Núcleo De Geologia e Petróleo 2024

AVIZU 📌

Saudasões Komunidade Akadémika Departamentu Jeolojia no Petróleu(DJP), Fakuldade Enjeñaria Siénsia no Teknolojia(FEST)- UNTL nian.

Bom Domingu.

Iha biban kmanek ida-ne’e Núkleu Estudantíl períodu 2024-2025 ne’ebé hamahan-aan iha Departamentu Jeolojia no Petróleu(DJP) nia okos hakarak informa no fó hatene katak daudaun ne’e ita iha ona kandidatura ba eleisaun Estrutura Núkleu foun ba períodu 2025-2026 nian ne’ebé kompostu husi kandidatura rua husi kontijente 2023.

• Denilson Fernandes , kandidatu 01 (PAKOTE DINÂMICA), maka estudante ativu kontijente 2023 husi Departamentu Jeolojia no Petróleu, daudaun ne’e semestre V.

• Joajinho Asten de A. da Costa Barros, kandidatu 02 (PAKOTE ANOMALIA), hanesan mós estudante ativu kontijente 2023 husi Departamentu Jeolojia no Petróleu, daudaun ne’e semestre V.

Ho nune’e Núkleu Estudantíl Departamentu Jeolojia Petróleu 2024-2025 nian ho ksolok husu ba estudante hotu-hotu husi Finalista to’o iha estudante ativu kontijente 2025 atu mai ezerse direitu de votu, festa demokrásia, Eleisaun Estrutura foun Núkleu Departamentu Jeolojia no Petróleu(NEDJP) períodu 2025-2026 ne’ebé sei akontese iha :

Data : 14 Jullu 2025
Oras : 13h: 30 m to’o remata
Fatin : Sala L1 Departamentu Jeolojia no Petróleu.

NIA DIREITU NIA DEVER TENKI VOTA HO KONSIÉNSIA.

NÚKELU ESTUDANTÍL DEPARTAMENTU JEOLOJIA NO PETRÓLEU

“ UNIDOS JAMAIS SERÃO VENCIDOS ”
Hera, 13 Jullu 2025

.

Hera, 10 Juñu 2025 estudantes husi kontijente 2022 Departamentu Jeolojia Petróleu(DJP) nian prepara aula online/virtual liu husi kolaborasaun ho profesór Florentino Soares Ferreira, BSc (Hons) MS PGEM, nu’udar profesór responsável ba dixiplina Jeolojia Rezervatóriu. Atividade aulavirtual refere hala’o iha auditóriu Fakuldade Enjeñaria, Siénsia no Teknolojia(FEST) nian.

Aula virtual Ida-ne’e kombina husi profesór Florentino, iha ne’ebé liu husi meiu plataforma online aproxima partisipantes sira ho péritu internasional professor David Haig, BSc. Phd Qid University of Western Australia, nu’udar oradór ne’ebé aprezenta matéria valiozu ho Tema “Timor Tectonostratigraphy” prinsipalmente kontekstu tektóniku i estratigrafia Timor nian.

Durante sesaun aprezentasaun, oradór profesór David hakle’an esplikasaun foka ba iha subtópiku prinsipal sekuénsia estratigráfika Timor nian hanesan :

1. EGIRA( East Gondwana Interior Rift Association );

2. TSPA( Timor Scot Plateau Association ) ;

3. OO-BA( Overthrust Ocean-Basin Association ;

4. OTA( Overthrust- Terrane Association.

Final husi aprezentasaun estudantes inklui dosente entuziazmu hodi husu perguntas ne’ebé relevante ho matéria aprezentasaun. Oradór taka aprezentasaun hodi hatán ba hahusuk sira hotu i ikus insentiva no motiva estudante ativu i finalista sira hotu atu-hodi projeta estudu ligadu ho kontestu tektonoestratigrafia Timor nian, nu’udar alternativu diak ba projetu final Jeosiensia nian iha Departamentu Jeolojia no Petróleu. Sorin seluk profesór Florentino mos aproveita minutu ikus hodi ekspresa gratidaun ba profesór David Haig ninia disponibilidade i koalia konabá planu koperasaun futuru hamutuk ho profeór Haig inklui péritu sira seluk.

Partisipa iha aula virtual ne’e profesór responsável disciplina, Dosentes departamentu nian, alumni/ae, finalistas inklui estudantes ativu Departamentu Jeolojia no Petróleu nian.

Fim.

⚒️“GEÓLOGOS UNIDOS, JAMAIS SERÃO VENCIDOS”⚒️

📢📢

Saudasaun Familia bo’ot estudantes, alumnaes no staff Departamentu Jeolojia no Petróleu(DJP).👋

Iha biban murak ida-ne’e, Núkleu Estudantíl Departamentu Jeolojia no Petróleu(sigla portugés NEDGP) ne’ebé hamahan-aan iha Deprtamentu ninia okos liuhusi Komisaun Organizadora ba torneiu GEO-PET FUTSAL CUP 2025 kontenti atu konvida estudante ativu hotu departamentu Jeolojia no Petróleu nian husi Kontijente 2021 to’o ba estudante admitidu 2025 nian atu partisipa iha atividade ekstra-kurikular torneiu futsal períodu 2025 nian.
Konvida mós Alumnae sira hotu DJP nian inklui staff departamentu nian atu-hodi harame no hametin lasu amizade entre estudantes no entidades hotu departamentu nian.

Ita mós loke oportunidade rejistraasaun ba ekipa feto husi Departamentu haat seluk : Civíl, Elétrica Eletrónica, Mecánica no Informátika.
Ba informasaun klaru asesu brosura rezumidu tuirmai.

Mai no Rejistu ita nia ekipa mane no feto.

KOMISAUN ORGANIZADORA GEO-PET CUP 2025;
NÚKLEU ESTUDANTÍL DEPARTAMENTU JEOLOJIA NO PETRÓLEU.

SOON⚽

Congratulation Team.🎉👏

Bom jogu Equipa 📌✊

.*

GGeologia e Petroleo 2019GGeologia e petroleo 2021@followers

MATCHDAY 2 🆚 FC NAVAL
📌 18 Marsu 2025
🕰 18.00 PM
🏟️ KAMPU QUARTER GENERAL FATUHADA, DILI

Mai suporta ita nia ekipa iha jogu daruak kontra FC Naval

FECT hetan apoiu finanseiru husi Operador Telkomcel
#️⃣

Midia AAE-FECT: Divizaun Informasaun

semua orang
Associação Dos Estudantes De Engenharia Mecânica
Núcleo Estudante de Engenharia Civil, FECT
Associação dos Estudantes Departamento de Engenharia Eletrónica e Elétrica
Mídia Núcleo de Estudante de Engenharia Informática
Núcleo De Geologia e Petróleo 2024