian responsabilidade ita hotu nian oinsa sira bele hatene lee no hatene hakerek liu husi livru ne'ebe sira iha no asesu, tantu iha eskola no fatin publiku sira.

Livru hanesan material esensial liu iha eskola ensinu baziku tamba fo fundasaun ida ba labarik sira atu bele aprende atu nune’e bele sai baze forte ida ba sira kontinua sira nia estudu ba nivel seluk.

Esperiensia hatudu katak labarik sira ne’ebe pasa husi segundu ano ba terseiru ano maibe lee seidauk hatene iha difikuldade boot ida atu kontinua sira nia estudu ba oin tamba ba oin sira komesa aprende siensia oin-oin. Kapasidade husi profesores no inan aman sira sei sai xave importante atu bele lori labarik sira aprende ho diak liu husi livru. Ita tenke iha koragem diak atu tulun labarik sira lee livru.

Livru inklui livru infantil hanesan livru ida simples tebes maibe iha funsaun importante tebes atu lori labarik infantil sira aprende le'e, konese ba sasan sira , konese animal no konese tan buat barak. Livru Infantil nu'udar odamatan ida ba sira atu bele matenek no konese mundu. Iha periodu ida ne'e, funsaun eskola infantil no profesores sira importante tebes atu lori hanorin labarik sira ho pasiensia ho kreativu oinsa labarik sira bele konese lalais alfabetu no material oin-oin. Liu husi livru Infantil sira ne'e labarik sira bele dezenvolvimentu diak liu tan.

Ita hamutuk bele tulun labarik sira atu bele aprende diak prepara sira atu bele sai lideransa Timor nian iha futuru.

Parabens mos Loron Mundial ba Livru no ita espera katak ita hotu, inan aman sira, profesores sira no komunidade bele kria kondisaun ne'ebe diak atu ita nia labarik sira bele estuda diak liu tan, liu husi livru ne'ebe sira asesu, liu husi pasiensia husi inan aman sira durante hanorin sira nia labarik iha uma. Nudar inan aman, ita iha responsibilidade boot ba edukasaun laos deit fo todan ba sistema edukasaun formal maibe mos involve iha edukasaun uma laran.

Feto Forte, Edukasaun Forte no Nasaun Forte.

Photo : atividade programa Edukasaun Alola ba projetu Biblioteka Haleu.